全記雲餃

Open Now

Now Closed

今日原先係諗住食另一間餃子， 但行過去途中見到呢間有埋豬腳薑食。因為朋友係鐘意食豬腳薑，所以就入去試下。叫咗一個 半份豬腳薑+8隻煎餃 同埋 8隻湯餃（韭菜豬肉同粟米豬肉。朋友話豬腳薑好入味，佢係好鐘意食嗰舊薑，佢都話好味。我就食咗隻蛋，都真係唔錯。餃子都一般餃子差唔多。

喺附近做完嘢，天氣凍又想飲啖湯，見到呢間食餃子有燉湯，一於嚟試吓。未入門口已經見到好吸引嘅*免費自助小食區*😂有酸蘿蔔、泡菜、花生拼腰果（不過腰果得返兩三粒🤭）👍🏻👍🏻環境都幾乾淨企理👍🏻每樣都好似好吸引，今次試咗*冬菇馬蹄湯餃*餃子皮又薄又滑👍🏻冬菇馬蹄清清地幾多肉汁👍🏻再加咗套餐擔擔麵，可惜擔擔麵係得清湯。另外叫咗*韭菜豬肉煎餃*食過好多間煎餃都係好似炸餃咁油淋淋，呢間煎餃幾啱我口味👍🏻皮薄之餘咬落去仲會爆汁👍🏻超級推介！再加花旗參石斛燉烏雞湯，真材實料，本身係冇味嘅，想要鹹啲就自己加鹽。

👅雙併湯餃（芫荽鮮肉&冬菇馬蹄鮮肉）芫荽好香😋 鮮肉肥瘦適中馬蹄好爽口，仲食到冬菇嘅香味，兩款都唔錯👍重點係個湯底完全係媽媽煲冇味精兼好足料嘅味道，好好飲！🫶🫶⭐️花生醬西多士花生醬足料，四邊炸得幾脆，但略嫌中間有少少油膩🤏環境乾淨，餃子平價得黎坐得唔迫夾👍姨姨們服務態度很好，親切又窩心，抵讚！🙌🏻

香港開得越來越多手工餃子店，久唔久我都會去周圍試唔同地方嘅手工餃子，今日離開深水埗就試咗呢一間小店都係主打手工餃子，而且佢哋好特別有一個招牌嘅豬腳薑醋，咁啱呢排冬天特別想食豬腳薑，於是就點咗兩個套餐都係豬腳薑套餐一個配八隻湯餃另一個配八隻煎餃餃子口味非常之多，方面選擇咗冬菇馬蹄鮮肉餃煎餃方面選擇咗韭菜鮮肉餃，湯餃嘅湯底非常之出色有驚喜，完全係老火湯一啲味精都冇，係粉葛大地魚湯湯底超級甜，手工餃非常之大隻，裏面餡料好充足韭菜煎餃裏面嘅韭菜非常之新鮮，而且好香，煎得亦都好香脆，完全唔會覺得有油膩嘅感覺，咬落去仲非常之Juicy！最後豬腳薑醋都好有驚喜，喺一間食餃子店嘅地方竟然食到一個咁出色嘅豬腳薑，無論薑同埋豬腳都非常之腍，薑一啲筋都冇，而且好入味，調味非常之出色

「豬腳薑半份配湯餃」套餐（$85）湯餃（韭菜鮮肉餃）一份有八隻，份量十足。餃子皮唔厚而韭菜鮮肉餡幾飽滿，肉汁豐富，鮮味十足，咬落去仲有彈牙嘅口感，果然係每日新鮮製作嘅手工餃。湯頭飲得出係唔同啲！問過真係老火湯，冇味精，仲係用大地魚、粉葛等煲出黎👍🏻🤩豬腳薑 （半份） – 暖身滋味，懷舊經典**豬腳煮得夠腍，薑醋湯頭帶有濃郁嘅酸甜同好少辣味，容易入口，溫暖又滋補。半份嘅份量啱啱好🤤凍五花茶自家製，欣賞。飲完都覺得幾舒服，清甜解膩，幫到手清潤喉嚨。自助吧枱 估唔到有自助吧枱，酸蘿蔔、花生同蘿蔔條都好開胃，花生香脆帶鹹味，蘿蔔都好爽脆🫰結論🫰足料好味🫰幾多選擇，除咗豬腳薑仲有飯類，應該每日有優惠，門口有個牌寫住其中一個飯送老火湯，白飯任食添🙊好味度：8.5/10回頭度：9/10 （想試芫荽餃😍）🎡餐廳資料餐廳名稱：全記雲餃餐廳地址：深水埗汝州街199號地舖

今日正值二十四節氣中的大寒，寒氣逼人，食充滿骨膠原與筋膜的豬腳姜最岩，豬腳泡浸在有補血活血、散瘀解毒、消食化積功效的濃濃甜醋中，加入祛風散寒、溫暖脾胃的生薑，暖胃驅寒之選!韭茶煎餃上菜一股韭菜香氣樸鼻而來，煎後味道更明顥，餡料帶肉汁，菜和肉的比例平均，吃到韭菜的鮮味，不用蘸醬汁已夠味。冬茹馬蹄湯餃既有冬菇獨有的香味，又有馬蹄來做餃子餡，口感既滑且爽，回味無窮!銀菊露有清熱解毒，清肝明目效用，清甜易入口!豆漿豆味香濃!

深水埗成日有好多平價美食，但有時衛生情況都一般，今次呢間專食餃子嘅餐廳，唔單止價錢親民，而且衛生情況好好，周圍都好乾淨，老闆娘態度好好，非常推介餃子薑醋蛋餐呢個套餐可以試晒呢間餐廳嘅招牌菜，餃子🥟有好多款，可以叫煎餃，都可以叫湯餃，佢嘅韭菜煎餃真係好好味，好足料，啲肉都唔係肥肉。另外，食完就明白，點解薑🫚醋蛋係餐廳嘅招牌菜，非常足料，好有家嘅感覺，豬手好入味，個薑都好腍，浸到唔辣，食得出係好新鮮嘅感覺洋蔥雞扒飯呢個雞扒飯都唔錯，雞扒大大塊，加埋太陽蛋，份量大，夠晒飽肚，全部都係即叫即煮，全部都係好新鮮

深水埗🥟賣餃子的餐廳為數不少, 經過見到🧑🏻‍🍳店員新鮮包製餃子, 便入去試一試🌟主打湯餃煎餃🥟, 客飯和燉湯🥣等仲提供豬腳薑🐖同甜品, 食品多元化環境寬闊鮮明, 🔅食材新鮮, 真材實料🔅🆓設自助免費小食區：泡菜, 花生等．．豬腳薑系列．．🔸豬腳薑(半份) + 8隻湯餃 $85 6/10🫚豬腳薑有薑, 蛋, 豬腳各一件🐖豬腳滿滿膠質, 都幾入味最中意食薑醋的雞蛋🥚, 甜甜地~🥰滋陰驅寒又補氣血, 好啱女仔補補身嫁😚~🥣湯餃揀咗冬菇馬蹄鮮肉🍄‍🟫🥟餃子飽滿, 馬蹄比例佔多, 鮮甜爽脆🔸韭菜鮮肉煎餃(8隻) $42 6.5/10+$18 擔擔麵揀咗經典口味韭菜餃🥬餃子煎得好靚金黃色😸韭菜味好香, 肉餡好juicy😋🥢擔擔麵是湯麵, 味道偏清淡較似清湯淋身的陽春面😲🔸熱檸水 (跟餐)🔸熱檸茶 (跟餐)

全記原來係深水埗都開左分店啦！裝修靚仔乾淨仲有免費小食 同免費檸水 無限量提供😎叫左豬腳薑半份配湯餃（8隻）送飲品 凍五花茶簡左白菜鮮肉餃（湯）友人比較鍾意呢個湯餃 配埋豬腳薑個汁一齊食，變左多種食法！凍五花茶話係自家製，所以叫左個黎試，無糖無添加無色素！好健康，真材實料，岩晒想健康唔鍾意飲糖既朋友仔。單拼煎餃（8隻〕擔擔麵粟米鮮肉餃（煎） 有8隻，每隻都大大粒，仲爆多汁😍粟米同肉既分量都比得好足！但擔擔麵我本身以為係撈個隻，點知係湯。但個湯底係用左飲得既湯，類似燉湯既湯底，可以成碗飲晒當湯飲😂

🔹️經過深水埗看見‘’全記雲餃‘’🥟厨窗, 店員正在包餃👩🏻‍🍳 餡料又多又大粒 ~ 好吸引呀😍 便入去試試🤔 店內環境寬敞衛生, 食材新鮮優質、真材實料無味精👍 店員友善、服務稱心👩🏻‍🦱🧑‍🦱 價錢親民💰🔸️自助小食區🧆以自助形式取餐前小食🤤有香辣木瓜絲、香脆惹味花生、辣味菜脯🥢🔸️套餐（豬腳薑+湯餃+飲品）🍱▪️豬腳薑 ‘’半份‘’ ~ 以滑嘟嘟猪腳, 肉質幼滑軟腍,含豐富膠原蛋白質, 香甜滋陰雞蛋, 驅寒暖胃的薑, 還有滋味甜醋😋▪️香茜鮮肉湯餃🥟 以清香荽茜啖啖滋味, 配鬆軟鮮香豬肉, 湯底是大地魚湯, 鮮甜美味👍🔸️韭菜鮮肉煎餃🥟煎餃選了經典韭菜味, 韭菜味道香濃配啖啖肉餃, 外皮煎至金黃香脆, 超Yummy👍🔸️熱豆漿🥛甜度適中, 散發出啖啖豆香☺️🔸️是日靚湯🍵雞腳花生木瓜湯 ~ 朋友仔外賣了兩碗雞腳花生木瓜湯, 十分足料🤩

深水埗真係有好多高質小店，係幾間賣布料、手作材料嘅鋪頭中間就有一間賣餃子嘅小店首先一入到嚟就見到空間好大，地方闊落，乾淨企理，坐得都幾舒服，而舖頭嘢食就有分豬腳薑系列、雲吞、港式飯麵、滋潤燉湯盅、湯餃同埋煎餃，見到海報寫住豬腳薑醋係招牌就梗係要試吓#豬腳薑配8隻煎餃 （連飲品） $88首先豬腳薑超級足料，啲薑煲到好綿，雞蛋好入味，撈埋啲薑醋一齊食真係好正，而且豬腳上面啲豬皮煲到好煙靭，豬肉又唔會話好硬身，簡直啱啱好而煎餃我就揀咗粟米鮮肉煎餃，啲餃子隻隻都好飽滿，仲要煎到金黃色，咬落去好香脆，配埋薑醋一齊食，真係冇諗過會咁夾，下次再嚟真係要encore 飲品方面就叫咗杯熱豆漿，呢度嘅豆漿係無糖豆漿，所以飲落去唔會淨係得個甜味，而且無糖豆漿更加健康，啱晒我呢啲想減肥嘅人

今日過嚟深水埗買嘢，買完嘢肚餓見到啲間水餃店，就入去試吓。🍄‍🟫冬菇馬蹄鮮肉湯餃🥟（8隻）$40湯餃都幾足料，入面係滿滿嘅冬菇、馬蹄同豬肉製作而成，入口鮮嫩，馬蹄好爽口。💚韮菜鮮肉煎餃🥟（8隻）$42每次食餃子就會想食有韭菜餡嘅，點咗份煎嘅試吓，煎嘅等耐少少🤏。新鮮即點即煎，入口熱辣辣，充滿油香之餘仲爆曬啲肉汁出嚟。出面自助區仲有啲小食同檸檬水可以拎。另外仲見到佢仲有啲燉湯，不過食完餃子已經好飽。

注意⚠️免費前菜木瓜絲❤️❤️❤️❤️注意⚠️有辣有唔辣🤣韭菜鮮肉餃（煎）$40 / 8隻韭菜加鮮肉這一個世一配搭，穩陣沒毛病。兩者比例岩岩好，煎得金黃香脆，岩岩上桌得時候還是熱氣騰騰，而且餃子有肉汁，食完非常有滿足感。粟米鮮肉餃（湯）$42 / 8隻粟米🌽份量之多，又甜又有口感，非一般湯底，湯底十分香濃，家的味道，傘傘落左大地魚、粉葛等不同配料，心機十足。凍五花茶/杯食完熱氣野飲返杯五花茶，請爽較解油膩。

最近愛上咗食餃子🥟，所以又嚟到深水埗🤣發掘咗一間小店～原來除咗有餃子、雲吞外，仲有豬腳薑🫚、燉湯🥣、小食、甜品都幾多元化😲👍🏻～🥟🍜 大餃作湯餃麵餐：$73🥟🍜 大餃作煎餃麵餐：$75麵類3選1，有粗/幼上海麵、拉麵、擔擔麵揀。任選5款，每款2隻！！！所以我哋所有款式都試到了👍🏻😋！套餐仲配埋凍/熱嘢飲。老闆娘亦好貼心提醒擔擔麵會有鹼水味；煎餃需時要等17分鐘！所以就去拎免費自助小食先🤣～😋木瓜絲：開胃小食👍🏻～🌶️辣菜脯：少辣，放埋落湯餃麵到一齊食，更惹味🤤！🥟韭菜鮮肉餃🥟粟米鮮肉餃🥟芹菜鮮肉餃🥟芫茜鮮肉煎餃 （大力推薦比芫茜愛好者🤣）🥟冬菇馬蹄鮮肉煎餃🥟蘿蔔木耳鮮肉煎餃餃子新鮮製造，有一款咁岩賣曬，即叫、即包、即煮😝！皮薄餡靚，非常足料🤩！煎餃呈黃金色，一咬內有肉汁，香脆可口，配埋豆瓣醬，好味😋！總結：大滿足既一餐！個人認為最吸引喺一次過可以揀5款餃子🥟！坊間餃子店通常都只喺雙拼/三拼！原來夜晚20:30開始仲有刨冰🍧！！！

呢一間🥟全記雲餃🥟位於深水埗，其實佢唔止係一間餃子店，原來仲有其他唔同種類嘅美食😆，就好似粥麵，豬腳，甜品等，應有盡有，而佢哋嘅價錢仲要超地道添👍🏻🥟冬菇馬蹄鮮肉餃 $40 :好似呢一款湯餃咁佢有八件，都係$40咋，裏面係馬蹄鮮肉，食落非常爽口😋，再加埋冬菇就更加香，餡料都算豐富，另外湯底方面比較清淡，似係粉葛湯，唔係好飲得出味精😌，佢哋呢度仲標榜新鮮製造，絕對係食得健康👏🏻🥟韭菜鮮肉餃 $42 :另外呢款就係煎嘅韭菜豬肉餃，通常餃子店必定會有呢一款揀，好多時煎出嚟嘅餃子有啲都係比較油膩同埋過厚，不過呢度嘅就啱啱好👍🏻，佢嘅皮唔算厚，煎到兩邊金黃色，食落有啲脆邊感，又唔錯喎😋🐽豬腳薑 $68 :見到呢度有得嗌豬腳薑，突然又想食，所以就叫咗嚟試，佢有分全份同埋半份， $68嘅係全份，大概有兩至三件嘅豬腳，每一件都非常厚肉🤤，唔好睇少豬腳，以為冇乜肉食，佢哋嘅皮骨膠原勁重👍🏻，食落去幾乎啖啖肉，煮到都相當入味😋，再配咗兩隻蛋，食落唔會硬同乾，烹調嘅時間剛好👍🏻🍹豆漿 $12 :最後就叫咗杯熱豆漿，仲要係啱啱煲好，新鮮滾熱辣，甜度我覺得啱啱好，出邊嘅淨係飲到超甜嘅糖水味，但呢度嘅豆味濃，可以