匯發中西美食坊 (Closed)

友人相約飯聚，選址位於深水埗的「匯發中西美食坊」。初頭還以為是去吃快餐，原來店子日間係茶餐廳，夜晚、周末同假日可以預訂私房菜。餐廳位於福華街 188 號，離深水埗港鐵站不遠，只是 4 分鐘路程。由於今次一共有六個人，所以友人就預訂左半席，據說半圍菜本來原價要 $2688，不過依家餐廳做緊推廣，所以全包價半席只須 $1988，除開每位都只係三百幾。人齊後，馬上開餐。先以一道匯發金牌乳豬打頭陣，乳豬上桌時還有點暖，皮脆肉厚，而且保住了肉汁，入口不太油膩。接著是秘制豬花膠伴薯蓉，豬手大大件，分量十足，既入味又夠腍身，骨膠原豐富，墊底的薯蓉香而軟滑，不帶青澀味。法國龍蝦肉配龍蝦汁意粉，意粉口感唔錯，煙煙韌韌，索滿龍蝦汁，而龍蝦肉亦很有水準，鮮甜嫩滑，夠曬爽口彈牙。金銀蒜蒸珍珠貝，珍珠貝細細隻，的的骰骰，肉有點少，不過配埋炸蒜同粉絲，味道都唔錯，好惹味。蜜餞炒牛柳粒，牛柳配左紅黃椒，食落腍滑又夠牛味，每一粒都沾滿蜜餞，香甜滋味，令人一口接一口。紅燒海皇翅，海皇翅用料十足，入面夾雜左蝦肉、瑤柱同絲絲散翅，翅針腍滑，味道鮮甜，絕對是誠意之作。有機藜麥炒五蔬，五蔬用上星級 Superfood 食材入饌

行完黃金，同家人約了吃他們早一天訂了嘅私房菜，行過時以為只做西餐，估不到佢有私房菜吃，以每位嚐珍價$268一位(2位起)(冇嚐珍價就要每位$468)家人安排了就排排座等食，個餐先有個異國三式頭盤頭盤，獨立分上唔怕你吃埋其他人的美食，陳醋貓耳朵，名字特色唔使驚，其實係陳醋雲耳，入口爽口開胃，絕對係開飯前嘅醒神小吃；有機藜麥凱撒沙律，當中嘅有機藜麥完全係超健康嘅食物，對身體有益，加埋啲爽口嘅沙律菜入口，真係為十分清新，蜜餞一口牛柳粒，牛柳粒入口軟熟嫩滑，而且重帶少少甜美另入口時牛柳粒更鮮味！而跟住就係個金湯太子蔘羹，以南瓜茸做羹底，裡面重有太子蔘，真係超鮮味，再加上彈牙嘅金菇同野菌，入口就夠晒口感！之後再上卡邦尼龍蝦伴薯蓉，師傅將龍蝦肉取出混埋卡邦尼汁同大蝦一齊煮熟，入口啖啖肉，同十分爽口鮮味！除了吃蝦肉外記得要吃埋個薯茸，因為都幾好入味，而呢個菜就沒有分上，幸好同家人吃，多吃了亦沒有問題！呢個紅酒燴牛肋條，燴得好入味，原來師傅差不多用了整枝紅酒去燴條牛肋條兩個多小時，唔怪之得可以這樣入味軟熟，入口時肉同骨就自動分開，而且充滿肉汁，正！加埋個充滿鑊氣生炒鴛鴦菜，有齊我嘅致愛芥蘭同菜心，爽口

從前去深水埗只係得壹個目的，買電腦用品。但係隨着深水埗 upgrade，我有幾位有錢朋友都搬到去喜字頭四小龍，安居樂業。大家都係無飯主婦，久不久都會相約一齊食個晚飯，吹下水。靚太總係會發掘到周圍附近抵食又好食嘅美食今晚仲要係私房菜添！聽講話要早一日預訂先有得食㗎！室內裝修簡約，價錢物超所值。嚐珍價$268一位，最少 2位起，經理告知正價要 $468 喔首先奉上嘅係異國三式頭盤陳醋貓耳朵，個名聽落真係好有異國風情，哈哈！其實係健康嘅黑木耳，陳醋的酸味果然醒胃提神。蜜餞一口牛柳粒，牛柳粒入口油滑，蜜餞的甜蜜味道，加上薯仔粒嘅口感，令層次更加豐富。有機藜麥凱撒沙律，十分健康的一道菜，尤其是有機藜麥是近年盛行的 super food, 營養價值十分高。主食一開始就係卡邦尼龍蝦伴薯蓉，呢個係大家share嘅，賣相很美觀，卡邦尼汁 creamy 食落都好好味。龍蝦肉口感彈牙爽脆，薯蓉有濃郁嘅牛油香味金湯太子蔘羹，creamy口感而且味道香甜。紅酒燴牛肋條，大廚同我地傾計嘅時候話佢足足用咗一支紅酒去燴，落足料之餘仲落足心機，入口軟腍生炒鴛鴦菜比我估中左係芥蘭+菜心。最後珍菌麥皇單腳炒飯，我已經有九成

朋友同我講深水埗有間新餐廳，有個原籠蒜香蒸原條海班飯賣緊$58，仲要包熱飲，咁啱同朋友去深水埗街市買嘢晚上燒烤，所以順便去食晏試下水準，原來好多食物都好抵。當然點了星廚特別推介：原籠蒜香蒸原條海班飯($58)及原籠蒜香蒸海蝦飯($48)，點了凍檸茶加$2，另加$10點了有機白藜麥鮮南瓜露，另升級優惠：加$10兩隻瑞士鷄翼，另下午茶單點瑞士雞脾$10一隻，原來更有私房菜可預訂。先上枱的是有機白藜麥鮮南瓜露，藜麥有幾健康已經不用多説，配上南瓜是非常夾的味道，是幾好飲的，原來除有鹹的有機白藜麥鮮南瓜露外，還有甜的作糖水，下次可以試試。瑞士鷄翼同鷄脾一齊上，鷄翼同鷄脾夠熱，瑞士汁夠入味，雖然每款只賣$10，但絕不馬虎。最後出場是原籠蒜香蒸原條海班飯及原籠蒜香蒸海蝦飯，有無咁抵呀？賣$58同$48？自己去買條海班同咁多隻海蝦都未得，原來佢哋餐廳有相熟海鮮供應商，所以先可以賣咁平，海班魚肉嫩滑，蒸得剛好，海蝦新鮮肉質彈牙，炒飯底夠乾身，再加上蒜蓉蒸，那有不好吃的理由？凍檸茶，夠凍但茶味可以濃一些，另外有外賣叉燒飯只賣$18，早上11時開始賣，賣完即止，已通知深水埗的街坊朋友，下次要組團試下私房菜。