利豐廚房 (Closed)

真正的隱世廚神，退而不休的北京酒店大廚，現於平民小區重掌鑊鏟，慈雲山的人有福了。環境是街坊飯店格局,從來吃飯不理裝潢,只在乎乾淨同好味,這裡店雖小, 但很企理。味道更是超額完成。是日吃每位$188 (唔洗加一) 的二人餐，價錢這般大眾化，本沒太大期望，質素卻帶來驚喜。蟶子切粗條炒，量仍多，足見蟶子之巨。肉是超班的厚，卻爽口。師傅功力果然深厚。蒸扇貝貫徹肉厚爽口之勢，回味無窮。芝士龍蝦又是爆肉彈牙，質素跟前兩味一樣，是無法相信會在此價套餐中出現的。乳鴿也是熱辣辣,香港只有的雪藏味道當然不比石岐新鮮貨,但相比本港一般食肆已是有相當的肉汁。海班火侯剛好,嫩滑有魚味。須知今天要吃上「有魚味的魚」跟吃「有雞味的雞」一樣難。後來老闆娘說週末時有釣友送漁獲到此,聽後暗暗決定要找個機會吃上鮮釣漁獲 (雙眼發光)。服務親切周到, 頻頻換碟。whatsapp訂位, 好方便。店主太太超好人, 處處以客為先。總括而言, 物超所值!請繼續為我們煮咁好味的菜式 (合掌)

十二月十五日 (星期日)海鮮是不少香港人的至愛，不過，生態失衡，今時今日食海鮮，一頓豐富的，動輒要花上幾百甚至過千元大角咀的永豐曾經令人重燃平野有好野的希望，不過最近易手後，得知水準大不如前，希望頓成泡影早前收到利豐廚房的電郵，印象深刻因為店在偏僻的慈雲山，但店的負責人說大廚曾在北京各大酒店任職十多年，就是滿漢全席也曾做過也裡總覺得有點奇怪，如此級數，那為什麼要選址於此呢?摸不着頭腦，不過店方誠意拳拳，也就聯同幾位住附近的食友闖一闖...利豐開業只有短短大半年，屬家庭式經營，由主打廣東菜的大廚老爸主理回港後處退休狀態，但不甘游手好閒的退休生活，遂決定重出江湖一行四人，乘的士來到蒲田里店位於遊戲機鋪隔離，機鋪名曰蒲機鋪，有趣!店內位置不多，約可容納廿多人，沒下雨也不太冷的時候，也可選擇坐在戶外這裡有不用客人傷腦筋的海鮮套餐套餐也有三款選擇，供不同數量的食客選用我們四人吃的便是超值海鮮套餐，共有八道菜另外亦有一個四位起的和味海鮮套餐，九道菜如蟶子皇和龍蝦等，挺豐富的海鮮套餐，最好預先一天預訂喔！本身餐牌上是果皮蒸鮮鮑魚今日則換上了冰鎮鮑魚，鮑魚出產自南非吃落鮑魚爽口彈牙，鮑魚切開並加入了美

 自小在獅子山下居住的KsMeow，對那里的一事一物，也存有感情！那天晚上，跟一眾友好來到慈雲山的一間小店，一嚐豐富海鮮餐！．．．家庭式經營的小店位於慈雲山，從黃大仙港鐵站乘小巴，車程也不過十分鐘，沒有大家想像中的遙遠！餐廳地方雖然不大，但上菜速度頗快，等位也不用太久呢！當晚一行四人，吃了四人份的海鮮餐！冰鎮鮑魚用上南非翡翠鮑，每隻份量頗足，厚切幾片，方面食用；質感柔軟彈牙，墊底附上微甜醬汁，令其更鮮！胡椒豬肚花甲湯有很強勁的白胡椒味，入口刺激暖胃！特別鍾愛當中的豬肚，清潔乾淨，吃來又腍又滑，吸滿胡椒的辛辣及花甲的鮮甜，令人一再添飲！．．．蒜蓉粉絲蒸扇貝，先吃粉絲是常識吧（嘿...）粉絲吸滿熟油、蒜泥及扇貝的精華，扇貝亦沒有蒸得過火！白灼海生蝦雖屬家常菜式，但沒有令我們失望！爽鮮的蝦跟調製過的辣椒醬汁很配，醬汁辣味點到即止，再加上點點蒜香，令蝦的鮮味更為突出！老虎斑不算太大！清蒸時間剛好，魚汁加上甜醬汁及青蔥，拌白飯一流！．．．薑蔥炒蟹吃得出夠鑊氣，蟹殼有微微打破，吃來不會太狼狽；惹味的醬汁掛於蟹上，肉質嫩鮮，不錯吃！吞拿魚炒飯炒得未算乾爽，較失色；金銀蛋浸芥菜苗，則有著濃濃的家庭感覺

一個寒冷的晚上，我與幾位食友來了一個我平生也甚少到達的地方 - 慈雲山。走在慈雲山的路上，盡是斜路，直至到達一處橫街內，在橫街中又分出多條路，全是蒲X里，不遠處應是慈雲山廣場的地點尋找一所食店，直至看到一個大招牌寫著蒲機舖，實在令我哭笑不得，又會給店主想到。其實利豐廚房就在旁邊，一間小小的店子。名叫利豐廚房。這兒的套餐，十分經濟，百多二百元一位已有交易。今次吃的是超值海鮮套餐，有八道菜式，分別是胡椒豬肚花甲湯、白灼海生蝦、果皮蒸鮮鮑魚、蒜蓉粉絲蒸扇貝、清蒸海班、薑蔥炒蟹、清炒時蔬及招牌吞拿魚炒飯。先上的鮑魚，店主更改為冰鎮南非鮑魚，鮑魚以鰹魚汁及味醂來調味，十分鮮甜，而且肉質爽滑有彈性，再配以冰鎮方法來呈現，更覺清新。只要材料夠新鮮，清蒸而不多加調味已是一道佳餚。白灼海生蝦當然選用上新鮮生猛的海蝦，爽口彈牙，而且還非常鮮甜，點上少許辣椒豉油，令鮮味一及不可收拾。接著的是一道湯，胡椒豬肚花甲湯既可當菜式，亦可當湯喝。先喝上一口，胡椒味濃郁，辣辣的很暖胃，細味之下，還透出陣陣鮮甜來，甜味來自花甲，份量倒是不少。另外，豬肚都很入味及軟腍，一菜三吃，經濟又實惠。遠處已聞到蒜蓉粉絲蒸扇貝的香味，

我和一些朋友都好憎D人講,多人排隊先好食呢句野,問題係我最憎排隊為左印證呢番說話,決定努力搵呢類餐廳出來首先係慈雲山既利豐廚房,經朋友帶路前往相信唔係住係呢頭,又話姐鑽石山既居民都唔會來百幾蚊1位都有海鮮咁霸氣,咪同長州差不多咁街坊既中菜,食物選擇都幾有趣,又冰鎮鮑魚,又有雞煲,又羊架最後簡左5樣$48  冰鎮鮑魚,賣相好靚,鮑魚很軟滑,味道鮮甜,感覺上用了一D 木魚湯之類整過,很甜美$128 烤羊架,份量十足,大約9成5熟,但係肉質同樣TENDER AND JUICY,面頭用了類似孜然之類既野整,十分惹味,沾埋辣椒粉仲正.9成5熟都可以TENDER$58 咕嚕肉卷入面有煙肉,菇和腩肉包住,外面脆度OK,反而突顯食材比較清淡,比起一般咕嚕肉無咁濃味.有創意,但我覺得不夠濃$58 椒鹽茶樹菇,在國內常見的菜,用蛋脆漿包住,椒鹽咸香味道令菇味更獨特,食唔停的一味,送酒比較好$68 XO醬干鍋新竹米粉,打包比阿爸,偷食了一口,米粉很煙UN,帶點辛辣總體來講味道真的唔錯,以街坊食店來講已是超水準,相信夠哂隱世啦掛

自從食過呢間師傅的廚藝後，我已經係度舉辦過多次生日飯，運動飯。今次約左舊同學食飯，特登預早Book定利豐豪食海上鮮。埋單每人$600，酒精自備，有咩食？去相頭盤：涼伴彩玉雞絲 (即麻醬雞絲海哲)第一道海鮮：冰鎮鮮鮑魚呢隻係南非鮑魚，伴左日式醬料，食落好甜好軟，必食第二道海鮮：豉椒炒竹聖子皇超大隻聖子第三道海鮮：油泡海花竹蝦每人得兩隻，但真係好好味道，唔知個師父點整，可以個殼咁脆，D肉咁甜第四道海鮮：避風塘斑馬賴尿蝦超大隻的賴尿蝦，手臂咁大隻，全隻都係膏，師父煮得剛剛好，D膏唔會實，但又唔係流出黎，正第五道海鮮：油焗黃油奄仔蟹唉，失望，無咩膏，D肉又唔甜第六道海鮮：清蒸海臘腸斑呢名名字我從來無聽過，街市無見過，價錢貴過東星，$2xx/升，皆因佢係海斑，仲係我的至愛 - 沙皮。食過之後我會記住呢個名，因為我估唔到我係呢間鋪頭仔竟然食到呢三十年內最好食的清蒸魚！(唔計荃灣聯邦的蒜蓉蒸頭腩)中場上左個招牌羊架我已食過好多次，但今次係食海鮮，總覺得有D格格不入第七道海鮮：芝士焗琵琶蝦本身唸住食龍蝦，當日中午老細打黎話搶到琵琶蝦反黎，問我食唔食。大家未必知道琵琶蝦是什麼，細隻果D好似賴尿蝦，大隻果

係度食飯已經食左無數次，終於的起心肝幫呢間野寫一次食評。唔好睇佢鋪頭細細，老闆同廚師大有來頭！煮過俾好多高官明星食，以前做親都係D5星期酒店做總廚；佢地話煮過俾某總統食(唔知真定假！)原來老板係半退休，所以特登搵間咁細既鋪做，話唔想太辛苦。但我覺得真係好細同位置唔太理想！今晚3個人當然先點個照牌菜：烤羊架，老闆話係內蒙由當地遊木民族傳授"烤全羊"，但香港人食唔到全隻羊所以轉用羊架！口味又融洽反香港人口味而改善左。味道同肉質唔使講，睇相已經流晒口水！$128咁大份，平到震。不過要等成30分鐘！同時，我地又叫左每日限量的乳鴿。佢D乳鴿係用BB鴿，所以皮薄肉軟。皮唔會好脆，但味道好正，識身的人一定知我講咩。，最後食完飯傾計時我地仲叫多隻送酒添然後，叫左個無咩人識食的上湯豬潤。老板煮得剛剛熟，厚度適中，咬落彈牙但無渣。呢D舊派菜式只會係廿幾年前的鳳城先食到咁好手勢的！本來想叫個冰鎮鮑魚，不過賣晒，所以變左個豉椒炒竹聖子皇，好抵食！事先叫老板留左隻蟹，食薑蔥炒蟹。我已經食左好多次。因為佢炒得真係好靚好靚！唔計隻蟹幾大隻，就算你去西貢食海鮮都食唔到咁好手勢。每次食佢的炒蟹，隻蟹乾身得黎D肉仲係軟同

今晚放工行经過蒲田里，有個高佬介紹，話新店開張叫我試試，我一家三口就試試，点知道一試難忘，今晚食左一個冰鎮鲍魚，鮑魚有咬口，彈牙，有鲍魚鮮味，又大又新鮮，固不到可以在慈雲山用38元就食得到，好正呀!BB乳鴿，賣相細細隻，D鹵水汁味道剛剛好，但色水差左少少（偏黑），不過個女話好好味，要再來多一隻，唔咳老闆𣎴用切成隻上，避風塘茶樹姑，你真系估佢唔到，外面好脆，咬落去D茶樹姑好香好有囗感，第一次食到感覺好特別，一試難忘。重有今天主角，烤羊架，羊架剛剛好八成熟，羊肉上放左D香草和自然D味道好有內蒙感覺，一排有成1O件才收128元，簡直超平，超好味。呢間利豐小店!我要比五個Good佢!!!

今餐為九月生日，決定好好吃一頓海鮮餐。平時係度食開晚飯食小菜都好有鑊氣！所以成家人就試下訂左佢既四位起 每位168 海鮮套餐套餐四款海鮮, 我們就點了白灼大蝦,鼓椒抄聖子, 清蒸鮑魚仔,芝士龍蝦伊麵芝士汁香濃不膩, 而且龍蝦的份量的確沒騙人, 吃起來頗新鮮, 龍蝦的鉗夠大。首先有大大隻白灼蝦一來太興奮, 唔記得影相~而清蒸鮑魚都好新鮮 , 配合蔥和豉油一起吃鮮味更出,估唔到慈雲山都有咁正海鮮食今次叫咗個餐 真係太豐富啦, 最後仲要食唔晒打包炒飯走!物超所值!

收到傳單食海鮮$168有八個海鮮，仲要係附近，立即book位試一試！老板娘話主廚做過幾間5星級酒店主廚，果然，是一間可以再食過的小店。同老板娘閒談中原來佢唔識做任何網上宣傳，因此一杯免費可樂下我便幫佢開左個account，順手寫我第一篇抵讚的食評。首先鋪頭好細，一定要訂座，海鮮餐要早一日預訂第一道：胡椒豬肚花甲湯，無特別，不過好香第二道：白灼海蝦，我地改左豉油皇蝦，一個字，正！大大隻，好入味！不過清得太快無影相第三道：果皮蒸鮑魚，我本人唔鐘意果皮，但件鮑魚肯定蒸得剛剛好，滑到七彩，豉油好香！推介第四道：蒜蓉粉絲蒸扇貝，佢地唔係西貢百幾蚊餐果D扇貝仔，係手掌咁大果D！超抵！第五道：清蒸海斑，食魚最緊要睇廚師識唔識蒸魚，條魚幾靚，師父唔識蒸都無用。而我食過呢條魚之後，我會特登買海魚去俾佢整，釣完魚去佢到食飯，我敢講好食過西貢好多！第六道炒蟹：因有朋友唔食得蟹，我地轉左食龍蝦，芝士焗龍蝦一隻波士頓龍蝦，味道同某間貴價酒家有得fight！又係好抵食！之後一個炒菜，一個炒飯，無特別，間間食海鮮套餐都係呢D抵讚的是人地百幾蚊套餐食D細細隻海鮮，呢間係食D靚海鮮，重要手勢一流！