元朗花甲粉

Open Now

Now Closed

夏日炎炎，真係熱到無晒胃口，介紹一間高質小店俾大家，主打鮮甜花甲粉。花甲粉$59+娃娃菜$6（小辣）成碗野大過塊面，入面有金菇，豆卜，娃娃菜，粉絲，仲有好多花甲。湯底入口鮮甜，粉絲同豆卜非常吸味，香辣鮮甜既湯真係飲完一啖又一啖，花甲無沙又鮮甜，雖然無叫肉，但成碗食晒其實會好飽。不過小辣就似中辣多，唔食得辣既朋友建議叫最少既BB辣。有粉絲、米線、烏冬、米粉同粗米線選擇，可自行配搭不同既餸。由於堂食空間有限，建議外賣會比較好，order比較多，煮食需時，最快都要等15-20分鐘，想食記得預返時間喇～好味：4.5/5環境：2/5客服：3.5/5

聽朋友講，呢間好食，當日就夜晚去左諗住試下佢，去到店舖已經好多人買外賣，唯一堂食都有人坐左係到食，見佢左邊長櫈有人坐係到，我就跟住坐係到等，等左大約5分鐘都未有職員理我，我就問職員「堂食係米坐係到等得嫁啦」，職員回答「係！」當再等多十幾分鐘，我見堂食客走左，枱又執埋，我問係米可以坐低，職員個下同我講「你要等半個鐘至九個字先有得坐喎」我見冇人我前面排，我就問佢「我排咗隊好耐啦喎，點解仲要等？」職員同我講「因為有人寫咗單堂食先」之後我問佢「但係我早過嗰個人同埋坐左係到等好耐，點解唔係我先」個職員呢一刻就同我講「我哋計落單次序」我嗰下真係無言，唯有離開餐廳。成個流程完全冇人同我講要落單先，淨係話坐喺度等，呢個餐廳比我嘅感覺真係好差，我唔理你有幾好食，係咪同路人，我都係咁講

今日元朗一日遊早一日做左功課就係依到啦 3:30左右去到 係公園仔後邊 大街裝修 少女味濃 美少女 字體咁 無估錯 真的 是 美少女 粉絲呀去到 就係 依張台仔 可能因限聚關係 只有 3張凳尋晚睇功課 （youtube)話 有4張凳既 好彩我地去既時間岩岩佢地開鋪叫粉 要等 20分鐘 我地入得去 都會食架啦老闆娘都 叫我地 點完 粉 就差唔多我地叫左個 米線 一個小食 功課話 好大碗下 所以 只好 唔好意思地食一碗 先如唔剔 米線 麵底會自動係 粉絲一邊等 時 咁岩又有2位男士想堂食 佢地見到無位只好 叫外賣 過左幾分鐘 又有位客人 黎叫外賣 我地個粉到啦 湯底唔油 好清 製作時 老闆娘 溫馨提示 我地辣度原本我地 叫 中辣 提醒我地後 我地改左 叫 小辣點送紙上 好多丸 因我地比較唔多食丸叫左 豆卜 魚腐 同 竹笙第一啖 緊係試左個湯先啦好清甜 好好飲第二緊係搵 花甲啦花甲 好大隻有肉食 但 我地搵極都得3隻 有一隻 完全唔開！叫左個蓮藕 小食 個 辣麻汁 好出色刀工好好 切得好薄好薄 好脆口 好食 以為食唔晒 都食得晒竹笙是 功課MUST ORDER 好好食 吸晒甜湯 係我地食

元朗美食: 元朗花甲粉 食佢老味指數: 🌕🌕🌕🌕🌑-難得假期入咗去元朗度行吓，就叫住喺嗰度嘅朋友推薦下有咩好食，佢地一黎就話要食下花甲粉，咁就抱着期待嘅心去！舖頭就細細間嘅，所以堂食得四個位，去到嗰陣都已經有人排隊，所以我哋攞咗籌之後，去咗食涼皮(可以睇吓前幾個post^^)-花甲粉($59) + 蟹棒($7): 🌕🌕🌕🌖🌑份量都幾大碗，味道都幾惹味😋 花甲都有10幾粒一碗，而且接近粒粒度好大粒花甲肉👅識落好有口感又入味！湯底嘅辣到同麻度都可以揀，我揀咗BB辣同小麻，刺激到味蕾正！而且入面仲有豆卜生菜等等其他嘅材料，所以都幾豐富！自己一個人食會超級飽🤣 糖醋皮蛋($20): 🌕🌕🌕🌕🌑因為有人好鍾意食皮蛋就叫咗黎食，原來有意想不到嘅驚喜！食落酸酸甜甜，啲醬同啲皮蛋好夾，某人一嚿一嚿咁食落去冇停口😂所以值得一試！-整體來講: 下次入元朗有機會會再試，因為真係幾好食，不過唯一唔好嘅係佢味精應該幾多下😥因為食完之後係極度口渴😂大家可以帶定水或者喺嗰度買嘢飲都得！

花甲粉門面唔太起眼，唔留神好容易行過籠，屬於細細間小店，入面一眼睇哂，只有兩個人負責哂所有出單、煮食。因為老闆係美少女戰士FANS入面會見到有好多擺設、Figure。每日十二點開門接受大家電話外賣(星期四休息)，大家最好打定電話叫，因為即場落單會等好耐，起碼半個鐘或以上。即使十二點打電話都好多時唔通，要打成十幾通電話。大家想夾到LUNCH時間拎到外賣就要趁早打。🔥花甲粉 $59★★★★☆MENU主要分花甲粉同百搭粉選擇，兩者都會有娃娃菜、豆卜、金菇做底，只係花甲粉就有花甲而百搭粉係自選兩款餸。就咁單叫花甲粉唔額外加餸都好夠食，因為粉絲飽肚同頂胃。花甲粉叫左芫茜、蔥、炸蒜，BB辣、小麻。花甲有十隻左右，正常SIZE冇沙冇壞冇霉。湯底惹味同麻，咸度夠，芫茜、蔥、炸蒜配埋粉絲加少少湯一齊食好正。食完都會有小小口渴，但咁重口味黎講算正常。BB辣唔太辣，唔食辣既人都可以食到，食開辣嘅可以叫小辣或以上。娃娃菜、豆卜、金菇份量都多同新鮮，而且索汁索味，正！完全明白點解閒日都咁多人食。外賣會自動分左湯同麵，粉絲索湯汁，建議大家先落一半粉絲，差唔多食完再落另一半，咁就唔會吸哂汁同太發脹。另外如果細食可以

搬左去呢到附近成年，每次經過幾次都想去試下，但係一直都未試今日寄完順豐經過終於醒起有呢間野😂因為見到有好多野食揀，所以唔知點揀好老闆娘好熱心即刻介紹比我聽花甲粉同百搭粉湯底都是一樣，都係有娃娃菜、金菇、豆卜可以揀配料，辣／麻既程度其他餸就係好似車仔麵甘樣任揀因為現金只有剛好$60，所以我就買左呢個淨花甲粉🤪揀左小麻小辣，食落去覺得有少少酸味，但係呢個麻同辣都好正😆花甲數量唔算好多，但係食完成個麵之後都覺得不錯價錢吾算平，不過小店都可以支持下😋店裡宜家只可以外賣（其實我都唔知道原本有冇堂食～）點完單之後要係門口等拎外賣（疫情關係）等緊期間都keep住有好多客買外賣經過既大家都可以試下

今日同大家分享之前食過一次已經瘋狂想回購既元朗花甲粉😜 佢既價錢同份量同味道簡直係完勝！小編第一次食只係叫左佢既花甲粉（$56），冇加任何餸，小辣中麻❤️ 外賣時已經將湯同粉絲分開裝，唔洗浸淋晒，好細心😚😚😚食個時數過啲花甲有8隻😎😎 仲有娃娃菜金菇完全吸晒湯既精華！超正呀😭 啲粉絲份量超多😂 完全一個價錢兩人份量～ 個湯底會飲到花甲既鮮味😚 辣得黎好甜～食得辣既我建議大家一定要叫辣啊！！！！

之前係新界人而家變咗九龍人但依然同元朗呢個地方完全冇緣分 因為在太遠喇加上而家車費越嚟越貴我今次搭一程小巴加地鐵都要22個幾即係話一來一回去一去都要成六十蚊所以今次真係因為有個屯門靚女朋友帶路所以先特登去一去元朗掃街 一定要去嘅唔去等於冇去過元朗花甲粉 真係超好彩因為一早做定曬功課知道堂食得四個位加上十二點鐘開同靚女朋友約咗一點以為一定冇位呀或者有排等大家又餓住個肚餓 點知去到竟然有兩個空位可能因為人人都覺得四個堂食位所以個個都嗌外賣又或者叫外賣平台 已經上網做曬資料搜習芝士魚腐同埋竹笙 係必叫嘅因為竹笙可以索曬湯嘅汁，非常惹味 芝士魚腐好多芝士，非常好食 份量非常之多而且蜆肉亦都非常之多， 有成十粒 我哋仲嗌咗紫菜 ，配塔粉絲，好豐富因為陣間同靚女朋友仲會去掃街所以就兩個人嗌咗一碗其實我哋人食咗半碗都已經飽飽 哋啦 員工態度的很友善，見我哋兩個人叫一碗仲特登點準備咗兩套碗筷 ，十分體貼 不過因為後面仲有多人等位所以我哋食完就即刻埋單走咗啦 我見到佢門口擺咗箱水係俾外賣員免費拎我覺得店主幾有心雖然間舖好細但係我見到牆上都有好多嘅佈置 仲有我鍾意嘅美少女戰士同埋都好細心擺咗啲膠蓋畀客人擺

一位住元朗三十年嘅朋友介紹我嚟食，店內只有四個座位。買外賣到朋友家慢慢食。店主十分有禮貌，我們一共點了兩碗。蕃薯蜆粉$39 跟粉絲 要清湯即使係外賣，都很細把湯同麵分開。即使無加配料都有很多餸，豆卜，花甲，金菇，娃娃菜，吸收曬湯的精華。是我暫時食過最好食的花甲粉。下次再嚟元朗都要食

雖然住咗喺元朗好耐但一直都未試過花甲粉趁星期一放假嚟買碗外賣佢所有外賣都會分湯所以唔使再另外叫😆要讚讚店內啲姨姨服務態度好好！今次叫咗花甲粉 粉絲底 小麻小辣 加魚腐 紫菜 盛惠$72本身就咁叫花甲粉 已經有好多配菜 😳包括豆卜 娃娃菜 金菇 花甲😍痴線冇諗過咁多料🤣另外個湯底真係超！惹！味😍平時我食譚仔5小嘅 覺得叫小麻小辣剛剛好！下次真係要試吓堂食😋PS見到有網民話外賣得幾隻花甲…但我就咁數都數到10隻😉

元朗呢間小店，店面非常之不顯眼，行過好容易會miss左。但聽聞味道唔錯，今次終於有機會食到啦。但因為係即叫即煮既關係，建議大家先打電話落單再去拎，堂食只有少量位置。🔎花甲粉（$56）轉米粉（+$3）花甲粉本身係配粉絲既，因為我比較鍾意食米線，所以+$3轉米線。辣度同麻度方面都係揀左BB辣同BB麻，連我唔係好食得辣都可以食得到。湯底非常鮮甜，令人想一飲再飲。配料方面除左有花甲外，仲有豆卜、娃娃菜同金菇，所以唔駛額外加餸都夠食。㊙️店內裝修以美少女戰士為主題😆😆

朋友帶到我入元朗食野，佢話呢到好多人叫呢間外賣，不過我今次就食堂食，堂食坐位得幾個，真係要撞啱時間黎！花甲粉之前已經聽講過好好食😋一試就上左癮，湯底好濃，可以揀辣度同麻度，個粉底係粉絲黎，唔啱食都可以加錢轉其他麵。如果唔想食花甲都可以揀百搭粉，自選兩餸，都幾抵食，大大碗都係幾十蚊！朋友叫左蕃薯蜆粉都好唔錯，都有大約6隻蜆，花甲粉就有8隻左右因為佢都好多外賣單，所以都要比啲耐性等，不過都算值！啱晒我呢啲濃味人士☺️

​🤍元朗花甲粉​​∞ ∞ ∞ ∞ ∞ ∞ ​​◽️元朗花甲粉 8/10 (HKD 56）​​元朗好出名嘅花甲粉，一打開個蓋就見到超多花甲排晒隊等住我享用，好足料阿！花甲粒粒飽滿多肉，每一隻都開晒，食落完全冇沙，食得出唔係冰鮮蜆，係真材實料新鮮煮成，食落十分鮮甜，高質！​​湯底方面我揀左小辣同小麻，我平時食開譚仔三小都覺得幾辣，食食下仲辣到咳，但係真係好麻好過癮阿！湯底夠濃味夠辣，中意食麻辣燙嘅絕對唔會令你失望😚！​​配料方面，除左花甲外，仲有好多好入味嘅豆卜、金菇、娃娃菜做配菜，豆卜脹卜卜，咬落啲湯汁即刻湧出來，十分惹味！金菇份量不多，但佢豐富左麻辣湯嘅口感，都好正！​​主食方面，有得揀粉絲、米線、烏冬、米粉，我就揀左最地道嘅粉絲。粉絲份量超級多，所以店家建議唔好一次過落晒，落左一半食完再落會好啲，咁啲粉絲就唔會浸到太淋喇！粉絲烹調得十分恰當，煙韌得尼又好掛湯，食完會想即刻再食，一眨眼就會食晒成碗🤣！​​∞ ∞ ∞ ∞ ∞ ∞ ​​💭評分​​味道 8/10​環境 4/10​​∞ ∞ ∞ ∞ ∞ ∞ ​​🔸備注​​·製作需時，外賣請預早電話下單。​·鋪位較細，堂食得三個位到。​·濃味之選！

之前放假去左元朗美食半日遊🤣第一站係去食花甲粉😙店舖細細，所以好多人都係買外賣，見佢地接電話都接到手軟🤪我地都等左半個鐘先有得食🙈堂食位置只有面向牆的三個座位，剛好夠我地三人分食一碗😚🔆花甲粉$𝟝𝟞一碗粉份量都幾多，入面本身配有豆卜、金菇、娃娃菜同粉絲，可以加配其他配料同轉麵底🙌🏼花甲質素跟每日來貨而有不同，果日比較細隻，肉比較薄弱😿但我幾喜歡佢個湯底，有鮮味，再加上炸蒜蔥吊味，果份濃香好岩重口味人士飲用🤣叫左bb辣bb麻，我呢d食唔到辣嘅就岩岩好👌🏼

4月尾的時候我終於有幸初會可愛Sa Sa豬，牠是清麗村姑朋友的可愛金毛女女，適逢是日到她家渡假所以我便走到元朗打攪*沉*家了！清麗村姑很貼心的相約我在元朗市中心，然後結伴走到我恨食已久的元朗花甲粉買外賣回她家享用。店子超的式內裡只有三個堂食位置所以外賣生意絡繹不絕！大家如果想吃一定要預早致電下單否則真會要等到天荒地老喔！像我們預早訂了三碗花甲粉也等了差不多20分鐘才可取外賣呢！我點了中麻辣的花甲粉絲還加了豆腐卜和菜，海量的粉絲已經貼心地分湯的包上，到吃時才傾入湯中品嚐免卻索乾靚湯。湯頭用上大量花甲來淆製精華落在其中，呷上一口花甲湯海洋的鮮味直搗味蕾，然後還有麻香的花椒味入侵，吃至我鼻水直流非常之過癮呢！而粉絲則索盡了花甲湯的鮮甜味，吃下去口感煙韌又香辣惹味真是超級誘人，村姑説如在堂食會更加美味呢！真要捉車爸爸來店子吃一次堂食先得！！