何俊記

Open Now

Now Closed

上一次講到吊命午餐食得飽之餘，都要選擇自己適合的口味，今次叫呢個炒麵係由香港人發明，應該唔會係屋企做到，多數要係茶餐廳或者酒樓先會食到麵底半煎半炸到香脆，配上肉絲芽菜芡汁，令麵質保持軟身，做到好食真係好考功夫

燒臘店舖出品的燒臘食品好食就不用多提及，呢間店舖簡直係我的中午飯堂，由疫情開始幫襯到現在是後疫情時期，除左有燒味飯食之外，店鋪有賣小炒粉麵，今次叫了這個午餐外送米粉炒得有獲氣，仲可以食到厚肉火鴨肉絲，加埋例湯同飲品，價錢經濟又實惠還有大量款式選擇

去上水探婆婆諗住順手買定燒味飯上去同婆婆一齊share 食見網上食評話何俊記既燒味幾好食·何俊記位於上水石湖墟新街市頂樓嘅熟食中心裏面上到熟食中心見到好多餐廳人頭湧湧見到河津幾多幾多人幫襯外賣都好多人等叫咗一個叉燒燒肉飯多汁等咗5至10mins左右就可以拎外賣•返到去打開盒飯比盒飯嚇親叉燒個顏色好似紅腸咁叉燒薄切但份量都算多望落去已經好乾柴冇咗叉燒嗰種油脂咁同埋冇咗叉燒查左蜜糖嗰種令立立嘅感覺食落係真正嘅乾柴烈火燒肉有五舊左右完全冇咗燒肉肥瘦相間嘅感覺識落同叉燒一樣乾柴而且舊燒肉係冇味嘅然後叫咗多汁嘅飯底只有角角既一撻汁中間係完全無色水可言成燒味飯最欣賞嘅就係佢飯煮得幾好同埋有椰菜唔明點解咁多人讚😅

中午醫肚，街市熟食中心有好多選擇，今日傳統d叫左個叉燒燒肉雙拼。叉燒有焦香味，好正。燒肉夠脆皮，呢個我至愛，50元左右就有質素既燒味連野飲，中午食飯可以多光顧。

上水街市熟食中心有唔少抵食之選。平時嚟開呢度食燒味，今日試下呢度既柱侯牛腩炒麵。有d朋係唔鐘意食牛筋，呢度既牛腩是無既，應該適合呢朋友。柱侯醬汁好濃烈，滲哂入牛腩入面，是超正。麥又炒到勁脆，熱氣但搶口。

早午晚餐一剔過！上水淪陷，滿街自由行拖喼密密麻麻。我想食碗麵之麻，兩點幾間間爆場！車仔麵、米線、潮州粉麵無一幸免，被迫走到老遠的街市搵食。紅色旅遊預警，非必要就唔好前往上水火車站一帶，車站、商場、街道、食肆、超市、餅店、街市、等等，無一例外嚴重淪陷。街市每分每刻都高朋滿座，搵位都要花點時間，好采我一個人攝個位都好易。人越大抗獨能力越強，我的午餐，對自己要好，食得要好！發掘街市隱世美食，獨闖龍潭！走到二樓掟個靚彎遇上何俊記，就由您開始吧！眼見這裡都有好幾間食店供應燒味，張來再續一擊破。還以為只得燒味供應，原來什麼都有喎。車仔麵、盅頭蒸飯、出前一丁、咖喱、炒粉麵飯、廣東小菜碟頭飯、等等等等，應有盡有。新品上市白滷水，到底什麼是白滷水呢？有鵝掌、鵝翼、豬肚、燻碲供應。舉頭望望牆上餐牌，誰是火雞賢啊？老闆還是保安？宿醉暈到兩點先爬落街食野，凍檸樂定時斷片回魂 coke，宿醉一筆清？食飽飽腸胃舒服一丁點。嬸嬸們個個笑面迎人，十分有禮熱情主動。四眼嬸嬸見我食雙髀飯還連聲多謝，咪鬼咁客氣啦，搞到我紅都面晒咯。燒味只吃髀的我，非髀不愛，認住我喇！四眼嬸嬸隨即盛著雙髀飯送到，嚷著碟雙髀飯靚到不得了，快快

由屋企遠征到上水揾朋友，9點起身過到上水都已經11點幾，咩都未食，此時此刻，超級肚餓，淨係想快d食野😭🌼同朋友上左熟食中心，見到邊到有位就求奇坐低左，仲好快叫埋野食，d野食好快就到。☕️本身諗住飲紅豆冰，不過個時未有，咁就轉左凍華田，味道正常，唔會過甜。🥢我叫左梅菜肉餅飯，味道熟悉，略嫌有少少咸，整體正常好食。朋友嘅鳳爪排骨飯都係正常貨式。本身老板話一盅好細盅，但其實一個女仔食都好夠咖啦😛而且價錢又平，簡直好抵食呀👏🏼

又去石湖墟熟食市場搵食了，平時食得多粉麵同米線，今日試下其他餐廳，來碗燒味飯吧。"何俊記"位於熟食市場正中心，舖位都算大，除咗有燒味飯外，亦有車仔麵及炒粉麵，平均都係三十零蚊，夠晒抵食及多選擇。今日叫咗最愛嘅叉燒燒鴨飯，燒味飯賣相一般，但燒味份量都幾多，由於無要求要咩叉燒，今次叉燒偏瘦同比較乾，燒鴨尚算唔錯，唔會燒得太乾，配埋燒味豉油味道幾好。伴碗有大量蔬菜，唔駛驚全碗飯得肉咁寡。呢度燒味飯雖則味道一般，但以三十幾蚊嘅價錢黎講算相當抵食。

本人因家裡有2個BB要照顧的關係，外出用膳比較不方便，所以今日下午我媽媽係上水石湖墟街市「何俊記」買外賣回我家一起吃，她點了最愛的「燒鵝油雞脾飯」，媽媽說當時見到斬燒鵝男人鬼鬼祟祟的，都已經覺得奇怪，點解掛燒味架有咁多位唔掛，要將剛斬的「燒鵝」收埋入去呢？，但只因趕時間，拎了外賣就走了。點知回家打開外賣盒就發現「燒鴨」竟然扮「燒鵝」，真心覺得有冇攪錯呀！見我媽媽老弱婦孺好好呃嗎？而且仲收了燒鵝的價錢，呃老人家錢！真黑心無良呀！媽媽回想起就知道點解隻「燒鵝」要收埋入面，係唔想俾我媽媽睇到其實係「燒鴨」！我們以後都不會再去買食的，大家都小心被呃呀！

今日去左上水何俊記食lunch，以前都經常黎食。今日重遊舊地，睇下menu，order左我最鍾意食既銀芽肉絲炒河~銀芽肉絲炒河，足料，夠鑊氣，河粉唔鞋，汁夠味very good

朋友仔帶我去石湖墟街市個熟食亭lunch ，佢話又平又好食，雖然地方唔算太舒服，但大排擋就係呢d風味啦我食咗個咸魚肉餅飯，$20咋，仲有例湯同一碟菜架，加$6仲有埋杯凍奶茶，平到咁喺邊度搵呀其實蒸飯有6/7個款揀，不過可能太晏去，得返三個味道揀朋友仔食燒味飯，連埋凍飲都係$36

一班人聚會，老友去斬燒味加餸！價錢我真係唔知！膠袋裝住燒味，加配大量獨立包裝芥辣及酸梅醬！蔥油用發泡膠碗裝！喜歡青蔥多！我喜歡青蔥！切雞：鮮黃色好靚！雞肉唔嚡（我喜歡雞胸）味道略淡，加上鹹味蔥油剛好！燒鴨：分成兩盒！當然皮已經唔脆！好在都唔韌！鴨肉唔嚡！肉味好濃，點酸梅醬平衡！食落無咁膩！燒味唔算特別出色！

方間流傳街市盡是多隱世美食，工作關係常常出入上水，計上次難搵酒樓，連所店食到厭之後，博一鋪去上水街市食，兜個彎聞到燒味香，二話不說坐左係樹。 環境:街市。 食物:叫左個燒鴨脾飯，$3X，有例湯包餐飲抵到爛!隻燒鴨脾大隻皮薄脆口有鴨味，未到好正但唔錯，抵食無怨言。

有朋友講過上水街市熟食檔燒鴨唔錯咁我今日經過就諗住買少少試一試去到四點四凈係番燒肉同雞問一下姐姐話五點出爐咁我就等下啦當我等到五點一個姐姐已經改囗話要五點半我唔知係想留客定阿姐亂噏燒鴨時間係可能隨天氣改變但係誤差唔應該係半個鐘掛我有種被人玩既感覺因為怕佢五點半果陣會再改口所以沒再等落去

今日係入冬以來最寒冷嘅一日。Lunch時間凍到完全5想離開office.多謝公司男同事捨身成仁幫忙帶外賣回來。令一聚女同事可以喺溫暖嘅back office享用午膳 由於無特別喜好，師傅幫我隨意斬d燒味送飯。呢個雜錦飯都5錯，有燒肉、叉燒、白切雞，薑蓉同豉油係另外裝起，可見體貼。份量相當豐富，絕對5係求其斬幾舊剩下的尾貨，裝到差5多爆盒！白切雞肉質鮮嫩，雖然還有少少血紅色在骨頭，但吃落無大問題蘸上蔥油，絕對更加香口，帶出香味！而佢地嘅雞蓉都特別，大大粒，蔥花有咬勁！另外，平常燒肉5係我喜好，但今天吃的燒肉外脆內軟，肥瘦層次分明，可謂靚肉，亦5會吃到燒過龍的炭味，肉亦不鞋，正常咬得開，不錯！最後講嘅叉燒就係我的最愛，雖然呢就5係幾食得出蜜糖，但叉燒嘅肉汁仍然加分，咬下去的肉出汁，仍然保持個種口感，燒得好！以我所知佢地喺店舖內有自家明爐每日新鮮製造，一站式有心思加埋岩岩好5會過淋嘅飯，吃得好開