加藤日本料理 (Closed)

初七有朋友黎,同佢地一行4人去吃日本野,見不時都有幫襯呢間,心諗就算春節都已經初七啦,應該唔會加2加3之類,入到去,在門口唔見有提到什麼特別收費,咁我地按平時ORDER左4樣食慣既野(串燒拼盤,半磅三文魚腩&半磅背,秋刀魚)跟住慢慢再睇MENU以外有咩食,間餐廳為左新年而設有幾張紙菜牌(每張A4紙入一個FILE的),有5-6張左右,始發現其中一份入左FOLDER既新春食品既紙牌印左1句:春節期間ORDER餐牌食物每款另加20收費另一版還寫上,請落單前問清楚價錢,後果自負........哇咁都得!仲要5-6張紙牌只印其中一份兼係大約用16~18號FONT咁大粒字,主要MENU或在場都沒提及,真係你睇到就你好彩,睇唔到都唔奇,因為平時都知呢D紙牌的推介都係比較貴,例如4人餐要過千,我地幫襯慣一定唔會點睇呢D紙牌的,而老闆娘同肥侍應每次一坐低例必推薦貴一貴既菜,我地一向都忽視佢地!咁我地問返個肥侍應,佢話係呀,每款加20,半磅腩半磅背當2款,加40,哇@@,落單你提都唔提下,擺明陰人啦!咁都算,鬼叫已經ORDER左,問佢當中串燒拼盤其實都不在MENU內的,在另外印的那一份紙菜牌(新春菜色的)

今次想講呢間餐廳其中一個職員(可能係經理或老闆娘)既服務態度, 以前覺得呢度啲野都唔錯, 不過近期已聽講佢地食物質數已差咗, 本來今次想親身試下,點知...................當晚同女友去買外賣, 我係外面等(因拖住隻狗), 女友入咗去大慨10分鐘就氣沖沖咁出返嚟, 佢話原本係度睇緊menu, 有個侍應就service緊佢, 後尾嗰位類似老闆娘既人行過嚟猛sales貴野(其實我地淨係想食魚生同壽司), 我女友say no後佢既態度就越嚟越差, 又話啲拉麵要等好耐, 連魚生都要等好耐, 又駛開個侍應, 好似唔想做我地生意咁(但係當時得2,3枱客), 結果我地咪成全佢轉身走人.我唔係想唱衰佢地, 只不過覺得可惜, 呢間餐廳主打由日本人主理, 所以覺得食物質數有保證, 而且價錢唔算貴, 以前都向朋友推薦過, 但係而家咁睇, 我諗佢地都唔玩得幾耐

兩人叫左個套餐~埋單要400幾......不過d 刺身好正~overall 質數都好好..個師傅係日本人來~生野水準好過熟野服務態度都好好..成日幫我地refill 茶..只可惜個location 太隔涉~~好難做得起......

之前已經去過一次,覺得質素一般.但既然想晚飯食日本菜便唯有再試一次看看質素會否有所改善.不太餓於是兩人點了一個鰻魚炒飯及一個吉列豬扒拉麵.服務員見我地只點了兩樣食品,不斷hard sell其他刺身及小吃,但見店內得1至2檯客,擔心食物都未必夠新鮮所以都無多叫.鰻魚飯水準一般尚可接受,但個吉列豬扒拉麵就足以叫我們以後不再光顧這家食店.件吉列豬扒炸得過份燶,呈深啡色,看上去已經覺得很差;再吃一口,又硬又乾,完全沒有正常日式吉列的肉汁及口感.向店員反映,收銀位置走出了一個沒有穿制服的女人,一聽到我地意見就丟底句:"我地D吉列一向都係咁架喎", 然後就走開左,完全沒有檢討的意圖.咁o既食物質素,同埋咁o既服務態度.以後都唔會再考慮食佢.

經常也會經過這在家附近的店...印象是人不多冷冷清清的...少人光顧去貨不快...那麼壽司刺身也新鮮不到那裹吧...(很正路的想法)但判刑前給它一次機會吧...(雖然結果一如所料) 點了特價壽司:三文魚/墨魚/北寄貝/章紅魚/甜蝦壽司、三文魚厚片刺身、日式燒餅、雞腎串燒、雞軟骨串燒1)特價壽司質素: 壽司飯件件也不規則、一夾就散、不少飯粒零散的落在盤子的每個角落、毫不討好...刺身沒有光澤,三文魚只是一團橙色的物體、墨魚上還有一條白色絲像纖維的連著(嘔心...)、章紅魚一眼看肉質霉而且爛、甜蝦上染有少許墨綠色自己想想那是甚麼吧TASTE的自助壽司比它好得多2)三文魚厚片刺身還有銀灰色的皮下組織、一夾之下片與片之間是相連的,是刀不夠利還是師傅的技術有問題呢?5片都相連看得我們不知笑好還是嬲好!!!3)日式薄餅是即製的熱食所以無問題,味道不錯4)雞軟骨串燒還可以,但雞腎串燒不爽口而且有點乾硬的感覺,很費牙力去完成服務態度: 是用劃紙仔的形式點特價壽司,分別有三張,我們只用其中一張落了單點了壽司和刺身後,肥女侍應立即要求收回另外兩張壽司紙及筆...OK反正紙上的也不吸引...不到一分鐘又走來

食完呢間野，才知Open Rice的可貴，可以將我的不幸與怒火告知天下食家！！事情發生o係昨晚，本身我地一行十四人，包括11個大人(當中兩個大肚婆)，5個BB連小朋友出去食晚飯，咁我就提意不如去葵涌呢間"味見世"食日本o野。呢間日本料理之前我地已經去過三次，味道同服務都覺得ok，但今晚o既水準大不如前，不但味道差咗，就連服務態度都直插谷底！先講味道，其實我地都叫咗好多o野，而其中o既兩客鹽燒三文魚頭，就真係未試過有一間日本料理整得咁唔好食，肉質不單至又乾又'鞋'，而且係接近冇咸味，平時去其他地方食呢味餸都會覺得有種咸香味，而且有好多魚油，亦係我地平時必食之選，但今晚真係好dry囉！跟住個牛肉鍋物，湯底超甜！好似糖水咁！好難食！最後令我地成枱人食到一肚氣o既就係細佬個雜錦天婦羅冷麵，其實個麵唔係難食，天婦羅亦只算普通(咁當然唔及o係日本食咁好味啦)，而係個冷麵汁o既問題，細佬話因為個汁冇味，所以佢就將同冷麵一齊上o既'x春蛋'mix埋d冷麵汁度啦！但點知mix完更加唔掂，所以就要求個待應不如再俾多份冷麵汁佢，等佢唔駛浪費咗碟麵啦！點知個肥待應就話要收番$5，咁細佬諗住我地幫襯食咗咁多o野

本來打算去試下新野,一入到去,老闆娘就推薦$3xx-4xx ge二人set因為自己唔食生野,所以就叫左個$199 ge二人set點知...都唔知係唔係二人兒童set... ...完全唔夠食, 少得好可憐.. ..一個人就ok ge.大佬...完全唔值,而且d野食都唔見得有幾好味, 食又食唔飽人兩個大白飯就想你飽... ...之後只好叫多個冷面...先頂飽個胃真係唔會再去

Picked the $499 dinner set for 2 recommended by the boss woman.It has fish egg salad, 10-piece sashimi boat (salmon, oil gum fish, shrimp, etc), 2 fresh red shell (or big shrimp), cod fish, fresh oyster hot pot, fried rice, sake.Everyone is delicious and look great. The portion is good for 2. Actually we have one more kid sharing this.The service is actually very nice. I booked and they reserved a good seat. They explained how to do the hot pot (vegetables first, then oyster). Tried their house-

環境:我地一行七人被編座本來有"已訂座"牌o既卡位. 所以如果佢地唔俾你卡位,唔係因為有人訂左,而只係佢唔想俾.食物:拉麵質素還可以. 但定食就十分之搵笨: 三文魚壽司飯得兩片魚; 吞拿魚碎定食都係少肉; 泡菜係用清湯浸泡未醃過o既菜. 完全唔值咁貴.服務:非常差. 點o左拉麵半個鐘都未到, 好明顯係漏單 (因好多較遲來的客人都有得食了), 但佢地冇認. 要威脅取消先至趕住整 (兩分鐘就攪掂). 老闆娘同埋仕應黑面. 埋單時話佢地上菜慢, 個老闆娘就話"我地係咁慢咁啦,等唔到唔好叫囉"之後show 佢地餐牌有相關o既聲明.日本餐廳o既恥辱

環境:兩幾三十度居然冇冷氣, 頂......服務:尋晚兩個人去試吓呢間嘢, 一入到去見到有卡位諗住坐, 點知個短髮亞姐同我講話有人訂咗, 到後黎我先知, 原來只要有3-4位walk-in客先至會俾卡位, 又或者如果你order咗過千蚊嘢食就會幫你轉到卡位, 呢間舖頸勁現實, 著得差d都睇你唔起食物:唔知佢憑乜嘢set 到d價錢咁高, 樣樣都話新鮮, 但係唔多覺囉, 叫咗個35蚊8件壽司, 除咗蝦之外, 其實全部都唔掂, 連舊飯都唔掂, 有d硬, 野菜雞煲好淡又冇菜味, 雜錦天婦羅都ok, 另外就係個玉子壽司, 都唔知憑乜嘢收10蚊一件, 隻旦唔夠黃之餘又散又冇旦味而且....仲係凍嘅, 唯一安慰嘅係, 串燒都仲放得入口, 雖然....有d燶.....埋單連加一$269.5, 多謝, 我唔會再幫襯第2次

最近去食呢間日本野,order左三文魚刺身(背) (腩)各二客,過左一陣,個老闆娘明明話三文魚腩冇二客,只有一客,但轉個頭又話最後一客都賣晒!!! 有冇搞錯呀,你唔悉上左一客比我地先架咩.仲有個老闆娘一尾推介佢地d貴野賣.真劣.

我係呢間野食過好多次晚飯燒秋刀魚淡茂茂又唔香口燒雜菜定野菜又係淡茂茂個賣相又唔好睇好似樓下果位講生野真係好過熟食d三文魚刺身(背)好好食(腩)我厭太肥一定要嗌甜蝦刺身係我食過最甜最肥美既甜蝦以同級數講抵到爛$35 8件壽司都好好食我覺得章紅最好食我覺得真係抵$99有5件果隻鵝肝都好ok啊甜品真係要試推介檸檬雪糕好好食有檸檬皮食落好香個咩"士多啤梨虎魄奶凍" 士多啤梨係用酒沈食落有d怪但個奶凍都ok至於服務態度....當晚8點幾我就親眼見到老闆娘同2個客係度嘈係一男一女都幾街坊look 座係卡位大約個老闆娘話$35壽司賣晒,唔知咩咩又賣晒..個客又燥燥地見咩都賣晒話"下,乜都無.."個老闆娘即刻大大聲話"係啊賣晒架喇我依家話賣晒!賣晒啊!! 得唔得啊?!"個客又話"食野jeh, 都係做街坊生意洗唔洗咁惡.."老闆娘唔知係咪就係聽到"做街坊生意"中佢要害, 成個身烏埋佢補多句"你唔鍾意食可以唔食!"個客女友話"咁大聲我call埋報館記者黎講好無!"之後個客同佢女友都竟然可以座低繼續食...係我咁俾人話都講到唔歡迎我即走我都真係第1次見到老闆同客嘈到咁.....我覺得間野想做高檔成日都好似好

我曾經在呢間野做過樓面都是曾經"食客", 所以我十分十分十分十分十分清楚服務:無錯,呢間野老闆係只有理智-是不折不扣. 因此樣樣野都計得好清楚: 對食貴野客--招待,談吐,說話都會超好, 但對午餐/ 平野客係不會比face. 因此我十分明白大家........但呢間野十分珍惜同客既闋係: 如果你食得起同比得起, 佢會認你,對你好好, 之後你到都不敢得失你.....(待別是你叫大船,套餐,......)基本上, 坐子是一早安排好,你沒有榷想坐那裡..所以午餐個時成日同客人嘈..我是客個時叫d cheap 野, 埋單個時一百多元, d waitress 食完即刻清桌趕你走.食物:真是正宗日本菜, 有日本人, 幾出名(報紙電視)食物好比心機~親手所有野, 不是機炮....大船真是一流- 同tsm/cb 個d高級日本餐廳質料一樣, 好新鮮, 好正....大家可以叫下800-1000大船,你就會食到比日本便宜好多而且質料好正既大船, 再者不妢叫一枝日本saki 至於熟食野, 燒物ok.,.總言言之,如果你想食正宗日本菜而且比得起, 我會強烈推介呢間野, 生野好過熟野好多, ...至於服務,

本人住係加藤料理對面, 食店初開時, 我地一家人同隣近親友都會經常去幫襯. 因為都係屋企附近所以一家人都著住街坊裝咁去食野. 個老闆娘似乎睇我地唔起喎, 埋左單之後, 我地係另一個門口走, 因為近d屋企, (而家已經封左呢個門口), 個老闆娘就追出黎鬧我地唔埋單, 我地就話埋左單, 佢d伙計話比佢聽客人埋左佢就連一句唔好意思都唔講就番左入鋪頭, 勁火滾羅!! (1) 佢唔搞清楚就話人無比錢(2) 狗眼看人低, 著得普通d姐, 唔會食霸王餐既(3)自己搞錯, say sorry都無!!!我d親戚去幫襯都係一肚火羅...個老闆娘一尾就推介佢地食d貴野, 但係我地d街坊只不過懶煮飯去食d普通野醫下肚姐, 我親戚就order拉麵呀, 壽司呀咁, 個老闆娘當堂黑面, 仲單單打打暗示我親戚食唔起貴野, 我親戚都話以後都唔幫襯!!!我係日本留學過年半, 本來好欣賞加藤既拉麵, 因為係香港真係好難食得番日本果隻味, 又好開心就係屋企樓下, 但咁既服務態度真係請我都唔食!!!食客係有尊嚴既, 老闆並唔係大晒架!!!!

係上個月28號晚, 我同家人到此間佢地話好好食既日本店, 老闆係日本人加藤先生, 有一位身型胖的女士帶我入內, 睇左餐牌一陣就走過黎推介, 態度好熱情.我地叫左$800 刺身船連海膽一板, $130 10件壽司, 燒秋都魚一條, 冷麵, 安其魚火鍋, 什錦天富羅, 清酒大2支, 甜品自制草莓奶凍.共HK$2300~2400 左右.整個進餐過程, 老闆都過來問評價, 有問必答, 好nice. 而胖女士就好nice為我地倒茶倒酒, 態度好好.食品方面, 牡丹蝦及吞拿魚及螺刺身必吃, 明太子都好新鮮,冷麵一般, 未達'串神'水準, 更不用講與北海道的作比較.火鍋面士湯底好正, 與鵝肝一起打感覺不錯.清酒好甜, 女士們可接受. 天富羅不算特出, 但有心在, 師傅有心做, 連常忽略既炸麵條作裝飾都有.甜品尚算ok, 食完有滿足感。環境富有日本色彩, 感覺自然, 舒服。總括黎講, 價錢係超值的, 可一試, 食品新鮮度好過銅鑼灣或香港區的上樓日本餐廳, 此店各位不客忽視。