光榮冰室 (鴻威大厦)

Open Now

Now Closed

好大個黃店光環😇一個飯有好多條不知明既毛🤯，望落去好似幾好，不過食落無咩味。咖哩就係普通茶記咖哩無咩味😂開心浩園，下面係炸豬扒+三個蛋有驚喜既咸檸水，係好飲既

光榮冰室天氣開始轉涼，啱晒食煲仔飯估唔到光榮冰室都有煲仔飯食，款式就唔算太多窩蛋鮮牛肉既牛肉份量都算多同嫩滑鴨油既香味滲晒落飯度，但鴨髀真係太咸臘腸都幾好食，咬落去油脂感爆發，勁香口成煲飯食落熱辣辣既，飯焦都有焦香味但就唔係好誇張好大塊好香脆果隻

一個人吃午飯，想去間傳統茶餐廳或冰室，誤打誤撞進了這間，點了一個生炒牛肉飯，免費送冷熱飲品。由牛肉粒、蛋、及葱炒成的飯，牛肉有些少牛味，蛋味極微，應該不是用很靚的蛋。一個炒飯，本應是茶餐廳或冰室最基本的，無可能炒得不好吃，但這間卻炒出代表作。首先沒有鑊氣;其次飯炒得不夠乾身;第三飯不夠粒粒分明，黏起一團;第四蛋炒得不均勻，不是每粒飯也沾上蛋。什麼蛋味牛味也先不計，上述四樣基本功卻無一達成，根本是零分之作。再講服務，本身侍仔們都很有禮。餐廳門口寫有必須量度溫度，發燒者招待。還寫有遇到戴手帶者會報警處理。很嚴格的防疫啊!但我吃飯期間竟容許五個同行人聚餐(當時限聚令是四人)，不是要防疫嗎？不是要報警要拉要鎖嗎？防疫是對其他僱客的服務承諾啊！讓人吃得安心啊！

之前見親有人排隊,今日早上沒有排隊，咁就可以，沙嗲汁都〇k，奶荼少少奶唔，但我覺唔夠少奶～但茶滑的，友人早餐古仁茶等、佢話合格，但在Mk 茶餐廳價錢這店算平啊！服務生一個男就差d，另外收錢女仔服務態度就ik.

某天首次到這裡吃吾點了😋生滾沙嗲牛肉一丁配火腿奄列跟油包及熱鴛鴦，奄列的蛋看似過熟，實情中間是非常滑溜，鴛鴦的茶啡比例剛好，沙嗲牛的沙嗲香濃惹味，牛肉仍保持應有的咬口，最興奮是特餐本身已預設沙嗲牛是跟一丁，還。要。是。不。用。加。錢。啊😍，而店方亦細心地附上丁麵的味粉及麻油給食客自行添加，沙嗲牛已很美味，加點麻油更添香氣，味粉就免問了。特餐的美味令小的心癢癢，想吃吃看飯餐的水準，於是某天又在前來，本來想吃焗飯，但原來未有供應，於是在快餐四選一當中，點了😋薑蔥豬扒飯，碟頭飯來到，看到份量直傻了眼😳，面層是兩大塊極厚身豬扒，扒上的薑蔥份量也絕不欺場，稍移開豬扒一看更是不得了，飯的份量絕對是二至三人前🤪，真的未吃已讓眼晴也飽了😝豬扒雖然厚身，但極之鬆軟，近骨位置的薄肉更是煎得帶點酥香，蘸點薑蔥同吃更是滋味十級跳😘，個人認為豉油也不用下也行，由於份量極巨，任憑在下怎樣努力吞噬，還是剩下不少飯呢，所以下回緊記要求少飯唷😁

去過荃灣及深井嘅分店，非常滿意，尤其下午茶超級抵食，呢啲香港人嘅良心小店絕對應該支持。今日下午茶時間喺旺角，有少少肚餓，知道旺角有分店，就特登行過去懲罰下佢😆叫咗下午茶餐嘅「蔥油鴛鴦扒飯」，其實我喺荃灣分店食過，真係好正😋。好快就嚟到，依然係大大塊豬扒同雞扒，配蔥油食非常美味，覺得蔥油唔係幾夠，仲請店員哥哥俾多少少我添😋。分量好似荃灣分店稍為大啲，不過依然好滿足。$43真係超級抵食，凍飲仲唔使另外加錢添😁

光榮冰室相信大家一啲都唔陌生，成日喺社交平台見到，同埋佢嘅餐啲名全部都好得意例如三眼仔雞扒飯，開心浩園餐，三萬完蛋飯等等有啲餐只睇個名真係唔知佢裏面有咩食 。同事食過佢嘅早餐，話超級大份食唔落，所以我今次等晏晝先買嚟食佢當係個brunch。 (PS:幾星期前)買咗外賣返嚟食，一個飯盒加一杯熱飲$53。去到見唔唔少人排隊，堂食同埋外賣都好多人，不過我預早咗時間打電話過去所以唔使等好耐。入咗去問，未準備好，就係出面等咗五分鐘左右。呢個三萬完蛋飯聽就聽得多，今次終於有得食喇！每次問,唔咪賣曬，就冇鰻魚。佢答我有嘅時候真係笑咗出嚟。打開個飯盒鰻魚嗰種充滿油脂嘅香氣飄咗出嚟，但係同時我畀佢咁多蔥嘅青翠綠色震撼到，因為我唔記得走青😅。個蛋真係好滑，我相信佢預咗我外賣，所以會畀堂食煮得生少少，等佢再焗嘅時候再熟一啲都唔會變得過火; 好軟身，撈飯一流。鰻魚汁就當然冇得輸啦。我畀佢咁大件鰻魚同咁多嘅份量嚇親，真係好抵食，$53蚊jar。但係我相信唔鍾意魚腥味嘅人會覺得佢比較腥。我就覺得魚腥味比較重但未至於不能接受。呢個價錢，呢個份量，呢個質數，我都幾滿意 ♥️

💛黃店🔱今次要介紹嘅食物就係位於旺角！📜”光榮冰室 (旺角)📌 地址:旺角花園街3-5號鴻威大厦地下12-13號舖🕐營業時間: 1200-2200🍽分店地區:旺角 荃灣 尖沙咀 觀塘 九龍灣📝評價💬📢1️⃣三萬完蛋飯 $58三條厚身嘅鰻魚係個飯上面🤩🤩🤩又吸睛💛💛💛望到都已經流晒口水🤤🤤🤤出面買鰻魚都唔止呢個價錢😆😆依家有鰻魚仲要有滑蛋再配飯👍🏻👍🏻真係抵到爛😍😍😍飯嘅份量又多蛋又大😋😋😋又好味😋😋不過我覺得鰻魚汁唔係好夠多😂再多多啲咁就夠晒juicy 100分😋KS評分 5分最高🏵環境指數:⭐️⭐️⭐️⭐️🏵味道指數:👅👅👅👅🏵抵食指數：💰💰💰💰🏵回購指數:❤️❤️❤️❤️❤️

💛黃店🔱今次要介紹嘅食物就係位於旺角！📜”光榮冰室 (旺角)📌 地址:旺角花園街3-5號鴻威大厦地下12-13號舖🕐營業時間: 1200-2200🍽分店地區:旺角 荃灣 尖沙咀 觀塘 九龍灣📝評價💬📢1️⃣西多士$24望吓個西多士有幾厚身🤩🤩厚過我塊面😂😂😂下午茶入去食返件西多士真係人生一大享受👍🏻👍🏻👍🏻牛油配搭住糖漿係幸福嘅感覺🥰🥰西多士即叫即炸非常之新鮮同熱辣辣👅👅👅仲有花生醬上面😋😋😋每一啖都好肥💛💛💛KS評分 5分最高🏵環境指數:⭐️⭐️⭐️⭐️⭐️🏵味道指數:👅👅👅👅👅🏵抵食指數：💰💰💰💰🏵回購指數:❤️❤️❤️❤️❤️歡迎餐廳合作/試食🥰 可DM聯絡📩

光榮冰室 打工仔都係求兩餐落肚光榮冰室就係要你食得飽🤣🥢快餐葱油豬扒飯46HKD兩大塊豬扒啖啖肉 🐷一大督葱油撈飯一流成碟飯 ➕ 可樂 5HKD一個大男人都飽到上心口💁🏻‍♂️

👍💛⭐️ 光榮冰室 (旺角)⭐️💛👍尋晚臨訓前見到太子果邊，個大肚婆被推到甘樣，真係好激氣🤬。我地暫時做吾到啲乜住就多啲幫襯下黃店，今日就衝去食左個開心浩園餐，先令自己條氣順返d👿⭐️開心浩園餐（$49)⭐️雞扒三眼仔飯配一杯飲品就係開心浩園餐有既野食。三隻太陽蛋配新鮮滾熱辣炸好嘅雞扒，加埋甜豉油汁，撈埋白飯一齊食係好開心。一啖甜豉油蛋汁既飯，一啖雞扒，都幾爽。小妹忽然覺得自己好麻甩😆🕋環境指數：7/10😋美味指數：8/10👩🏻‍🌾服務指數：8/10🤑抵食指數：9/10 吾貴丫🙋🏻‍♀️推介指數：9/10 碟頭飯首選，大大碟，又好食，最緊要黃💛📍地址：旺角花園街3-5號鴻威大厦地下12-13號舖——港人當自煮——寫於1/9/2020

懲罰黃店定懲罰自己？竟然唔駛排隊有得入！之前未有機會食到三鰻完蛋飯，入到去先知原來宜家無左。唯有食個開心浩園餐 - 三眼仔雞扒飯 $49，上枱見到三眼仔有隻眼爆左，係全熟蛋！另外兩隻只係啜到少少蛋黃，失敗。塊雞扒好大塊，炸到少少脆，但肉質老，又硬又柴皮，失敗。連個白飯底都硬身，無埋蔥油得豉油，真係好失望！明明之前食過尖沙咀分店評價唔錯，今次係退步左定分店問題？快餐$45連飲品，叉燒滑蛋飯 叉燒夠大件，但有啲柴皮，滑蛋就正正常常。

「光榮冰室」出名原因係人都知，爬文人人都係叫嗰三四款碟頭飯🤣亦見好多人讚價錢好合理性價比高，凍熱飲都唔使加錢，小編充滿期待🤩。三眼仔雞扒飯($49)••••••茶餐廳出品嚟講真係好IGable又gimmick☺️食落就真係好一般😅😅三隻太陽蛋幾好嘅，蛋黃流心，飯粒夠乾身挺身，my cup of tea😁豉油多啲更好。弊就弊在塊炸雞扒👎🏻無醃過無調味，咬到你牙軟嘅白雞肉！💔閣下如果唔食皮的話，塊雞扒係又鞋又無味！連皮食都只係有味少少...點葱油雞扒飯可能會好啲🌚。吉列魚柳 配西多士($33)••••••抵食下午茶！吉列魚炸得唔錯，唔會一叉就炸粉同魚肉分離。西多花生醬餡少得可憐，切開十粒得兩三粒食到有花生醬👉🏻👈🏻不過都比快餐店無花生醬嚟得好嘅😅。糖醬用韓國牌子，甜度較低。茶走••••••一般，接受嘅，煉奶俾得夠，但茶底薄，無乜茶香。凍唂咕••••••傳統冰室飲品，唔苦澀喎，甜度低，不過香一定唔夠朱古力香。

三點三下午茶時間～本身見到門口排咗條人龍，都諗定要轉場，點知好快就入得叫咗個極邪惡嘅西多士，一上檯真係嚇親，極大份配炸魚柳，但係炸得耐得濟，無咁好食不過西多士真係超正，雖然食完可能肥幾磅凍朱古力正常～價錢唔貴，性價比高～ 搵日再去多次試其他嘢先～

用餐日期,7月30日,外賣呢一日係禁全日堂食既第2日,亦都係最後一日黎到旺角,無得堂食,都要食飯,咁就搵光榮試下佢個特價飯,仲要包飲品,30蚊,好抵!!12點後供應 番茄炒蛋飯/粟米肉粒飯另外仲有光榮快餐,梅菜扣肉同叉燒炒蛋,不過就45蚊一款,仲有招牌蔥油扒飯比左錢都唔可以係鋪內等,要係門口等外賣,大約5分鐘就有跟編號叫單取貨,肉粒係豬扒粒,仲要粟米多過肉,滿滿都係肉粒,應該係豬扒切丁粒黎既肉粒走甩,健身人都岩食,粟米汁唔算太濃,重口味既人會覺得唔岩鹹但食食下會覺得夠味,飯都超多,一定夠飽肚30蚊無投訴,仲要大大份凍檸檬唔洗加錢,茶味夠濃,檸茶夠香