十三座牛雜 (Closed)

我相信大家都有在街邊吃一大碗牛什的經歷，小妹個人認為在街邊吃一串牛什、魚蛋等街頭美食，是別有一番風味；雖然我不得不承認，炎熱夏日的時候，我們站於烈日當空的街上，享用熱騰騰的小食，汗流浹背，確是很辛苦，但美食當前，我也卻之不恭。在灣仔區，十三座牛雜乃出名的小食店，愛吃牛什的我，當然要試一試。一走進店內，熱氣四射，因為沒有可愛的冷氣，但心想一定比在街邊享用還要好。店內沒有座位，只有一小張長型桌，桌上放了芥末、甜醬、辣醬。看看價錢，一串牛什是$8，淨選某牛內臓，價錢一樣；愛吃牛膀的我，二話不說便選了吃一串淨牛膀，都不過是$8；店員姐姐還不錯，問我是否堂食，原來堂食是會用銀色碟裝上。牛膀：味濃，牛膀本身甘香，腍滑，完全是一流，一串有六塊牛膀，都好實惠。我留意身邊不少客人，都會選一碗牛什來吃，其實都不算好貴，只是$30。不過小妹只是路經此地等人，才不敢吃太多，加上我留意到那些牛腸都幾肥，肥膏都幾多，不太想吃，再者我不是所有牛什部份都愛吃，還是選擇專心吃牛膀算了。這兒不少客人都會選擇配以辣醬或芥末來吃，我試過吃芥末來吃，味道不差，不過個人認為如此香濃甘香的牛膀，還是吃它的原汁原味好一點。若果覺得天

讀書的時候，很喜歡在街邊買牛什食，因為又平又好食。現在全都上了舖，份量少了，價錢貴了，色素多了，味精重了，少吃為妙了。十三座牛什，大獲好評必有過人之處。剛巧遇上一試無防。第一沒加色素第二味精不多第三料香味濃合以上三點，足證名付其實。價高量少亦無可厚非，而他提供一隻不銹鋼碟，盛著來吃，相當貼心，直得一讚。

外勤完見肚餓，又到午飯時間，買了一碗牛雜($30)，甚麼部位也吃。大腸滑溜富脂肪、其他說不清的部位也美味，還有幾塊蘿蔔，稍嫌三十元貴了一點。

由初初北角店的牛雜, 食到灣仔~ 方便得多.起初, 覺得北角站好吃, 可能因為地理位置吧, 點在路邊食的感覺, 好像小時候公屋小販檔, 食出童年回憶.不過, 北角的好像較入味.這幾次食的灣仔站, 並非雜雜都好吃, 腸, 肥到不得了, 見到都唔想食, 跟本唔應該俾人啦, $8/串得五小塊, 條腸已經佔了2塊了. 所以我現在只吃牛肚, 金錢肚最林最入味, 加上芥辣一流!!夏天吃真的挺辛苦, 問口的燈, 日光日白都開得大大的, 熱死了.

從銅鑼灣慢步到灣仔去。途中見到出名的13座牛雜,決定吃吃看。只得一個人,所以只叫了一串來試,題外話:想起牛雜,馬上想起那時政府廣告的那個牛雜佬,姐姐在盤上每樣拿出來挑,之後就剪再用竹籤串起來。感覺沒小時候見到牛雜佬的利落手勢,以及叮叮噹噹的剪刀聲音。沒有芥辣反而用了辣椒油,good good!一串什麼都有的,膀我平常是不吃的,但這個吃起來還好,沒有什麼怪味道!腸也不太肥,很好!金錢肚好吃!其他弄不清楚什麼地方的,有的有咬勁,有的很腍,但都充滿鹵水的味道!再經過的話,應該會吃吧!

放工後, 行去灣仔圖書館, 途中見舖位細細, 有男有女幫襯, 於是走去看看, 見有D 口癢, 選了三種食物 牛肚 OK, 但無特別, 無驚喜, 淡味 牛腸 好肥, 唔會再吃 鴨腎 普通, 不入味, 覺得旺角肥X 小食, 好味D奇怪為何有那麼多人幫襯呢, 可能好似我一樣, 喜歡試新食店吧!

去188時經過要了一串,一串有6舊,6舊都唔同野,有幾種食左都唔知係咩黎,不過膀牛同金錢肚幾好食,下次應該只要e兩樣,可以話冇咩係最好,只有最啱自己,先係好食~

好久冇食牛什了.今日行灣仔, 又行經13座, 大豬女友嚷著要食噃串...阿姐有d 生手地切同吉d什.小問題.但串腸真係肥左d, 見到都冇胃口...好采都換了塊冇咁肥膩的.唔知點解, 唔太入味.8蚊串, 其實唔平, 但水準下跌了.

以前, 幾乎每次經過, 都唔會有意入去食. 因為要等.....今日, 唔需要等既情況下, 買左一串$8牛雜 (其實只得腸 + 肚, 因為其他唔係我杯茶)果然, 好味到呢....... 搞到我好想食多幾串!!

之前耐唔耐會幫襯下，因為真係唔錯，肺夠爽，牛膀口感不太粉啱啱好，喜歡食大腸亦不錯，但汁味道能濃多點更好，品質中上之餘亦夠大碗。但最近一次去買碗大的，居然有高過半碗係蘿蔔，牛雜卻係得返最初幫襯的細碗份量，之前一碗大的夠兩人享用的牛雜，現在只係一人份量，比多十幾蚊買半碗蘿蔔係好貴囉。

$8一串,有5-6款,牛肚,牛肺,牛腸等每樣一款。羶味不大,夠晒腍,亦都入味。陸續都有客人...唔想食牛雜,可只叫牛肚亦得,夠晒flexible。另外有細碗($30)同大碗($45)供應,不過我睇過佢d碗...細碗都應該得三四串...唔係好抵。

每一次經過灣仔, 總會想行到 茂蘿街 食13 座牛雜自問對牛雜要求同認知唔太高, 但因為我honey 極喜愛食, 就愛屋及烏啦食過好多間牛雜店, 每每會張牛雜煮得太林, 而呢度的牛雜就整得剛剛好, 唔好咬唔到之餘, 又好入味. 其實小妹有試過佢鋪頭其他食物, 但都係一般般, 老味唔夠味, 燒賣亦係粉多過肉.賣牛雜的都係食返牛雜穩陣d

剛去完隔離的"豪華"飲完奶茶和食完加央多後，轉戰同是入選左openrice熱店的店舖！入到去當然係買返串牛雜食啦！拿住串熱騰騰的牛雜,原本想問店員有沒有醬料(因為看不到)但又心想「既然入得圍，d牛雜一定有d特別之處,咁不如今次試下唔加任何醬料啦！」"本人以前一定勁加甜醬"當一食之下,唔知係唔係唔適應呢？都係覺得冇咩特別！maybe真係冇加醬料的關係吧!我又唔可以講唔好味,but總覺食唔出香口的牛味！總結：一試無妨

一向都好鍾意食十三座牛雜, 早排係OP發現灣仔都有一間, 滿心歡喜, 點知就出事.....唔知係咪太早 (大約上午11點), d牛雜好似未煮得夠, 個味好淡, 冇滷水香, 唔多入味, 望個樣係冇咩分別的, 但個味咁淡, 令人好失望.... 不過比起其他食牛雜ge 地方, 呢度係唔錯, 但要食好食ge, 都係去返北角食好D~

去親灣仔必定會一會十三座牛雜，同男友大人要咗份大外賣返屋企做宵夜，再要咗兩串即場解決，呢度啲牛雜冇喺街邊食嗰啲唔識形容嘅"口翕"味，應該係洗得比較乾淨嘅原因啩。牛香濃郁，醬汁香濃真係絕配。即場食多過一串仲會有專人攞埋去枱仔俾你享用，都幾周到。