利星火鍋海鮮小炒

Open Now

Now Closed

Meeting my relatives for CNY dinner at Sharp Star Restaurant serving up a wide range of Cantonese cuisine from fresh seafood, siu mei, wok hay dishes to hot pot. Salted Fish & Minced Pork PattySavory patties made with fragrant salted fish and minced pork with a balanced amount of fat content.Clam Soup w/ Pepper & Pickled Cabbage A huge pot loaded with clams, tender pig‘s stomach, and vermicelli noodles that soaked up the slightly spicy and briny soup packed with flavors.Shrimp w/ Lemongrass & Pe

地道小炒 約咗幾位朋友食晚飯 愈大愈鍾意食中菜尤其大排檔小炒 呢間餐廳有兩層 裝修地道平實 晚市嘅時候已經好街坊食緊🔆鐵板火灸蟶子皇 蟶子皇時價海鮮 今日$68一隻 我哋叫咗幾隻試吓 喺餐廳招牌 上菜個陣仲有埋火灸燒 個火真喺好大好震撼😂😆蟶子皇夠大隻 火灸燒夠熱辣辣而且蟶子肉質鮮嫩彈牙🔆冰梅欖角骨腩排醃過再泡油 加上梅汁、冰糖、醋再熬煮排骨粒粒都好入味 酸酸甜甜 食完好想再食多舊 而且送酒一流🔆 香煎美極蝦一上碟就聞到美極豉油嘅味道 大蝦有泡過油再爆炒美極豉油 蝦質素不錯 隻隻都好大隻肉質新鮮 🔆利星小炒王去襯大排檔都要叫碟小炒王 有香口脆脆腰果、乾蝦、魷魚等 特別喺有菜脯增添口感 🔆椒鹽鮮魷大家都話好耐冇食椒鹽鮮魷 外脆內裡鮮魷口感仲好嫩滑 點上黑醋汁感覺冇咁熱氣😁🔆桂花糕最後仲有甜品送🤣 桂花都好香又唔會太甜呢餐食得好滿足

跟朋友嚟深水埗食好野呢間主打地道小炒．海鮮同火鍋位置超方便．一出地鐵站轉右就到店舖樓高兩層，全場爆滿要食好野真係要早啲入座午市粉麵超大碟．價錢亦好貼地我地揀咗幾款小菜．鑊氣十足✨鐵板火焰聖旨王放上熱辣辣鐵板嘅蟶子... 咋咋聲未夠震撼？店員仲會即場加上火焰．觸目全場口感爽彈又大隻加入豉椒非常惹味✨九層塔香酥豬仔脾啖啖肉嘅豬仔脾帶點微辣．再加上九層塔味道超香✨冰梅欖角骨欖角同冰梅製作出酸酸甜甜嘅味道一粒接一粒...食到停唔到✨小炒王係我食過最足料嘅小炒王將魷魚．韮菜．蝦乾．銀魚乾．腰果．三色椒．蘿蔔絲．菜脯一齊爆炒非常香口．亦唔會太油膩水準超出預期．菜式味道比酒家更好難怪每日都吸引咁多食客以後同朋友/家人飯局都可以嚟呢度喇

新年後和朋友去了深水埗的利星飯店吃晚飯，這裡環境很熱鬧，充滿了大排檔的氣氛，感覺特別有香港的地道風味。餐廳裝潢比較平實，是香港人聚餐的好地方，份量足，價格也合理。🍜 肉絲炒麵 $108炒麵和料分開兩碟上的，說是炒麵其實是炸過的，帶脆身，淋上汁料後外脆內軟，麵條炸得香脆，配上嫩滑的肉絲、芽菜和韮菜，汁料味道不會太濃，感覺健康。🐟 椒鹽九肚魚 $118九肚魚炸得外皮酥脆，裡面的魚肉卻非常嫩滑，椒鹽的味道很香，帶點微辣，配上有點像黑醋的醬汁，更惹味。🐚 鐵板火焰蟶子王 $108上桌時點火的效果很震撼，火比想像中大，蟶子大大隻，肉質鮮嫩彈牙，是時價的新鮮菜式。🦐 黃金棒棒蝦 $198大蝦裹上鹹蛋黃炸得金黃酥脆，蝦肉啖啖肉，鹹蛋黃的香味濃郁。🐟 川芎白芷魚雲湯 $148湯頭濃郁呈奶白色，川芎和白芷的藥材味不會太重，喝起來很暖胃，特別適合冬天，而且份量也有不少，大夥兒分享也可以。

深水埗人氣懷舊酒樓，佔地兩層，座位多，空間較窄，平日晚上Full House，大枱為主，超級熱鬧。食物方面主打海鮮同小炒，即叫即整，但上菜速度算快。店員服務態度友善，地點方便，價格合理，值得帶屋企人或朋友仔嚟聚餐。涼瓜排骨煲：苦瓜唔苦，排骨炆得夠淋南乳粗齋煲：配料好多且煮至入味招牌麗芋卷：外脆內爆餡，口感豐富避風塘茄子：炸完都好Juicy，絕對值得一試鹹蛋蒸肉餅：鹹香氣十足，仲有兩大粒鹹蛋粟米斑塊：大人小朋友都鍾意，配飯一流

【深水埗•利星火鍋海鮮小炒】@ππππππππππππππππππππππππππππππ蜜椒薯仔牛柳粒香煎美極蝦招牌利星石鍋炒飯鮮制砵仔焗魚腸蜜椒薯仔牛柳粒牛柳粒嫩滑，搭配蜜椒的甜味，讓整體口感更加豐富。薯仔的香脆口感為菜式增添了層次感，十分美味。香煎美極蝦蝦仁煎至金黃，外脆內嫩，蝦肉鮮甜。美極醬的調味恰到好處，提升了蝦的鮮味，令人一試成主顧。招牌利星石鍋炒飯石鍋炒飯粒粒分明，米飯的香氣與配料的鮮味相互融合，令食客回味無窮。鍋巴的香脆感更是為這道菜增加了獨特魅力。鮮制砵仔焗魚腸焗魚腸鮮嫩多汁，魚腸的鮮味充分釋放。焗製的方式使得魚腸表層微焦，口感極佳，搭配醬汁更添風味，是一道值得推薦的美食。餐廳環境：🔥🔥🔥🔥🔥服務質素：⛄⛄⛄⛄⛄食物味道：🍾🍾🍾🍾🍾性價比：🎟️🎟️🎟️🎟️🎟️消費 HKD 600✨✨✨✨✨✨✨✨✨✨✨✨✨#深水埗美食 #利星火鍋海鮮小炒 #web3深水埗利星火鍋海鮮小炒 (深水埗)深水埗福華街151號地舖

朋友介紹，到深水埗覓食，在福華街地舖，都容易找到，事前致電訂枱，要求免開瓶，食店都很容易話為，一讚。欖角骨~欖角味濃，朋友很喜歡。小炒王~下酒小菜很夾檔，唯獨菜甫可以切幼細啲更好，菜甫頗咸。香煎焗魚雲~當晚大家都對這個魚雲很喜歡，三兩下就KO晒⋯⋯煎肉餅~配白飯的好拍檔。豉油皇炒麵~大大碟，很抵食年年有餘桂花糕~單是有形態的桂花糕，並不是一般酒樓的格式，甜度適中，一讚。整體來說:餐牌印刷很精美，食物照片拍照吸引，所以單是選菜，對於筆者為食貓性格，攪到樣樣都想試，店員主動，主動介紹招牌菜，原先想飲豬肺湯，但由於等到朋友到來才決定，未有即時點餐，最後沽清落空，但店員到飯後送上這精美甜品，話下次再嚟飲過，今次請你們吃甜品，祝大家年年有餘，幾窩心呀！

深水埗一出地鐵站右轉就見到，勁方便！餐廳有兩層，去嗰晚座無虛席，一圍圍都係家庭客，疫情過後好少見到餐廳可以做到咁爆，今次就試吓佢有幾正！🔸️鐵板火焰蘇格蘭蟶子王(兩隻)$216- 王牌菜色！肉厚鮮嫩蟶子王，真係比市面上大隻好多。以鐵板上枱，勁有儀式感，侍應即場淋上強力火焰，打卡必叫！！蟶子燒完超級熱辣辣，非常鮮嫩，一眼望佢勁多人叫！大推！(時價)🔸️ 酥炸桶蠔$288- 手掌咁大隻桶蠔，唔係間間餐廳都有得食！一盤六隻，外面炸到脆卜卜，咬入去啲汁真係會咇出嚟，鍾意食蠔嘅必叫！佢另外仲有兩款桶蠔菜式，一樣係王牌菜式，有興趣都可以試埋🔸️ 石鍋茅椒蝦$178- 好好食！依個菜完全體現到餐廳嘅功力，大蝦碌用韓式石鍋上，經香茅及黑椒炒粿，第一層香茅味勁出，之後慢慢滲出黑胡椒的辣勁，真係多層滋味！🔸️ XO醬芥蘭苗爆大元貝$198- 元貝好多，食極個底都仲有😂😂芥蘭苗超級爽脆，食完咁多煎炸嘢啱晒❤️🔸️5星⭐評分好食指數:⭐⭐⭐⭐ ⭐整體份量:⭐⭐⭐ ⭐性價比:⭐⭐⭐ ⭐ 打卡度:⭐⭐⭐ 餐廳環境:⭐⭐⭐⭐#alchohol #hkig food #foodie #foodporn #foodphotogra

位於深水埗、人氣非常旺盛的港式小菜館，一枱又一枱的客人嚟呢度聚會，食海鮮、小炒、飲啤酒，熱鬧非常～ 是日孖寶 ($388)：📍清蒸沙巴魚 — 目測有一斤半，蒸得剛剛好，魚肉肉質彈牙，食得出係新鮮，最鍾意有大量薑蔥💚，絕對冇失望嘅空間📍飛天芥蘭煲 — 當見到店員一手拎住碟菜，一手拎住個大鐵煲，就知道要上演一場“啫啫煲”，嗰種鑊氣完全將蝦醬嘅味道帶咗出嚟，除咗芥蘭，仲有大蝦乾和原隻蝦，簡單一個菜煲都好好食📍馳名鎮江骨 （$188)店方Menu寫着「腩排秘方醃過，泡油再以上等鎮江醋、冰糖等烹煮，醬汁包在腩排的外層，酸甜而香口」，都真係嘅！個味道甜甜酸酸，下酒一流，不過略嫌肉質稍微硬了一點

今次是我第二次來這家餐廳了，今天有外國工作夥伴來港，想吃一些有特色的地道小炒，就想起了這家菜館。這家菜館有很多傳統的小炒家常菜，亦有些很有創意的，很打卡的，想外國朋友應該會喜歡。打頭陣當然是他們的招牌菜 鐵板火焰蟶子，上桌時在鐵板上點火，火焰熊熊，很有儀式感。蟶子肉質飽滿、鮮嫩多汁，搭配豉汁的香氣，不僅打卡效果大滿足，味道更是非常香港風味。另一道令人印象深刻的菜品是 鐵板薑蒽鮮魚卜，外國朋友甚至不知道魚卜可以吃，又一個精彩話題。這道菜將魚卜與豬肉巧妙結合，薑蒽的香氣完美融入其中，使得魚卜的口感更加鮮美、滑嫩。海皇一品菜 贏在擺款精美，今天店裡有豆苗，老闆說平時多數是菠菜的，更加要點，海皇一品菜則彙聚了多種海鮮精華，豆苗擺成一個小山丘，很有打卡感。酸辣混蛋 這道菜是將大蔥、雞蛋和蝦巧妙融合，酸甜中帶有一絲辣意，口感層次豐富。主菜則揀了 招牌麗香卷，不用點飯麵了，直接點這個吧，香芋酥裡面有墨魚滑，很特別很飽足。總的來說，利星海鮮小炒火鍋以其地道的風味和獨特的菜品選擇，為食客們帶來了一次難忘的美食之旅。無論是與朋友小聚還是家庭聚餐，這裡都是一個不錯的選擇。如果你也熱愛美食，不妨來這裡親自體驗

這間位於深水埗的【利星火鍋海鮮小炒】，晚市主打火鍋及小炒，款式甚多，而且價錢合理。炭燒鵝皇每日新鮮即燒，所以可以保持皮脆肉嫩，陣陣燒烤香味，再加上鵝油脂香，入口肉汁豐富。避風塘茄子薄薄脆漿炸至金黃香脆，茄子釀入了彈牙墨魚膠，外脆內彈，而且食到最後依然香脆不油膩。鐵板薑葱鮮魚卜熱辣辣的鐵板爆香了陣陣薑葱味道，魚卜脹卜卜，帶點焦香又爽脆。三蝦上湯浸菜心蝦乾、鮮蝦、蝦仁，三鮮浸嫩菜心，鮮味十足。蟹白黃金花精緻又好味的打卡餸，表面淋上咸蛋王醬，中間的蛋白正好一濃一淡，互補不足。

利星火鍋海鮮小炒位於深水埗地鐵站D2出口真係好方便，行1分鐘就到，深水埗美食林立，屹立超過十年，毫無疑問 出品一定有返咁上下水準 餐廳分上下兩層 ，懷舊嘅裝修，頗有港式大排檔嘅風味，店員態度親切 大家好似老街坊嘅感覺 必食招牌菜，火焰蟶子王$198非常有排面嘅一道菜式 ，將蟶子王用上鐵板烹調嘅方法 ，店員用上高濃度嘅燒酒淋上鐵板面上，火焰足足一米高 ，非常震撼 ，火焰嘅熱力令到豆豉同埋洋蔥嘅味道更加香濃撲鼻 ，蟶子肉質入味 ，更多有口感，蟶子仲非常大隻入口又爽口鐵板三蔥魚卜$118用上鐵板真係令到食材提升咗一個層次 ，鐵板嘅熱力令到三蔥更加香 ，魚卜嘅膠質口感非常煙煙韌韌 ，非常有咀嚼感招牌麗香卷$118將春卷皮包住芋頭中間，做到外脆內軟嘅效果，又熱辣辣，還夾著墨魚咀一起炸，非常特別，有驚喜既菜式，創意十足，仲夠哂飽肚馳名鎮江骨$118每嚿肉嘅size非常一致，每一嚿都係骨肉相連， 味道都恰到好處，濃而不膩，酸酸甜甜 ，非常好味酥炸生蠔$288生蠔每隻都很肥美鮮甜，咬落酥脆。又creamy，份量仲相當大隻，炸皮唔會太厚整體食物水準非常高，份量足夠經驗豐富嘅廚師，保留傳統嘅特色，加上

服務好nice,食物無想像中好，尤其喺嗰炸大腸，非常失望，超多肥油+非常腍身，另外碟黑胡椒蟹，好正，够火喉，碟炸大腸被網上欺騙了事實，又話係去晒油，too bad，上菜速度快的，比較吵，不適合傾計，大家可以考慮别的餐廳。

一日前打電話訂枱，3個人7點鐘，準時入座，我哋3個人點咗3個餸1個白肺湯，食到將近8點，個伙記走過嚟問我哋重有冇嘢要，冇嘅話就先埋單，我問咁係咪即係要趕我哋走，佢話係，當時我哋果半隻燒鵝重有半碟未食，真係火都嚟，有冇搞錯，1個鐘頭就趕人走，而且訂枱時完全冇提過要1個鐘交枱，咁唔該你哋唔好喊哂口話人北上消費啦，都唔講食物水準已經下降咗好多。真係祝你好生意！

之前係Youtube 見名廚Ricky介紹，見到好似幾吸引，之後終於約左朋友去食。一出地鐵站就係，非常方便。我地之前book左位，不過就安排左一個角落位，頭頂咁岩係抽氣扇位，吹晒D熱風出黎，因為太熱，所以同伙計要求換枱，伙計二話不說幫我換枱，態度值得一讚，係唯獨有個大叔唔知係聽覺差定係本身慢活，要叫好多次先聽到。D 小炒水平冇令人失望，個招牌冰梅欖角骨好惹味，杏汁豬肺湯好夠味，冇畀杏汁搶晒D肉味，椒鹽九肚魚炸皮上枱時依然脆口，炒蜆冇沙多肉，個啫啫唐生菜煲八面更附送了兩隻蝦。唯一缺點就係環境太迫太嘈，枱與枱之間好迫，果晚咁岩隔離大枱坐左十人慶生，聲浪太大，我同朋友完全傾唔到計。不過整體係性價比高既，不妨一試。