俊達晞茶餐廳小廚

Open Now

Now Closed

平時寫食評都唔擺上黎，不過上星期六自己去呢間茶記食快餐真係想寫下。叫食A餐，蒜蓉什扖飯。 凍檸茶走甜有火腿,香腸,雞扖同豬扖，加一大Pat 蒜蓉汁。總覺得塊雞扖係肯X基咁既味。食物質素普普通通，係白飯硬左D同埋一大舊痴埋左。只不過係落單唔夠兩分鐘就黎到。講真就快過好多茶記。所以趕時間食，算係咁。不過星期六都不斷有人入黎，搞到其他單丁客成日食食下要轉位，平日時間返工可能仲煩忙了。

此店前身為俊達茶餐廳小廚，在置富產業接管後，商場大部分店鋪都裝修過，而這家店在裝修後適逢店主的兒子出世，將店名加多一個"晞"字，變成俊達晞餐廳小廚。餐廳東主同時將旁邊原有的補習社位置也一併租下，再加上落地大玻璃，令整個茶餐廳變得煥然一新。環境茶記一間，雖然比不上大酒樓環境舒適，亦不便坐太耐，但招呼意外咁好，原來同行友人是這裡的熟客。餐牌方面，有早餐午餐供應，午市賣粉麵及碟頭飯，晚市主要做小菜，而小菜是散叫形式，無包埋例湯、白飯的套餐服務鹵水拼盤 HK$60 ~ 拼盤包括墨魚、大腸、紅腸、豬頭肉……樣樣執啲，個人覺得質素一般，鹵水唔夠香紅燒豆腐 HK$55涼瓜炒滑蛋 HK$55蒜蓉油麥菜 HK$45椒鹽九肚魚 HK$62 ~ 九肚魚炸得嫩滑，椒鹽味啱啱好，非常香口惹味蛋煎蠔餅 HK$55~ 好吃，香脆不會成口漿，而且好足料，很多蠔仔

莫講話青怡花園，地鐵上蓋嘅青衣城都甚少去，今晚長驅直進嚟到跟青衣港鐵站相隔一大段路嘅青怡花園「俊達晞茶餐廳小廚」食晚飯，仲一行12個大漢，都喺友人帶嗆，訂咗張「大枱」 ，真喺好難得嘅聚會。不過，因為明知喺周六晚會好多人，所以，我哋都訂得早啲去食。環境唔多講，茶記一間，乾淨企理就算，一張相交待晒。雖然比唔起上大酒樓環境咁舒適，亦唔方便坐太耐，張大枱其實頂多坐10個人，我哋坐夠12個，仲要好幾個身形有番咁上下件頭，真喺食到肩並肩，不過，咁人齊，食得大家都稱心高興 。況且，招呼意外咁好，點好？臨尾再講！餐牌方面，晚市主要都喺做小菜，一列是日捱介、湯羹、打冷、小菜就喺晚市嘅選擇，乜乜乜快餐ABC就唔多見有提供；而上述嘅小菜亦喺散叫形式，無包埋例湯、白飯嘅套餐。等人齊就開餐，茶記嘅特點就喺上菜速度快，一叫上菜，無耐就上齊晒 。由於今次唔方便逐碟逐碟慢慢影相，所以，影相角度及距離都唔到我控制，影得唔好或唔清楚請多多包涵。 鹵水拼盤 $60 鹵水有雙拼（$60）或三拼（$68），如無特別偏好，就不如叫個拼盤，墨魚、大腸、紅腸、豬頭肉……樣樣執啲，個人覺得質素一般般，鹵水唔夠香。 沙薑雞

雖然今天為星期日，習慣上去了聖堂吃過早餐，但是今天有所不且，來一個午餐，以代替早餐。來到俊達晞餐廳小廚，已經是午市時間，來一個碟頭飯又何妨？然而這餐廳不是第一次的來到，晚飯是不錯的，但是上次來到吃早餐，卻又感覺不太好吧。餐牌上除了午市餐單，有各式的碟頭飯和粉麵，背面也有著早餐的餐單，可謂兩面都用上了。西芹雞柳飯。也許都很久沒吃過這個碟頭飯了，來一個可以轉口味。西芹爽口而有咬口，很有噣勁。雞柳也幾滑的，只是沒有太多調味在雞柳中。熱咖啡是在下例必喝的飲品，香濃的咖啡，可以醒神，這杯咖啡也可是一杯幾香的咖啡，味道不錯吧。一個簡單的午餐，已是很好了，不作任何強求。

本身不太喜歡到俊達晞用餐，原因覺得地方雖大及裝修過，但其服務態度很差。由於星期日要留在家中工作，無奈下選擇到這裡進行午餐。入到餐廳，見很多位但還未清理，待應叫我們先坐下，他們清理完枱面後，地下還有很多垃圾，我便叫待應可否順便掃一下，她們竟然跟我說，要轉班先掃地，咁即係點，成地都係廢紙，雞骨，牙籤等等等等。。。見到都吾開謂。。。因為趕時間，惟有忍耐。我同男友叫了兩個餐快餐：洋䓤汁香茅豬扒拼春卷飯，凍檸茶 - 春卷不是脆的，好似隔夜油炸鬼一樣，淋晒。豬扒，只得骨，無肉，而且仲有少少梅，飯就大大碟。凍檸茶一樣，無特別。下午茶餐：鮮茄雞絲燴意粉，凍檸茶 - 基本都可以，茶餐廳本色。凍檸茶無特別。但由於這是下午茶餐關係，所以廚房通常會等5碟以上才會一拼出單，有時要等20分鐘才會出單，所以趕時間就不要叫下午茶餐。至於服務態度，除不願處理清潔工作外，基本上都是很差，有時見待應攞錯餐俾客，仲要閙番個客吾啱。如果吾係趕時間，真係吾願意去這間餐廳用餐。

記得很久以前，吃過這裡的小菜算是可以的，但後來越吃越不好吃，因為食物越來越鹹，之後便沒有再來了！後來見到它裝修後，生意好像幾好，就俾次機會它，再試下，反正很久沒有吃過！真的和以前不同，上次吃過的雜菜煲和薑蔥魚腩煲都非常好吃，今次再來吃同樣沒有失望！今次來到又要等位，7點多都預計要等，不過好彩很快便有位！見很多人點蛋煎蠔餅叫了一碟，不過走了椒因為阿仔要食怕會辣！～蛋煎蠔餅～本人對蠔餅麻麻地，唔識分好食定唔好食，老公話好吃，不會成口粉，而且好足料，很多蠔仔。～韭菜豬紅～呢個正呀！豬紅非常入味，辣味又適中，汁味滿口也是，只是韭菜有些吃到有點老。～涼瓜炒排骨～涼瓜比在家裡吃到的是有點苦，不過我是接受到，而且咬下去口感不會太淋，又不過太硬，用上豆豉炒，涼瓜味道不錯，排骨肉算是不會太靱，都幾入味！最後，這裡成了我的飯堂！

由之前的俊達茶餐廳小廚裝修後，加多了一個＂晞＂字，變成俊達晞餐廳小廚，之前也曾來過吃晚飯，裝條後無奈便來過吃過晚飯，今之卻吃個早餐。接連兩個星期日都是吃港式早餐，今次吃的卻是第二款粉麵，在餐牌上有個歐陸早餐，想點來一試，可是服務員說星期日假期不供應，可是餐牌卻沒有寫上，當然有點失望，而且還有點誤導的感覺呢！唯有改其他吧！榨菜肉絲米是最地道不過的港式早餐，榨菜有爽脆之餘還有鹹香的味道，從前吃過過的比今次濃味得多，今次吃到的榨菜不及以前，較為淡口，而且肉絲的份量也少了很多，與榨菜的比例很不正常，少之又少，覺得今次吃的沒有以前咁好味。腸仔蛋麵包正常一點，蛋是煎蛋，是普通的荷包蛋吧，但是蛋汁仍然是有的，一戟穿蛋汁就就流出來，都算幾好吃，腸仔略為煎過吓，但皮尚未得夠脆。熱咖啡是在下晨早必然要喝的飲品，不喝的話就好像沒精打采似的。這杯還有咖啡的味道，香味呢就不夠香啦，如果咖啡香味濃郁，味道再醇厚的話，必然是好喝。整體上都不及以往般的好味，反而覺得樣樣好像乜都少咗，而且想的東西都無，感覺上不太好吧。

自置富產業接管此商場後，大部分茶餐廳變得煥然一新，而這一家俊達茶餐廳小廚，在裝修後因為店主的兒子出生，而更名為俊達晞茶餐廳小廚。多年違忘了這所茶餐廳的我，今日決定一探究竟。餐廳東主將旁邊原有的補習社位置也一併租下，再加上落地大玻璃，整個茶餐廳為街坊帶來又大又新之感覺。有一件事還是由始至終沒有改變，便是原有的伙計仍繼續在此工作，先不管其他事宜，老闆算是頗有人情的。食物：1. 生炒排骨飯($35-)此菜式之醬汁酸甜度適中，且排骨也有不少肉。另外，值得讚揚的是白飯的份量足夠，同時與排骨份量均等，不使客人浪費食物。2. 雙丸河($25-)此菜式的質素比剛才所提及之生炒排骨飯失色不少，丸只是在超級市場能夠購物之普通貨色，並無特別之處。雖說如此，由於服務質素良好，加上有部分菜式質素俱佳，能夠給予笑面一個，還是有「希」望做得更好的。