勁餃笑

Open Now

Now Closed

今日嚟到黃埔呢邊覓食，行過見到呢間裝潢好日式嘅餃子專門店，見佢哋都幾多客，等我又試吓先🤓今次試咗佢哋三種餃子，兩款湯餃一款煎餃，整體感覺都好足料，湯底無味精，而且都幾濃。大葱牛肉湯餃呢款湯餃啱哂中意大葱嘅人，濃郁大葱香氣咬一口已經聞到，係爆發出嚟啊！牛肉同大蔥嘅比例啱啱好，湯餃建議一上枱即刻食，以免層外皮浸得耐會穿。大葉雞肉湯餃 呢款我個人極力推介大家要揀，佢哋用咗紫蘇葉包住雞肉製成餃子，一口咬落充滿着紫蘇葉嘅香氣，而且雞肉餃子相對豬肉或其他肉類少脂肪，適合比較注重健康，想要優質蛋白質飲食嘅人。鮮蝦帶子豬肉煎餃呢款餃子用料十足，咬落去見到包裹住原粒帶子同鮮蝦，估唔到食落都幾夾喎，充滿着海鮮嘅風味。而且煎餃外皮非常焦脆，放多一陣食都OK，一向鍾意食煎餃嘅朋友唔可以錯過！皮蛋醬拌麵出面較少見到呢款皮蛋醬拌麵，所以朋友點嚟試吓，嗰醬係佢哋自家調配，幾惹味，而且冇乜味精，食完都唔會口渴。醉雞翼用花雕酒醃製而成嘅醉雞翼，食落相當有酒香，除咗外皮，入面肉質都充滿着香氣，估計已經醃咗一整晚，作為小食幾唔錯。醉蝦醉蝦味道都相對濃味，可能一樣醃製咗整晚，呢個建議配埋麵食。鮮味花甲粉呢款花甲粉係期間限定，

喺紅磡要搵間小店食Dinner好輕鬆~但搵間 又好食+又有heart+價錢親民+ 環境舒服既小店 真係唔易嫁!今次就係搵倒勁餃笑喇🙌🏻玩食字 勁搞笑😂本身諗住而家香港嘢繽紛~ 諗住8:30後應該好多位可以堂食…點知勁餃笑得返兩個位😂啱啱好平時坐吧枱位🥲最怕就係冇位擺袋而呢間舖頭好貼心!吧枱位枱底下面會有個鉤俾你掛袋~餐牌上面都好多選擇, 餃子為主另外有幾款麵食同甜品~好多都好吸引! 好想試多幾款~所以每人都叫咗個雙拼🙌🏻一份煎餃+一份湯餃In general~ 無論煎餃定湯餃, size都好大隻~ 成個散子包咁大🤡餃子皮唔會薄到一夾就穿, 但咬落又唔覺得厚皮~餡料非常之多, 而且唔會散晒出嚟!辣菜脯可以免費加~連埋餃子一齊食, 口感好加分 & 香味亦都好突出🥟煎: 黑松露粟米豬肉餃+芝士辣雞餃松露餃勁香黑松露味🤡啖啖肉辣雞餃好香口可能因為揀咗煎餃, 食起上嚟多咗一份焦香🫶🏻🥟湯: 大蔥牛肉餃鮮蝦帶子豬肉餃湯底比較清香. 飲落唔會有味精味, 真係飲得㗎!豬肉餃入面, 真係會見到有粒帶子! 真材實料啊~唔係帶子碎!如果怕唔飽🤡可以加多個麻辣雞絲拌麵/花甲粉我地兩個都叫哂😂麻辣雞絲拌麵麻辣醬

紅磡｜勁餃笑 -▪️湯餃🥟 (鮮蝦帶子豬肉餃🦐🐷 拼椰菜豬肉餃🥬🐷)餃子大大隻，個皮厚薄適中，包住滿滿嘅餡料。鮮蝦帶子豬肉餃內餡有鮮蝦、珍珠帶子，爽口彈牙，仲加咗啲粟米粒，更有口感。椰菜豬肉餃個菜同肉比例啱啱好，椰菜仲保持到爽脆口感。而個湯底就用咗雞殼🐔、雞腳🐔、蔬菜🥬等熬煮5小時以上，飲得出係冇落味精▪️煎餃🥟 (黑松露粟米豬肉餃🌽🐷 拼白菜豬肉餃🥬🐷)煎餃外皮煎得好脆口，又唔會太油。黑松露粟米餃一入口個黑松露味出晒嚟，好香濃。白菜豬肉餃味道就相對清甜▪️花膠雞絲湯麵🐔🍜揀咗米線，份量都唔少，花膠口感軟腍。不過整體味道偏淡少少，可以加啲自家製菜脯一齊食▪️雞絲胡麻醬拌麵🐔🍜拌麵係熱嘅，揀咗扁麵，有咬口，而且幾掛到個胡麻醬▪️煮蜆蜆肉鮮甜，個底仲有大量金菇同粉絲，好入味，仲帶少少辣，幾惹味▪️麻甩餃🥟外皮香脆，中間包住麻糬，煙煙韌韌，沾啲花生芝麻粉🥜，真係好似食緊糖不甩咁▪️煎紅豆麻糬餃🫘🥟中間同樣包住麻糬，再配上紅豆，口感綿密，甜甜哋，好夾▪️自家製金羅漢果白茶🥤▪️自家製蘋果雪梨水🍎🥤飲品都係自家製，唔會太甜，好滋潤健康嘅感覺勁餃笑📍紅磡德民街36號地下5L號舖

紅磡呢條街好多嘢食，雖然流動比較大，次次過嚟都有新發現。我以為台灣人好食字，估唔到香港都有代表作🤣中英都食埋，有創意！餐廳細細但好有驚喜，勁多模型同公仔🥹醬料區design勁特別，對於我呢啲半個動漫迷aka貓奴嚟講，入到嚟都已經覺得好興奮！我地叫咗兩個餃子set，一湯一煎。餃子嘅款式除咗傳統既雲耳椰菜白菜果啲之外，大葉呀香蔥款的確比較少見老公10隻大蔥牛肉拚椰菜豬肉，餃子都好大隻，唔係薄皮果款餃子嚟，係我鍾意個皮煙韌果隻餃子足料，食到好香大蔥味，老公話個湯超好飲！有啲味噌湯kix老火湯既感覺眨下眼就比佢飲曬😳我既大葉雞肉拼香蔥豬肉煎餃煎得超香脆，熱到擺咗陣先食到🤣佢地仲有自家製辣菜脯，超辣超惹味，夾煎餃一流！大葉雞肉口感較實，大葉味唔算濃郁但每一啖都好有存在感，整體幾light香蔥豬肉超like！超多蔥同豬肉好夾，忍唔住一下清曬！麵食我地叫咗個皮蛋醬拌拉麵，雖然係賣餃子但呢個麵係全場冠軍🥹真係好好食，啲芫荽同皮蛋醬加埋辣，真係好夾！老公爭住食下食下食鬼曬🤢忍唔住為咗呢個麵過咗幾日再返去食🤣小食我地再加咗個味噌大根，大根煮透心好鮮甜，如果可以切細啲就好啦😛涼拌菠菜非常特別，一般都係韓式做

同媽媽係附近買完嘢，見到呢間勁餃笑 ，俾店名吸引於是決定入嚟試試。一入到店內，就見到好多貓貓擺設，好得意呀！ 吧枱中間位置仲有自助調味料區，客人可以按照自己口味挑選醬汁，醬料上都有中英對照，好細心呢。坐定定之後店員就送上 qrcode 俾我哋點餐，原來呢度嘅煎餃、湯餃嘅種類有九款可以選擇，點餐個陣我哋都三心兩意，不過如果諗唔到食咩嘅仲可以叫 唔知食咩好 等店員幫手😝我哋想試多幾款，所以分別叫咗兩set 雙拼湯餃同雙拼煎餃，一次過試試四款餃子，下次過嚟就可以試埋另外幾款！✨湯餃套餐🥟 - 香蔥豬肉餃 ＋ 韭菜豬肉餃呢度嘅餃子隻隻都好飽滿，真喺真材實料呀😍而 加咗香蔥同韭菜嘅豬肉餃，同樣出色，鮮美多汁之餘，咬落充滿唔同嘅口感。✨煎餃套餐 - 黑白松露豬肉餃 🌽＋ 鮮蝦帶子餃煎餃嘅黑松露粟米豬肉餃同 鮮蝦帶子餃，前者黑松露味超香濃，加埋粟米餡料，食落香甜有咬口，後者用咗珍珠帶子同爽彈嘅蝦肉，一樣好食，真係忍唔住食完一隻又一隻。✨花膠雞絲湯麵雞絲湯麵嘅份量都幾多，而且夠晒足料無味精，見到隔離枱都有叫到🤭✨紅豆麻薯餃餐牌上最特別嘅係有三款甜品餃子，今日就叫咗紅荳麻薯餃，香脆嘅餃子皮同入口煙煙韌韌

今日黎到黃埔呢到食餃子，舖頭入面係舒服整潔嘅日式木系風格，而且擺設好有心思好可愛！飲品方面我哋叫左金羅漢果茶同季節限定嘅蘋果雪梨水，兩款飲品都係店家自家製，金羅漢果茶好少甜，飲到好濃郁嘅羅漢果味。😋 蘋果雪梨水都係唔甜嘅，好清潤。😋自家製辣菜圃係店家每日自己炒，辣得黎仲好香蒜頭味，而且口感爽脆。涼拌菠菜入面有加入少少柚子去涼拌，入口清新。叫左個其間限定嘅香辣花甲粉，呢個係正常辣嘅辣度，我下次會叫辣少少😆 個花甲好鮮甜，入面仲有粉絲同金菇。花膠雞絲湯麵揀左配拉麵，個湯底好清，同湯餃個湯底係有分別的，但飲落都係舒服同無味精。雞絲唔似坊間一落湯就散開，係夾得返上黎嘅粗度；另外花膠都好大塊，食個麵都可以順便養顏。煎芝士辣雞餃叫左八隻份量，八隻餃子係連住一齊，都好考煎果個人嘅心機。😂 餃子皮煎得好香脆，咬落去雞肉汁好豐富唔會柴乾；咬多兩啖啲辣味慢慢散出嚟，雖然感覺越食越辣但對我嚟講都係少辣。🤭湯黑松露豬肉餃同樣叫左八隻份量，湯餃緊係要飲湯先啦，好有屋企湯嘅感覺😋 咬開好香黑松露味，粟米都好飽滿。😋煎麻甩餃係甜品黎，一份有四粒煎餃，外脆內軟，比我感覺係造成餃子形狀嘅煎麻薯，放落去花生碎嗰度碌碌碌，

聽過呢間餃子店咁樣好耐，因為個名好搞笑，所以印象好深刻，終於嚟到黃埔試一試😆香蔥豬肉餃+併大蔥牛肉餃 餃子大細適中，唔會話係超級巨型，都算係皮薄餡靚，全部都煮得好好，冇穿冇爛，比較鍾意大蔥牛肉餃，平時出面比較少食到用牛肉整成嘅餃子，喺呢度食到👍🏻咬入唔會Over cook，啱啱好，唔會話太靭，配合埋洋蔥，更加帶到牛肉嘅香味（煎）鮮蝦帶子餃（併（煎）黑松露豬肉餃），花膠雞絲湯麵（拉麵） $83搞到超好味，黑松露味好出，加上煎香咗，十分惹味，鮮蝦餃子餃感覺有啲似蝦餃再加上帶子，鮮味十足，圖片可見有整粒完整帶子仔，好足料！涼拌菠菜呢個小食幾特別，唔係用麻醬，反而用咗柚子醬，比起平時更加清新，別有一番風味［季節限定］自家製熱 蘋果雪梨水冬天飲暖笠笠，好似屋企煲嘅一樣，暖入心自家製辣菜圃小小辣，配合埋清清地嘅湯餃一齊食，唔錯

**煎餃套餐（6隻）脆卜卜嘅煎餃雙拼！韭菜豬肉餃爆餡到漏～韭菜味濃到衝擊味蕾，啖啖菜肉比例啱啱好，煎得金黃焦香，咬落「咔嚓」聲治癒度💯！香蔥豬肉餃就蔥香爆炸，豬肉juicy到滴汁，底層煎到微微燶邊，邪惡但停唔到口啊～ **花膠雞絲湯麵 $35** 女神補身首選！花膠厚身到膠質爆燈，咬落黏嘴唇✨～雞絲滑溜唔嚡口，湯底飲得出冇落味精，清甜到飲晒成碗都唔口渴。拉麵掛湯力OK，但勝在抵食夾大件！ **味噌係大根 $15** 蘿蔔控必點！大根燜到通透入味，味噌鹹香帶甜，咬落清甜爆汁～凍食仲有種冰涼感，解膩一流！ **［季節限定］自家製熱蘋果雪梨水 $10** 加$10蚊有驚喜！熱飲超暖心♨～蘋果雪梨冇加糖都甜到漏，潤到入肺！感冒喉嚨痛嗌呢杯都啱**湯餃套餐（10隻）大蔥牛肉餃x黑松露豬肉餃，雙重高潮！大蔥牛肉肉汁多到瀉，蔥辛香夠晒霸氣；黑松露餃一咬松露香氣攻鼻，混埋豬肉鮮味高級感up⬆️～雞湯關東煮有齊蘿蔔、竹輪，湯底鮮甜到喊，吸盡湯汁精華，暖笠笠治癒打工仔心靈啊～

湯餃套餐（8隻餃子），簡左黑松露豬肉餃同鮮蝦帶子餃嘅，配搭幾特別，黑松露味好香，豬肉同海鮮嘅味道都幾夾。麻辣雞絲拌麵轉咗扁麵，辣度揀咗正常辣，辣得嚟唔會太刺激，雞絲都幾嫩滑，加埋蔥花更加香口，想encore!醉雞翼都出色，酒味算突出，入味！！香辣花甲粉都幾有驚喜，花甲新鮮，湯底香辣得嚟唔會太油膩，正常辣度啱啱好，食完唔會覺得好口渴。炭燒雞肉串就正正常常，炭燒味唔算好突出，但雞肉都算嫩滑，唔會太乾。最後飲咗杯季節限定嘅自家製熱糖果雪梨水，甜度適中，飲落去好潤喉，啱晒食完辣嘢之後飲。另外佢嘅菜譜可以喺點餐嗰度免費點取，唔會過鹹，爽脆，超好味，必試！因為今次有啲熱氣冇叫到煎餃，見到人哋食好香好吸引，下次機會嘅話，想試埋佢嘅煎餃！！

開在小區，扎扎實實的餃子🥟店又會發揮創意，餐牌選擇有新派有傳統，難怪這邊只有他們門口大排長龍湯餃套餐(10隻)雙拼 $105.0 湯底：花膠雞湯- 完全無味精，搭配餃子入口清而不淡🥟🥟🥟黑松露豬肉餃- 黑松露相當帶勁，穿透力很強，加入甜粟米🌽口感更豐富鮮蝦帶子餃- 這個是相對比較清新的選擇，有蝦仁🍤跟帶子粒，適合口味偏清淡的朋友煎紅豆麻糬餃 🫘 (4隻)- 麻糬口感軟嫩，紅豆甜不膩，整個餃子口感十分一致煎餃套餐(10隻) 雙拼 $86.0🥟🥟🥟大葉雞肉餃- 原來大葉是指紫蘇葉，比雞肉還要搶鏡，別有一番風味椰菜豬肉餃- 傳統的餃子非常飽滿，椰菜的比例恰到好處🍡🍡🍡炭燒雞肉串 (2串)- 口味普通，軟而偏甜，方便補充蛋白質套餐：自家製。羅漢果白茶 (凍) 😋+$10- 天然代糖：羅漢果卻沒有過甜，口味清新解暑套餐送贈：自家製辣菜圃 🌶️🦐- 辣勁十足，口感爽脆，如果嫌湯底味道不足，不妨加些辣菜脯，會有驚喜

今日同媽咪係屋企附近食lunch，決定行遠小小去到紅磡黃埔，見到小巷有間餃子小店都幾多人幫襯就入去試試湯餃套餐($52@10隻)我地要左黑松露芝士栗米餃(+$6)雙拼白菜豬肉餃白菜豬肉餃食到粒粒馬蹄碎，口感豐富；黑松露豬肉餃有濃郁黑松露味，仲有栗米粒增加口感我地仲加埋花膠雞絲湯麵(+$35)有三款麵可選，花膠份量多，雞絲嫩滑，自家製雞湯濃而不膩小食涼拌波菜(+$15)有柚子甜香，十分特別；涼拌生藥第一次食，可沾wasabi，咬落爽口，口感清新店內仲有得免費提供辣菜蒲，蘿蔔唔油爽脆，配餃子/面食一流，媽咪仲話想買番一樽屋企食冬天限定自家製熱蘋果雪梨水超潤，岩曬依家既天氣

嗰日喺紅磡行街搵咗幾間嘢食，結果全部都落晒場，然後見到呢間餃子店評分唔錯，所以就嚟試試叫咗兩碗餃子一碗係韭菜豬肉餃拼香蔥豬肉餃 $52 十隻餃，香蔥豬肉餃超級香，啱晒鍾意食蔥嘅人士，韭菜豬肉餃就正常。另一碗就叫咗特別啲嘅黑松露粟米豬肉餃拼大蔥牛肉餃+$6，我好鍾意黑松露粟米豬肉餃，黑松露味都好出，而且再加埋粟米嘅甜，成個餃好好食好推薦，大蔥牛肉餃，唔知點解佢呢一款餃子係容易爛同散，其他嗰幾隻都唔會，但味道嚟講都唔錯，但係個牛肉餃口感會偏淋，就冇咁有口感。兩碗都係叫湯餃，湯底都幾好飲，應該係豬骨，整體嚟講呢間餃子真的不錯👍🏻

📍勁餃笑 (紅磡)💥黑松露粟米豬肉餃+鮮蝦帶子豬肉餃個湯好清甜好鮮味飲曬都唔會口渴 冇味精！好足料 好好飲☺️餃子外皮適中 唔會過厚黑松露粟米豬肉黑松露味唔算突出但係食到粟米嘅甜味至於鮮蝦帶子豬肉餃入邊有幾多一粒粒嘅帶子仔同蝦相對比較鍾意呢一款💥大葱牛肉餃+大葉雞肉餃大葉雞肉餃原來係用日本紫蘇葉整嘅食落好重紫蘇葉味 超級香第一次食呢隻味嘅餃子 幾特別🤣大蔥牛肉餃好重大蔥味好香甜 鍾意食大蔥嘅一定會鍾意呢一款💕💥皮蛋醬拌麵上面係芫荽皮蛋醬拌麵非常彈牙食落好香麻油味必叫💥香辣花甲粉都幾多隻花甲仲有金菇墊底但係都有少少辣下便仲有索晒啲湯汁嘅粉絲💥月見雞肉串雞肉串食到有少少雞軟骨幾有口感仲可以撈埋個蛋黃食勁餃笑 (紅磡)紅磡德民街36號地下5L號舖

餃子已經成為左我冬天既comfort food，今次再訪呢間勁餃笑，水準仲保持到一樣咁新鮮咁好食😋😋⋆🥟黑松露粟米豬肉湯餃 (8隻) $54餃子皮薄餡靚，每隻都大大粒好飽滿，豬肉嫩滑，黑松露味好香濃，加上粒粒粟米，口感好豐富🤤湯底都好好飲，飲得出唔係味精湯👍🏻⋆🍫煎朱古力餃 跟餐加$35上次食唔到朱古力餃，今次終於食到啦😍外皮煎到好香脆，咬開有滿滿流心朱古力餡，唔會太甜，朱古力控表示大滿足❤️⋆🥤金羅漢果白茶 跟餐+$10今次又試佢哋自家製飲品👍🏻羅漢果白茶味道清甜，滋潤健康之選✨

次次經過紅磡呢間餃子店都見到有人喺出邊等位或者等外賣，於是就決定試吓睇吓佢好唔好味！呢度啲餃子有傳統嘅口味，亦都有啲新式嘅口味，選擇都唔少，仲有啲小食同麵食👍呢度所有餃子都可以雙拼，我哋今日試咗四個口味：鮮蝦帶子餃、黑松露豬肉餃、芝士辣雞餃同埋白菜豬肉餃。🛎️ 黑松露豬肉餃係必食推介，松露味香濃，餡料飽滿，好好食！🦐 鮮蝦帶子餃都好唔錯，非常足料，味道鮮活好食！🌶️ 芝士辣雞餃最惹味，唔係好辣有少少泡菜嘅感覺！麻辣雞絲拌麵都係非常推介，佢嘅麻辣味好香好刺激，又會令到你覺得辛苦，好正！佢碗麵份量都唔少㗎，一個人食八隻餃子再加碗麵真係勁飽😹我哋仲食咗花甲同埋關東煮，絕對係眼闊肚窄！關東煮個湯底味道清甜，真係無添加，感覺好健康👍下次想食健康啲可以嚟呢度開餐～ 題外話，店主們應該好鍾意貓貓同埋Figure，餐廳充滿咗佢哋嘅收藏品，好靚靚！