光榮冰室 (鴻威大厦)

Open Now

Now Closed

昨天去食午餐，見到黃店標志入去試下，我哋二位，叫左個炒面，我叫嘅係豆腐火腩反，上抬味適中還算好味，但食到一半見到好多條頭髮，頓時冇哂胃口，無言以對，跟住我同事食到炒面內有紙巾，驚嚇！跟住叫人換，見佢拿入廚房唔係扔垃圾桶，呢間咁嘅餐廳唔會有下次幫襯,見到驚驚，留返條命好的，今日肚屙左成日，我朋友也是，如果唔係周圍有新冠肺炎，認真想入醫院，真係想去check吓，不過望佢環境都唔似幾乾淨下， 下次食飯唔可以睇吓太人多啦，都要睇吓環境夠唔夠乾淨先入去食！

💫光榮冰室💛今次就嗌咗個常餐～沙嗲牛肉出前一丁🍜 多士 炒滑蛋🍳沙嗲牛肉出前一丁🍜呢個好出名 牛肉嘅份量都唔算少🐮而且幾淋 好易咬開 冇咩根 💛個麵好彈牙 好吸啲湯😆個湯幾濃 好惹味 有少少辣 😍熱食係最好嘅👍🏻.個多士搽滿哂牛油🧈烘過之後好脆身 好正🤣.個滑蛋好滑 唔會太油🍳有啲真係油到唔夠膽食🥲回頭率💫： 🌕🌕🌕🌕🌑

沙嗲牛嘅熱潮過哂，我先終於有時間試下依到出名嘅沙嗲牛肉撈丁🤣。碟嘢都幾大碟下，一定夠一個男人食飽。味道嚟講就真係好濃，好聽啲就好有沙嗲牛味，難聽啲就啫係好鬼咸😵😵。另外嗰麵整完出嚟之後偏乾，啲汁又好杰，所以其實好難撈暈哂嗰麵嚟食。可能就係咁，所以覺得偏咸咗啲，因為有啲就好多沙嗲汁，有啲就冇咩汁。不過我覺得$46係旺角嘅茶餐廳嚟講，依個質素完全可接受啦。依個位都算方便，員工服務至少唔會串串貢，希望依啲良心小舖長做長有。

#港式eatcovery💡最港式之選小編做運動前，諗住食小小野補充下體力先。腦海就即刻諗起屬於香港人既茶餐廳光榮，仲要係下午茶時間，唔洗猶疑，即刻就去馬。🍽干炒牛河小編知道一個平炒牛河等於千幾卡路里，但對上個次係九龍灣分店食完，念念不忘，因為太正，所以照板煮碗叫多次。份量依舊咁多，但今次味道就同上次有分別啦，可能落左唔係咁多油去炒，食落係有分別，但今次最失望係牛肉份量，對上個次九龍灣分店食係有好多，但今次成碟先得五，六舊牛肉，仲要係細細舊，食緊個陣，有小小懷疑係唔係食緊干炒「牛」河。🍽生炸雞脾配沙律炸雞脾炸得太燶，全隻雞脾嘅皮都硬到不得了，好似蟹殼咁，完全咬唔到，好失望。好彩嘅係入面嘅雞肉都鮮嫩，有肉汁。沙律係普通沙律醬撈生果，入面有部分係罐頭生果，叫做不過不失。（小編上次食觀塘分店嘅炸雞扒出色好多，今次真係失望）🍽 凍奶茶 x 凍檸茶合格，係一般茶餐廳水平！ps/值得一讚餐廳每張枱都有一個QR code比食客反映番食物質素，好讓餐廳改進一下。推介度：⭐️⭐️⭐️

超高性價比嘅茶記，油尖旺區可以dinner $50 一餐仲要凍飲唔洗加錢，果然係良心💛店，全部嘢食都大大份，多餸多飯，佢地嘅叉燒滑蛋飯係朋友推薦，仲話果日冇就唔食

今日去左朋友家，我地叫左光榮冰室既外賣～成日聽到身邊朋友講光榮冰室個名，但我係未食過既🤣今次係第一次食～🍜沙嗲牛肉米 $33依個早餐包熱飲，我同朋友們都叫左杯熱華田，個餐亦配埋牛油方包同埋我地揀左牛乳炒滑蛋🥚價錢黎講，我覺得正常價位，送埋熱飲再配方包同蛋～而味道方面，我覺得沙嗲味唔係好出，同埋有啲稀🥲米粉好多但牛肉有啲細舊同比想像中少，而滑蛋口感幾好同好大塊，不過就無味😂😂唔知廚師係咪唔記得落鹽？🤔🍜招牌香煎雞扒出前一丁 $38我都係第一次見包調味粉要自己落埋😂塊雞扒係煎得幾好👍🏻相反雞扒比沙嗲牛想像中好，塊雞扒又大塊又香口🤤麵就唔洗講啦，咪就係出前一丁味😂😂整體黎講😂😂我試過一次就算💵價值正常，味道就一般般啦，無咩特別就係一間普通既茶記😂😂😂

係旺角朝早做完野 諗住食番個靚早餐就去左呢度 佢既價錢都三十令蚊 但我極鐘意佢個沙嗲牛麵同杯凍奶茶 沙嗲味極濃 而且d汁係會掛係d麵到 實屬重口味之選 而杯奶茶既奶味亦非常香滑 飲完真係成日個心情都舒暢哂

📍光榮冰室 (鴻威大厦) (旺角)旺角花園街3-5號鴻威大厦地下12-13號舖鴛鴦牛滑蛋飯$58，包埋連飲品。早排見到沙嗲牛肉關注組有人介紹……估唔到原來有呢個配搭，但去到餐廳嗰陣，又唔肯有冇呢款。結果俾張相店員睇，佢就指着話餐牌一早已經有。原來上午11:30至下午2:30先會包飲品，好彩我啱啱號下午1:00去到。上到檯，真係嘩咗一聲，真係勁多牛肉響上面。沙嗲牛肉夠濃，滑蛋牛肉夠滑，中間仲要有層厚厚嘅滑蛋，食完呢碟都夠晒飽同滿足😉

📍光榮冰室 (鴻威大厦) (旺角)旺角花園街3-5號鴻威大厦地下12-13號舖滑蛋蝦仁飯$55(包括飲品)😇最近見到佢哋社交平台話有改良版本嘅滑蛋蝦仁，結果就走咗過去試吓，一坐低就叫佢，上枱睇個賣相又好似唔錯喎，而且勁大碟，不過味道先係最重要。滑蛋超多，的確好好食😋仲要勁厚。另外蝦仁都OK，不過唔算好多，大概有8件蝦粒。套餐連飲品，我叫咗凍檸茶少甜。整體來講都唔錯，合乎返呢個價錢，最緊要係食得好飽。

$78 黑椒牛仔骨煲 包凍飲及白飯雖然係大部份茶記晚市都有得叫既小菜煲但味道及份量都有過之而無不及先講有6件成碗飯咁大既牛仔骨， 仲要多肉少肥骨細！碗飯上邊個塊已經係最細既一件黑椒汁仲要做得出色， 比起好多茶記較為辣食到最後真係見到煲底有成堆黑椒粒其他茶記都係李綿記加水加粉成汁， 冇得比！本來少飯主義既我諗住爬兩啖飯就算但個黑椒汁辣辣地搞到我清晒成碗飯阿姐見到仲問我要唔要加多碗飯， 任添！本來食左4塊牛都飽飽地， 再加多碗飯今晚真係唔洗訓Btw 對面後生仔碗西炒飯好似米唔使錢咁大碟到呢#聽講唔係間間光榮都好食但旺角店係正！#原來阿姐姐好中意叫人加飯（唔使加錢）#78蚊唔係最平但好好味又大份

今日去光榮冰室食下午茶，本身諗住食金菇沙嗲牛肉煲仔麵，點知侍應請冇晒煲，咁就試吓佢個爆餡西多，睇吓佢有幾爆餡光榮爆餡西多 $29點解同社交平台睇嘅相差別咁大，個賣相真係好核突，個侍應拎嚟個吓我眼都凸咗凸，其實佢唔係爆餡，只係將花生醬劑係隔離，好啦，就唔理賣相試試味，好彩都好味，切開每塊西多都可以點好多花生醬，而且佢都炸塊麵包外脆內軟，切開入面都一樣有花生醬餡其實撇開賣相嘅話，味道口感都幾好，適合喜愛食花生醬嘅巴打絲打，同埋價錢$29包飲品，都幾抵食

終於試到呢間甘出名既名店。上網見到大大份，真身黎到時無大分別，堅大份如果係女仔既要同朋友share男仔一份都夠晒飽。雞絲件頭比較大，似雞肉多啲，但係肉汁夠既，只可惜師傅醃肉个度重手左，偏咸蛋就中規中矩，一般質素，可能係奄列關係，無做得好滑，某啲蛋感覺老身左。但呢个價錢，中規中矩，而且分店有幾間，低碳外食族可以考慮下

之前朝朝食，廚房出嘢都冇咁慢。隔咗兩個星期冇食，今朝走去買外賣，點知等咗20分鐘仲未有，真心接受唔到，我自己煮都煮完啦。最後職員退錢俾我，但都仍然好嬲。白白等咗20分鐘，搞到我返工遲到，仲要冇早餐食，真心嬲到以後都唔會幫襯！黃店又點啫，今次真心太離譜

一日一黃店-旺角良心連鎖茶餐廳 今日食咗碟牛河 成千卡路里呀 仲要好食 點都要記錄下.⭐️菜遠牛肉炒河$53🔥啱啱上枱 熱辣辣出晒煙😋牛河梗係要趁熱食 好夠鑊氣👍🏻做到條條分明 冇黐埋一舊👍🏻望落好大碟 牛肉同菜 份量都好多我算大食 最後竟然食唔哂 sad.個人勁鍾意牛河 今日開始記錄下 呢樣超肥嘅嘢食.呢排沙嗲牛肉好多人留意呢間沙嗲牛肉麵都好出名😋沙嗲味幾濃郁 👌🏻麵底出前一丁 跟味粉‼️除此之外呢間仲有煲仔沙嗲牛肉撈麵‼️有個沙鍋 煎一煎更香口.整體幾鍾意呢間茶餐廳 好多區都有分店平時諗唔到食咩 通時都去搵佢.#光榮冰室 (鴻威大厦) (旺角)地址：旺角花園街3-5號鴻威大厦地下12-13號舖.⭐️評分：味道：4/5環境：2/5 坐卡位 但搭枱空間少 迫到爆服務：3.5/5抵食：3.5/5

之前見到社交平台 推介，晏就突登出旺角試吓食生滾沙牛窩蛋麵生滾沙牛窩蛋麵+一支可樂 $55實物同社交平台賣廣告個張差不多相符，都一樣咁多沙嗲，而且沙嗲非常濃味，加埋蛋，杰度剛剛好，撈混後，可以令每條麵都沾滿沙嗲，所以好惹味，而且佢用埋沙煲，令到碗麵保持到熱度，慢慢食都唔怕變凍，配埋支可樂份量絕對夠晒飽，加埋只需$55，覺得絕對對得住依個價錢服務態度方便都好好，落order時都即刻有待應嚟