傷心酸辣粉 (馬鞍山中心) (Closed)

今日咁開心~梗係去食。。傷心酸辣粉 啦！彩橙招牌夠搶眼！一入來就好香喇~就叫個雞煲試下啦！重慶麻辣雞煲~上檯就香了！熱辣辣~食件先！好濃好好味！雞肉煮得剛剛好~好彈牙呀！咁一碗酸辣粉就夠了~酸酸辣辣好滋味~薯粉好有咬口！食埋花生夠和味！再要兩碟小食啦！最愛的。。蒜泥白肉！蒜泥鋪滿白肉片~夾塊試下喇！mmm...蒜味夠濃夠香！白肉滑滑，好味呀！第二度。。乾撈牛肚！即吃~充滿孜然粉又淋淋的牛肚！仲有點點甜~好香，好野味~最後要碟菜清清味道~好平衡！好完美~

今日和朋友往馬鞍山傷心酸辣粉食半隻重慶麻辣雞煲, 我們選了BB辣, 另外我們加配小寬蛋面, 生菜、牛柏葉和萵筍, 除食雞煲外, 我們也點了小食蒜泥白肉, 紅油黑木耳、黃金芝士豆腐和可樂。重慶麻辣雞煲, BB辣味道唔太辣, 雞肉肉質鮮嫩, 洋蔥和乾蔥好惹味, 食完雞用來打邊爐剛剛好；配料小寬蛋面, 生菜、牛柏葉及萵筍和雞煲味道好夾,配菜小寬蛋面食落爽滑, 生菜和萵筍食落好新鮮和牛柏葉食落爽口彈牙, 好滿足的BB辣半隻重慶麻辣雞煲；小食蒜泥白肉辣味適中, 用肉碎卷住蒜泥,食唔會因蒜泥味搶咗肉碎味道,肉碎味道鮮甜配上美味蒜泥食落美味；紅油黑木耳食落爽口, 味道醒胃；最後黃金芝士豆腐賣相一流, 黃金芝士豆腐炸得金黃, 咬一口有熱辣辣芝士流出, 芝士味香濃, 豆腐食落爽口彈牙, 佐酒一流小食。餐廳座位舒適,雞煲味道適中, 適合不太辣人士, 而且配料新鮮；小食食物惹味醒胃, 而且價錢合理, 和朋友食了一頓美味徵煲。

​位於馬鞍山中心A03A舖的傷心酸辣粉，主打四川粉麵和米線。吃過太子和尖沙咀分店，味道也不錯。星期六一時多入座，不算多人，吃至二時多便開始多人，有不少上午要上課的學生來到用餐。如果選招牌套餐，五十多元便有一客，份量足夠飽肚，味道也不錯。今年十二月的天氣頗為寒冷，最適合吃一些熱的食物暖暖胃，點了一客酸菜烤魚。（Pickled Vegetable Fish Casserole)點菜後約十五分鐘便來到了，烤魚上桌時的賣相也頗震撼，烤魚放在正中央，旁邊則有配菜如腐竹、貓耳朵、蓮藕、豆腐卜和金菇。個人建議待魚鍋稍為滾起便可享用了，酸菜汁鹹鹹酸酸的，夠惹味。烤魚一客為188元，份量夠二至三個人享用，每人約七十元，性價比高，這價錢有一客頗美味的烤魚算是抵食。之後來到的為滷水拼盤(Marinated Platter)。拼盤包括滷蛋、雞翼、豬腸、鴨腎。個人最喜愛滷水雞翼，煮得入味肉又夠離骨。豬腸洗得頗乾淨，沒有臭味，也不會過韌，鴨腎再切得細塊點便好了😛。當然不少得皇牌口水雞（Sichuan Style Savoury Chicken)。除了單點，和有口水雞套餐，套餐可配酸辣粉或客飯。今次選了下庄部分的口

今日一行二人黎到食晚餐，當然要試佢地最出名既傷心酸辣粉。入到餐廳，整體感覺都算乾淨企理，座位都多而且唔算太迫，食得舒服我地嗌左酸辣粉既二人餐，入面可以點3碟餸同2碗粉麵。我地第一碟叫左鹵水拼盤，拼盤有雞翼，鹵水蛋，同埋一啲內臟(腸同肺片?!)；味道都唔錯既，不過不失。第二碟就係豬耳，豬耳幾爽幾脆但都幾辣。最後一碟就叫左油菜，黎到原來係生菜，正啊主角當然係碗酸辣粉，由於本人唔太食到辣，所以挑戰食微辣微辣對我黎講岩岩好，無豬耳咁辣，而且酸味都帶到出黎唔會比辣味蓋過，唔錯而且粉入面仲有花生，蔥，肉碎等等配料。同埋，酸辣湯底配薯粉都好正，除左吸到湯之外，口感幾彈牙，仲有飽肚感。另外，一碗就叫左小辣，不過成碗野已經紅左好多因為我唔太食到辣，所以仲嗌左杯椰汁，解解辣，跟餐加7蚊整體而言，酸辣粉幾好味，啲餸就相對差少少。

諗起酸野會流口水，放工突然諗起酸辣粉好想食，所以要去解決口腹之慾就去左食傷心酸辣粉。鐘意食酸既人會鐘意酸辣粉，因為酸得過癮。揀左個二人自選套餐，包括兩碗酸辣粉可以轉米線白飯之類，另一有三項小食再各揀一款。A款揀左4號，滷水拼盤，得半隻滷蛋（我無先偷食🙊），雞亦，肺片，腸。B款揀左1號，紅油脆耳，的確幾脆口，唔食得辣既朋友覺得佢辣過bb辣既粉。C款揀左5，時令油菜，佢落埋蠔油比我地。總括小食既份量都唔算太多。到今餐的重點啦，一碗bb辣一碗小辣（走花生），呢碗小辣酸辣粉比我平時食重手左，見到咁紅就知道出事了🤦🏻‍♀️。紅薯粉好q好彈牙，同酸辣粉好襯。+$7 一杯椰汁，比較淡同埋唔凍。埋單$142，咁多野食，都唔算貴啦。

傷心酸辣粉好多地方都有，標題都好清楚咁表達左，不過都詳細d講下啦。如果本身唔係太熟悉馬鞍山，佢個位置可能會比較難搵，亦因為咁，佢唔會好逼、唔洗等好耐先有得食，同時間餐廳唔細，入面好多位，但都唔會令到d人逼住坐，所以真係唔錯。我係一個米線迷黎，所以黎到傷心酸辣粉都係叫米線。最抵食既係二人套餐，$120左右包2個粉麵、2杯野飲(凍飲加錢)、3個小食。小食一d都唔細份，所以成日都食到捧住個肚走。今次小食叫左口水雞(成日都係蒜泥白肉同佢之間爭扎好耐XD)、酥炸軟骨、刀拍青瓜，全部都好好食。每一樣小食、主食都可以自己決定辣度，所以想食得過癮d可以叫辣d，想有原味就可以叫無咁辣。除左米線之外，呢度仲有魚煲，即係一個大大既爐上面放左大大條烤魚，超、級、香！基本上，鐘意食辣既唔可以錯過！！！

每當傷心的時候，想喊！但又不想身邊人擔心，去吃傷心酸辣粉，一邊吃一邊流淚，發泄完再大吃大喝！開心時，就正如今天，身邊最重要的人考試順利過關，當然要慶祝啦，享受一下麻辣和酸辣帶給我刺激的痛快感覺！重慶香辣烤魚（$188）👍👍👍👍原條香炸的魚放入麻辣的湯內，還有大量配料，有蓮藕片、豆卜、雲耳、大豆芽菜、金菇和腐竹，另外還大量的辣椒、蒜頭、蔥蒜、莞茜、花椒等香料。用明火加熱，令整盤魚香氣四溢，魚肉嫩滑，炸過的魚皮索了麻辣的湯㡳，那種麻酸熱盪的感覺，令人欲拒還迎。吃完魚後，還可追加其他配料，但我們太飽了，下次叫多一兩個人可以試多幾樣火鍋料。夫妻肺片配傷心酸辣粉（$52）👍👍👍👍夫妻肺片是薄切牛肚和牛𦟌，味道很入味，牛肚很爽，牛𦟌彈牙，配合麻辣汁更加惹味，還有我最喜愛的花生粒，很香脆！酸辣粉則選了我的最愛-薯粉，很煙靱，很彈牙，配合酸辣的湯底，真的會令人上癮！柑桔青檸蜜（涷$18）（熱$15）👍👍👍👍涷的青檸蜜酸中帶甜，用來中和食物的麻辣，最適合不過，熱的青檸蜜則很潤喉。說到服務方面，侍應會主動幫我們加湯在烤魚盤上，要加分！

炎炎夏日，同朋友行完山，就去食下午茶。入左黎呢間傷心酸辣粉。食完都真係幾傷心架，貼錢買難受。　周圍得幾個客人食野。選完餐後，叫呀姐落單。要２個滷蛋湯麵。落單之後，幾分鐘，侍應就拎左兩碗麵黎，食左啖，之後發覺無蛋，就叫侍應過黎問，原來佢落錯單，咁落錯單呢Ｄ，無乜所謂，但係侍應就大聲夾惡咁話，係你指錯。但同行友人皆聽到落單係講要滷蛋湯麵，唔係撈麵。費事同佢嘈，陣間比佢加料。　個人認為，侍應係忙既時候，落錯單都係人之常情，所以都無謂令人難做，同佢講返聲，等佢下次唔好落錯就ＯＫ。都知道做侍應會比較辛苦，所以，平時都唔會叫人換，費事侍應比人話。但呢間鋪Ｄ侍應就世界級啦。無乜人既時候，掛住吹水落錯單，都不特止，仲要話係客人指錯。　如果有人想試下食完有幾傷心，都可以去呢度試下比Ｄ侍應話下。

今日放假懶洋洋喺屋企附近食個lunch，天氣突然轉涼想食d熱辣辣暖胃野就諗起酸辣粉經常幫襯各間傷心都覺得水準穩定平均，不過馬鞍山呢間堪稱最差。💔麻辣肚絲+酸辣粉+凍檸茶💔肚絲底下攝滿水汪汪既青瓜絲，令人食慾大減酸辣粉湯底只係一碗紅色既辣水毫無香味份量少到女仔食完都唔覺飽同等價錢食譚仔好過💔環境💔食物質素令人想快快食完走，另一原因係成餐飯食左約30分鐘，店內大大聲播國語歌，想安靜食餐有質素既簡單飯請慎入

每間傷心酸辣粉都唔一致！有時Bb辣已經夠，但lee 間嘅bb辣得酸味！麻香唔夠，湯底完全冇層次可言！食傷心酸辣粉就係鍾意佢嘅層次分明嘅湯底！冇辣味！都算，！d粉硬到！好似食緊香口膠咁，食到我憫！食一啖要咬到牙都軟咁，幾經辛苦先食到半碗！就頂唔順要放棄！D呀姐態度又唔好，講話d面好硬又只係笑一笑講話可能未浸夠！大佬呀，咁你唔好serve 比人食啦！又話有得自己再調配味道，一瓶豉油都睇唔到！D呀姐掛住傾計，叫落單，睇到又當睇唔到，傾埋2句先過黎！佢地圍埋一堆，傾計仲大聲過d客！

心思思，放工同老公2個人去左食酸辣粉。唔食得太辣既我，次次都只係會食少辣。長情既我更加每次都只會揀食口水雞唔知係唔係我太耐無黎，今次竟然有加大既口水雞餐，梗係一定要叫啦！以往例牌都食到到喉唔到肺，今次加大左，份量岩岩好可能雞既份量大左，亦都多左肉食，無以前咁「骨參參」

係馬鞍山食宵夜應該只有幾個選擇, 傷心酸辣粉 LAST ORDER 11:30PM, 都算是最夜的了.傷心酸辣粉同樣係最少搵位的餐廳, 多數只有數檯客.我們包了半個場.ORDER了1個小辣雞煲 (半隻). 店員會準備好GAS爐煲住. 我地都叫食得辣, 但雞煲是非一般的小辣, 算幾辣. 汁多都算入味.雞就不太似有半隻,  雞頸/PATPAT就有齊.雞件切得細, 不可能啖啖肉的, 雞肉還算嫩的.因為太辣, 唔敢再叫野食做配料. 另外叫了一碗酸菜湯底的紅薯粉.紅薯粉條條透明, 較為淋了, 少了Q彈的感覺, 不過十分滑.2人埋單 $172.

是日同朋友們去完船P，之後去左位於馬鞍山中心既傷心酸辣粉到食晚飯，經過上次食到流眼淚之後，今次揀左小辣試試，粉方面可以揀米線，紅薯粉，小寛麵同埋晶絲薯粉，我揀左我最愛既薯粉，餸方面揀左3款，因為叫3款有免費贈飲，今次叫左豆卜，墨魚丸同埋鮮肉餃。紅薯粉食落好煙韌，小辣酸辣度剛剛好，加埋D配料好似莞莤呀，花生呀，食落真係好開胃。

夜晚10，遲來的晚飯!坐低拿拿臨點左個自選二人套餐，貪佢平平地又可以叫到小食!落完order等左5-8分鐘啲菜就差不多上齊拉!自己叫左酸辣米線BB辣，原來BB辣已經十分之辣 吾食得辣嘅朋友係活受罪!呢碗酸辣米線十分足料 配菜好多 淨係食碗麵已經覺得好飽男朋友就點左小宽麵 麵條好特別 好彈牙另外小菜就點左皇牌口水雞、香酥軟骨同埋海帶絲口水雞好野味 麻辣好搶喉 可惜雞肉太冧 分量合理香酥軟骨炸得好乾身 好脆口，點埋配有嘅醬 更加好味海帶絲十分普通，吾謂以為食緊無味嘅菜

我好鐘意食辣野，呢附近全部都試過。呢間openrice評價唔算好，但今日都來試下。7點，人不多。只一個人，一份酸辣湯底的紅薯粉，三個餸，都好失望😔最糟糕是秀珍菇，好似爛左，有怪味。榨菜唔夠脆，都有少少怪味。使我聯想到食神中的台詞。小辣湯底冇辣味，酸味都普通，應該選中辣，可能會好。我記得两年前經常到旺角店，味道好得多。餐單上有雞煲我都几鐘意食，配料選擇都多，不過我下次不打算再來。