偉記麵家

Open Now

Now Closed

難得夾到班朋友仔一齊放假，梗係想四圍打卡、食吓好嘢🤤 不過如果要我行商場就真係咪搞😅 一於搭船入 #長洲 呼吸下新鮮空氣，為自己打打氣🤜🏻🤛🏻落船冇幾耐，居然發生咗個小意外，好在只係輕傷，仲有班好朋友幫手出頭，但係就比 #小秘書 見識到咩叫衰男人😤 掃興嘅嘢唔好講🤭  #民以食為先 … 醫飽個肚先再講！呢日我哋再嚟到 #長洲熟食中心，遠遠已經聞到 #偉記麵家 嘅香氣💨 嚟到幫襯，梗係要試吓佢哋啲 #魚蛋 #同 #牛腩，爽彈嘅魚肉加埋濃香嘅腩汁，份外惹味🤤 最後再配埋我戒咗一段時間嘅 #樽裝可樂 … 爽呀🤩

今日ad hoc 入長洲雖然今日係平日，但正值暑假。長洲都有好多人遊人我哋中午落船先醫肚最鐘意去長洲街市旁嘅偉記食牛腩+雲吞幫襯快10年😆不過唔知係咪因為天氣熱，而偉記喺戶外冇冷氣（有大風扇），所以今日唔算多人（星期六、日好多人）我點咗碗淨雲吞俾MM另外點咗碗牛腩牛筋河MM爸點牛腩墨丸粗麵偉記嘅牛腩真係食過返尋味，五香味濃郁，牛腩好淋又入味，我哋每次入長洲都要食😆可能今日喺平日，佢哋竟然唔賣魚皮。冇得食呢度好正嘅自家製炸魚皮，真係有啲失望，食過就知正嘢，一食就知非同凡響。雲吞大大隻有蝦有肉，真正皮薄餡靚😋😋

我地坐底之前呀姐可能見我地生面口就同我地講左幾次呢度淨係得魚蛋河食嫁咋😂 我地正正就係為左魚蛋河而黎😊 呢度既魚蛋暫時係我食過最好食既魚蛋😍馳名魚蛋河🍜($30)魚蛋河黎既時候熱辣辣, 河粉因為係出面新鮮運入黎, 所以由落單到食就等十分鐘😊 河粉好滑, 好彈牙, 仲要唔油膩, 份量仲要都幾多🤤 三粒魚蛋加兩塊魚片頭, 魚味好濃, 仲食到啲魚骨既碎, 重點係勁彈牙, 真係超好食, 到而家諗起都好想食😍極力推薦大家要黎食呢間既魚蛋河, 真係超級好食, 真係我食過最好食既魚蛋😍 呢度既辣油都係自家製, 用左好多配料去整, 點少少都已經好辣, 拎黎配魚蛋簡直係一流👍🏽

特別推薦大家✅馳名魚蛋麵(河粉)《馳名魚蛋麵(河粉)》自家製魚蛋魚片係好好食😭🤤，有魚味又好彈牙🦷記得揀河粉，河粉勁滑身，滑到好似冼入喉嚨咁🧶可以同伙記講加腩汁，咁就可以濃味d😌，同埋要加辣椒油🌶，會昇華咗🤤(不過唔好落咁多，會好辣🤭)💰$28*可以揀配湯河粉👅、湯米粉、湯米線or撈麵 (蠔油撈就加$5)**嗰度唔係排隊等位，係自己企係張枱隔離等架🪑***偉記就係陳通記(上一個post介紹)隔離🚶🏻🚶🏻‍♀

喺我未出發入 #長洲 之前，#同事們 已經 #溫馨提示 過我， 話落咗船之後，要行一條 #長樓梯 上 #山頂，先可去到我哋嘅 #渡假屋，所以有嘢要買嘅，最好一次過買哂... 講到咁有 #挑戰性，我哋又點可以唔食多啲嘢補充體力💪🏻先再上路呢😆 一場嚟到 #長洲，當然要試吓佢哋嘅 #地度美食 啦🤤 上次冇時間幫襯嘅 #偉記 #魚蛋河，今次機會嚟喇🤣#朋友仔 第一時間叫 #老細 嚟一碟 #魚皮... 點知 #星期五 原來係無做炸魚皮嘅👉🏻👈🏻 咁點算？ 咪唯有齊齊嗌佢哋最出名嘅 #魚蛋河 囉😆 而我就貪心啲，加埋 #牛腩 做配菜🤤 味道果然冇令大家失望，而用人手打出嚟嘅 #魚蛋，寧舍有質感、又鮮味🤤 至於啲 #牛腩 都炆得好香呀🤤 配埋支 #樽裝可樂... 正呀喂👍🏻👍🏻

長洲大排檔內有好幾間粉麵店，我揀左最入個一間，有好多張大圓枱，可能因為落雨同埋平日既關係，唔洗等位就可以坐😌有好多把大風扇，夏天黎到都唔怕會好熱呢到除左出名既魚蛋粉之外，仲有20幾款傳統粉麵，價錢約$22-$33，有少見什肉麵、豬膶麵等等，而且仲有好耐冇見既枝裝可口可樂🤤緊係要叫返一枝－－－－－－1. 魚蛋米粉 3.8/5魚蛋形狀不一，魚味不算重，但軟腍彈牙，魚片較為薄身，不太爽口同埋偏咸，但米粉份量都幾多，食完一碗都好飽🤤

今日同朋友入長洲散心, 兩位朋友都唔係太識長洲, 我又當了個小導遊起來。落船, 到達長洲後, 第一站當然就係要食野喇!係長洲食野黎講, 我通常都會帶朋友去熟食中心, 因為選擇簡單, 而且又平又飽肚。今次, 我就同佢地入去主要食麵既地方試試佢!我就叫左偉記既筋腩粗麵, 加多杯熱檸茶, 而佢地就選擇左叫隔離通記既沙嗲牛麵~好喇, 講講我既筋腩粗麵!牛筋超爽口的!!唔係好膠膠個隻質地!牛腩呢, 亦都係比較爽, 但唔會硬!!粗麵亦都唔錯, 軟硬度剛好!唯一不足的是, 個湯太咸了!至於檸茶, GOOD喎!沖得幾好!!總括黎講: 味道同價錢都OK, 可以有下次

老實講，嚟e度食魚蛋只係為咗一份情懷。因為已經揾唔到一個地方，有咁開放式同咁有人情味嘅地方及濃濃嘅漁村風味！講真的，我並不覺得e度嘅魚蛋、牛腩特別好食、先講：魚蛋，很淋，完全無咬口。牛腩，炆得不夠火喉，冇乜特別味道（只有濃濃嘅顏色）最好味要讚的係-辣椒油，夠香、夠辣👍🏻

如果唔係朋友介紹，我都唔會去呢間餐廳食嘢。呢間麵檔位於鐵皮屋入面，上面個頂係鐵皮黎，好似大排檔咁，好鬼涼，夏天都唔會熱。佢用木枱木凳，勁有風味。而藍白碗粉配上木筷子，好正！坐係入面，望住外面d人行黎行去，好熱鬧。我叫左魚片河多蔥，魚片好彈牙，唔會太鹹，我朋友叫咗雲吞麵，雲吞入面好多蝦，好好食！河粉好滑好幼，但粉唔太多，女仔就夠食。呢碗粉都係28蚊，比起出面嘅魚蛋粉，已經好平了！ 而員工方面，好有人情味同有禮貌，會同d客傾計，唔似其他餐廳咁冷漠！下次去長洲，不妨試下呢間風味魚蛋粉呢！

長洲大魚蛋，平安包……已成名品。傳統的魚蛋麵店日漸減少，西式餐廳日多。早年，去長洲是吃魚蛋粉的，如去筲箕灣光顧安利。近碼頭的張記，已經是徒負虛名。經考查，在近碼頭海傍街熟食中心的此店最高水平。上碼頭轉右，行至康蘭餅店，進入大牌檔區域中央。河粉幼滑，自製的魚蛋爽彈鮮美。份量不多，特覺珍味。鄰近的通記/陳通記都是聯營，可以點選茶餐廳食品。如標示有鮮魷魚賣，則是好運，可食沙嗲魷魚通粉。沙嗲通粉濃稠，有馥郁花生味，不辛辣。今日紅底白字標示「無鮮魷」，故吃了此店另一寶-牛筋麵。調味有秘方，牛筋入口有香料味。有牛肉有筋絡，份量足。宜在天后誕(三月十八日)前到長洲，因天氣未炎熱，在大牌檔尚可忍受。原來大魚蛋之外，有小魚蛋。

入到長洲一定係由朝食到晚，一路行一路食，行入大排檔偉記魚蛋粉，座無虛席，等咗陣間有半張大枱，坐低叫咗個魚蛋粉， 魚蛋爽口彈牙，堅好食，河粉滑身唔太淋牛筋面，大大碗，好多牛筋，又淋又可口，个腩汁湯底超級香濃，可以食到花椒八角， 呢個味道啱啱好，廚師有料到麵身幼，好爽口，加咗醋，更美味，落咗自家製辣椒油，更惹味! 最終都引唔住叫咗個凍檸水， 呢度確實好食過出面出名嗰間， 大家可以行入排檔搵偉記魚蛋粉價錢合理， 下次要來試埋其他粉麵同魚皮。

好多人去長洲都係掛住食大魚蛋同炸魚蛋，唔講唔知原來最好食嘅魚蛋係呢度魚蛋河一定要加色（即加腩汁）同埋多青呢到嘅魚蛋同坊間或者其他長洲既舖頭唔同魚蛋有時係圓形，有時係方形而且凹凸不平，但食落都係爽口，彈牙真係要講返句好有魚味先得係腩汁同蔥嘅襯托下，呢碗魚蛋粉完全唔需要落辣油，如果唔係就會蓋過啲魚香順帶一提 #1其實偉記嘅辣油喺好好味，配牛腩一流，千祈唔好落錯通記嗰啲順帶一提 #2偉記同食沙嗲嘅通記喺share坐可以叫兩邊嘅嘢食沙嗲肥牛粉絲

約咗成個月，最終決定去長洲郊遊。古語有云：「三軍未動糧草先行」出發前梗係要醫下肚先！入長洲要食魚蛋，已成為一項入長洲必做嘅事，到咗即食返碗魚蛋河。湯底鮮甜，魚蛋夠彈牙，唔腥又有魚香味， 河粉夠滑身，但係好容易索湯，食得唔夠快會變撈可粉。我加咗D辣椒油，佢嘅辣椒油好香，令到成碗魚蛋粉更加惹味叫咗一個淨炸魚皮，炸魚皮較厚身，炸得乾身唔油膩，嚼感偏硬脆口。好特別！店門口貼咗炸魚皮唔可以外賣，唔知係咪怕外賣會唔脆呢？！

一年總會至少兩度來長洲 目的主要是來掃墓從小便來了 來得習慣了 從前每次來也一吃紅豆餅，當時更不知原來她的知名度甚高呢很多人來也會周圍覓食去，甚麼大大粒魚蛋、一串串薯片的 早已見怪不怪 自己則對這些不大感興趣倒是和家人去吃碗魚蛋粉則是指定動作 好像這天 坐了一時多的船 二時多才來到 一整個早上都沒有吃東西的 來到時是餓得快發瘋了治著熟悉的路從碼頭走過來 這次又是來偉記!一坐下便要下單了 要了牛筋魚蛋粗麵[$23]等了約五分鐘 呀姐便把我們的麵都一次過送來了爸爸用他的墨魚丸交換了我一粒魚蛋 很好 這樣我就可以多試一件了!先夾了牛筋來試 牛筋沒有煮得軟稔 是偏硬實的但我正好就是喜歡這樣有咬感的 很合我口味不錯!份量也不少 而且煮得入味!再來是試爸爸的墨魚丸墨魚丸像媽媽所言是較為多粉的 但我仍能吃到一點點的墨魚 還好吧..魚蛋是每次到長洲必吃的 可能為覺得這裡的應該會比市區的來得好可能事實並非如此 這裡吃到的魚蛋除了外形薄身欠彈性外 魚味也欠奉在市區中吃過不少比這裡來得好的呢!辣椒油是吃麵的必備 偉記的辣椒油椒勁十足 只是沾了少許也於我而言是非常之椒了!另外麵身是不錯的 而且份量也足.外加一

到長洲郊遊，主打活動當然是食、食、食啦！ 今次我們到偉記麵家吃魚蛋河。偉記在沒有冷氣的熟食中心內，是日天氣炎熱，環境不算舒適，但能吃到有質素的魚蛋河，少許辛苦絕對不是問題。$19的魚蛋河份量多，魚蛋彈牙，魚片有魚味，河粉滑溜且軟硬適中，好味道！再點了一碟$19的炸魚皮，魚皮很新鮮，卜卜脆，沒有油膱味，正！整體而言，偉記麵家絕對不會比甘永泰魚蛋遜色，不用排隊，價錢合理，值得一試！