元朗花甲粉

Open Now

Now Closed

冬天就梗係要食熱辣辣嘅花甲粉啦！佢個米粉絲滑 細膩 有彈性成個湯同米粉都吸收咗花甲嘅鮮味花甲係肉眼可見嘅多而且每一啖都食到花甲湯的鮮甜仲好大碗添食完之後出曬汗打咗個私益一個字正！

講真，我今次會去呢間店完全係因爲想食花甲！🐚 行入去，空氣中已經飄浮住一股誘人的麻辣香氣，好似打咗個招呼般邀請我早啲坐低開餐。店家個花甲粉真係靚嘢，粉絲Q彈得嚟，好入味，湯頭鮮辣得嚟唔死火，辣到你有種微辣又上癮嘅感覺，湯底飲落去一啖又一啖，真係夠晒霸氣！加埋啲花甲，每一啖都飽滿得滯，破天荒竟然俾我數到足足有十幾隻！仲有，呢度嘅豆腐和金菇，清新滋味好配湯頭，啱晒做drop嘅潤滑劑。吃到半截，心口暖笠笠，一種幸福感湧上心頭。🧡不過提提大家，呢度嘅人氣好高，準備等一等先食到嘅心情要有，但係呢種等待係值得嘅，因爲你將會食到一碗好正宗、元氣滿滿嘅花甲粉。下次我都會再嚟呢間店，因爲實在係好食到停唔到口，之不過！下次我會早啲過嚟，等得少啲！😝😋🍴

本身對於花甲粉情有獨鍾之前試過另一間嘅麻辣湯底好出色今次見到有介紹就試吓呢間花甲粉⭐️店嘅門面唔係好顯眼 而且好世間所以搵嘅時候要細心啲價錢我相對既份量覺得係合理嘅之前食過另外一間湯底好出色，但係份量就相對少而且偏貴👉🏻今次叫咗粉絲食唔晒係超級多👉🏻蜆大概一碗有十隻左右 無沙💯👉🏻叫咗竹笙好索湯味👉🏻湯底叫咗小辣小麻 個人覺得都夠辣如果唔係好食得辣，建議叫BB辣bb麻湯底味道夠味 不過唔夠麻美中不足覺得係比較油少少 所以可能有啲人腸胃受唔到可能會容易肚痛 因為之前食另一間湯底嘅麻辣真係好出色所以對比下整體上都唔錯 7/10分 份量價錢味道✔️

男朋友成日話呢間花甲粉好好味今日專登喺九龍入嚟試吓味道舖頭較細得4-5個座位所以早15分鐘打電話嗌定一嚟到就有得攞唔使等花甲粉味道好入味，一碗大約有10隻花甲花甲食落無沙清甜味道啱啱好配埋竹笙一齊食超鍾意呀怪唔之得咁多人都話佢嘅湯底好好味另外配料都好足,又有金針菇我仲額外加多左一份娃娃菜，碗麵好似食極都仲有咁😂😂如果女仔嚟食嘅話，一碗應該好難食得晒可惜我住得太遠，如果唔係我會成日走黎幫襯下呢間小店

至從第一次來食完之後，就心心念念想再來食過😂😂😂癡線…點解個湯底可以咁好飲😂😂之前睇啲評語好壞參半，我都有猶豫過要唔要試，但最後都決定自己試一試，我最鐘意做白老鼠，自己唔試過唔心息嘅😂😂😂但係宜家試完就成日想來食，可惜我唔係住附近😥😥否則我真係會日日來食～😩點解好食嘅餐廳都只會出現係元朗咖～搞到我每次都要山長水遠過來幫襯～😂我宜家好期待牙出元朗工作啊～😂😂咁就有藉口過來再食過 😂😂😂

見網上有人推介，食過一次之後有一日忍唔住再特登喺馬鞍山搭車入去買外賣！！湯底好夠惹味，都好夠辣！花甲新鮮有鮮味！炸蒜真係好有蒜味，呢個唔係搞笑，食過好多炸蒜落到湯其實冇乜味總之呢間大推！！！

睇YouTuber 講到好好食，特登由大埔揸車出嚟買，開車前10分鐘已經打電話落定order，去到都要等5分鐘，時間都唔係問題，最主要係碗粉極度之咸，食完之後要狂飲水，但都仍然覺得口渴，$8墨魚丸餸就只有一粒咁大把！又形容自己鋪頭辣既程度係比市面高一級辣，但叫左個bb辣係完全唔覺辣，價錢偏貴食物偏差，真係唔會再有下次！

其實已經食過不下廿次了，但一直無寫食評，趁今日得閒就寫下啦！食元朗花甲粉要等是常識吧。所以我通常揀一開鋪就到，避免等太耐，好彩嘅話甚至有位直入 。個人唔好花甲，比較中意叫百搭粉，配菜多數叫肥牛搭娃娃菜，菜肉均衡之餘又索湯，係我最愛嘅配搭。麵底方面多數揀粉絲，貪佢索湯惹味，份量多夠飽肚。配料方面，隨粉附上蔥茜炸蒜，唔要嘅可以唔剔。辣度就多數揀大麻大辣，因為我真係好食得辣同埋好中意麻嘅口感！如果唔食得辣/第一次食又想試辣嘅朋友叫BB辣好少出錯。真係好想食辣又怕連BB辣都食唔到嘅，可以落單果陣同佢哋單聲，會再輕手啲。上次有個女士就係咁叫。另外，老闆娘（aka花甲妹）好中意整嘅特色嘢飲嘢食比食客試。果日我去有西瓜汁可以係等位期間添飲，真係足料西瓜汁，飲得出無加糖，消暑解辣，正👍

極不推薦外賣等很久7:47落order， Apps 顯示外賣員一直在等，9:05先做好餐，9:22 我終於收到外賣叫花甲粉一打開 竟然沒有花甲 我都好懷疑自己有冇搞錯 真心燥咗 呢碗嘢完全唔值得我等點了＄104.6的花甲粉，老闆娘退了$30 花甲錢給我錢都唔係問題 係叫呢間外賣簡直浪費時間到底我為什麼要order一碗沒有花甲的花甲粉?!! 人生充滿無奈😮‍💨 沒有下一次 極不推薦!!!!!!!!!!!!!!!!!!!

我哋當日係排堂食 滿滿美少女戰士figure🧚🏻‍♀️🧚🏻🧚🏻‍♂️〰️前前後後我哋大概等咗30-45分鐘🕣🍜花甲粉 $59➕肥牛$10 ✔️臭茜✔️炸蒜✔️葱🌶️小辣雖然樣子平平無奇 但係 真係好好味😍！肥牛同蜆肉份量多 蜆肉乾淨無沙 另外仲有金茹 豆卜 娃娃菜做配菜 整體好豐富 最吸引嘅一定係非常鮮甜既湯底🥰❣️小辣都幾辣下 不過絕對唔會令湯底有一層油🫶太好食了〰聽過朋友話會留起湯底煮第二餐🤣好誇張😛〰️整體真係好值得一試 唯一缺點就係等待嘅時間太長🥲

#20230506 💛📍 元朗花甲粉 @bertney_0318元朗水車館街2號東輝閣地下10號舖➖➖➖➖➖➖➖➖➖➖➖➖➖➖➖➖➖➖➖➖➖#花甲粉 #粉絲 #BB辣 #走麻 $62 🫧 #臭茜 #蔥 #炸蒜 🫧 #紫菜 $6💭 呢間舖頭逢星期日唔開，🐷都撞過板🙈所以再去期望更多大，果然無失望🤩舖頭入面得4個位，堂食要比啲耐性喇😅炸蒜、蔥同芫茜令個湯香左好多🌿佢啲粉絲爽爽地，索晒湯好prefect，花甲比想像中多，🐷數過都有十隻咁多多，雖然湯底濃到唔係好食得到鮮味，不過都好好味，後悔無加$25要多份花甲😣除左花甲同粉絲，入面本身仲跟左啲豆卜、娃娃菜同金菇，份量多到好似車仔麵叫左三個餸咁，搞到加錢叫個紫菜變得多餘左😂其實就算要$62都好抵食，性價比極高，可惜佢如果搵唔到接班人6月中就唔做喇😓.#元朗美食 #元朗黃店 #🐷在元朗 #🐷_食

每次去元朗都好想食花甲粉🫶湯底清甜加上麻辣真係會食上癮直頭係會飲埋啲湯仲要啲花甲係新鮮 大大粒成碗麵份量加埋啲配菜都係十分之多一個人都差啲食唔晒 已經介紹過好多朋友食都話好好食😋😋

出色花甲粉濃湯好味好大碗 要分兩餐先食得哂😂佢係分湯俾你 分兩餐食都無問題可以回味再回味要早少少去 如果吾係夜晚啲餸好易賣哂可能得返牛肉粉食😌😌外賣返屋企 自己另外配啤酒

人身第一次寫評論，真係好😡😡😡今日放假專情到此店，已預期一定要等等等，所以已經食定小小野，搭左1個鐘車到達，門口沒有人等位🤔但店內3個位都滿了，見到很多外賣單，即問店員有無堂食，佢答我前面有2位等緊，我說無問題，我話向門口等，因為入面有張小型坐位已有2位客人坐左，我開頭便以為係呢2位等緊堂食，店員佢便轉身做野，見店員一邊做野一邊比疑似老闆說她做的所有事情都不妥。等左一陣，原本個2位食客起身，跟著突然見到2位入店說號碼，然後坐底，我心想點解我無號碼，便立即問店員，佢話堂食都要先落單，我當時已經心想點解佢唔講，我企向到睇左餐單咁耐又唔敢填，驚堂食同外賣唔同落單形式，但我都算照即刻先落單，之後比單佢，佢話我前面仲有4位，我即刻問點解，佢明明話2位，佢就答我因為我無落單，所以中途已有人排😱但我明明中途只見到兩母女進店，我亦有問過佢地係咪堂食，諗住同佢講我都係排緊堂食，佢地同我講係外賣，咁究竟嗰四個人係幾時排隊？我第一次黎，完全唔知規矩，同佢好冷靜咁理論左幾句，佢話佢有叫我落單先😤我可以100%肯定佢無同我講，其實一到店我要問的都問了，要講的都講了，亦企正向門口，忙都理吓新客呀，有生意的店便真的

元朗花甲粉以外賣為主，店面只有4個座位。6點開晚市，當日6點15分到，雖然堂食暫時冇人，不過老闆話外賣單較多，堂食都要等到7點。咁難得入元朗，點到等到7點啦！7點入座，不過老闆娘都話要等到7點15分，於是就點餐先，坐到7點15分接單，等咗陣好快就有得食，期間聽到外賣電話響個不停，不過外賣都要等超過一小時，見咁受歡迎，都可以肯定唔會難食得去邊。因為我揀咗小辣，老闆娘特地提醒佢哋嘅小辣都好勁，問要唔要轉bb辣，自問平時都食到中辣，以為冇問題，點知都係少年太年輕了，元朗花甲粉的小辣同其他米線餐廳的中辣有過之而無不及。一入口最先反應係喉嚨，冷不防被嗆了幾下。湯底偏甜辣，娃娃菜、豆卜吸收哂辣油味道，非常入味，雖然都幾辣，不過都係忍唔住飲多幾啖湯。今次叫花甲粉，花甲同粉絲份量非常多，大概1.5人份，另外亦提供不同種類的麵，粗米線都有啲想試，不過第一次都係食返粉絲經典啲。不過今次啲花甲有啲瘦，好在冇沙同清甜。涼拌蓮藕份量都好多，切成薄片，所以特別爽脆，芝麻醬、陳醋調味，非常開胃，亦幫助解辣。下次有機會入元朗都想再幫襯。