北記咖啡奶茶

Open Now

Now Closed

北記在我小時候應該光顧過, 但幾十年的記憶有點模糊, 開業七十年, 和父親的年紀差不多, 算是在東九龍很有歷史的一家茶餐廳. 這裡的奶茶應該是我喝過在香港最平均的, 也是最值得推薦的低調茶餐廳. 用上瓦煲來煲茶, 受熱平均, 茶香均勻也不會容易煲焦茶葉, 處理的奶茶順滑甘香,甜度剛好, 就算是凍奶茶也不會有稀薄的味道和口感.豬扒雪菜也是這裏的名物, 前者厚實而有肉汁, 煎得也夠香; 後者很爽, 翠綠的顏色代表著其鮮度, 沒有任何澀味及死鹹, 口感夠爽, 與豬扒和即食麵的口感互相配搭, 作為功能性的早餐, 絕對物超所值.

今日中午突然下大雨，當時係九龍灣站A出口，於是沿天橋5分鐘，行到牛頭角熟食中心食飯時間都好多人，叫左豬扒米粉，配多士煎旦，$38想來食下呢間好多次，有時就係咁啱！埋埋米粉，啃第一啖，真係Q彈得嚟又唔會太過，點可以唔讚你個口感 而家講返個重頭戲豬扒，同我食過嘅完全冇得比，幾乎係啖啖肉，咬落去，每一啖夠曬正！另外個湯底幾好，有少少胡椒味至於隔籬杯凍奶茶，奶味濃郁，不得了呢間鋪網上被人介紹過好多次，係有原因，但留意呢到係完全無環境，亦係正公廁門口，但早上到下午，全個熟食中心最好生意的一間               

#熱奶茶 可以話係 #茶記恩物！正因為咁，#小秘書 每次幫襯，都會叫杯熱奶茶☕️ 過吓心癮♥️ 早幾日從朋友口中得知 #牛頭角街市熟食中心 樓上原來有個 #茶檔 嘅 #瓦煲奶茶 都幾出名😎 呢日襯有空檔，一於去試吓😉天氣濕濕漉漉，加上 #街市熟食中心 嘅環境黑蚊蚊咁，未食已經大打節扣😅 負責落單個位阿姐滿場飛😅 每當有人舉手，佢都會大大聲叫人客等吓😉 我哋坐抵唔夠五分鐘就已經落到單，應該算好好彩🤭 #北記 杯 #熱奶茶 味道係幾唔錯嘅，入口夠晒滑，唔使落糖都已經好夠味🤤 不過食物味道就認真麻麻，#豬扒🥩 絕對無傳聞中咁誇啦啦，麵底腍啤啤… 食咗兩啖我經已宣佈投降😅 好在隔離嗰檔嘅 #魚肉腸粉 又做得幾唔錯，魚肉夠足料，腸粉皮都做得好夠滑😉 雖然成件事完全不似預期… 不過總算有啲收穫啦😚📍 北記咖啡奶茶 (牛頭角)牛頭角道183號牛頭角街市熟食中心1樓

最近看了頗為出名的youtube頻道介紹呢間瓦煲奶茶. 放假便立即去試。今日點了豬扒餐及茶走。奶茶： 是夠滑的，但茶味不夠，有點失望豬扒米粉：豬扒有很強的鬆肉粉味多士及煎蛋： 這碟是整個餐最好的雖然失望但仍要讚的是38元真的很抵食。 現場看到很多人食雪菜，下次有機會會試下，但不會再食豬扒了

這間北記想當年考AL時在旁邊的自修室溫書自習幾乎每天來，現在都就黎50歲了！以前有位伯伯掌廚，後來就由他的子女媳婦打理。味道有以前呀伯的8成，奶茶豬排牛棑都好吃，幾十年來搬了好多次但仍然會坐車回來就是為了吃上一口回憶中的味道。檔主女兒是有點兇的，但人其實也沒甚麼。以前二仔的兒子常在檔口做功課，現在可能都已經長大了 ... 總之北記大部分時間都有生意，夏天沒冷氣也可能要等位，我見米紙訪問他們，心想這間小店終於有上媒體了😂 Ruby 覺得豬排咸，其實我90%時間就是為了這塊豬排坐一小時車而來吃呢！

街市食肆平靚正之餘，仲要價錢相宜合理，如要挑剔就係坐得幾迫，同埋衛生程度始終差少少，但以平民價錢比較下，真係完全包容到。40蚊嘅早餐，除左街市熟食檔，都唔知仲有邊度搵到。北記最拿手係佢杯熱奶茶，個人喜好要叫大茶走，又滑又有茶味，而且大杯先夠飲，無苦澀味，試過咁多茶記，佢嘅熱奶茶係數一數二咁好飲。凍奶茶都唔差嘅，不過略嫌細杯唔夠飲。佢仲有隱藏餐單，就係煉奶西多，西多佢炸到好軟熟，可以另外配蜜糖，早餐時間都叫得。

瓦煲奶茶 質地好滑，幼滑如絲! 味道好厚，茶味和奶味雖然都好突出，卻好易入口，六分茶味，四分奶味，最後一分就是甜味!這杯奶茶跟金鳳茶餐廳和蘭芳園的奶茶，各擅勝場!順道買了兩杯奶茶給同事，來一個開心分享，讓奶茶迷一起喝過出色的奶茶，留下一個美好的回憶!豬扒紅腸公仔麪 公仔麪條質地微硬，彈性十足!豬扒表面煎得好香，肉質頗彈牙!辣椒醬十分惹味，加一小匙已經有辣味。辣椒醬不僅辣，還帶有香味，令人欲罷不能!

店舖衛生環境非常惡劣做食物的旁邊就是厠所無門的 容易細菌感染食物後方用餐坐位旁邊又係廁所影響身體健康店員全部黑口黑面 好似你欠佢好多咁花錢去吃東西還要受氣睇人面色貼錢買難受

一間位於牛頭角街市的一間地道港式茶餐廳，像這樣的茶餐廳已經買少見少， 用瓦煲製作茶底更是物以罕為貴。食物主要為麵食及飛碟，在這裹吃到的是一種回憶的味道，更是舊香港特色，香港的古早味茶餐廳。___豬排麵＋太陽蛋，牛油多士 （送 凍/熱飲品） HKD 36豬排麵是這裹的出名名物，當然要試一試！豬排肉質淋身，豬排醃得不錯，配公仔麵一同吃的確不錯，像我兒時坐在街邊茶記吃的那種，我喜歡。而跟餐包了一隻太陽蛋和牛油多士，多士烘得剛好，麵包控的我表示大滿足。奶茶茶味香，質地滑滑的，的確是一杯有誠意的奶茶！雙拼麵餐 牛排＋雪菜米粉（送 凍/熱飲品） HKD 36我決定都要一試它的牛排跟雪菜！牛排給我一個驚喜，牛排肉質淋身，醃得入味，是我喜歡的茶記牛排，很開心。雪菜份量也足，味道相對清新，而米粉湯底像某一隻我很喜歡的米粉牌子，所以我很喜歡。如果想很想吃一餐開心茶記，這絕對是我的選擇！___評價：🖼️ 舊香港特色🍜 古早味 豬排/牛排麵☕ 好飲瓦煲奶茶❤️ CP值高*想前往的大家記得要留意它的開放時間！推介指數：❤️❤️❤️❤️（五個心心為滿分）___地址：牛頭角牛頭角道183號牛頭角街市熟食中心1樓

今日本來想去跑步，結果落雨，咁就唯有去買外賣早餐。去到北記，我見到有個客人想同個剪豬扒女士講想買外賣，剪豬扒女士居然答：我見到你，你行埋一二邊先，唔好阻住。然後個客人A就怒氣衝衝走人。係我猶豫準備走人之際，負責沖茶的女士正常客氣地問我食咩，我講完後就企係一邊睇電話。十分鐘後，剪豬扒女士突然出現：你可唔可以唔好企係度？我呆左，心想：你想我企邊？駛唔駛咁無禮貌？本來想走人，唔要set外賣，不過又費事咁無品。最後拿住份外賣，同自己講左句：以後都唔會再幫襯啦，bye 北記。

#北記咖啡奶茶 早前去咗牛頭角熟食中心搵食，自己好少去牛頭角，聞說有一茶檔非常出名，於是慕名而至🙂有人指佢地多士好正，豬扒唔錯，雪菜好食，但最重要係杯奶茶完勝❤️#瓦煲奶茶 有幾特別，我唔班門弄斧亂評價，真係好熱，辣口又辣手，好香滑，堅好飲。#雪菜豬扒麵 豬扒有七件，大小連骨，都幾好食唔會乾柴，雪菜自己唔好，食落同一般係有分別，大光麵質感唔錯。事實上麵係普通麵，唔係驚世之作，$36亦唔算平，但喜歡飲奶茶朋友一定要試吓，我都會再來幫襯，下次試沙爹牛肉同多士。推介指數：7.5/10北記咖啡奶茶牛頭角牛頭角道183號牛頭角街市熟食中心1樓@foodiehck2022 #港飲港食平靚正 #熟食中心 #小店 #大光麵 #牛頭角美食

北記位於牛頭角下村街市的熟食店舖。因上網見到北記出名的瓦煲奶茶慕名而來。鹹牛肉芝士飛碟 $19一見到碟飛碟，童年回憶返晒嚟，我仲特意額外加了芝士(+$2)，一咬落去芝士和鹹牛肉融入在一齊，而且就算飛碟邊沒有鹹牛肉的地方都十分好食。沙嗲牛肉腸仔出前一丁 $42麵餐正常發揮，勝在價錢唔貴包飲品。凍奶茶唔好睇佢平平無奇，外表和普通茶餐廳的奶茶冇分別，其實大有來頭。因為是用炭火去燒，瓦煲煲出來的奶茶特別濃郁入味。

早前睇到一個報道話呢度有瓦煲奶茶，特登走過來試飲。當時下午茶時間，現場睇見都有好多人喺度食，雖然當時天氣好熱又冇乜冷氣。我就買咗一杯奶茶同埋一個鹹牛肉飛碟外賣。杯奶茶真係好好飲。應該係我喺香港飲過最好味嘅一間。唔知道佢係咪用瓦煲整，但係個味道係真係好滑同埋唔會澀。唔係好多地方有得食飛碟，呢間嘅鹹牛肉飛碟都OK。下次會試吓唔同味道先。希望呢啲小店會可以繼續經營。香港已經越來越少呢啲味道。會再幫襯!!!

公司話可以返office工作，聽日就要完結WFH嘅日子，所以今日跑完步之後去咗平時去開嘅茶記食咗個lunch，好好享受WFH連埋假期完結嘅最後一日講到北記，最出名嘅一定係佢哋嘅<瓦煲奶茶>，茶用瓦煲煲出嚟飲落會更加有茶香，比一般奶茶冇咁澀。我自己鍾意飲茶走，呢度奶同茶嘅比例，加埋煉奶份量，無論係甜度、茶香、入口順滑都好啱我口味，而且奶茶都幾掛杯，係其中一間我最鍾意飲嘅奶茶另外佢嘅豬扒麵都好出名，炸豬扒鬆軟、彈牙，浸咗落啲湯度掛埋啲湯汁一齊食都幾好味；麵就用咗大光麵，反而個湯底我唔係好飲得出係咩哈哈但總係覺得麵同湯同啲豬扒好夾我鍾意加多份蒜香炸雞翼，師傅會即叫即炸，熱辣香脆不特止，仲有好強嘅蒜香味！不過比老虎列咗入違禁品，而家我冇食咁多啦其實我都幾鍾意食街市、茶餐廳、大排檔等等呢啲好local嘅食肆，總覺得比起好多靚靚餐廳，呢啲小店環境冇咁好，但主要嘅心思都放喺食物上，以及用咗好多年嘅時間去鑽研點樣做好食物同維持質素，從食物中感受到努力和用心

我好鍾意飲奶茶，一直都想搵有咩茶餐廳嘅奶茶係好飲，以前會好鍾意金鳳，因為食咗10幾年，而且佢係奶味比較突出嘅奶茶，呢間係茶味比較突出，喺成年前已經試一次，今次特登再試都冇退步，甚至有奶茶關注組都有推介過，為嘅就係一杯瓦煲奶茶。 北記係一間係觀塘牛頭角街市熟食中心既餐廳，熟食中心係上世紀八十年代建成，而北記係1968年就開業，最初係牛頭角下邨8 座樓梯口擺檔，之後先搬入去熟食中心。餐廳由擺檔開始已經係用瓦煲沖茶，由店主跟爸爸幫手個時已經用緊。瓦煲而家係買少見少，因為佢唔耐用，一個瓦煲可能用一兩年就要換，所以好多茶檔都嫌麻煩，用不鏽鋼嘅黎沖。不過瓦煲保溫效果好，傳熱同埋散熱比較慢，所以冇咁易沖茶沖到過火，所以沖出嚟嘅奶茶唔止無苦澀，而且仲有好香濃嘅香味，入口溫潤但唔會搶風頭，老人家飲都唔會覺得好濃。店主話好多老人家日日黎飲，最老嗰個有90歲，所以店主堅持平民價錢但品質不減，對得起日日幫襯嘅街坊。老人家鍾意飲茶走，即係用煉奶而唔係用糖沖嘅奶茶，口感更加順滑，除左嘢飲，呢度嘅豬扒麵都係好多人會食嘅嘢。因為熟食中心係80年代起，所以呢度有大排檔嘅味道，可以見到天花大風扇、粉紅色牆磚階磚，而北記就