人間有情粉麵專家 (Closed)

去太子整頭前黎先呢度食個午餐;呢間餐廳真係包羅萬有,門口有小攤位賣糖,地下食粉麵,樓上雅座係西餐廳,以我性格係鐘意更上一層樓多d。樓上地方唔太大,但都有間玻璃VIP房,入面仲有唔少藝人簽名;自己坐係玻璃窗旁,景觀雖然麻麻,頭頂係天橋,對面係馬路,但都算係開揚。呢度d餐價幾特別,有分主菜只跟湯或飲品,或者湯、飲品兩者皆有,有樣更特別:餐包要加錢至有?!羅宋湯唔太濃,個人覺得有d清添,蔬菜都ok多,最特別係湯入面加有煙肉,所以味道同一般羅宋湯係唔同;因為無加錢,所以無包食。水牛城汁雞扒意粉:雞扒煎得金黃香脆,味道唔錯,起碼無雪味;意粉較幼身但又唔係天使麵,煮得唔太淋,收貨!水牛城汁味道食落都真係算辣,個人覺得好似用茄汁加泰式雞醬混合,味道都過得去,但汁既份量太少,只夠雞扒用,可以多少少就更好;配菜係水煮青瓜、甘筍,味道清淡夠晒健康。凍檸蜜罕有地唔再需要額外加錢,而且又夠大杯!蜜糖份量好夠,飲到西洋菜蜜味道,抵飲!服務方面算唔錯,有位上年紀先生好有禮貌,每個客人離開都會溫馨提示: 小心樓梯!!呢度有樣最好係免加一免小費,的確可以為客人慳唔少,真的"人間有情"!

4月9日，15:00植物論壇的AV版，在這裡舉行AV展。一眾三十人，包了二樓的party room，17:00 要交場，但因有客人未離去，我們在15:15才可正式入坐。參加者必需在這裡吃下午茶餐，要了吉列石斑、多士配齋咖。石斑：有點怪味，多士正常。咖啡：無驚喜。歡樂的時光總是過得特別快，16:50 店員已開始提醒我們交場，大家祇好立即收拾至愛小盆栽離去，但發現樓下，客人稀少，真想問句為何不賣個人情，讓我們慢慢收拾行裝。但話分兩頭，那些侍應都很nice。

一日出開太子, 見到呢度有間餐廳--"人間有情". 我幾喜歡呢個名, 給人一種溫暖的感覺, 加上之前又未幫襯過, 於是就試下.餐廳入面偏黑, 算幾有格調, 呢點我都幾喜歡.叫左個香草羊扒, 味道可以, 不過要$120, 加上只得四舊仔, 男仔始終覺得唔抵食, 或者我唔應該點羊扒.感覺唔錯, 會有下次.

我昨天剛剛行到太子.有點納悶.想找間coffee shop.比我搵到呢一間.而我係想試好耐的"人間有情"我試完發覺不是之前幾位食評講得咁差.我係試左個tea set.而我其實已過左tea set既時間. 應該係開始set dinner.但我又食唔到dinner 咁既份量.咁waitress都有供應我tea set meun.冇趕我走......都算有點人情味.又冇d 眼色我看.我叫左個set 有杯柑桔蜜茶加個朱古力慕絲.柑桔蜜茶.不錯,又不甜......good(因為仲有兩聲咳)朱古力慕絲.......入口即溶.幾好. 比我既口感不錯.我覺得仲有樣野係佢有happy hour 同酒吧既感覺.不錯.可以一試

以前同朋友食過一次記得係下午三點左右叫左個lunch set吉列豬扒飯,配南瓜湯,另外加左個焗芝士肉醬鮮菇個吉列豬扒飯d咖哩汁不錯但係d豬扒就乾身同油左dd同埋我呢個南瓜迷都嫌個南瓜湯滯口係個芝士肉醬鮮菇好味但因為係散叫所以都唔平以下午茶時段黎講真係唔抵食係個環境靚咋!

一日放工，有點累，與同事到此餐\廳吃晚飯，貪其方便舒適，亦可快點回家餵貓．．．<br />坐下落ORDER，二十分鍾過去，未見任何蹤影，眼望望侍應，她們終於放下麵包，吃完麵包，仍未見餐\湯，再十分鐘，終見頭盤．再二十分鍾，主菜黑椒牛柳來了，我們表示未見餐\湯．<br />我們堅持要餐\湯到了才上主菜，五分鐘望穿秋水，終見餐\湯；又十五分鐘，終見主菜之一：意粉，但黑椒牛柳又失蹤了，再十多分鐘，此時我們的頸己長了起碼一尺．．．<br />吃完主菜，是甜品的時候了．．．我們趁甜品未至，先ORDER埋單，因為，我們等得怕了！<br />果然，埋單的速度是最快的．．．<br />甜品始終珊珊來遲．．．未見終影．．．我們最後甜品也放棄了，一肚子氣的走了．．．<br />由六時十五分進餐\廳，我們八時二十五分才去走到出來，若非平日午餐\經常光顧，我真以為自己去錯了法國餐\廳．．．自此以後，我也不敢幫襯了．．．<br />因為那晚，我還要乘的士趕回家餵貓．．．又損失一百大元．．．<b

d食物真係愈來愈唔掂，話說本小姐叫左個煙鴨胸配鵝肝，d鴨胸鹹到死，鵝肝又硬又苦，好心間餐廳無能力整d高難度食物就唔好學人攪到咁high

還境同服務可算區內見得人的一間，所以經常冷冷清的還是有幾枱似用商務午膳的客人。可能因為這原因，無論食物及價錢都模仿著高級餐廳。可惜店主眼高手低，$100左右一個鴨胸肉套餐，可以難食過茶餐廳任何食物。事實上，其他食物都只屬平民食市質素，店主何不老老實實做得大眾化一點。

小口君，不敢冒犯，亦非對人間有情有所偏愛，但君可知食物自食道至大腸需時若干？汝友埋單所感之肚疾似無關於人間有情。

叫了個牛扒餐配薯菜薯菜既然是雪凍,冰的上鐵板上吾通要用鐵板的熱力幫薯菜解凍?廚師請打醒留神吧!服務態度不錯!態度親切!

早一日book位,所以唔使等就入得.7:30 上到去,都唔係好多人,吉吉地.因為情人節,得set meal,冇其他得揀.冇所謂,都預左.一開始,會倒杯餐酒同水一杯.好快就黎starter,類似大蝦沙律的東西,但少沙律油,幾清,蝦都幾鮮.湯有南瓜湯and金必多魚翅湯.幾好味,前者夠濃,後者夠清主菜3揀1,有羊架配鵝肝,香蒜龍蝦and 牛. 我地2個都要羊架配鵝肝.mmm....羊架味道ok,但冇驚喜,鵝肝唔夠油同香.差D.甜品得朱古力慕絲,有黑亦有白.仲係心形的.賣相不俗,但麻麻好味.P.S 佢地會送張心意卡and同couple影張相(free)每人$268,加一,即係$300.都預左唔太平,但味道一般左D

味道: 只有麵包好! 一開始, 周打魚湯極淡如水; 南瓜湯難飲; Ceaser Salad 普通; 三文魚長通粉冷冰冰冇汁, 長通粉很硬; 德國咸豬手微溫, 冇味+太“淋”, 似出於師奶之作. 芝麻mousse餅和Tiramisu簡直是敷衍客人, 很難吃又超迷你(沒所謂啦, 咁難吃), coffee難飲.服務: 侍應冇記性, 又太緊張趕住收走d碟. 侍應們又顧閒聊, 忽略客人呼喚. 食的中途, 隔離桌客人責罵侍應—因侍應弄跌隻叉落地, dirty了, 但侍應竟然又拾回上客人桌! 之後再complain其他事情to manager. 他們說咁既服務令他們覺得這餐很貴(me too, 不值). 抵食: 完全貴!! 因為d食物+服務太太太太太太差了! 完全不值得! 令我趕住想走!乾淨: 埋單後, 我朋友十分肚痛, 趕去肚痾. Too bad!!!!!!!環境: OK但太迫

平時經過見到呢間野好似幾好feel,裝橫唔錯,有日學校放lunch, 就同d 同學黎食~我叫左個set lunch "雞柳果汁幼麵" $32個餐湯南瓜湯上得略慢,但還可接受, 個湯好濃,啖啖南瓜茸, 配埋個?飽蒜茸多士, 好美味但個main course 就等死人係三催四請既環境下終於送到~而我地得返10分鐘去解決個lunch唉, 我碟野黎個陣竟然係暖ge...我同學仲慘,佢地既"豬柳飯"$32 係凍ge...得一位點既焗飯(焗德國腸飯$38)熱騰騰...味道非常普通, portion 又細, d 飯得半碗size 到, 我地d 男同學點夠食, 好彩有之前既湯撐住胃,唔係實好快餓開頭個湯同飽俾到好高impression 我地, 點知原來虎頭蛇尾, 可惜可惜

多國美食共冶一爐既西餐廳，有日式、泰式及美式可選。招牌菜係炭燒漢堡飽，味道都唔錯，以安格斯漢保牛肉漢堡為例，咬落有肉汁從嘴角滲出，唔會烤得太乾，好食！但漢堡飽既size 只係同老麥差唔多，連薯條及餐湯就要成一佰蚊（鰻魚堡及魚柳飽都差唔多價錢〕，真係貴o左少少，試一次就夠。其他出品就以鰻魚炒飯較特色及好食。環境地方較為細，但最近裝修，擴充至兩層，希望有一番新景象。

蒜蓉包、什菜沙律同\湯都幾好！ <br>龍利柳漢堡- - ok la~ <br>日式鰻魚炒飯-- 鰻魚唔錯、只略嫌醬汁唔夠多~ <br>