亞婆豆腐花

Open Now

Now Closed

朋友極讚，于是再次嘗試，但仍是同感：不夠滑，豆味亦不夠濃，而且太貴，8蚊堂食，9蚊外賣，很小的一碗。其他同等質素的店舖都不如此貴，唯一最好的是四眼哥哥好有禮。不會推薦給別人

今日同好紙美喺呢頭閒盪,路經此地~見有班人喺聚集.8掛抬頭望下~阿婆豆腐花~聽過個名好耐,但一直都冇咩機會試~紙美見咁環境話想去襯下熱鬧所以排埋一份~哈~~舖頭真係好細,一眼睇晒坐唔到10個人,有唔少人都係買外賣我地迫左入去坐下~可能係老字號,所以枱櫈都殘殘地~好有古老感覺~乜都唔洗睇,因為冇其他野可點,服務員哥仔都只係問左句''要凍定熱''...最後叫左兩碗熱的~我個人覺得熱的豆腐花先食到香滑...唔洗30秒就上枱~雖然話係熱,但係唔會出晒煙,加左少少黃糖,添加點甜味,豆腐花一入口又香又滑~留唔住喺口中已經流左入食道...雖然有少少熱咀,都會令人忍唔住再食多啖~果然係名不虛傳!!簡簡單單又有風味!!由排隊到埋單走成個過程都唔洗10分鐘,平平地令人感覺好滿足!店舖本身冇洗手間設備~要解手的話都唔知應該去邊到好...唔係地胆都唔識搵~!唯有忍耐一下,搵個好地方解手了總括黎講..簡簡單單價廉物美~飽肚就走~遊盪充電的好地方~

難得來到大埔, 當然要去食呢間好出名既豆腐花啦!好彩今日不是假期, 排隊的人比較少, 我都係等左一陣就買到喇!我今次叫左碗凍既來食, 豆腐花十分滑溜, 而且豆味香濃, 十分好食, 真是夏日的消暑良品呀!

位於大埔舊墟既亞婆豆腐花, 雖然鋪頭細細+堂食位得三/四個, 但多數人都會企係鋪頭前方"立食" 豆腐花 $8/碗 (冷熱同價), 外賣$9/碗, 配上糖漿同/或糖粉本人覺得熱豆腐花堂食係最好 熱騰騰豆腐花幼滑有豆味,加上用瓷匙同瓷碗, 倍覺滑溜,  糖粉份量可自己加,調配自己喜愛既甜度, 整體味道口感好 總結:經過可以一食

我好喜歡食豆腐花，這間的豆腐花非常之出名，所以我都去嘗試食左一次，味道好有豆香味，食落又十分之香和滑，我個人就會下少許糖，因為太多糖會甜，影響豆腐花本身的味道。而價錢方面都算平，可能環境問題。因為店舖面積不大，因而沒有座位，每位客人一是外賣自取回家慢慢品嚐，一是站在街上吃。我個人就不喜歡在街吃東西。試過一次買回家食，味道就一般，因為出左少許水。

假期完結前，與友人計劃到大埔滘郊野公園看紅葉。結果是，紅葉有好多，不過全部都是在地下，大概是來遲了。不過偶而到郊外走走，與友人聊聊天，感覺還是挺不錯的。行完山之後，友人帶我到了在大埔墟很出名的亞婆豆腐花試試。甫到店門前，果真名不虛傳，顧客turnover很高，但依然人龍不絕，店舖內只有三，四個座位，因此大多顧客都是站在店門前吃的。吃一口，豆腐花$7質感滑嫩，豆味濃郁。冬天時份，手腳是冷冰冰的，而捧著的豆腐花是暖呼呼的， 曬在面頭的黃糖隨豆花的温度漸漸溶化，為豆花增添一份甜氣，這是幸福的。只是兒時，小妹吃慣有薑味的熱豆花，先入為主下，小妹認為若然面前這碗豆花能加點薑水，那就無可挑剔了。店內同時有售賣豆漿(支)$9及腐乳(細)$18，難得到訪，小妹也買了豆漿及細腐回家孝敬父親。豆漿的豆味同樣香濃，甜度適中，喝下很順。喝罷，口腔中還停留著憂憂的豆香，更不會感到有甜溢味，推介。至於腐乳，感覺製法天然，比起在超市買到的腐乳，其酒氣和豆味都較為濃烈，口感如忌廉芝士般，入口軟綿細膩，配飯來味，確是一流。只是腐乳腔的父親認為，腐乳存放時間不夠，腐乳味道欠了點霉香。還拿了自已的珍藏腐乳作比較，輕嘗一口，

難得係大圍踩單車去到大埔，當然要發掘吓有咩好野食。經過亞婆豆腐花，見到幾好生意，不停有街坊買豆腐花食。亞婆就見唔到, 但就有幾個後生仔好落力咁賣豆花。鋪頭入面只有幾個位比人坐，有人就咁企係鋪頭出面食，相信豆花質素應該唔錯，因此決定試試。一食落口果然有驚喜口感非常軟滑, 而且非常熱辣辣, 熱到辣口, 證明係新鮮整起。食落口每一啖都散發住清香既豆味, 感覺好天然好清新。值得一提既係佢既黃糖非常幼細，食落口並唔會食到一粒粒，一啲都唔會"鞋"口。香滑既豆花再加細滑既黃糖係口入面慢慢溶化, 實在係味覺一大享受。8蚊除左食到一碗香滑純正既豆腐花, 仲附送一種幸福既滋味。係繁華喧鬧既香港, 你又有幾耐冇試過呢?

路經大埔，決定再訪「亞婆」！只見門外沒有排隊的人龍，可算幸運了！小舖沒有亞婆賣豆花，改由年輕人主理。二話不說，年輕人把碗子端到枱頭，每片豆花都是薄薄的，我隨意加上少許黃糖，拿起碗子，站在舖外吃。豆花夠熱，而且質感軟如棉，入口滑溜不太甜，淡淡豆香充斥著喉嚨，值得推介！

甜到牙痛又無豆味@大埔阿婆豆腐花大埔大光里2A地舖踏單車要中途回一回氣,見店外圍了很多捧著碗吃豆花的人,$14 2碗就買來止渴賣光了凍的, 只好硬著頭皮在三十多度的烈日照射下吃熱的糖水太甜, 甜到牙痛的一個程度,我本身只加了很少紅糖。幾滑的但零豆味......... 得個甜味不吃也沒有損失!沒什麼層次, 真正好味的是在滑落喉時會有股黃豆的香散出......人家說口渴時有水份的東西都會變靈丹妙藥,但絕對令人後悔且失望的一碗豆花百福都好味過佢!

天氣悶熱成咁😷最岩去食啲消暑既野😋所謂消暑既野並唔係啲咩西瓜呀雪糕呀，而係大埔墟既亞婆豆腐花！今次去叫左碗凍冰冰既豆腐花，夠哂消暑啦😌個度啲豆腐花真係超滑，又有好香既豆味，食完個口又唔會澀，之前食過啲豆腐花食完成個口勁澀⋯

炎炎夏日，最好吃點消暑、令人涼快的東西。這天和友人特地來到大埔遊玩，也特地來吃碗馳名豆腐花。店鋪前站滿了不少吃着豆腐花的顧客，但我們也很快把豆腐花拿到手。非常香滑，豆味濃郁，值得一試。

小鋪剩係賣豆腐花同豆漿, 仲有賣幾隻醬料熱豆腐花 (應該係除左o係大澳之外食過最滑既豆腐花, 雖然唔係太濃不過都叫富有豆味, 最緊要真係超滑, 黃糖甜度亦岩岩好, 好正)

可能太出名，所以抱有期望，但結果卻很失望。無可否認，這裡的豆腐花的確很滑、很滑，但除此之外，就只有淡淡的甜味（並沒有另加黃糖），完全沒有豆香，完全沒有豆味，吃完也不感到自己吃過豆腐花。

住附近的我，經常幫襯，十年來都是身在福中唔知。近日四處交遊，試盡什麼山水豆腐花，有機豆腐花，無論如何都不及這裏的好，除了質素好，別無他選外，還有十年來的街坊情感，加油呀，亞婆。

每次黎親大埔墟都會食亞婆豆腐花, 唔食總係會爭咁D野咁, 佢D豆腐花夠滑, 有豆味, 唔似人和豆品咁冇豆味, 加埋薑汁糖水落去又有另一番風味, 要留意有時佢好早收, 賣哂就收舖嫁啦!!