十八座狗仔粉

Open Now

Now Closed

舖頭坐到最入都係dd涼風都無熱到出曬汗🤒間舖又細逼埋一堆食見佢上榜米芝蓮，期待左好多年一上，見到用發泡膠碗裝住個熱辣辣嘅粉已經深感不妙一食落佢去，驚嚇不已🤢個粉煮到過曬龍，超級軟，勁削💀似無睇火煮左半個鐘軟曬嘅麵🫠一dddddd味道都無😑傻更更加左個$5豬油渣完全一d幫助都無一半都食唔落口寧願成碗放棄唔食比較對得住自己😠同小朋友唔識睇火煮嘅麵差不多水準至少自己煮會有味先完全失望至極🤯🤮10分滿分 我比-10分坐窗位仲可以望住出面d蟑螂食飯添🫡

一入到去個姐姐就係咁用用命令嘅語氣人坐低。好心同佢講用廣東話同我哋講嘢就得，佢就串返你話你聽得明咪得囉！真係火都嚟！聽唔聽得明係其次，佢嘅態度先係最大問題！同埋地方細到你想擺少少野都無位，然後個姐姐就會串你話我哋地方係細嫁啦！本身細間舖，仲要坐住3,4個服務態度惡劣嘅姐姐，果種壓迫感呢，多謝無下次！

一入到去坐低落元單，個阿姐送食物過嚟一夜劈喺個枱面度，好聲好氣想問佢，好似唔想理你咁就走咗，之後再叫佢，佢就好唔願意咁行過嚟，問佢呢兩碗粉係咩嚟㗎，佢就好串咁同你講自己睇單，同佢講如果我睇到嘅話就唔使問你啦，佢就即刻大聲夾惡撳喺度嘈。聽到佢喺度而而哦哦即時火都嚟。好耐都冇試過啲餐廳職員係咁惡又串，買完單一行出個門口，成班阿姐喺度繼續鬧我哋，成間鋪啲阿姐都好有問題，點解啲服務態度可以咁差嘅呢？以後都唔會再去

出咗嚟尖沙咀諗住搵啲嘢食吓記得附近有間十八座狗仔粉上網見到啲食評一致都話員工態度差個心都有少少驚唔知係咪店舖老闆都睇咗啲負面食評入到舖頭坐低見係用QR code落單即刻大大減低要同員工互動嘅機會 😂狗仔粉嘅靈魂除咗豬油渣之外就係菜譜呢度嘅菜譜有分辣同唔辣辣嘅菜譜真係辣得好犀利建議唔係好食得辣嘅千其唔好落咁多以免搞到成碗辣得滯食唔到因為我一早已經打算食完之後去搵啲甜品食吓所以只叫咗一碗狗仔粉狗仔粉仍然都係同以往一樣咁好味味道係偏鹹嘅如果食唔慣重味嘅可能要叫定飲品見到舖頭係有每人$20嘅最低消費好彩遇唔到態度惡劣嘅員工食完之後就用八達通比錢準備到下一站食甜品 😋

多客人唔緊要，一入座話唔做堂食，走既時候就話都可以堂食要等好耐，都唔緊要，等左一陣都無落單紙咪問下店員有無落單紙，態度極唔耐煩話：你要乜野～！！，問佢拎落單紙，你同我講食咩，我話唔洗啦，嬲到痴線咁走左，唔介意等得耐，但唔應該咁既態度對客人，永遠唔會再幫襯，多謝😤

無禮員工送錯食物鬧顧客好聲好氣問可唔可以換竟然大鬧顧客點都唔會再幫襯呢間分店紅磡火車站個邊個間好好服務唔想做不如執咗呢間分站不知所謂一係就炒左個四眼丫嬸員工垃圾

唔知大家有冇聽過十八座狗仔粉？佢的確係一間好勁嘅舖，老闆將街頭小食變做一樣好出名嘅食物😆😆如果未試過嘅，好推介大家試吓😍🤣🤣!!呢度嘅野食味道比較濃，比較適合啲鍾意重口味嘅朋友🤣🤣但係佢嘅香港地道情懷的確完勝。佢嘅菜譜一流，夠辣夠香🥵🥵🤫另外，我都好鍾意食佢個炸燒賣。如果嗰日唔想食炸野，就會食普通燒賣😆😆不過建議如果唔食辣嘅朋友一定要走辣🥺!!呢間舖頭確實係將平平無奇嘅小食發揮得淋漓盡致🥰

還記得你離港前要去食多次今日我再到此回味那一嗰感覺非繁忙時間，人流不多剛好撞正員工預備午餐，炒茶煮飯，忙不停。回味那次朋友未能吃的超多芫荽的狗仔粉喜愛芫荽的青香感覺令食物多了一層特色與有咬口的狗仔粉十分夾加了辣燒賣多蔥叫人食唔停下次要食脾，那次朋友也有食脾。

琴晚係尖沙咀睇完波 覺得有d肚餓 好多鋪頭都收哂檔 於是上OpenRice睇下附近仲有咩食，見到十八座狗仔粉仲未閂門，就去左睇下有咩食，揀嚟揀去都好似冇乜特別想食，於是就叫左個招牌狗仔粉，叫左大辣，返到屋企碗野仲係熱辣辣，都幾正，不過可能我唔係好食得辣，覺得大辣好辣，要飲好多凍水先攪得店，不過整體而言，食物質素尚算可以，特別係個辣菜甫，好好食😋😋😋，美中不足的是個度d服務員態度麻麻，不過無所謂啦，買番屋企食，唔洗對住佢地，都冇乜特別野既

狗仔粉係我幾鐘意食既野有時冇乜idea嘅時候，都會考慮一下食今次去尖沙咀，夜晚都突然想食一下而家舖頭裝修咗✅以前都要熱住咁食狗仔粉依家就變咗有室內 不過舖頭都略嫌通風不足而家就改咗用QR code 落單都係一樣，會有免費菜脯比大家自由落辣同唔辣都有今次就叫咗兩碗狗仔粉 感覺上狗仔粉食物質素好似下降咗但唔知會唔會係因為地區性有影響感覺早幾個月前喺旺角食都冇呢個問題另外員工態度好差，除咗野食比錯晒之外明明冇落單燒賣魚蛋，都照擺落我地枱之後員工又唔比我地坐第2張枱，話佢地包外賣時候要坐既位黎？？另外我地要求多一張凳想擺背囊當時舖頭連埋我哋都係得4個客其中一位員工就黑晒面拎張凳之後好響咁張張凳擺落地 當時舖頭其他客人都望咗過黎，😅

食碗仔翅無醋😰身為港式食品嘅代表，食碗仔翅竟然無醋，失去了靈😩好驚訝失望🥺🥺🥺⋯⋯姐姐話: 我地嘅翅係完汁完味，所以唔跟醋。😩但係佢嗰碗翅又多料又杰撻撻，都有少少膩，醋就係用嚟中和返㗎嘛⋯⋯

首先講佢哋嘅食物 我叫咗個細集燴 $32外賣 我走咗蘿蔔咁裏面應該有豬腸、豬肚同豬皮裏面淨係見到一塊豬腸 兩塊豬肚 同埋全部嘅豬皮豬皮最平呀麻 都唔使咁樣完全覺得唔值呢個價錢 叫咗冇辦法啦但係我下次唔會再去食囉😂😂再嚟講吓佢哋店員嘅服務態度當日有兩個男仔一個女人其中一個男仔都幾好嘅 另一個做廚房嘅串串貢 想埋單先又唔得 食到周身唔自在 最後等唔切外賣走出邊啊姐做嘢手腳勁慢 仲要做左安心出行先可以坐低 如果唔係唔俾行入去冇咩事都唔會再去😂😂

為何深宵總是餓？夜晚10點幾打完機有啲餓，又唔想食公仔麵於是開Apps叫外賣。招牌鴨肉翅加魚肉，$49 碗係有啲貴，但材料好足，翅好杰身，鴨肉好多，每啖都好有鴨香味，不過冬菇絲略嫌少咗啲，如果冬菇多些，加埋冬菇香味，一定更完美。不過個魚肉就唔多好食，唔彈牙，一咬散開，感覺粉太多，下次只叫鴨肉翅會更好。黑白炸丸係貢丸同墨魚丸，亦可選全貢丸或全墨魚丸，我個人唔太鍾意食貢丸，所以我改做全墨丸。不過一打開見得4粒真係有啲失望，墨魚丸其實炸得好香口，又彈牙。送餐速度好快，收到時墨魚丸仲熱辣辣👍🏻不過 $29 得4粒真係有啲貴咗啲😣如果有5至6粒，平均$5-6 粒雖然都唔算平，但價錢合理啲，成件事會開心好多，咁就更perfect😬

唔俾人哋打電話去叫外賣，一定要人哋去俾錢先落order，算，我比完錢喺度等，一係你D客以為我排緊隊，一係就阻住D人過比人撞，條行人路有幾寛你地自己落去等下呀！我企上門口留左空位比人行入黎，然之後你話我阻住個門口，叫我企落條街度等，然後我話不如我入邊等啦咁，跟住我就喺度嘟安心出行，跟住個員工竟然企喺度唔收錢望住我嘟安心出行🤷🏼‍♀️條隊好多人排緊喎，個安心機就係你一個身位後面會聽唔到嘟個下定點？未嘟D野食就煮好左直接比我，爭我支飲品，你話我擋住左叫我借借，我唔提你都唔記得左支野飲啦，唔阻你地做生意，唔再幫襯並非一次半次，仲有D阿姐講野好刻薄，得一個係好少少

午餐叫左一碗狗仔粉加莞茜，size係小食既份量，入面當然無肉得粉同菜甫個d配菜，味道我覺得同出面d油渣麵差不多。佢個勁辣菜甫原來係coat左勁多辣椒粉既菜甫，有d嗆喉，係辣椒仔個隻辣而唔係用汁煮入味個隻香辣，有d out of my expectation。堂食又無筷子提供，得兩條竹籤，食到好狼狽。再加埋個炸燒賣，原本想辣汁另上但姐姐話唔可以另上⋯咁唯有走辣汁加千味醬。千味醬我食到係甜醬撈麻醬個類野⋯d燒賣炸到好乾，枱面又無放豉油辣油比人落，成件事好乾爭爭唔好食。我覺得只係小食店食物，一個人埋單都要60幾，又不是特別好食，唔值