傷心酸辣粉 (馬鞍山中心) (Closed)

太懶了，連情人節都離不開馬鞍山之前見傷心酸辣粉晚上有串燒食，於是黎試食啦先叫左個麻辣雞絲冷麵打底(唔記影相)，估唔到咁ok喎，叫左小辣，都好夠辣味了（平時食譚仔小辣既）另外叫左燒雞翼，魷魚鬚，司華力腸，煙肉荔枝，鯖魚，啤一啤就唔少得啦雞翼好難燒得唔好食，味道ok，但無驚喜魷魚鬚幾好，不過份量多d更好以上幾樣，司華力腸最失色，好普通，味道唔夠。煙肉荔枝還可以，但不夠juicy有2款魚，鯖魚和秋刀魚，友人話鯖魚少d骨，但我怕骨，所以都係嫌太多骨，肉不夠多

好耐都冇同屋企人行街！早幾日行行下街發現原來馬鞍山開左間傷心酸辣粉，於是就試下啦 =]一坐低先叫2碗傷心酸辣粉 BB 辣 share 食，份量都算幾多，紅薯粉食落好煙韌，而湯就偏酸少辣，但食落好開胃，唔錯唔錯！ 　　　 點左個口水雞，雖然碟雞比想像中細碟，不過肉質鮮嫩，而且唔多骨，相反啖啖肉！　 之後亦點左媽媽最中意食既乾扁四季豆，它係一道漢族傳統菜式，香辣可口，而且十分軟滑，同樣有令人開胃的興緻！　 細佬就中意食呢個卥水拼盤，有卥水蛋、紅腸、牛肚、雞翼尖等，都幾多款式，加 d 芝麻很有風味 !另外，我地大家都點左d 串燒，唔好講笑，d 串燒真係幾正！雞翼香脆可口，每人一隻真係唔係好夠喉；而牛脷就超厚，食落一 d 都唔 "酥"，相反香氣濃厚之餘，又紮實、彈牙，正 =]最後點左個水煮‬龍脷魚，呢個又係超正，遠處都聞到麻鮮香辣‬，味味俱全；龍脷魚又唔算好辣，不過就好軟熟，食完一塊又一塊，完全停唔到，配埋飯食，大家已經食到好飽！　　　　　　

來到才知道傷心酸辣粉有賣川燒。款式有不少，肉串不在話下。羊肉串($20/串)配沙嗲醬香味四溢。燒菠蘿($20/串)肉厚多汁，甜甜的可以幫助解辣。燒茄子($30/串)原條開邊上。上面鋪滿蔥蒜，非常香口。 後來看到鄰枱點了燒黃腳，店員小心翼翼地將烤好的魚皮整片拿起。光買這份工夫也值得，下次來一定要試。當然來這裡是為了辣一辣，刺激一下。皇牌口水雞餐($50)有一隻切雞脾及一大碗酸辣粉。雞脾肉非常嫩滑，麻辣汁入味。再說酸辣粉，小辣程度剛好讓大家流鼻水，卻又吃得到。粉條 Q 彈，吸收滿滿湯汁，即是只有肉碎也令人追吃不斷。夫妻肺片餐($50)除了一碟夫妻肺片外，同樣有一大碗酸辣粉。肺片有牛牛肚，乾脆爽口。難得一家吃飯，另點了重慶雞煲($128/半隻雞)。因為會愈煲愈辣，這個選BB辣好了。煲內有很多雞件，嫩滑入味。洋蔥也吸收了醬汁的精華，最後給我們全部吃光。而且有生菜供應。沒想到這裡也有 Somersby Crush($38)，餐點緊貼潮流。冰凍的 apple cider 為吃雞煲增加了不少樂趣。

今日同朋友行完街見到有間傷心酸辣粉就諗住去試下啦，今日假日嚟講都算幾快有位，大約等左15分鐘左右，入到去我地就拿拿臨叫碟口水雞加薯粉啦，唔知係唔係假日關係，啲粉唔夠腍囉，啲雞就好滑好入味，但就好少囉，有啲食左陣風落肚既感覺😳

我得登申請account上黎寫呢次食評叫左個紅薯粉，講左2次走莞茜，蔥一黎到見左2大堆，同個侍應講佢拎走碗野同個經理講，然後個經理話撩走佢就得，跟住響我可見到嘅位置搞唔食莞茜嘅人怕佢陣味，其實一落成碗湯啲味就變哂，真係好難食。叫左酸辣湯底完全唔酸，唔知佢係咪落錯單跟住啲紅薯粉仲要咬唔爛，橡筋咁完全中伏，冇下次!!

上次食係新年前，經驗麻麻。今次再同辣妹姐、泰潮哥、男朋友食，完全改變睇法，因為好好味！我地叫左三個套餐，加兩碗白飯。男朋友前日感冒快腸胃炎，都驚佢食完吾舒服，過佢堅持冇問題。叫完嘢食，問職員拎鎖匙去洗手間，問佢地係邊個陣，竟然答吾到。問經理，佢俾左個好驚訝既反應我，但又支支吾吾，之後終於講到係邊 。係吾係知道洗手間係常識？？？佢冇過有人會問？！返到黎，傷心酸辣粉同滷水拼盤已經到左。我及及待要食個粉，因為個人好鐘意佢既酸辣。我食小辣已經覺得有小小支持吾住，辣妹姐對大辣既愛慕真吾識欣賞。經理送左個凍粉俾我地，話想我地俾啲意見：粉淋得滯，但幾鍾意凍食。個雞真係要讚，四個人叫左成隻，最後剩低一兩舊，因為啖啖肉，比係銅鑼灣個間足料好多！好入味！雞皮咬落有類似食綿花雞既軟度，但仍然感受到肉質厚實。至於滷水拼盤，當我回想佢既存在既時候，只剩低一舊雞腳。正當我慶幸自己執返最後一舊既喜悅時，一咬落去，成舊又硬又瘦既雞腳骨.......甘滷水拼盤應該吾算值得推介之選。同另外要讚既係蒜泥白肉，佢同譚仔相比，入味好多，蒜味冇甘濃，但係保留到香味，仲要長長一塊，有我手掌甘長，食落又吾肥膩，正！

傷心酸辣粉一向都係我嘅至愛，但馬鞍山呢間嘅酸辣粉就每況愈下今次唔太餓就平平地叫左個淨傷心酸辣粉。等左3-4個字，終於黎，果時人流唔多，唔知點解要咁耐食物方面，先講個湯底，越黎越稀，既不夠酸又不夠辣，今次仲要特登問佢拎D醋加味...再講D粉，已經冇以前咁彈牙同咁好嚙口，麵質變林左同偏幼身。馬鞍山呢間已經冇左以前嘅水準，今次真係有D失望...希望佢未來可以改善下。環境方面，呢間好多位又幾闊落，唔似銅鑼灣果間咁擠迫，通常黎到唔洗等。服務方面，個經理服務態度幾好，但其他侍應就好似游緊雲咁。

辣子雞味道一般而且很貴, 份量也很少. 鹵水拼盆無味, 份量好小. 牛肚太硬而且不入味.豬骨湯粉, 味道淡而差. 蒜泥白肉, 不錯合格. 口水雞, 一般因為味道很淡而且很少.傷心酸辣粉, 可以吧酸酸辣辣很開胃, 呢個值得食. 人手不足服務一般.

唔知係唔係馬鞍山街坊對酸辣粉反應一般，傷心酸辣粉竟收起傷心，開始賣豬潤麵同蒸飯，價錢仲係$24-29... 是靈活變通，還是催命一撃，就留待觀察了~呢個係豬潤麵系列最貴既「豬潤肉牛麵」，$29，上桌時仲好滾燙，好0岩天寒地凍時食。湯底甘甜，豬潤味足，淡淡薑味驅走寒意，很好! 麵底是公仔麵，不過都好爽口，同湯食好夾味。加左份酸辣土豆絲，開胃又爽口，作為副菜很不錯。

難得曉食媽放假，當然是與她用膳。她一直都偏愛麵食。可能之前聽最曉食提過馬鞍山開了間酸辣粉，故她今天二話不說便決定要去。我們點了兩個套餐。媽媽點的是酸辣紫薯粉。而我的是普通酸辣粉。其實兩種粉比較起來，味道上是沒有大分別。反是質感的差別。紫薯粉和普通粉都一樣是十分煙韌。但紫薯粉沒有普通的那種那麼難咬斷，而且會比較短身。再說，紫薯粉較吸湯。吃了一會先後，整碗湯的水都不見了大半！最曉食認為兩種粉各有特色。紫薯粉亦值得一試。一個餐是要夫妻肺片。每片都切得薄薄的，容易入口。而且汁的味道也香口。我們二人都較喜歡此。反而口水雞則較為孫色。味淡，而且汁很稀。而雞也是沒有肉的部分。整碟予人有草草了事次感。雖然口水雞則略為失準，但曉食媽對此餐也算滿足。希望下一次能有所改善。

原本o既餐 (1) 小食 + (2) 麵 ... 而家星期六、日冇左餐 ... 等於要分開叫，另外比多 D 錢 ... 原本個餐都成 $40-50 ... 而家更加唔抵食 ...辣子雞仲唔得 ... 成 $98 蚊又細碟 ... 但 D 水準超唔好味 ... 雞又少、好多骨、....D雞又炸到好燶 ...好乾又硬....牙都差D咬難埋....好多碎骨呀！仲有當日D 汽水等左好耐都唔到....到左又係熱...D野食又上得慢....等了又等.....等左好鬼死耐！而且叫左一個白飯....一早落左ORDER都係要一吹再吹先識上....真係有好多地方都有待改善。唔係話你新開就可以咁，已經有咁多分店....應該好有經驗啦！應該諗下點樣進步而唔係倒退！仲有D STAFF分工都分得幾開...個個D 制服一樣，但就有D只係傳菜又有D唔會落ORDER....要D客等好耐先可以叫野食....真係VERY SLOW！總之假日貴過平日咁多，我打死都唔食!!!

諗住新開就泥試下，野食未到就一肚氣！落錯單、漏單嚴重！一排台6個、4個錯單⋯其他人食完我碗粉都未泥到！仲要死唔認錯！算⋯講下d野食叫左2個套餐，1)鹵水拼盆+豬骨湯粉+凍柑桔話梅蜜2)蒜泥白肉+傷心酸辣粉+凍蜂蜜梨茶鹵水拼盆無味⋯而且份量好小…牛肚唔夠林唔夠入味…只係得個色水…個蛋仲衰…得四分之一仲要再分兩邊…成碟野真係不值一提！豬骨湯粉⋯真係完全唔覺係豬骨湯lo~講親骨湯必定會諗起奶白色既濃湯底…呢個只係油林林既味精水…就算中式骨湯都一定唔係咁個囉！凍柑桔話梅蜜…第一野係凍0茶…第2次岩其實成杯野係凍0茶走Lemon加粒話梅…不過算啦~到到都係咁上下…不過呢度係特飲…跟餐加$10覺得好唔值囉…蒜泥白肉OK⋯呢個係成餐為一可取既…蒜味夠，要小辣都十分正常~賣相都比較有誠意！傷心酸辣粉不知所謂！等左半個中同台其他人都食完都未泥之後泥左個勁多湯同齋辣唔酸既粉我…只係見一層紅色既油係面…我都係要小辣，但係就覺得好辣！同頭先個蒜泥白肉係2個Level！真係唔知講乜好…我杯凍蜂蜜梨茶…第一次係熱0蜜第二次係凍0蜜第三次係凍蜂蜜柚子茶…都係凍0茶走Lemon加柚子醬…我都真係費事再換…拿拿林食

本人食5到辣，但好想試吓呢間餐廳。所以係門口徘徊咗一陣，有個待應留意到我，自動出黎同我廣d野食可以走辣。去到叫咗夫妻肺片走辣、滷水拼盤、豬骨湯粉和酸菜麵。所有食物嘅份量都少都不得了。肺片淨係有好濃嘅豉油味。滷水拼盤嘅份量好少，裏面嘅紅腸重有陣怪味。豬骨湯粉好咸，一d豬骨味都冇。酸菜麵又係好咸，連酸菜味都冇。樣樣野都好濃味同埋好咸！！

因趕時間，叫了2個外買，食後感想如下：1. 套餐一 "口水雞套餐" ($45) - 口水雞好味, 唔肥, 醬汁可以走辣2. 套餐二 "滷水拼盤套餐": ($46) - 滷水拼盤有紅腸、鵝、雞翼尖, 食材份量略少了一點, 不過都夠味2個套餐的飯量極少, 只有半碗飯，少得可憐，12:45食飯，女同事17:30叫肚餓、男同事16:30叫肚餓，這是在馬鞍山其他食店不會出現的事，在我們同事間算 "嚴重問題"另外, 食一餐，用咗6個高質素硬身膠盒，可入微波爐，非常唔環保和浪費以四十多元的價錢，算是偏貴，在新港城三期的小店食同樣的東西都只需$35-$38，而且有大大碗飯，又有飲品送。下次寧願行遠小小去返新港城三期的小店食抵食好多。

因趕時間，叫了2個外買 $45 口水雞套餐、$46 滷水套餐外賣返公司食。食後評語：1. 口水雞、滷水夠味2. 可以走辣3. 餸的份量偏少，還可以接受4. 跟餐的飯只有半碗飯，少得可憐，12:45食飯，女同事17:30叫肚餓、男同事16:30叫肚餓，這是在馬鞍山其他食店不會出現的事，在我們同事間算 "嚴重問題"以四十多元的價錢，算是偏貴，在新港城三期的小店食同樣的東西都只需$35-$38，而且有大大碗飯，又有飲品送。下次寧願行遠小小去返新港城三期的小店食抵食好多。