劉興記生煎包專門店

Open Now

Now Closed

位於大圍積信街27號地舖的劉興記生煎包專門店，主打新鮮熱辣生煎包。當天天氣炎熱，在門口等候了二十分鐘，有些辛苦。筆者曾經吃過旺角分店，回味無窮，今次則去住所附近的大圍店再吃生煎包。當天約下午二時到達，堂食需要在門口等候約二十分鐘，才可以入座。在等候期間，可以先想好要點的食物。當天也有不少人點了外賣生煎包。。門口擺放着不少老闆與明星合照的照片，頗為有趣。這間分店採用手機掃描二維碼下單，下單後十分鐘，食物便陸續來到了。。📌麻醬手撕雞絲粉皮 + 生煎包2隻 - $54Green bean noodles & shredded chicken with sesame sauce served with signature Pan-fried buns ( 2pcs)開動前，建議先將所有食材攪拌均勻，確保粉皮能均勻地沾上麻醬。麻醬味道濃郁，夏天吃頗為消暑。之後，當然要吃招牌生煎包了，先輕輕咬開生煎包一角，將湯汁倒在湯匙中。湯汁份量十足，襯熱吃味道最好，裡面濕潤飽滿，外面煎得又香又脆。📌鮮雞湯小雲吞12粒 + 生煎包2隻 Mini wontons served with chicken broth

朋友通知大圍有一間爆汁生煎包小店！！！日日都大排長龍，應該食物質素有一定嘅肯定！！我去探店當日，都排咗大概20分鐘~麻醬手撕雞絲粉皮~雞絲同粉皮份量都算幾多，而且係凍食嘅item，可以有開胃嘅功能！麻醬夠曬香滑，整體分數算幾高👍🏻蟹黃生煎包~除咗一般鮮肉生煎包之外，我都鍾意海鮮，可以選擇埋蟹皇黃生煎包，層皮薄到可以見到裏面嘅汁係度「朗朗」下，成件事非常有趣😆咬開就見到好多蟹黃，果然夠曬足料。招牌生煎包~食呢個生煎包真係要非常小心！！如果唔係,一定會整污糟件衫！！與朋友所講每一粒生煎包都非常爆汁，我刻意用匙羹去量度佢嘅汁量，簡直驚為天人！！！肉汁非常鮮甜，食每一粒都覺得係一個享受😌排骨蔥油拌麵~排骨炸得非常酥脆，更可以沾上旁邊嘅辣醬，各有風味，不得不提，拌面嘅醬汁亦調較得非常恰當，唔會過咸！

每次經過此店總必有長長人龍，今日早咗收工決定挑戰一下，排咗10分鐘有位。店舖面積不算很大，大概有十張二人枱，坐低即刻用手機落單。我目標清晰，唔使2分鐘就點好晒菜，雖然只有自己一人，卻點了多款試試。招牌生煎包 $30/4隻我跟住指示進食，先慢慢咬開表層嘅皮，喝了一小啖湯，跟住再點啲醋食埋剩返嘅湯加餡料，肉湯入面食到有香濃胡椒味，豬肉以新鮮梅頭肉製，食到最底咬埋個脆皮，啖啖都有唔同嘅口感，不失為招牌菜。蔥油拌麵 🍜$30麵上放上濃香嘅蔥油，撈埋秘製醬汁一齊食，麵質夠爽身彈牙，麵條的顏色平均，每啖都充滿蔥油醬汁。蔥油雞扒菜飯 $42雞扒炸得香脆，我特別欣賞個菜飯，混入大量嘅菜，飯乾爽得來啖啖都有菜入口。不過眼闊肚窄，最後打包咗同家人分享。總括而言，招牌生煎包出色，有機會想試埋蟹粉生煎包。

星期六去咗大圍踩單車決定食返一定唔會中伏的劉興記 ，越來越多分店啦人均消費都係$50左右 好抵食除咗生煎包仲試咗其他新嘢同其他分店一樣用QR code落單店面唔算好大 唔少人都會嗌外賣不過留意返，落單嗰個程式係冇照片可以睇返OpenRice嘅相最快到嘅係生煎包，原味都好正爆爆爆汁！真係要留意唔好咁快食正確食法係 細細啖咬一口先有少少似平時食小籠包生煎包個底好脆呢間好食因為夠熱呢款就係蟹粉生煎包雖然貴少少 但係都值得食$18一個都唔係好貴平過唔少蟹粉小籠包另外仲嗌咗蔥油餅同平時見到嘅蔥油餅有啲唔同呢個蔥油餅，係千層酥口感比較脆 裏面有蔥香好細心已經切開一半就唔使食到咁論盡終於嚟到今日最想食嘅主角蟹粉豆腐菜飯因為之前食過蟹粉拌麵對佢印象唔錯，呢款係用上大量蟹粉同埋蟹肉平民價錢高級享受，豆腐好啱送飯加埋啲蟹粉汁，夠晒香濃而且份量都比較較多6:30左右已經好多人要早啲去啊 不過都唔使等好耐

好想食上海野，但又想食貴價野，但味道又可以媲美餐廳，我首選呢間。食過一次，已經好想encore，尤其招牌生煎包，上皮薄，下底脆。金黃脆邊加撒上芝麻和香蔥，咬一口滿滿的湯汁溢出，滋味無窮😋排骨葱油拌麵既香噴噴又美味，吃起來也不會太油膩👍🏻豆沙鍋餅，每次到上海館子必吃的甜品，色澤金黃、外脆內軟、甜而不膩。豆漿係低糖，非常好，可以自己加糖來調節甜度😊仲外賣葱油雞扒菜飯比老公，一樣質素不錯！溫馨提示6點半後明顯開始多人好多，無論外賣定堂食😏幸好我6點到先吾洗等✌🏻

劉興記位於大圍積信街，座位空間略有局限，但店舖設計用心，合理利用了有限的面積。餐桌擺設井然有序，位置安排也算貼心周到。門口長期擠滿入內用餐及取外賣的食客，但員工熟練、有效率的安排，即便在繁忙時段，不會給顧客造成擁擠感。今日點了幾款特色美食：排骨蔥油拌麵麵條Q彈可口，搭配鮮嫩的排骨和蔥蒜，味道層次豐富。生炸雞扒酥脆可口，雞肉鮮嫩多汁。蟹黃生煎包餡料鮮美濃郁，外皮酥脆吸引。蟹皇拌麵濃郁鮮甜的蟹皇蟹肉包裹彈牙可口的麵條，加上新鮮爽口嘅青瓜絲，味道層次豐富。雞絲酸辣湯小雲吞湯頭酸甜微辣，湯底濃郁鮮美，雲吞皮薄饀靓，格外好味。麻醬手撕雞絲冷麵麻醬料濃郁香醇，雞絲鮮嫩，搭配清爽青瓜絲，清新不膩口。

今日路過大圍想在這裏吃過下午茶，發現有間新開的生煎包專門店，便入內一試。蟹黃生煎包（2只）$36，生煎豆的底部很香脆，內裏的湯汁非常豐富，加上很熱騰騰，小心會彈到身上。蟹黃的味道香濃，加上香醋，就更加美味可口。雞絲酸辣湯$30，酸辣程度適中，非常惹味，比上海店的味道不會遜色。麻醬手撕雞絲粉$35，麻醬香味濃郁，雞絲鮮嫩可口，加上爽口彈牙的粉皮，再作為前菜非常合適。排骨蔥油拌麵$42，排骨外脆內軟，肉質豐富，蔥油香味十足，非常有上海特色。

✨店舖堂食有18個位左右我6pm去到排了5分鐘就入得，6:30pm 就開始多人，都有3-4個人排緊了❣️上菜速度好快，所以翻枱率高，要等都唔會等好耐💰兩個人食到飽飽既晚餐，半個鐘搞掂，都只係$153（免加一）CP值幾高🔶迷你雞絲酸辣湯+生煎包（6隻） $59配 可樂（+HK$8）一場來到，梗係要食多幾粒招牌生煎包😋 生煎包底會比較厚去承住湯汁，隻隻都煎得香脆包頂就真係薄皮，輕輕咬開，湯汁即刻流哂出嚟🥰 要吸一吸啲湯汁先唔會浪費肉餡唔會油膩，我連食3隻都覺得OK!亦唔需要另外加醋🔶蟹黃生煎包（2隻）$36另一款生煎包就係有蟹黃既、食落冇招牌個款咁多汁，但份量都唔會係細細粒既🔶排骨蔥油拌麵(少油) $42蔥油好香，鼓油調得幾好，如果可以多多多啲蔥就更好啦🔶低糖豆漿 1杯 $8

知道劉興記生煎包最近喺大圍開咗分店, 我都去朝聖下. 傍晚時分去到, 無論堂食定外賣都要排隊, 真係好受歡迎! 我樣樣都好想試, 最後叫咗排骨菜飯+雞絲酸辣湯麵+招牌生煎包. 估唔到外賣拎返屋企食都一樣咁好食, 特別係要讚下生煎包, 超級多汁, 好想再encore👍🏻 個排骨好鬆軟, 菜飯都整得好靚, 酸辣湯底個酸辣較得好好, 平時食開10小辣嘅我都覺得和接受到嘅辣👍🏻有機會我仲想試吓其他嘢食, 值得再嚟!!!!!!!

最近光顧了人氣很高的生煎包店劉興記。因為大圍開了分店，離屋企很近，便步行來吃個午餐。距離港鐵站約8分鐘，店面雖然不大,但裝修簡約大方,散發著溫馨的氛圍。午飯時間店外大排長龍，原來真係咁熱鬧。可能在這區開業不久,所以個個冒名而來，建議如果想前往用餐,可以選擇在較早或下午茶的時段前往,以避免等候過久。等了20分鐘，終於入坐了，我手機下單點了不少菜試試。很快便上菜﹕首要必試當然是招牌菜—爆汁生煎包每件一口生煎包，皮薄酥脆，內餡肉汁豐富,口感超正麻醬雞絲粉皮由於我真心被佢張相吸引，所以點了麻醬雞絲粉皮，果然沒令人失望，超滑嫩的粉皮和香濃的麻醬,好惹味。 豆沙窩餅我也點了經典的甜品,我至愛的豆沙窩餅，外酥內軟,香甜可口,每碟8件實在性價比很高。上海湯麵上海湯麵Q彈有勁，沒其他配料，但我只是想呷口鮮美湯頭，中和油膩感。再加一杯凍豆漿，正啊！大滿足！

大圍最近人氣生煎包店🔥每次經過都見到要排隊⋯⋯ 舖頭位置都比較窄，大家都係食完就好快走，所以唔係排咗好耐就入座！不過可能真係太忙太多人關係，老闆啲態度就真係麻麻地🌚 【招牌生煎包】$20 / 2隻【蟹黃生煎包】$18/隻生煎包真係做到「一口爆汁」💥每一隻都超多湯汁！蟹黃生煎包好足料，真係有蟹黃，不過味道唔出～【招牌擔擔麵】$42湯底真係超級濃郁，花生醬味道都好出！本身個麵質爽口彈牙，好食！【排骨蔥油拌麵】$42排骨炸得鬆脆香口，幾好！但蔥油拌麵就有啲失色，味道就唔係好夠⋯⋯【麻醬手撕雞絲粉皮】$35份量都幾大碗，粉皮好滑之餘仲夠晒彈牙！不過略嫌雞絲嘅份量唔係好足，但麻醬勁香濃，撈埋一齊都好好食！

講到呢到嘅生煎包梗係諗到爆汁💦噴湯😝事實阿公食緊時候都聽到周邊有唔小人話「嘩！整污糟哂件衫」「唉唷！D汁周圍係」「比張紙巾我啦！」所以真係唔可以著新衫嚟嫁🤣🤣🤣(枱面係有張提示咁寫嫁🤪)食物真係唔洗多讚都知🤭連阿公好怕食生煎包都覺得好好食😍阿公想主力講下個蟹黃生煎包🦀唔好以為同出面一樣 食一篤仔蟹黃呢度係成個餡都撈咗蟹肉同蟹黃🤩食落全口都係蟹味 包圍住喺口腔入面😍😍😍真心一定要試🤙🏼🤙🏼🤙🏼大推另外 呢到雖然係QR code落單但樓面哥哥好細心照顧唔同嘅人有老人家嚟會主動問佢哋識唔識又比餐牌佢哋睇 等老人家都落到單睇到咩叫“鐵漢柔情”😆😆

食物普通，唔會回頭，豆漿一上枱真係嬲，小茶杯，細過外賣熱紙杯，有無咁珍貴呀，8蚊唔係咁呀，一係你中意就收貴d，都唔係咁唔肉酸呀麻，尷尬到呀，蟹黃生煎包over cook成個都石豆咁夾唔到，仲要完全無冷氣，熱到痴線

每次經過呢間鋪頭都排曬長龍，因為時間關係我每次都食唔到，可能岩岩完左食lunch時間，2:00pm經過終於無咩人排隊啦，即刻拿拿啦入去坐低叫野食啦 🙌🏻🙌🏻發現有人氣熱賣皇牌套餐，好抵食！ 我今次就揀左set 3 (S3) 鮮雞湯小雲吞 12粒 + 生煎包 2隻，跟餐仲會配埋凍豆漿一杯 😍😍 $54鮮雞湯小雲吞，細細粒甘一啖一粒擺入口勁方便 🤣 而且皮薄，餡多汁，好食！ 輪到重點招牌生煎包 😍😍😍 用新鮮梅頭肉整，新鮮出爐，爆汁而且勁多餡！ 底部係煎到勁脆！！熱辣辣食簡直一絕！！ 秘製上海炸排骨 $22即叫即炸，熱辣辣！！ 一咬落去勁脆口，而且排骨本身既味道好夠，唔需要點任何醬汁黎食已經好夠味啦！！手工豆沙窩餅 $28最後食埋呢個甜品，豆沙餡料好足，甜度啱啱好，一碟仲有成8舊，好抵食！ 📍大圍積信街27號地鋪

經過大圍，見到呢間餐廳試業，但係入面已經好多人，主打係生煎包，即刻忍唔住入去試吓。招牌生煎包煎得好香脆，入邊肉汁亦都好多，餡料結實，配上芝麻更加香。蟹黃生煎包超級鮮甜，一咬落去就即刻食到蟹肉，呢個價錢可以食到蟹黃生煎包，性價比超高！雞絲酸辣湯麵估唔到份量咁大，湯底比較稠身，好足料，有好多木耳同埋菇菌，係粗身嘅上海麵，吸收晒啲湯，正。招牌擔擔麵好香好香嘅花生醬味，好濃郁，唔錯唔錯。豆漿甜度剛剛好，係呢個天氣飲杯凍嘅豆漿真係好舒服！