來來小吃店

Open Now

Now Closed

平時食中式西式甜品就多, 台式甜品唔係周圍有得食, 好彩太安夜市唔係浪得虛名, 真係咩都有得食仙草冰 $30買左個外賣返屋企慢慢食, 有仙草/珍珠/芋頭, 由於當晚芋圓賣晒, 店員只好比多d芋頭, 返到屋企其實D冰都溶得7788, 不過味道只是淡少少, 沒太大影響,芋頭煮到好芋泥, 珍珠口感Q彈, 仙草份量都好多 食厭左中西式糖水, 食下呢款大碗又抵食

自從去過一次太安樓 就好似大開眼界咁😍 點解會有咁多好野食㗎👅-今次為你推介來來小吃店 點解會介紹🤔 有睇開呢到都會知啊姐我喺芋圓fans 所以點都要潮一潮聖-今次食咗仙草冰 ($30)首先要讚嘅喺佢用咗仙草汁做底 所以個底唔會太甜但又有仙草味😂之後佢座冰山其實喺用奶整成所以食落有啲奶味 重點喺芋圓同地瓜圓份量幾多 亦夠煙韌 不過地瓜圓重蕃薯味啲 對比之下芋圓無咩芋頭味 但有原舊芋頭搭夠 收貨 芋頭都幾大舊 而且又幾粉 仲有珍珠做配料 成碗仙草冰都幾多料同埋仙草唔會咬極唔斷 亦有少少回甘味👅對於喺香港食到呢個質素嘅仙草冰 收貨😌

最近迷上了芋圓，煙煙韌韌嘅口感令人無法自拔。當友人告訴我西灣河有間小吃店有黑糖冰吃，配料還有手工造的芋圓，我們便約定好放學後專程去一嘗味道。小吃店位於太安樓商場，西灣河站A出口對面就是了，過一條馬路就到，相當方便呢。商場裏像迷宮一樣，很易迷路，但有著許多不同種類的小吃，令人眼花瞭亂。不過我們的首要目標都是芋圓和冰！👅久經波折終於找到了，店面相當簡單，價錢亦很清楚地列明了出來。我們選了五種配料，包括手工芋圓、布丁、黑糖寒天、芋頭、紅豆，都不過是$35。老闆似乎不是本地人，與我們用普通話交流，樣子看似已相當疲累，不過仍面掛笑容為我們落單。等了不過五分鐘，一碗大大碗的冰完成了。一拿到手我和友人都嚇壞了，幸好沒有一人叫一碗啊！😝 冰面上淋了煉奶，冰裝得滿滿的，配料亦圍成一個圈，相當吸引！因為不是綿綿冰，所以冰感不會相當幼滑，可我更喜歡這種有碎冰的刨冰。👍 至於配料方面，芋頭、紅豆、布丁都是正常的味道，沒有太大特別。至於芋圓雖有口感，但卻沒有很大的味道，故有點失望。但最有驚喜的是黑糖寒天！小小正方形形狀的，口感很爽口，黑糖味很出，所有配料一拼上冰一起吃就相當好吃！這個價錢相當抵！😚小店還有很多其

三種黑糖刨冰.可以選三款配料 我選了手工芋圓/紅豆/芋頭☺️ 台式刨冰冰塊較粗 黑糖醬份量足 每一口都會有味道 不會有無味冰😌 手工芋圓之前都試過了 口感煙韌 能嚐到芋頭/地瓜的味道 不過略嫌大粒了點 應該要切細粒點! 份量很大 個碗是麵碗那麼大 看到的時候 嚇了一嚇 這個價錢來說 性價比頗高 整體還不錯 但與台灣的比當然還有距離

勁喜歡食芋圓既我。。真係會四圍試新野丫今日去到太安樓。。唔試點得丫叫左個綜合豆花。。咩都有d樣樣都可以試晒友人就話糖水偏甜。。我就覺得岩岩好。。芋圓勁咬口豆花又夠滑。。仲有熱同凍簡既叫凍既會有少少刨冰係上面咁先$25😂😂價錢好合理 下次可以試埋魯肉飯丫

之前去台灣旅行，食過當地的芋圓仙草凍（類似涼粉但滑啲、甜甜地）覺得驚為天人！我成日喺太安樓買野食，發現原來呢間有賣呢款甜品，馬上試下！正！好好味！另一日再試埋佢個黑糖刨冰，都好好食！（我買外賣返到屋企都仲未溶）乜都想試下，結果叫左5種配料：愛玉、仙草凍、紅豆、手工芋圓、芋頭，再加埋花奶（$2）推介👍🏻

家庭作業式小店，在太安樓第二街，門口是一生果檔，一直走就是不太起眼的小店。夏日炎炎，叫了仙草冰，挫冰沒有味道，配料之一芋圓也稍硬不夠Q，仙草一般沒什麼特別！我懷疑店家是道地台灣人。

記得數年前暑假到九份，在大汗淋漓之制，吃了一碗冰凍的仙草芋圓冰！自此就愛上了芋圓香港吃芋圓的的地方不多，有日偶然從報章看到，太安樓有一間由台灣人開設的糖水店，就特意前來覓食一路排隊，汗珠已經一滴一滴咁流下來。同男友決定一人要一碗仙草冰！排隊連等侯時間大約等了十多分鐘，終於等到喇！仙草冰以仙草汁作為冰底，配上淡淡的黑糖味，飲落去好舒服！配料有粉圓、仙草、芋頭、芋圓。仙草幼滑，芋頭夠粉，而芋圓的芋頭味好足，特別驚喜是綠茶味的芋圓，濃濃的綠茶味，配上黑糖仙草冰，簡直透心涼！不用山長水遠到九份就能夠吃到台灣的味道，超滿足！

今晚突然之間好想食芋圓 喺港島 應該剩係得太安樓呢度有（如果大家知道有其他地方食到 可以介紹我嗎？）今日咁熱好想整返碗刨冰 我揀咗三種冰 $33 手工芋圓+粉圓（珍珠）+芋頭 上面再淋上黑糖漿啲料真係好多啊！兩個人食都食到好飽芋圓煙韌彈牙！口感味道都一流芋頭好粉好大舊珍珠都係好有口感 硬度剛好 不會太腍 好有咬口＄33真係抵到爛呀夏日炎炎食碗冰 即刻降晒溫 消暑最佳選擇

去完康怡睇戲 ~~ 一場黎到 !! 梗係加插多個景點啦 !! 太安樓聽就聽得多喇 !! 咁大個女都真係第一次黎 !! 係康怡坐叮叮落去都真係好方便 !!幾個站就到 !! 一落車就行入去就係 ~~ good 爆 !!黎到覺得熱同焗...雖然入面好多美食...但夏天黎都幾辛苦 !! 今日我地 4點鐘左右到...入面堅焗架...即刻澎澎聲搵左個甜品先 !! 睇雜誌報道呢間係台灣人開架 !! 有介紹刨冰 !! 咁 Q 熱 ~~ 唔係唔食左呢個先呀嘛 !! 仲要係正宗台灣冰 ~~ 正到爆燈 !!有好多個選擇 !! 叫左幾種香港冇既特色野先 ~~ 呵 !! 我地叫左2個刨冰 !! 2杯飲品 ~~呢碗係5種冰 !! 冰底係普通冰底 + 黑糖醬 !! 已經好正 !! 個黑糖勁香 !! 5種配料包括有：愛玉 / 紅豆 / 綠豆 / 芋圓 / 蘆薈 另加練奶 !! 愛玉係香港都真係...未見過 (喇 ~ 唔好話我知邊有邊有...我真係未係香港見過呀下 ~~ 哈哈) 同台北食既一樣樣 ~~ 呵 !! 開心 !! 紅豆同綠豆好正 ~~ 又夠大粒 !! 又好好咬 !! 兩隻豆都好愛 ~~ 蘆薈好似唔係好夾咁..

今日熱辣辣，同埋太安樓其實幾焗下既，所以就決定買冰涼既野食下啦。我地就試左焦糖刨冰，揀左五種冰就$38揀左手工芋圓 椰果 仙草凍 布丁 蒟蒻d冰吸哂焦糖既味，而且d冰都唔算好快溶，芋圓就覺得冇咩味，係幾有咬口既，布丁就好甜用黎撈埋冰食好夾。表示蒟蒻同椰果太似所以撈埋食分唔到哈哈。佢38蚊好大碗，兩個人share都岩岩好，食到好飽又可以消暑。

又去太安樓試新店！台灣姨姨的外帶台式甜品店！有刨冰 黑糖糖水 芋圓 仙草 豆花等 今次先試招牌🔥 ✨燒仙草 ($30)✨原來燒仙草係一定係熱嘅 平時食到其他類似jelly它擱置一會 由流質變凝固起 清清的草藥香滲透口腔每個角落 吃一半放入雪櫃 變涼後 便會變得像蒟蒻一般入口即化的狀態！👉🏻配料方面有很少芋圓 太粉不夠香 感覺稍失望！粉圓即係珍珠 份量最多 但很甜很甜 粉頭的感覺走花生 紅豆則甜而綿密 似乎是台灣人的口味呢！ 看似少 作宵夜就多😳 可以買返屋企同家人分享！👉🏻單嚐芋圓 相對粉腍雖然未算太甜 味道一般 勝在俾心思時間煮

聽聞太安樓既小食幾出名，今日順道經過就要來體驗一下。來來主打係台式小食，先食黑糖豆花，味道比一般豆花多了一陣黑糖味道，豆花有豆味但有口感，不算非常滑。至於珍珠奶茶既茶味感覺尚可，不重香奶味，但仍有茶味的。可以一試

好掛住台灣既燒仙草 唯有係到買黎解解癮 暖暖既仙草係天氣凍既時候食正 入面有珍珠 手作芋圓 紅豆同自家炒既花生暖既時間仙草會係水狀 凍左就會稠稠地~ 味道唔會太甜 芋圓亦整得夠煙韌 不過就冇乜味 綠茶味係最好食最有味 而且整體料就少左d 所以比起其他舖頭會略貴

繼上次找到我的芋圓之旅終點站－康瑞涼茶後，並沒有放棄繼續尋覓出色的芋圓。古語有云，一山還有一山高。在太安樓找到兩家店，美姐糖水和來來小吃店。相比美姐糖水，來來小吃店較整潔企理，亦較寬敞。除了廚房，還有供堂食的立食位置，炎炎夏日，有冷氣供應，還有電視，挺不錯。美姐有各類中式糖水，來來則主打台灣糖水和飲品。刨冰可自選配料。懶人如我，可選仙草冰，預設地有芋圓、芋頭、仙草和粉圓。份量十足，賣相一般。最好吃是大大件芋圓，粉粉的，少少煙韌，濃郁芋香。其他都一般。芋圓令人失望，完全沒有蕃薯或芋頭味，只是一顆淡而無味的丸子。在美姐糖水外賣了一碗薑汁芋圓作比較。薑汁不會太甜，幾濃的薑汁，吃過仙草冰，正好暖一暖胃。十分喜歡它的薑汁，但芋圓同樣強差人意。還是深水埗醫局街的隱世芋圓最出色。到目前為止，最回味，甚至可說是唯一令人滿意的一家。看到寫著"台灣名產 仙草芋圓丸子"的一刻，心裡一陣興奮。即叫即煮，等了5-10分鐘，卻漫長得像一輩子。急不及待打開蓋子，盛得滿滿的。有芋圓、紅豆、薏米，底下放滿仙草，十分豐富。芋圓十分煙韌，咬下去有淡淡的芋頭味，還有超細的芋頭粒。黃色的較軟，又滑又煙韌，有蕃薯的甜和清香。很滿