十三座牛雜 (Closed)

我想試十三座牛雜好耐了, 不過一直都沒機會, 昨晚牛雜癮好大, 所以下定決心前來一試, 因為我極少吃牛雜, 不會叫, 所以索性要了一碗細牛雜, 每種試少少, 下次識得點叫。十三座牛雜, 炆得好腍, 最喜歡牛肚, 草肚又比金錢肚好, 最腍最入味。其他如牛腸就麻麻, 太多肥糕, 個人食唔慣。牛膀都好腍, 不過就覺得太粉。自己本身不喜歡吃牛肺, 有點抗拒, 但十三座做得不錯, 好易入口, 鹵汁味道亦好。不過此種食物都係趁熱吃好一點, 涼了肥油肥糕凝固了, 看見倒胃, 食慾亦會大打折扣。亞姐態度親切友善, 下次再來幫襯牛肚

牛雜點先算好味呢? 洗得乾淨係基本，鹵水汁濃淡是個人口味，咁點計先?13座係北角名牌，與北角雞旦仔同場雙輝映。北角雞旦仔一早走出北角， 依家就到13座。30元一碗小牛雜，腸肚膀肺沙瓜，樣樣正常。這裡的鹵水汁偏淡，正好試味試真一點。最愛的，還是充滿油脂的牛腸，那一份溶在口的感覺，是幸福，還是滿足嗎?

臨上堂前找點小吃醫肚,來到這裏已是第三站.坦白說,$8一串牛雜真的有點貴.只是站上五臟六腑也這麼值錢嗎?就是因為中國廚技了得,才能把這試不太值錢,甚至是外國人眼中的"垃圾"也弄得這麼美味.但始終都是內臟,不是每一樣都能接受,這次只要了較易入口的牛肚.一串牛肚約有6片,很大片但切得很薄.煮得很"淋",不會很黏牙.至於味道,其鹵汁不算太入味,只是加了甜醬和芥辣就較惹味.食物不便宜,一碗小的牛雜也要$30,碗子真的很小哦.

離開銅鑼灣繼續走，來到灣仔 ... 途經再興燒臘、東方小祗園 ... 所謂大肚能容天下事，但畢竟空間有限，都無法光顧了 ... 然而，在大街的轉角處，竟發現一檔小食檔，沒想在這裏也能看見 --- 十三座 ...我對內臟實在是有點兒抗拒，但見它深獲好評，就姑且一試 ... 要了一串，$8 的，老實說，看見這些五臟六腑，倒是有點害怕，但買了，難道丟掉嗎？點些辣油，塗些芥醬，放進口中 ... ... ... ... 啊 ~ 沒有想像中的腥味，還挺好吃呢！店內沒有座位，客人要站著吃，雖然是小食店，但頗整潔，除了牛雜，還有售賣其他港式小吃，魚蛋、燒賣是少不了的，更有趣的是有 "十三座牛雜樽仔奶茶" 出售，外型的式，很精緻 ... 身旁有一對情侶(註：疑似)，男的西裝筆挺，女的攜著 GUCCI，那女的看著碟中的心肝脾肺腎，面有難色，男的卻不斷大力推介：「好食架 ... 食啦！」還是嚐一口，但卻沒有第二口了，我看著她不吃，她卻看著我吃下一整串，露出一副不可置信的樣子，像說：「哪有女孩子會吃這些東西 ...」我也是這麼認為，但我已經開始吃了，而且喜歡吃了 ...

第一次 湾仔不知道你是真是假第二次 北角看到一样精致的钢碟尝到一样美味的牛杂确信一次又一次你是真的 美味————————————果壳苏三饕餮走四方 餐厅名称 香港十三座牛雜 餐厅地址 灣仔茂蘿街1號地下 交通 沿著莊士頓道走，臨街的外賣窗口。 就餐时间 2008 年 10 月 11 日 14 时第几次用餐 第 1 次 可否刷卡，八達通 現金 如何知道该餐厅 在湾仔觅食，偶遇，第三站 用餐目的 想念北京的鹵煮，看到牛雜忍不住要吃 菜名 牛雜 价格 8元 评价 專業牛雜，味道和卤煮有的拼。好吃，牛有四个胃，口感不同，视觉效果也不同。8块钱价格小贵，别的店铺都是6元或者7元。 环境如何 装牛杂的小盘子是精钢的，很有质感；甜酱、辣椒酱、咖喱酱干干净净的排在柜台上。 卫生间如何 没有卫生间 服务如何 服务态度不错，剪牛杂的技术过硬 餐厅特色 好吃的牛杂 用餐后感觉和建议 想卤煮的时候，就来。

2009-01-10食完蛋仔，走到188 附近就是了。又係好多人剪牛雜及收錢的都是後生仔，看上去總不是味兒………$8，用買完蛋仔的碎銀付唔知係咪天氣凍呢，好快就凍晒咁。每一件食落，點解味道都一樣咁o既………唔係好分得出食o左咩……即係我分唔到咩膀肚肺腸，質感係唔同，但味道一樣又有乜為？係我凍到味覺失調嗎？定o的汁蓋過晒一切？諗番兩三年前o係深水土步$5 一串就正好多點解兩個慕名都是ok 收場

早2日路經灣仔,記起食評一致讚好既十三座牛雜 ($8) ~ 整串牛雜(走牛膀, 因為口感太粉, 唔太鐘意, 呵呵!!!)味道雖然都唔錯, 不過只係限於入口o個一刻!!過一,兩秒陣味就唔多覺啦.. 牛腸好乾淨, 牛肺夠爽, 牛肚夠淋..滷水汁不夠濃,味道偏淡..不知是否新店因素..希望將來有所改善la~遲下去埋北角總店試下,睇下會唔會令我改觀??

行經此地篤了串牛雜 (走腸) – 一共六塊 – 牛膀﹐ 牛肚﹐ 牛沙瓜﹐ 牛肚﹐ 牛沙瓜﹐ 牛肺。 徐左牛膀有些少異味之外﹐ 牛肚同牛沙瓜好好味同好煙靱, 牛肺入味(但食到一粒細細硬硬不知係沙粒﹐石頭定係香料﹐因吐了出來搵唔番)。總括鹵得入味﹐配埋放喺臺上唔同既醬汁(由其係芥辣)味道更好。因有兜仔既關係﹐食起來方便好多﹐店內既衛生情況亦算不錯﹐起碼成地唔會都係滴落來既汁料﹐

香港人的拼勁,真是世界聞名,本來在屋村賣牛雜起家的十三座牛雜,發展到今天已經連開分店.賣牛雜賣到街知巷聞.又一個打不死的香港精神.在金鳳外面偷閒過後,步行十多分鐘便來到茂羅街的十三座,北角正店的去過好幾次,分店還是第一次去.過了午飯時間的下午,店內沒有來買牛雜的食客.我們幾個人,總算為靜局的牛雜加上一點點人氣.在正店吃牛雜,每次都是一串串買,今次就不如吃多一點,買$30牛雜,而且指定要牛沙瓜同牛腸.其他的,統統也不要.而牛沙瓜在坊間食店,也不是周時遇到,好多時想吃,也要"撞手神".牛沙瓜是牛之第四個胃,因為外表成個瓜一樣,另外的名稱為沙瓜傘托,外層帶點皺,口感帶點煙齦,而且帶點爽口.比起其他牛胃,來得更加複雜.以十三座的香濃芳香的鹵水襯托,其鹵水將本身帶有複雜個性的牛沙瓜,收復得妥貼.十三座的牛腸也是小弟必吃之物,因為她們的牛腸特意地不去腸內壁的肥膏,每一條牛腸也保持原有的面貌,同樣地,在鹵水鍋內翻騰再翻騰,無論是腸身,腸內的肥膏,盡情吸收十三座幾十年的功力.將牛腸放入口,首先鹵水的芳香令你迷得一陣陣,繼後腸內的肥膏的豐朕,除例牌膽固醇萬歲之外,同時感覺幸福美滿.小時候對牛雜不甚欣賞,

九月廿一‧晴一天內跑了兩場，又倦又餓，但見這間牛雜店，快快進來吃點東西。 牛雜八蚊一串，問可不可以10蚊要兩味，卻又可以，就要10蚊腸肚。 這裡的牛雜很出色，至少不下顏料，不如坊間一些橙色物體般。而且鹵水用料足，吃起上來特別香。在這裡吃牛雜，建議大家什麼醬料也不用下，單吃鹵水已夠美味了。牛肚吃起來很軟腍，而牛腸不純要充塞肥脂的大腸，而要了小腸。中間帶點牛脂，又有牛腸的咬口，兩者兼得，美味。 見有樽仔奶茶，又來一枝。夠凍，而不算很幼滑，不過站著「篤」牛雜喝奶茶，又真的是第一次。14蚊一支，可以一試。 牛雜雖好，但唯一要彈的的是剪牛雜的手法毫不俐落，以往隔條街都聽到賣牛雜的經典「摺摺」聲，現在就認招牌而來。 埋單24蚊，吃得滿足。

上月得知北角十三座牛雜於灣仔開設分店，開心的是分店位置較原店方便，有利搵食，另一方面卻帶點擔心分店未能保持牛雜的高水準，印象中大部份擴充了的食店或多或少都失去一些原有風味，多了一股商業味，例子比比皆是，怎也好，星期五下午放了半天假，路經灣仔十三座，當然要整串雜試試!$8 一串雜，說貴不貴，只要味道好沒人會介意的，拿在手裡的雜，看似比原店 size 大一點，立即加芥辣，再細嚐那牛肺、牛腸、牛肚... 說真的，這裡的牛雜不論是衛生上或肉質上都比其他街檔的好，但不知是否新店關係，汁料味道較原店淡，還記得首遇十三座時的震憾，食完雜後味道還留在口腔內久久不能散去，十分回味，灣仔十三座雖未得令我重溫舊夢，但相信假以時日，汁料再滾多兩滾，問題就可迎刃而解 不過論風味，還是北角好一點，一面排隊，一面看著四眼哥哥快狠準的剪雜，有時你會恨佢剪得太薄，那又如何? 這或是食牛雜的情趣呢!

聽說十三座從北角殺出灣仔旺區，昨晚路過，依然見到有一條小人龍在門外，於是又來趁吓熱鬧....味道依然好，鹵汁很入味，牛膀、牛肚、牛肺等等樣樣齊備，牛腸有一層膏在內，更是肥美....買一兜大什竟然要四十八大洋，委實貴了點。還是吃一串好了

平時我都好少吃內臟的，因為驚D人無整乾淨，唔系幾敢吃，見好多吃到好好味個樣，無理由錯失D美吃架，鼓起勇氣排隊，排隊期間探視左D啊姐既食物，睇落都OK，感覺幾整得幾乾淨下，叫左碗細牛什，入面包括曬各種牛既內臟，自己調左D汁，吃落真系好滋味，樣樣野都好入味，肚果D仲好爽口，仲保持D鮮味，真系差D走寶啊。

大大話話師傅黎左呢間食店都好多次, 偏偏好友食家"乜都放入窿"就從來未食過, 但佢就聽師傅讚左好多次, 既然係咁師傅就一完佢心願啦! 趁住好友食家"乜都放入窿"喺銅鑼灣放蛇, 師傅決定買盒牛雜過去, 等佢好好味嘗下! 行到埋去就揀左一盒細牛雜, 由於師傅知定, 所以決定要多d牛膀同牛肺, 新鮮熱辣由灣仔攞去銅鑼灣, 攞到落去都仲好新鮮!搵埋好友食家"乜都放入窿"就齊齊開餐, 先牛膀, 牛膀真係好腍好入味, 真係唔識得形容, 總言之好鬼正; 牛腸又夠腍, 加上唔算好肥, 口感一流; 牛肺又係大大舊, 夠腍夠入味, 好正呀; 牛肚算腍, 不過成份牛雜裡最冇咩特別算係呢個; 再配埋辣椒醬同芥辣, 真係非常惹味!總括黎講牛雜質素絕對出色, 三十蚊細兜, 而份量一定多過五串, 絕對抵食! 師傅睇見好友食家"乜都放入窿"食得津津有味, 就已經開心到痺啦, 淨係咁樣已經值回票價; 師傅好希望仲有機會再黎, 不過機會渺茫, 皆因師傅將會暫別呢區, 但笑臉絕對走唔甩, 唔知好友食家"乜都放入窿"認同冇?

成日經過呢間"十三座牛雜", 都好想食, 不過冇時間, 所以就趁星期六放半晝, 特登黎試下, 黎到有幾個人排緊隊, 因為前面既人都係買碗裝牛雜, 所以等左好耐.....牛雜有分$8/串 , $30細碗裝, $48大碗裝, 我一個人就叫左一串牛雜走肥腸, 因為有碟仔, 所以很方便進食~ 我仲加左芥辣同辣醬, $8/串黎講份量都好足! 食落去味道真係好香~ 整得好"林", 勁有牛味, 完全唔難趙~正~~食完後, 令我回味無窮, 以後會常來哦! 呵!!