元朗花甲粉

Open Now

Now Closed

呢度嘅餐牌好簡單易明 選擇困難症嘅朋友都可以相對容易地揀到🤣係用剔剔紙自己寫嘅 有問題都可以問老闆娘 超級友善！🍜花甲粉 $63+11+7+9+9雖然平時都鍾意食辣但想試真個湯底所以淨係嗌咗小辣湯底清香鮮甜而且一啲都唔油膩 唔怪得知咁多人話食花甲粉可以減肥xd花甲有5隻 粒粒肥美飽滿而且洗得好乾淨唔會食到沙粒👍🏻配料方面加咗牛柏葉 娃娃菜 潮州魚腐同埋墨魚丸牛柏葉 娃娃菜 潮州魚腐都好索湯入哂味 牛柏葉爽脆軟嫩有嚼口 墨魚丸就鮮味彈牙😋主食可以揀粉絲 米線 烏冬 米粉或者稻庭烏冬我哋就揀咗標配嘅粉絲！又係吸哂湯底鮮味嘅一款食材！！而且份量都驚人地多 見到隔離枱為男士都食唔哂😆

📍 元朗花甲粉｛元朗｝ 原來元朗有一間咁出色嘅花甲粉，係一條隱世小巷嗰度，如果唔係特別去行過或者去搵都未必會知，不過lunch嘅時間都已經見到好多外賣同埋好多人，吸引得到附近好多嘅打工仔/學生👩‍🎓，因為價錢合理，而且原來份量勁多，店內仲可以自己喺出邊自助炸蒜、芫荽、香蔥🤩差唔多店內都叫做半自助形式，除咗隻碗大之外，原來份量都好多，就算一個男人都一定夠食👍✨花甲粉湯底夠哂鮮甜 而且仲可以揀辣度我揀咗中辣 粉絲好索湯 辣味都吸收晒粉絲索晒湯同花甲嘅鮮味花甲份量好多 無沙幾乾淨仲啖啖肉入面仲有齊娃娃菜、豆卜、金菇配料已經好足夠 男仔都夠食另外仲加左餸✨ 牛柏葉、台灣腸、厚切午餐肉，午餐肉真心厚切，厚度係完全不計成本價。台灣腸味道正常發揮 ，牛柏葉爽脆，而且仲有四至五舊，依個價錢真心抵食👍✨ 百搭粉店內除咗有花甲粉之外，仲有百搭粉，粉底可以自己揀，我哋就揀咗稻庭烏冬，份量都好多下，唔知以為食緊兩個😣另外仲加咗✨肥牛、廚師腸、仲加咗兩隻🦪熟蠔，肥牛嘅份量多到食極都仲有，而且口感豐富，肥瘦均一，熟蠔都好大隻，仲食到蠔嘅鮮味🦪✨ 老闆娘手沖咖啡凍飲嘅咖啡，口感好順滑，而且唔會特別有苦澀味，果然係

原來諗住去附近既永X食早餐，點知條隊長到我冇意慾去等(況且唔值等)。突然諗起附近有間花甲粉之前一直想去，原來間野就係永順後少少。呢間野係好似啲車麵檔咁要自己劃紙仔，有花甲粉同百搭粉兩個選擇。百搭就沒有花甲，但2個粉都已經包括娃娃菜，金菇同山根3款餸。個粉既湯底係用花甲煮，我叫既清湯+小麻，粉就選粉絲，再加埋台灣腸同牛栢業。芫茜，蔥，同炸蒜係自助形式任加。個湯好甜，個粉同餸份量都堅足。好彩早去，轉個頭FULL HOUSE！！

好耐之前食過一次當時覺得好難食 好淡無味。但最近好似好興花甲粉 又多人介紹話好食，於是諗住再試多次。用戶戶送app叫定外賣，因為聽人講好似要等好耐。平日下午6點零左右，15-20分鐘都可以取餐。一入店舖就聞到疑似美極既香味 。叫左一個花甲粉，時不時有優惠。今次加1蚊有多一份花甲既優惠。花甲粉本身已有幾件豆卜，娃娃菜，金針姑。另外可以加送，但無咩特別。 今次覺得好夠味 。個人都鍾意美極，所以覺得幾好味 。 但就唔係海鮮個種鮮甜。 唔知出餐水平係咪一時一樣。 下次可以試下百搭粉 。 價錢略貴 （比起車仔面）

由外賣店做到店舖有堂食真係唔容易，一直都有幫襯開老闆娘既花甲粉，啲花甲真係新鮮同埋個辣味真係好香，而且成日都有優惠價小食！係間充滿人情味食店！見佢開左堂食店即刻去試試 ！經營模式有啲似food cout既feel 先係門口填好要食既野再排隊同收銀落order 比錢，比完錢先揀位坐低基本上都要搭枱除非自己岩岩好4個人一張！私心推介糖心皮蛋小食，皮蛋同個汁都屈機，酸酸甜甜加埋煙韌皮蛋配搭天衣無縫。花甲粉+肥牛海鮮湯湯底，鮮味十足食到花田既鮮味，花甲份量都多，叫個加底粉絲份量夠兩個人食，其他餸就無乜特別 車仔麵既餸腸仔牛丸啲fd 。

呢間花甲粉自從搬咗大鋪之後，嚟多咗幾次。因為之前得外賣太唔方便了。每次嚟都叫花甲粉，佢個湯底其實係幾好味的，好入味，不過食耐咗就有少少鹹。另外值得一讚嘅就係，花甲粉真係好足料，好多娃娃菜金菇，一碗真係食唔晒😂另外我覺得好好嘅係，芫荽同埋蔥，蒜，可以自己落，鍾意食嘅人可以落好多都得👍🏼花甲數量其實都算多，平均一碗都有10隻左右，不過有時有一兩隻就唔開，但係60幾蚊呢個價錢食一碗咁足料嘅粉。算係唔錯㗎啦。

見到食在元朗個個都話好好食就趁收工去左試下先，平日下午4點左右都要等成45分鐘先有得食～湯底吾算好濃，好重味精味價錢偏貴吾會再有下次去食了俾人吹得太大，試1次就夠了

排隊長龍店，因為今日晏就落大雨而唔使等，間野前身係一間叫貓頭鷹🦉既西餐廳，佢原用返前手既裝修，行型格時尚風格，同花甲粉真無9唔搭8😅入到去坐低，原來間野既叫法好似大家樂咁，又講多句，真係好唔襯個裝修😅好啦，我一個人食既，拎完野食返到黎個位都無埋，俾店內職員坐左黎食飯盒😅（其實我拎野食個到同我本身個位都係好近）好啦，講返主角，花甲粉，我叫左BB麻辣，芫荽蔥蒜要自己加，佢個膠盒已經冇晒芫荽🤷🏻‍♀️一直都無職員加返，仲衰過啲自助餐唔加龍蝦😅麻辣湯底好普通，唔知點解同附近嗰間漁師x既麻辣湯幾乎一樣味，都係麻到利都痺，無麻辣既香，花甲唔算多9隻左右，4隻唔開，叫無沙，但完全食完唔知好食在邊🤷🏻‍♀️食左不半就放棄，又一劣食

️.以前舊舖因為地方太細 堂食位置唔多，所以通常都係外賣居多，依家終於開番間多啲位可以堂食 就立刻去幫襯👻店舖提供花甲粉和百搭粉兩款，如果唔食花甲既朋友仔可以揀百搭粉配兩個自選餸💕🌟花甲粉除咗花甲外 仲會有娃娃菜、金菇、豆卜另外可以自行揀選芫荽、蔥、炸蒜丶辣度同麻度，建議唔食得辣嘅朋友仔揀bb辣🤓如果另外想再加其他餸都有好多選擇 大概$6-$10到 麵類都係除咗粉絲以外都有烏冬米線可以揀⚡️花甲粉 $62好鐘意佢嗰種湯底 麻得黎又好香😍加上豆卜嗰啲索哂啲湯汁食真係好正😝😝堂食熱辣辣係正好多 粉絲相對上係會比較淋身 ♨️去咗新店一次幫襯之後，個人認為外賣會比較好，因為新店安排始終未夠完善，初時以為收銀同事安排位置，之後先發現原來自己搵位坐。其實有啲混亂，有啲人霸住咗成張四人枱，當想入去坐又要好尷尬咁問。⭐️喺收銀order完付款後，等飛號自行去取餐，的而且確明白人手未夠要客人自己出去取餐係無可厚非，不過流程上係可以做得好少少☺️同埋其實感覺上覺得堂食個質素係冇咁好😔外賣拎返屋企食係會凍咗但覺得個味道都唔影響😙

星期六早上11點半到，未開始營業，等到12點，做第一個客😊今次已係第二次食今次點了清湯花甲粉味道鮮甜，而且花甲都有15隻，但不算大隻配料十分多，價錢不是太平，但可以接受一食感受到這碗粉很新鮮的，因為湯好熱

朋友極力推薦話哩間花甲粉好好味，所以就諗住試一試，點知第一次叫花甲粉，送到哩竟然一隻花甲都冇，大失望！花甲粉走花甲😭滿心期待既花甲粉，真係好失望！但又冇得即時反映！

聽朋友介紹，特登去元朗買外賣食花甲粉。本身十分期待，到埗去到排隊流程，十分混亂，堂食外賣同一條隊，店員唔醒目唔識分流，排同一條隊冇啦啦又比後面排堂食既打尖，忍唔住出聲佢先識安排。外賣因為多人所以都等左陣，好野要等冇所謂。份量的確好多，足料。好可惜嘅傾番到屋企食到第2隻蜆已經有泥，好在睇到，及時吐出黎。但已經唔敢再食淨底既蜆。湯底幾好食都好，洗蜆洗得咁唔乾淨，真係唔敢再食，因為衛生問題都覺得好失望！

啱啱喺一間人氣食肆試咗碗花甲粉，揼一揼屋企味嘅回憶喇！一開始搶眼嘅系甘香撲鼻嘅湯底，就算熱浪滾滾都令人忍唔住要即刻飲一啖。啖啖肉質嘅花甲同肥美嘅肥牛，質感彈牙，食落爽口又過癮。湯底當中，有種淡淡嘅甜味，喺小辣嘅帶勁下更加突出。炸蒜嘅香脆同蔥嘅鮮味，添咗層層次感，堪稱嘅係滋味盡享！蔬菜都少不得，娃娃菜嘅爽脆、金針菇嘅滑溜溜，完美融合晒湯底嘅每一滴精髓。走口麻辣嘅花甲粉透過心機調味，靜靜咁俘虜咗我個味蕾。噉嘅滋味，真係荔枝角地鐵站都求之不得啊！啲配料選擇多到令人心癢，想點就點！繁多嘅選擇中，就算擺滿籃都嫌唔夠。烏冬或者粉絲，揀邊個都煲出嚟嘅湯鍋滋味足。佢哋話好嘢要等，但呢個等，絕對值得！下次行過呢度，櫳定我會再轉返嚟，錯過會後悔㗎！😋🌶️🍲

環境 首先地理環境就唔算太過方便，同埋由於係小店嘅關係，基本上堂食得幾個位，所以我通常去到都係買番車上食，不過有個好處就係可以預先打去order定，到夠鐘嘅時候去拎，時間上咁就啱啱好，但係如果佢預堂食的話 ，咁就未必次次有位，因為真係得好少位招牌花甲粉 首先份量非常多，粉絲都算非常多，一個人就未必食得晒，配料都有好多，例如花甲同埋娃娃菜各樣都份量十足，每次食都係麻辣，新鮮開胃好食，價錢就中規中矩，平均加咗兩個餸大約八十多元，不過每次去元朗都會嚟食

朋友成日話呢家花甲粉正到爆，今日終於嚟到啲。實情，呢碗粉既香既辣，辣得黎唔會炒嗰種企唔穩辣，係啱啱好嘅溫暖辣！花甲勁新鮮，清甜得嚟仲啖啖肉，食落去咁爽滑，咬落去滿口海洋嘅味。佢哋嘅湯底飲一啖就知好味，每一啖都係鮮美嘅海洋，夾埋啲銀針菇同蒜泥，真係話晒都夠晒味。辣度啱啱好，湯底滲晒竹笙、金菇嗰種自然嘅甘甜，仲配埋嗰啖啖脆嘅娃娃菜🥬，唔係得滿足味蕾，連心情都好起嚟！嗰幾片潮州魚腐，表面微微焗過，即刻把花甲粉嘅層次感提升到新高度。一碗好嘅花甲粉，就係要咁，令人食到停唔到口，食完仲掛住嗰個味。哎呀，幾時再嚟都唔得閑啊！🍲🤤💯