北記咖啡奶茶

Open Now

Now Closed

好耐無黎食，早晨掛住佢既豬扒。叫左佢既早餐豬扒米粉配蛋及牛油多士 （$34）首先要讚下佢杯凍奶茶，我嗌左凍奶茶少甜。佢真係比左少甜又唔難飲，茶濃奶滑！豬扒保持左佢嘅水準，肉質軟熟，而蛋同包就普普通通。

牛頭角街市樓上的熟食中心真係很舊，亦比較冷清，唯獨角落的呢間茶檔最受歡迎。食物沒有很特別但勝在新鮮即做，熱辣辣無得輸既。鹹牛肉飛碟 $28新鮮即叫即做真係特別好味，飛碟三文治已經好少見，飛碟機烘壓的麵包真係特別脆身，亦有先塗上牛油再烘所以食落勁重牛油香，裡面的鹹牛肉餡有炒香，熱到燙口好正。豬扒紅腸米 $33紅腸有煎過有脆皮，豬扒醃幾入味，肉質鬆化唔會乾柴唔錯喎。所有價錢已包飲品嚟呢度必試瓦煲奶茶，用傳統瓦煲煮，特別保溫茶味會更突出。茶底好濃，奶與茶比例剛好，不過不算是很細滑的那種，感覺比較鞋口，飲到尾段會帶澀。

有時放假都會特登搭車入去，唔係住個區，附近又無嘢行，真係特登食佢嘅自家製嘅雪菜同辣椒油雖然舖頭最出名係瓦煲奶茶，但飲落其實唔係太大分別，同茶餐廳嘅奶茶一樣，都好飲，有茶底，唔係飲緊奶同糖水叫咗雙拼麵，雪菜豬扒麵，跟凍奶茶($35）凍飲唔洗加錢真係幾少見，呢個價錢出面真係揾唔到，平 仲要好食雪菜唔同出面食開嘅雪菜，顏色比較鮮綠同硬身，感覺比較新鮮，同埋唔會好咸豬扒醃得好入味，份量都算多，有五 六舊如果食辣記得加佢嘅辣椒油，好香，唔食得辣落少少已經好好味不過夏天黎食要有心理準備，因為無冷氣，熟食中心黎講都算乾淨，起埋啲枱無痴lup lup。有個叔叔應該係老闆，見我食個陣係咁望啲枱，主動問我想要咩，又見佢係咁同啲街坊傾計，好親切

對於一直只飲檸檬茶嘅我，近呢一年愛上咗飲奶茶！又話說某日看過某雜誌投選全港Top 9 奶茶之後，就打算逐間試吓去！呢日就去咗北記，正值酷熱天氣警告生效之下，走進無冷氣嘅街市熟食中心的確有點兒辛苦！但既然嚟到就唯有頂硬上，叫咗個沙嗲牛肉麵餐加杯熱奶茶▶️沙嗲牛肉公仔麵配煎蛋、火腿加牛油多士 - 麵煮到恰到好處，唔會過淋，牛肉份量足夠，沙嗲湯底亦夠濃▶️熱奶茶 - 茶同奶嘅比例恰好，口感亦好香滑總結：食物質素ok，特別奶茶，入到Top 9唔係無原因。其餘如環境，服務等等就只屬勉強，因為始終係街市內嘅一檔大排檔！

今日去呢度吃早餐，叫左一個早餐豬扒面加一杯奶茶少奶，上左奶茶後發現，少奶真係好少，茶味 好苦澀 所以要求加多些花奶，個老板好急好 耐煩加少少花奶就立即走，我再問加比自己加嗎？答：唔得，怕比人玩野，我聽完唔明所以要求另外用杯再比多一些花奶自己加，跟著攞左隻杯去加些花奶，另一個似係個老板既仔就更唔 耐煩，我試著解釋少奶但真係太苦，需要多些花奶，呢個後生些既 夥記 就 爆粗 鬧我呢個客人好麻煩 ，我火了就同佢 理論呢個係合理要求，佢講講下就收番我 碗麵同奶茶 話唔做你生意。第一次有咁既經驗，受教了，以後永不幫襯！完

正值牛下女神攞銅牌，我又曾經住喺附近，就叨少少光返嚟食碗麵啦。其實又係喺IG見到有人post呢一間出名瓦煲奶茶。以前住左咁多年都唔知道添但係因為實在太熱啦，我飲唔到熱奶茶！凍嘅始終爭啲。介紹呢度一個面餐有旦有多士或者一個三餸麵加埋凍飲都係$35！（凍飲唔使加錢）very good 近呢幾年我已經好少食公仔麵啦，因為食完之後應該全日都唔使食，可以脹到夜晚。不過今次就破例試吓佢個豬扒麵（重要唔轉出前一丁，因為有人介紹話其實出前一丁個面底同大光面嘅面底係一樣嘅，只不過係爭包味粉）試咗應該不敢認同😝而佢塊豬扒都幾足料，切開都有成10小塊。第一啖咬落去我有一種曾經食過嘅味道湧左出嚟，好似我以前小學食開嘅一間豬扒嘅味道（當然唔係exactly嗰間啦）「其實我仲好努力嘗試去搵返嗰間出嚟，個豬扒真係超好食，佢係蝴蝶形狀嚟㗎，係薄身嘅豬扒」如果邊個睇到我呢一篇食評又知道係邊間嘅話可以PM我，響以前小學隔離，小學校名係路德會聖馬太學校😜份多士熱辣辣烘出嚟，加埋牛油特別口味。不過下次真係要等佢涼返少少先，食到大汗疊細汗都唔係幾掂！😬

🫖隱世真瓦煲奶茶🫖-為左佢杯瓦煲奶茶而黎既司令，真係糾結左好耐要熱奶茶定凍奶茶，因為熱既一定更香，凍既都驚佢會淡左，但最後真係敵唔過三十幾度既天氣要左凍奶茶🥲。係熟食市場環境當然唔算好好啦，不過都企理既，好處就係價錢真係好抵，一碗雙拼麵只係$35，已經包埋奶茶，仲要凍熱同價，癲！落單既時候問叔叔用瓦煲係咪真係好飲啲，佢好直接咁答，其實冇乜特別架炸喎，咁岩我地用左瓦煲用左幾十年，個茶底唔好飲用咩煮都唔會好飲架喎。結果一上枱飲第一啖，咦真係好飲喎，睇黎你地真係太謙虛啦🤣，奶茶其實周圍都有得飲，做得好飲既有唔少，但做到茶同奶平衡得好而且茶味出，仲要夠滑既真係唔多，而且司令叫既係凍奶茶，如果要飲到最佳水準既話下次真係要試下熱既先得！😙

奶茶控，自從入左奶茶谷，間中就有人講呢間既瓦煲奶茶，趁著假日返工，繞一繞入去牛頭角街市試下😆星期日早上7點多，人唔多，外賣正常奶茶好快拎得。見到廚房一直都有煲住奶茶，所以好快，幾乎唔洗等。外賣係用發泡膠杯盛裝，返到公司，奶茶仲好熱沒有跟一包糖，因為已經加左，所以要少甜走甜要一早講定。打開蓋就聞到奶茶香，入口味道感覺有點唔同，唔知係咪心理作用，覺得瓦煲就唔同呢，有茶味，不過有點澀口，略嫌唔夠滑，甜度又岩岩好喎，唔會過甜，雖然唔似得係谷友所講既咁好，但其實都好唔錯，值得一試

一直好想到訪牛下的北記，皆因這裡有碩果僅存的瓦煲奶茶🤩顧名思義，用上瓦煲煲茶，再用黑白奶撞成奶茶，茶味的確和平日所飲的有些少不同！奶茶入口，帶茶味得來沒有苦澀，味偏甜，非常濃郁順滑！平時飲熱奶茶後，口中總中一種苦澀和酸味久久未散～但北記的完全沒有這種感覺～值得一提的是，豬扒也非常出色！豬扒醃得入味，非鬆肉粉無味肉排可比，炸過的豬扒外皮微脆，肉質也算嫩，愈嚼愈有味，但略嫌湯底太重味精～如果你想找一杯好飲的港式奶茶，北記的瓦煲奶茶應該不會令你失望。希望這種富有特色的舊文化能夠被保存同珍惜 💛🇭🇰

🐷扒：7 x ❤️丁🍜：9 x ❤️🌶️油：7 x ❤️油🧇：9 x ❤️煎🍳：8 x ❤️🍼茶：8 x ❤️聽講話呢度有瓦煲奶茶，咁啱今日喺附近見客，於是提早少少過嚟食個下午茶。下晝兩點半，客人唔算多，啱啱坐滿所有枱（每枱兩人），叫咗個豬扒麵餐，應該全部即整，所以都要等一等先有得食。豬扒ok，個麵係丁麵，煮得啱啱好，幾滑又唔太硬唔太淋，油多新鮮熱辣好好味，奶茶幾香幾滑，而且夠熱，唯一係感覺茶身唔太厚，但都係正嘅！今時今日，34蚊嘅價錢，絕對抵食！

港式奶茶係香港嘅飲食文化之一☕亦都係唔少港人嘅「精神食糧」😹不過奶茶就一定係茶餐廳／冰室嗰啲先好飲～要有好師傅、好茶具、好技術先成就到一杯奶茶～而香港用瓦煲沖奶茶嘅餐廳已經唔多，除咗比較出名嘅合香園，牛頭角嘅北記依然用緊瓦煲！北記係喺牛頭角街市嘅熟食中心，👆🏻街市正門上一層電梯，上到去嘅左手邊係熟食中心👇🏻而右邊係街市～轉左之後一路行到最入，就會見到北記☕👆🏻佢地依然用住舊式嘅白底紅字招牌，同埋檔仔👇🏻為咗方便食客，餐牌都轉晒新嘅，彩色而且大大張，貼喺北記範圍嘅牆上面～黎到當然要試佢嘅招牌豬扒麵🐷係一個餐咁樣叫嘅，有埋蛋同牛油多士，仲有飲品～而生炸豬扒果然係名不虛傳😹首先份量夠多，加上生炸嘅關係，豬扒都唔會乾，幾juicy，做到外脆內軟👍🏻唔會好似出面啲餐廳整到柴皮咁/好un，呢個可以encore～麵就正常，條條分明唔太冧～不過煎蛋就稍為乾咗啲同凍咗啲，放落碗麵食都ok嘅😆多士亦都係正常～另一款招牌就係☕瓦煲奶茶，講真真係唔多餐廳用瓦煲架啦，所以而架仲有得飲就要珍惜～瓦煲容易吸茶味，茶味可以每次滲到新茶，所以越沖越濃👍🏻而北記奶茶嘅茶味係幾濃郁，同埋一啲都唔澀，入口順滑，飲一杯即刻醒神

🙌豬排公仔麵 多士 煎蛋 奶茶 $34**凍熱飲同價Σ(っ °Д °;)っ呢個年頭 真係好少見 凍飲唔洗加錢▪▪▪▪▪▪▪▪▪▪▪▪▪▪▪▪🍖大大塊炸豬排 配 利是一丁係 利是一丁🍜⊙ω⊙查一查 原來是超力出產（沒有零售）同 出前一丁 分別就係少左包 麻油而且係光身麵 口感比一丁好( ￣▽￣)遺憾既係 豬排是有啲咸 ▪▪▪▪▪▪▪▪▪▪▪▪▪▪▪▪🥤奶茶好特別 係用瓦煲 煲的o(*///▽///*)唔知點解 睇住佢煲 就覺得飲到啲藥材味 Hahah總括而言 係一杯 溫和的奶茶公公婆婆飲完都唔會覺得唔舒服既類型

午餐则係常餐，常餐則係好底食暨胞肚餐。這裹，環境一般，但勝在，友情，友善，街坊價，古祖味，人情味，牛下 高音 味。cheap and nice, less than HKD 40 can make you full for lunch. Where can you still find in Hong Kong nowadays? I think you cannot find this price range anymore but there you can find ancient and extraordinary experiences if you did not leave here before... see pictures you can feel the taste!

呢到已經有好多年既歷史架喇, 好懷舊. 咁我就叫左個豬扒麵, 豬扒都算大塊架, 同埋唔會好硬. 豬扒麵餐平靚正, 個凍奶茶係勁好飲, 茶同奶都配合得岩岩好, 呢到休息既話係不會事前通知

阿魚由細到大都好喜歡去熟食中心，無論春夏秋冬！ 🔥原因係有風味之餘，價錢合理，食物好味！ 🔥今次為大家介紹位於牛頭角街市的北記！🐟💬：去到有2樣野一定要食：雞翼！薯餅！ 🔥今次阿魚就叫咗五香肉丁，雞翼麵！凍檸茶再加薯餅！ 🔥另外餐廳的辣油亦好正！撈麵食一流！🔥但落得太多會無咗味覺⋯⋯小心🙈🔥餐廳會貼心的為客人另上雞翼，非常香脆！🔥而薯餅就要另加10蚊！🔥重要睇廚師當日心情好唔好⋯⋯🔥有時佢太忙就會拒絕唔整！好彩今次佢肯！🔥即炸薯餅非常脆口！正！🔥🐟📝：8/10🔥🍽🐟📝📌 北記咖啡奶茶📍地址: 牛頭角牛頭角道183號牛頭角街市熟食中心1樓🔥