加藤日本料理 (Closed)

中伏! 諗住食間好少少既日本餐廳，見佢打出懷石料理既牌頭，諗住雞極有個譜啦！ 廢話少說，先講環境。裝修一般，衛生麻麻(以日本餐廳標準來講)好，食野畢竟唔係食裝修，咁講下服務態度。粗魯無禮，野食一野擺上枱，發出啪啪聲。再講野食，我同朋友先點了地獄拉面同叉燒拉面。湯頭不知所謂，毫無特點，味精湯居多。叉燒，乾癟無味，似煲湯豬肉。面條…一般貨，可接受。無筍絲芽菜等佐料，整體只係比茶記好d。(價錢55一碗，加埋1，60，微伏)好，再叫個八爪魚小丸子。size，細的;全粒得丁屎咁大粒八爪魚，外皮不脆，不夠熱，醬汁太少，盛惠35？(大概咁上下，得4料)大伏!再來加州卷，68蚊，得蟹柳，多春魚籽同少片牛油果，size好細，只有6件，味覺口感一般。大伏!未夠飽，再叫個炒拉面，70蚊，唔夠熱同香，面條太濕，醬油唔上色，味道中下。大大伏!今次真係中伏，埋單305.8。食物質素只值大概160蚊。見到樓下d讚到上天既食評，無語…

見到頭幾個讚到上天的食評, 當然就慕名拜訪一下. 見到個餐牌, 原來真的是很貴的, 要食好野就腰包吧.拖羅刺身, 算新鮮質量也不差, 以味道來講係中級但用這等價錢未免太貴了. 海膽和一般一舊水一盤的沒有分別. 三文魚, 算有油脂也微甜, 以味道來講係中級但用這等價錢就不值得了.汁煮喜之次, 是很容易就料理到好食的貴價魚, 這裡也不差, 性價比不值得.燒元貝, 這個一定要講, 這是鵝頸橋平時賣幾十蚊幾隻的同等貨色, 不需要這裡食.燒響螺, 很好的響螺, 同等的貨色街市價要好幾十蚊, 絕對不平宜! 味道好過連鎖店.毛蟹太貴了食不起沒有點, 不過見鄰座有點, 問下味道, 對方抱怨蟹沒有活力肉少膏苦.懷石料理大蝦與北海道生蠔, 味道一般, 但這個價錢就收得非常過分.鯛魚飯, 賣相很差, 味道也不好. 感覺就是魚湯的湯渣撈飯吧.最後得出的結果, 非常失望. 這個味道, 比一成的價錢都覺得多, 材料一般, 處理手法一般, 味道一般. 衛生一般.為何這會有好評, 這到底是因客就貨, 有錢客給高級貨, 還是因為其他商業原因這就不知道了. 這裡的食家明白的.

今晚慶祝老公生日，去了闊別三年的加藤日本料理。我們並沒有預約懷石料理，到埗後全由加藤大師傅發版，菜式仍然充滿特色和非常美味。前菜是萄葡豆蜜煮、山梨柿包酒餅炸米粒、鳗魚煎蛋卷和自家製八爪魚頭片漬物。別看份量小小的，每一款都花足心思，柿餅不像日本的那麼甜，加上少許酒味，外脆內軟，口感很豐富；鳗魚像是我們在東京吃的日本產鳗魚的味道，不是中國貨。拖羅刺身和拖羅、海膽、針魚、三文魚壽司非常新鮮好味。跟着是燒物：燒元貝、汁煮喜之次、燒響螺和今晚的主角，蒸一公斤重的毛蟹。每一道菜不單食材新鮮，湯汁都很講究，有濃濃的鰹魚鮮味。最後上明太子茶漬飯時，已經大半飽，但燒成鍋巴般脆飯團，浸在有濃濃的鰹魚鮮味的湯汁裡，令我們欲罷不能，把整道菜連湯汁都掃清。衹要有美味的甜品，不管男女都有兩個胃。紅豆豆腐雪糕充滿黃豆香味，比在日本吃的更真、更美味。這一餐一點都不便宜(比懷石料理貴)，但以這樣的食材和味道，若在尖沙咀或銅鑼灣的高級日本料理吃，起碼貴一倍以上。老公有點意尤未足，心思思下月再去，看來這陣子要好好運動減磅，為下一餐美食做好準備。

今晚慶祝老公生日，去了闊別三年的加藤日本料理。我們並沒有預約懷石料理，到埗後全由加藤大師傅發版，菜式仍然充滿特色和非常美味。前菜是萄葡豆蜜煮、山梨柿包酒餅炸米粒、鳗魚煎蛋卷和自家製八爪魚頭片漬物。別看份量小小的，每一款都花足心思，柿餅不像日本的那麼甜，加上少許酒味，外脆內軟，口感很豐富；鳗魚像是我們在東京吃的日本產鳗魚的味道，不是中國貨。拖羅刺身和拖羅、海膽、針魚、三文魚壽司非常新鮮好味。跟着是燒物：燒元貝、汁煮喜之次、燒響螺和今晚的主角，蒸一公斤重的毛蟹。每一道菜不單食材新鮮，湯汁都很講究，有濃濃的鰹魚鮮味。最後上明太子茶漬飯時，已經大半飽，但燒成鍋巴般脆飯團，浸在有濃濃的鰹魚鮮味的湯汁裡，令我們欲罷不能，把整道菜連湯汁都掃清。衹要有美味的甜品，不管男女都有兩個胃。紅豆豆腐雪糕充滿黃豆香味，比在日本吃的更真、更美味。這一餐一點都不便宜(比懷石料理貴)，但以這樣的食材和味道，若在尖沙咀或銅鑼灣的高級日本料理吃，起碼貴一倍以上。老公有點意尤未足，心思思下月再去，看來這陣子要好好運動減磅，為下一餐美食做好準備。

今天再和家人回到加藤日本料理。暑假離開香港前預約了懷石料理，吃過番尋味。當時有感此等民間美食應讓更多人知道，所以寫了一篇食評並放上openrice，之後我也甚少登入我的openrice 帳戶，更莫說跟進我文章的回應。今天到訪加藤，吃刺身時向於壽司吧忙碌的加藤師傅打招呼，他一眼認出我，跟他伙計說我就是那位於網上寫食評的人，然後跟我笑笑臉的說謝謝。被他認出實在愕然，沒想到他如此近貼網上評論，也有關注自己餐廳於openrice 的動態。於是我再次登入那賬戶，看看自己的食評，食評下並沒有回應，網絡世界就是如此，有許許多多靜態的讀者，默默地看了你的文章然後有所行動，以你重來不能預期。有見及此，今夜我再寫一篇食評。究竟不吃懷石料理又會是如何？一心從簡，不用鋪張預約懷石料理的我們今天突然出現在加藤師傅眼前。坐下翻了兩翻那菜單決定問師傅今天有甚麼介紹。結果我們吃了一碟又再點另一碟，全非菜單上可找到的菜色。市面上常有的菜色，經常到處也能吃，所以看了看菜單感覺不夠意思。吃得高興，一碟接一碟，最後肚滿腸肥。美麗的誤會，這餐沒比懷石便宜，甚至更貴，因為全均是新鮮空運到港的上盛時令材料。一碟接一碟，我們吃得比懷

很久沒有寫食評了，但對這家點有了感情，今天想為大家介紹加藤師傅及他的懷石料理。加藤師傅常說壽司和日本料理是兩碼子的事，日本料理是一門很深的學問，要拜師學藝很多年，一直積累經驗，十年都或者不夠。都市人的我們常常只愛吃壽司，但其實壽司並沒有得日本料理的精粹。於2006年，我家初發掘這家街坊日本料理，位於葵涌石梨貝青山公路旁。那時候我們惠顧過數次，亦有帶朋友品嘗，並有預訂過一兩次的懷石料理。那時候吃過懷石料理已很難忘，至今仍記得那道生牛肉配特製鮮茄汁。每次亦捧着肚子回家。不過我家的熱潮過了，及家配合我忙碌應付學業的生活就續漸減少外出用餐，亦少光顧加藤師傅的料理。頂多是兩年一次。這些年吃過香港各種日式料理，有時候荷包大出血了，也覺得不怎麼樣，最後我們再次多光顧加藤日本料理。樸素的裝潢，家庭式用餐感覺，近年加藤師傅常常走到坐位旁跟客人聊天。這店比五星級酒店裡的多一份親切感。旬彩譜懷石料理是加藤師傅的藝術品，必須於逾一週前預訂，預訂也不一定有空，因加藤師傅往往於一個晚上只接待一桌懷石料理客人，多於一桌他怕分身不 暇。他認為最理想人數為約五人，最多接待約十人，太多便接待不了。訂桌時可設訂價格，最低為

從未食過咁難食既日本料理!!!!先講serve:28/7/2012我,囡囡,朋友,朋友囡囡個兩個工人第一次去食,一入去就問我地有冇book位,我地話冇,咁佢就好似唔係好想我地入黎咁囉,但個場好冷清冇咩人,跟住坐底個肥人就係咁Sell我地食佢d set,見又貴又唔0岩食,咪散叫囉(最平都3xx二人餐),佢就叫我地咁你自己睇啦,好唔想serve我地咁,跟住工人兩個飯黎先,我同朋友既壽司好耐都未到,但隔離食set既客就黎先,但佢地遲過我地入去既,仲黎先過我地,問佢仲好唔好老脾同我講:咁要跟單架痳,人地前你地後呀!!勁冇禮貌!!!但好明顯係我地落單先,我問佢係咪人地食貴野所以佢地先呀,佢就仲唔好老脾話:咁又唔好咁講!!因為之前坐底,我地6個人,佢只比左4柸茶,跟住我個女想飲水,咪問佢攞柸凍水,佢就話:下!我地冇涼水個喎!我就問咁有咩,佢就話:我地得滾水,我咪再話咁有冇d冇咁滾架,有冇暖水呀~佢就態度好差咁講:我頭先都話只有滾水囉!我真係"0"曬咀啊跟住仲話你要凍水咪叫汽水比佢囉!!我心諗,佢得3歲想飲水啫,唔洗咁惡呀~食物質數:差差差!!等左好耐,己壽司到左,賣相係"零"軍艦壽司一黎既食,但紫

呢區都無乜邊間稱得上正宗,此店開業多年,終可一試.1. 拖羅京蔥卷 $65 ~ 京蔥有點辛.2. 半生熟牛肉$99 ~ 上枱頓時見到與menu內相片的差之千里, 相片挺大片的, 但碟上的只是細細片而已. 但入口軟軟,汁醬也特別,幾好味.3. 海膽壽司/鵝肝壽司/油甘魚壽司/高鰺壽司/松葉蟹壽司 $99 ~ 唔難食呀.4. 牛肉鍋$135 ~ 湯底咸了點,但牛肉很好,又大塊又新鮮,烏冬又彈牙. 鍋內的配菜也不馬虎.5. 天婦羅拉麵$55 ~ 湯底很清,但麵條很差,因為太淋了,有點似出前一丁的質地.

前幾日同左d同事去左呢間店到食晏,間店其實都唔太乾淨,唉,點解會咁呢?叫左個魚生飯定食,有前菜同味曾湯,d魚生完全唔得law,唔新鮮都算,分量都唔係多law,賣$88,o係邊度食都好過佢同平過佢,而且d小二都幾串,出菜好慢,咁o既質素真係好難再去多次.

我真係從未食過一間日本野係可以難食到咁既地步....令到我真係忍唔住開黎寫食評.....間野一入到去.....都心知不妙....發覺唔多妥......一檯客都冇!!!雖然果時只不過就快7點.....平時既食肆就算點都有幾檯客係到....呢到係完全冇!!!我地睇餐牌....見到好多set.....有個女師奶waiter埋黎不停sell我地食set....佢超級冇禮貌, 我地話自己睇下menu先, 佢就咁企左係後面少少係咁啤住我地, 黑哂面d set係39x-8xx不等.....但係我地見set d野唔係咁o岩食就諗住散叫.....叫左6塊三文魚刺身..... 得0.5cm咁薄不特止....d三文魚食落口係完全無味仲有骨!!!!!10件壽司(三文魚x2, 吞拿魚x2, 蟹籽沙律腐皮x2, 甜蝦 x2, 魷魚x1, 八爪魚x1)***全部壽司d料都薄到紙咁, 吞拿魚, 甜蝦, 魷魚同八爪魚都係腥架!!!!!!!! 三文魚係完全無味!!! 係得個蟹籽沙律腐皮係食得落口.....d壽司飯又散但係d飯粒又硬完全冇醋味仲有個咩一口牛.....超級"un"....食落口完全冇牛味.....個wait

我對這間食店一直有種情意結，自2008男朋友搬在食店附近，到最近我們結婚也住在附近，一直對這店都不離不棄，他們的拿手好戲旬彩譜懷石料理，我們也吃過5次以上，但他們的表現越來越令人失望，今晚情人節餐後，我真的忍不住要寫一下，希望他們見到會作出改善。我們在大時大節怕迫人，又想食好野，一定去這店。聖誕有去，今晚情人節也有去。他們的餐牌基本上一樣，即使是去年的聖誕餐也是一樣的。我們並不介意，只要食物ok便可以了。聖誕節有2個餐，一個499、一個650，我們選了499，有蟹子沙津、刺身、壽司、鱈魚、海鮮火鍋、炒飯和雪糕等，覺得合理。今晚，打算豪一次食650那個餐，但坐下後發現，也是2個情人節餐，但今日的餐牌變了一個650、一個799，食物大約就是聖誕節那兩個餐，加價達30%，而且今日650的餐還要比499的餐少了一個炒飯。我頓時覺得無語，食物加價，匯率上升，我很明白，大家樂都加了價；不過，你將所有成本轉嫁到消費者身上，真的太過分了。這店不斷退步，我還記得第一次吃懷石料理時，是相當出色的，到今日仍回味，之後的幾次，不斷加價，而且水平下降。生意困難，但你們加價的同時，也要顧及一班支持者的感受啊!

都未見過咁不知所謂嘅餐廳.我地去食午飯, 我自己叫咗壽司食.點知等咗好耐都未有. (我d 同事都食完晒. 你唸下有幾耐)我叫 待應追一追, 點知有個 老板娘物體 沖過 嚟 鬧我." 我地主力做午餐, 壽司係要好耐, 你唔鐘意就cancel 佢...."我當然好唔高興, 因為佢真地係好遲, 仲有我只係追一次啫.我心唸, 好似我叫咗d 唔 應該叫嘅野.你唔想下午做 壽司就唔好寫出黎啦.當然我係 cancel 咗同 憤然離去啦, 走之前更係 大聲鬧一輪.睇番open rice, 先知我好彩過好多人, 無俾老板娘鬧番轉頭．老板娘見我地走就行開　（或者我地４　個男人），　如果唔係唔係就　罵戰．

想去呢間日本餐廳好耐, 有friend去過之後狂讚d 嘢好食, 但係上網見到好多人都話呢間餐廳唔掂, 攪到我都唔知去唔去好. Last nite 終於去咗試. 食完之後覺得間餐廳d 嘢食真係好好味, 可能我哋比較夜去(差唔多9pm), 嗰日本師傅仲係壽司吧行咗出嚟同我哋傾計, 佢d中文幾ok,仲話佢由日本嚟香港做嘢嘅時候我哋都未出世 原來佢係第一代日本人師傅嚟香港做日本料理, 禮頓道嗰間水車屋以前就係由佢掌舵. 講真呢到d嘢食真係好好味,好新鮮, 好有傳統日本風味, 同係日本食到嘅差唔多, d service 都唔係好似傳聞中咁差, 至不過係d waitress落單嗰時會同你解釋清楚有d 優惠係有人數限制, 咁人哋都係唔想你誤會, 好過出面其他d 餐廳唔聲唔聲,到你埋單先發覺同你想像有出入. 仲知我覺呢間餐廳真係值得一試, 唔好介意嗰d負面傳聞, 自己去試吓, it really worth to try!!

呢間日本料理服務態度極之差, 好似唔憂無生意做咁今日午飯時候見到一個疑似老闆娘既物體係度呼喝客人 "走啦, 我地大把客", 然后其中一個客人話 "咁樣做生意真係不知所謂", 點知呢個女人還一句 "你至不知所謂"我都係第一次見到有人咁樣做生意, 就算你有幾好生意都好, 都唔應該以咁樣既服務態度去對待客人架其實一直係呢間野食午飯, 都知道d侍應服務態度係唔好, 試過有次有個女侍應幫我地落單既時候, 居然唔耐煩咁係度 "jeep" 又口黑面黑另外, 呢間野係同一地點后街既地庫開左一間叫 "味見場" 既分店, 其實都唔知有無拿飲食牌 (純粹個人差測), 見防火設備同走火通道既后門都無, 食客既安全未必受到保障

成日撘車路過，見到門面唔太差，一直都好想試下。首先要講下d menu，一份份散收收，好多個套餐menu，仲要比埋份情人節套餐menu我，但今日係五一勞動節啵。由於套餐非常唔吸引，所以決定散叫。我同2個朋友叫左兩份花之戀($35/2件)，一客鱆紅魚刺身($99/5塊)，一客甜蝦刺身(around$50/5隻)，一客蔥TORO卷($60/6件)，sushi($35/8件)。花之戀幾大舊，但d三文魚偏薄，味道唔新鮮；鱆紅魚刺身夠厚。蔥TORO卷就好唔掂，好似平時食o個d青瓜卷咁，勁細舊，入面得少少所謂蔥TORO，零鮮味。d sushi更加慘不忍睹，o係jusco買o個d仲好味過佢。o係呢間食野，基本上係焗你食高價野。高價野質素都OK，但d平d既就好垃圾，再平都唔覺得抵。3個人埋單$300sth，以咁既價錢，o係其他地方已經可以食到d整體中上既日本菜。