Video
2-min walk from Exit B, Whampoa MTR Station
continue reading
Telephone
84898993
Opening Hours
Today
11:30 - 22:00
Mon - Sun
11:30 - 22:00
Above information is for reference only. Please check details with the restaurant.
今天朋友說想吃餃子🥟，於是便來了這餐廳吃晚餐。唔知食咩好🤷♀️🤷水餃🥟套餐（$84）朋友說太多餃子很難決定。於是便選了這個，真的岩哂有選擇障礙症的朋友呢！我朋友說裡面有椰菜豬肉餃，白菜豬肉餃，韭菜豬肉餃，3種都各有風味和特色，都幾好食。韭菜豬肉水餃的皮薄而有彈性，咬下去時感覺非常滑順。內餡則是韭菜與豬肉的完美搭配，韭菜的清香與豬肉的鮮美相互融合，讓人忍不住一口接一口。麻辣雞絲拌麵：麻辣雞絲拌麵的特色在於它的麻辣醬汁，給人一種麻香四溢、微辣的感覺。雞絲用醬油和香料醃製，味道鮮美，與辣味相得益彰。煎餃🥟套餐（10隻）：鮮蝦帶子餃併白菜豬肉餃鮮蝦帶子餃的餡料非常嫩滑，蝦仁和帶子的鮮甜味道能夠很好地融合在一起，讓每一口都充滿海鮮的鮮味。餃子皮香脆，增添了口感的多樣性。白菜豬肉煎餃：白菜豬肉餡的搭配十分常見，白菜的清甜和豬肉的鮮香相得益彰。餡料保持適度的水分，使得每一口都能感受到肉汁的鮮美。
continue reading
同朋友們笑笑說說想想，不經意就肚餓喇！成班餃子控，真係唔洗諗，今餐一定係去食餃子啦！喺紅磡嘅勁餃笑，屬於家庭式經營嘅水餃店，水餃口味選擇多，充滿驚喜，值得推介。醉雞翼、涼拌菠菜醉雞翼有淡淡花雕香味，肉質偏實，十分入味；菠菜用涼拌煮法，更顯清新，開胃感。大蔥牛肉餃、大葉雞肉餃大蔥牛肉餃嘅肉餡同清真牛肉餅嘅感覺好似，肉味香濃，加上大葱嘅清香，所以新鮮感滿滿；如果喜歡紫蘇葉，就必食大葉雞肉餃！因為水餃以紫蘇葉為香味來源，雞肉肉質厚實。香蔥豬肉餃、鮮蝦鮑魚餃豬肉嘅水餃永遠係最香，最juicy嘅選擇！香蔥味帶出豬肉味，充滿層次；鮮蝦鮑魚餃聽落矜貴，但價錢唔貴，做唔會偷工減料，配料以蝦粒同鮑魚粒為主，非常鮮甜，而且蝦同鮑魚都係極具口感，非常彈牙。皮蛋醬拌麵 除咗拉麵，仲可以揀扁麵。皮蛋醬拌麵入面有好多皮蛋碎粒，皮蛋芫茜味勁香，慢慢食落去就會食到有微微辣味同麻味，加埋醬油令味道大大提升。麻辣雞絲拌麵溫馨提示，食到辣嘅朋友先好叫呢個呀！因為麻辣雞絲拌麵真係比較辣，配料除咗雞絲，仲有新鮮爽脆嘅青瓜，做到輕微中和辣度嘅功效。呢個麻辣雞絲拌麵嘅麻辣汁係先麻後辣，不停刺激你味蕾。羅漢果白茶，洛神花茶呢兩個係佢地自家出品嘅茶，用罐裝裝住增加冰凍感。洛神花茶激味道帶酸，比較開胃解膩；而羅漢果白茶感覺同我地平時飲到嘅羅漢果水相似，呢款因為有茶嘅成份，所以唔會太甜，羅漢果味好突出，感覺好健康。
continue reading
最近係街坊關注組發現咗呢間新開既餃子店，仲要係因為食字上咗網媒報道人氣大增，小店主打新鮮現絞、現包、現煮既傳統及手工餃子，放假即刻過黎食個Late lunch裝潢以日式木系為主，入面佈局左邊就係面牆吧檯位，右邊就係二人四人檯等，另外仲有好多貓貓相關既小裝飾，非常可愛用心睇睇餐牌發現餐廳英文名係Gaomoshiroi，係將中文餃字同日文搞笑合二為一，真係勁餃笑。小店有10款餃子，同樣可以揀湯餃或煎餃，最特別仲有款廚師發辦餃，最啱想試新野既人，5款麵食同十幾款小食甜品飲品黑松露粟米餃 湯餃雙拼其中一款，皮薄透出肉餡帶點黑，食落黑松露味濃而不濁，提出豬肉餡鮮味，粟米令口感變多層次鮮蝦帶子餃呢度最貴既餃子之一就係呢款海鮮餃，一咬就帶子蝦味湧出黎，仲見到大大粒帶子，真係好真材實料大蔥牛肉餃煎餃雙拼其中一款，大蔥味都好搶，牛肉餡都幾多汁，煎得外層好脆，底部似用麵粉水開出既煎脆皮大葉雞肉餃大葉即係日本紫蘇葉，味道爽勁帶有清香，去除腥味都好好，雞肉質唔會鞋，亦有咬口味道胡麻醬拌麵原來呢款係熱拌麵，胡麻醬甜鹹惹味，麵質較爽彈
continue reading
呢間聽朋友講起個餐廳改得好有趣，玩食字gag叫勁餃笑，夜晚去開呢頭諗起就試一試。裝修好別緻，連筷子座都係餃子會唔會太可受～。入去有一個自助區可以自己裝醬料，個人係豉油派，但好多餃子店迫我點醋嗚，但呢度連青檸汁都有。任食嘅麻辣菜脯係自家製，有落xo醬，味道比較港式又好惹味。💡水餃套餐 (韭菜豬肉餃 x 椰菜豬肉餃) 女店主落單個陣親身小推介，湯餃揀返主打菜嘅餃子體驗更好，韭菜豬肉呢個基本款係必點，韭菜香豬肉半肥熟先唔會柴或者膩。椰菜相對比韭菜就甜啲，💡煎餃套餐 (大蔥牛肉餃 x 芝士辣雞餃)煎餃煎得幾靚，大蔥牛肉仲有啖啖肉汁，大蔥勁香口，搭住菜脯食一流。到個人最愛嘅芝士辣雞餃，味道調得剛好，辣辣地好開胃，芝士都做得拉絲效果，仲有少少粟米有口感有甜味。💡麻辣雞絲拌麵香香辣辣，雞絲搭住麵食，個人推薦加埋菜脯更濃味同有口感。💡醉雞翼醉雞翼酒味唔濃，口感清新。💡羅漢果白茶呢個又係自家製之作，好似媽媽煲嘅感覺，甜甜地又天然健康。💡煎朱古力餃估唔到連食餃子店都可以揀甜品，見呢個咁得意就叫嚟試試。皮竟然都係餃子皮，餡係類似平時食朱古力包嘅流心餡，唔會係假甜膩個隻，真心似餃子版心太軟。
continue reading
外賣回家晚餐我點了幾樣最受歡迎的餃子和小食，包括韭菜豬肉煎餃、醉雞翼、甜餃子叫麻甩餃。每一樣都讓我感到興奮，特別是煎餃，外皮金黃酥脆，內餡豐富多汁。醉雞翼的味道也十分鮮美，醃製得剛好，肉質嫩滑，令人垂涎。回到家後，我迫不及待地打開外賣盒，香氣撲鼻而來。韭菜豬肉煎餃的皮薄餡多，每一口都能吃到鮮美的韭菜和豬肉的滋味。醉雞翼則是搭配了一點香辣，讓人一口接一口地停不下來。麻甩餃的口感獨特，裡面包裹著香甜的餡料，讓我在鹹食之後又享受到了甜蜜的滋味。
continue reading