六十六十火鍋 (Closed)

突然驚覺原來長沙灣開左唔少粥底火鍋嘅舖頭，之前同朋友食過一間唔錯，覺得係老少咸宜嘅菜式，而且二百蚊左右就可以食到咁多海鮮，覺得真係好抵，所以決定帶爸爸媽媽去嘗試下～呢間舖位置都幾就腳，離地鐵站算近，而且門口有好多巴士都經。坐低都幾寬敞舒服，一家大細黎食就最岩。一黎就梗係食左海鮮先，店員會先比D米水比我地煮海鮮，咁先食到海鮮嘅原味。我地叫左蠔，魷魚，花甲，扇貝，鮑魚同埋蟶子。每一樣嘅份量都非常多，真係食完海鮮都飽左超過一半！餐廳仲好好咁提供左每一樣野要煮大約幾耐時間，確保你一定會食到煮得岩岩好嘅靚海鮮，有唔明白嘅時候店員都會好主動黎解答大家要準備好手機黎計時呀海鮮處理得幾乾淨，食起花甲個D上黎都冇沙，而且海鮮都好鮮甜，感受到真係好新鮮咁多樣之中我最鐘意食蟶子，好爽口彈牙打邊爐梗係要叫野飲黎解解膩，呢度都有唔少飲品嘅選擇，豆漿雖然冇得叫無糖但甜度都ok~跟住就到肉嘅部份，我地叫左一碟肥牛，一碟西班牙梅頭肉同手打墨魚丸。個人覺得唔駛叫咁多肉，因為食完海鮮真係已經有60-70%飽，所以可以叫多D菜黎食，因為我地最係食到要捧住個肚都食唔晒每種肉都好新鮮，口感好嫩，而手打墨魚丸真係幾彈牙，好推薦要

粥底火鍋我未食過，朋友帶埋我黎食六十六十。一入到去，都幾旺場，坐滿曬，睇黎都應該真係幾好食坐低無一陣，火鍋既醬汁配料就馬上送上黎。我地選左食佢既海鮮火鍋，見到旁邊都會有寫每種食材要煮幾耐，同埋問親個個職員都答得出幾時先叫熟，啱晒我呢啲唔太識嘅人。一開始就係好清既湯。好快啲海鮮就上啦。全部都好快熟，又新鮮，一個接一個食唔停口。鮑魚最好食，好甜。食左大部分海鮮之後，就落左呢啲附送既配料。南瓜同粟米一落左就後，原本已經因為海鮮而變得好鮮甜湯底就再加甜，好正。之後就係食其他配料既時間。肉類我地點左雞肉、豬肉同牛肉。比想像中好食好多，又吸收左湯底既清甜，正。食埋啲配料之後，就可以叫啲職員話想開始食粥。佢會將一大碗粥膽同埋一啲配料一齊放入粥度，而我地留左啲蠔仔一齊煲，於是就變左一煲好甜既蠔仔粥。真係幾正，又食得飽。

男朋友咁岩黎到深水埗買野經過見到呢間海鮮火鍋價錢幾平就入去試試佢每位二百令蚊 有8種唔同海鮮 同6種其他配料 幾抵食 而佢啲座位都幾闊落雖然嗰一日都幾滿下但係唔會坐得好迫我哋今次叫咗個椰子雞湯循例嚟咗個湯都飲下個湯先都幾清幾重椰子味嘅 而且佢個雞都幾滑唔錯海鮮嘅份量都唔少 配那個椰子雞湯底 好香雖然佢嘅海鮮係重點推介但係其實佢啲配料都唔差我哋叫咗個肥牛同埋西班牙梅頭肉唔hea架 分量唔少之餘都幾好食值得一讚嘅係佢啲員工服務嘅態度幾好佢哋好勤力咁樣清走客人食完海鮮既殻令你食完唔會成檯都係野

訂的是六點剛開門的台，所以完全不用等。地點雖然容易找，但在長沙灣不算就腳，食完附近並沒有什麼好行。入門後，店員都算親切有禮貌，亦會推薦一些當天最新鮮值得一試的海鮮，這一點加分。由於有位食肉獸朋友在，我們選的是有雞的鍋底，湯不錯，清，沒味精。好了，主角上場，由扇貝，到蠔，到蜆，蝦，魚，都完全滿意，海鮮但求新鮮，這一點是不敗的定律，他們做到了。唯一較失望的是火鍋配料略貴一些，但又沒去到接受不了，看菜單上的價格不貴，但份量嫌少。PS:飲品有津路可選，也加分，不是外面那些只有很甜的廉價飲料那樣。總結來說，如果想吃海鮮火鍋的話是可以一戰的。但肉類的火鍋料就不太建議加點了。

行過見到佢個招牌好吸引，粥底海鮮套餐都只係$200😂 好似幾抵食咁味試下😂 可以揀八款嘅自選海鮮，加6款火鍋配料。海鮮我地叫左鮑魚、扇貝、蠔、刀貝、帶子、貝款 等等。最好食最鮮既係鮑魚，佢夠新鮮又甜甜地，大家簡既話可以叫呢樣。我地唔太識煮好彩間黎都有個教學😂，教每樣野煮幾耐！食完啲海鮮之後，個湯已經充滿海鮮味喇，再加南瓜、玉米、芋頭！再用黎打邊爐啲野食都好甜！但打邊爐料既選擇唔太多，同埋唔可以重複，等我仲想食多啲肥牛😭，不過其實呢個時候都已經飽飽地😂但其實仲有粥未食⋯邊爐食得7788就叫佢幫我地煮粥，都係將啲煮好左既米糊咁既放落鍋，再煮下佢咁！果然，個粥真係好甜，有曬南瓜玉米海鮮既精華，可惜係果陣已經好飽，食唔曬啦😂

咁多間粥底火鍋店係公司附近，當然要一間間試曬佢，今次到六十六十；OpenRice book 位要去到 11點先有，最後發現原來可以 WhatsApp book位，當然要 book 黎試下 因為係附近返工，放工行到過去都未 8:30，等咗一陣就入得。環境幾好，乾淨，坐落舒服（係要搵嘢講嘅，冷氣凍咗 d law）一行 9人（6大3細），總共叫咗 3份粥底鍋，3份文昌雞鍋及 3份小朋友海鮮餐。上菜好快，先黎海鮮及小朋友餐（可能佢地睇得出我地屋企三個小朋友都係「餓底」）海鮮好新鮮，d 蝦仲要搵嘢遮住，唔係會周圍跳（d 小朋友又好鬼開心）；帶子，扇貝，聖子等都好新鮮；海鮮之後到牛肉，豬肉及其他配料等，最後當然係超正嘅粥底啦～ 食到個個都差唔多飽到嘔

食過幾間粥底火鍋。依間都算值得推薦👍🏻👍🏻👍🏻👍🏻性價比高👍🏻👍🏻👍🏻每人200蚊已經食到幾款海鮮，同埋份量都好足👍🏻餐廳位置都好易搵，基本上地鐵出左5分鐘就到。而食物選擇方面真係非常豐富，可以話任君選擇，海鮮基本上實係揀個啲：飽魚都幾大隻、蠔又夠多、肉蟹啲肉無呃秤、蚌就個人黎講非常喜好食，所以綜合黎講都極之美味😛😛。嫌食得太多海鮮又可以係配料到揀啲菜啊瓜啊食下：冬菇、花膠、生菜都一應俱全🌽🌽🌽另外，為左食到一次好味嘅粥底、製作到碗正嘅海鮮粥，我地都跟足烹調時間去煮，一夠鐘就撈上黎，最尾個味道真係好濃好香！職員最後加嘅配料落個粥又係好恰當，中途職員亦都適當控制咋湯嘅份量，令到粥底唔會過稀過結。最後都係個句：好抵食！

有驚喜的火鍋！海鮮誠意十足，處理得好好，蜆肉全部白雪雪無沙，而且份量十足蠔仔爽甜無腥味，數量都不少鮑魚蟶子大隻爽口，好想食多幾隻呀😬😬😬最驚喜係帶子同金刀貝，超鮮甜！，不過掛住食，唔記得影相牛肉都好新鮮，打邊爐不錯不錯，大大件咁食會更有口感，食完海鮮已經好飽啦，之後仲有雞肉，最後煮成海鮮雞粥，而且侍應會加埋豬油渣，鍾意食嘅應該會好正，不過我就麻麻地，可以根據自己個人口味調整整體來說都很不錯，岩曬同朋友一齊慢慢食，傾計👍🏻👍🏻👍🏻

因為媽咪好鐘意食粥底火鍋，家姐話深水埗呢間好食又抵食，所以去試試佢。店內環境清潔整齊，枱與枱之間空間都足夠我地揀咗蕃茄濃湯底脆米套餐，$200 一位都算幾抵，可以揀8 個海鮮🦞正呀！我地揀咗蜆、帶子、聖子、肉蟹等配料揀咗牛肉、響鈴等蜆好新鮮，肉質鮮甜，全完冇沙值得一贊👍🏻👍🏻肉蟹上檯個時仲郁緊，蟹裏面好多膏，肉質爽口彈牙，必叫之選😍😍😍帶子好大隻，肉質鮮嫩，但唔好煮咁耐，細心點佢地有個表列出煮唔同海鮮需時多少。牛肉肉質嫩，估唔到配料都好有質素🤙🏼🤙🏼響鈴吸收晒所有海鮮湯底味，超好食都是必叫的最後脆米飯，加左豬油渣，令到湯飯味道更有層次，更加美味，飯軟硬適中，吸收晒所有野精華，好好味，就算點飽都可以食一至兩碗😍😍。

同朋友經過長沙灣，見到呢個名字好得意的火鍋店「六十六十」，決定一試。 一個套餐，可以選擇不同的鍋底，我地揀左粥底，海鮮總類應該有的都有齊我地揀左聖子、鮑魚、扇貝、帆立貝、蠔.....等等。海鮮好新鮮，蜆完全無沙，好鮮甜、好好食呀除左海鮮之外，仲可選6款其他配料，我地揀左墨魚滑、鮮雞件、西班牙梅頭片、美國肥牛、鮮淮生同埋娃娃茶。墨魚滑係手打既，雖然好細粒，但食得出係真材實料，好鮮、好香同埋好彈牙其他配料水準都唔錯。食到尾聲，餐廳職員主動幫我地煲粥，加入南瓜、芋頭，配菜，一煲香噴噴的海鮮粥就準備好啦整體來說，好好食，呢個價錢，食到呢種質素的食材，好滿意

早前係長沙灣做完facial ,之後再係付近食飯,一條龍活動原來係想自己買餸返屋企打邊爐,最後都係約左朋友一齊係長沙灣打邊爐,經過六十六十見佢樣樣都有D,又唔貴,一於同朋友入去打個老邊可以自選食物,肉類海鮮樣樣都有湯底係原隻大番茄,都幾多,最少有2隻番茄番茄味好濃,唔錯蟹好新鮮,唔算大隻,不過好生猛,上枱仲郁緊同番茄一齊食湯底一流蠔都有一碟,份最唔少,不過縮左水後比較細隻,但味道不錯,而且好乾淨,食完無肚疴鮑魚扇貝帶子,好新鮮,無黑邊,食落都好鮮甜尤魚好爽口蜆都可以做湯底~無砂,放心食蟹柳我必食牛雖然唔多,但質素比想像中好好多肥廋適中牛肉味好重丸類雞件丸類普通無特色雞件肉好滑,好食菜好清新,好翠綠整體很好,款多價錢平~

前排係ig俾朋友們洗版，個個都番去深圳食好多火鍋，搞到我都忍唔住要係香港搵間海鮮粥底火鍋食下呢間又係係ig見到一班朋友都走左去食，拾前人牙慧，要去睇過係咪真係咁正～鋪頭環境出乎意料地闊落，座椅坐得好舒服，同隔離有足夠距離，唔會覺得迫挾，而且裝飾幾別緻，食野個陣望下望下唔會悶。黎到重點：食物方面分兩大類，海鮮類同火鍋配料。海鮮基本上實係揀個啲：聖子、飽魚、蠔、蟹、蚌。配料就無咩特別唔多講喇（總之有牛有豬肉食啦）。飽魚真係唔係啲細細隻個啲，味道夠鮮；蟹就係完整一隻，佢已劏開一半比你準備（感覺無咁殘忍），其他貝類煮幾分鐘就好入味！蠔就唔係間間粥底火鍋都有喇，個人認為好抵食！每人200蚊，樣樣又足料，食緊途中已經同朋友夾定幾時encore!我地跟足時間煮啲材料，最後雖然飽到淨係食左一碗粥，不過內心係覺得好味到想食哂😂

趁住天氣仲有少少乍暖還寒， 我哋又乘機出動去打邊爐啦， 之前有同事介紹長沙灣六十六十火鍋， 二百零蚊包一個湯底和八款海鮮同六款火鍋配料， 仲要唔使加一，好似幾吸引咁一於揾日去試下。呢度提供三款湯底選擇， 我哋就揀咗蕃茄濃湯底脆米泡飯套餐， 圖中海鮮係二人份量， 非常足料大份， 有鮑魚 肉蟹 貴妃蚌 鮮魷 蠔同貝類等， 全部相當新鮮， 最欣賞係肉蟹， 肉質厚實，啖啖肉好鮮甜又多膏， 另外貴妃蚌超級肥美， 浸泡落蕃茄湯度更顯得嫩滑鮮甜味道一流。食完海鮮之後，跟住輪到火鍋配料出場， 肥牛就一定唔少得， 其餘都係大路食物如粟米 響鈴 魚皮餃 蟹柳等，最驚喜係萵筍， 雖然不是貴價菜，但平時好小食到， 呢樣我幾鍾意食，口感清甜爽脆唔錯。清晒枱面嘅食物之後，跟住店員會為我哋加入白飯同油渣脆米，白飯完美吸收海鮮同肉類湯底的精華， 呢個泡飯真係好出色好美味。200元就可以收穫一頓豐富美食，好味又抵食，呢餐飯真係滿足愉快呀！

原本諗住係去深水埗食車仔麵，但太多人喇，所以轉戰其他。🤓朋友話佢都bookmark左呢間好耐，所以就過黎試呢間。（個level都轉得有啲大xd）佢有三款海底可以揀，因為想食椰子雞，所以揀左佢個椰子文昌雞湯底套餐。一開始會放曬啲配料係枱面比我地揀。揀完後，就慢慢等開餐喇🤤等左一陣，就黎左隻雞🤓，侍應有教學，同我地講等湯滾，就熄火，然後放啲雞入去，等好似5定10分鐘左右，就開餐雞隔離放左粒青檸，我地諗左好耐係點用🤣🤣最後拍板吱入去！結果証明左我地既決定係岩既。啲雞雖然無乜青檸味，但因為係焗一焗就食，所以啲肉好滑。啲湯先係精華，暫時係我係香港飲過最好飲既椰子湯。佢有椰子同馬蹄既清甜，雞既鮮味，同埋青檸既清新，好飲🤤個貝類海鮮堅鮮，個兩隻鮑魚係識郁嫁，我地放落去個鍋差啲要諗大悲咒，殺生啊嘛。呢個魷魚都勁新鮮，無腥味。RIP然後到左六款自選。呢個係豬，入口即化咁，豬味好濃郁，無豬腥，好正🤤個牛都好。我地仲叫左魚皮，烏冬，墨魚丸，仲有菜。都唔錯。好滿足🤤🤤

黎到六十六十火鍋，又係時候淥下烚下啦。我地book 左八點半，我八點三到，佢基本上係滿座勁旺場，因為有人啱啱埋單，所以都可以直入。今次叫左個椰子文昌雞套餐，可以選八款海鮮，六款配料。一入座佢就比個醬料盤你選。首先佢上左雞件先，水滾掉落個鍋到，等再滾就熄火焗五分鐘食得。啲雞好生鮮冇雪味，仲好滑添。個椰子雞煲好香好多椰肉，咁我地就開始忍不住飲下湯🤤🤤🤤然後佢就上海鮮啦。我地有魷魚，飽魚，蟶子。。。。。。好震驚地，我地發現啲海鮮係真係好新鮮(冇expect 兩百幾啲料咁好xd) ，啲鮑魚仲郁緊🙀🙀🙀對唔住我地照淥😂但真係好好食，又彈牙，又嫩~海鮮食到咁上下，佢就上最後既配菜，有手打墨魚丸，娃娃菜，西班牙梅頭肉，肥牛，我地食到咁上下食唔落，仲將本身叫既烏冬轉左做唐生菜~ 不得不提既係，個梅頭肉好好食！肉質夠鮮香又肥，好唔錯~我地差不多食到十一點，好自由，都冇人催我地埋單。間野明碼實價，唔收加一，材料新鮮，服務快速友善，又近地鐵，可以一戰~