十八座狗仔粉

Open Now

Now Closed

經過尖沙咀見到有十八座九仔粉分店，唔使諗一於行入去開餐😆😆十八座九仔粉好味唔在講，佢哋嘅鴨絲翅同樣好味到極，鴨絲多、鴨味超濃郁，完全係足料足味🥰叫曬兩款同朋友一人一半咁就可以一次過歎晒兩樣美味✌🏻✌🏻✌🏻👍🏻喺呢度食九仔粉就一定唔可以唔加辣菜甫🤤🤤

請問有邊間小食店 ？賣燒賣魚蛋要再比外賣錢 仲要係一隻紙杯 究竟係我見識少 定係你地特別啲從來未食過燒賣魚蛋要收一蚊外賣錢可能一蚊並唔係咩數目 我本身亦唔孤寒計交但係呢一蚊應該令到好多客人條氣唔多順 我就決定以後唔會再食 因為我頂住咗條氣 大家唔介意一蚊買隻紙杯 歡迎過去 如果要一碗翅或者狗仔粉 收一蚊合情合理 老闆是否應該聽下客人意見

食完hotel icon個baileys x Haagen Dazs嘅tea set食到個人唔係好舒服 所以想食d熱嘅嘢經過18座狗仔粉，呢間舖頭個名聽就聽得多，但係食就真係第一次。好多人都話佢個狗仔粉加菜甫好食 仲話有人想偷菜甫添😂😂所以經過就黎試吓係咪真係咁掂😂初嚐狗仔粉- 姐姐送到碗粉過嚟嘅時候，見到d油多到嚇親我同個frd😖😖😖油過油渣麵😖而個粉就腍到冇牙都食到😂入面好似有豬油渣嘅粒粒，咬落去一陣油’益’味😖😖加左菜甫可以話多左口感，但菜甫嘅味，我都炒到啦😂😂😂😂😂有冇人可以話比我知好食嘅點係邊？😂而個辣魚蛋係陳皮魚蛋，但唔算彈牙但個辣汁正，辣得黎帶甜係我嘅菜🤤我會為咗個辣汁而再食魚蛋或者燒賣

▪️狗仔粉 $30傳統港式街頭小吃，其實就係豬油渣麵，係肥師奶大學時期最鍾意食嘅宵夜之一😋好耐冇食，經過見到，食落好牙，唔會太粉！最正既係個樽辣菜甫，任添唔嬲！肥師奶好似落左2/3次😆越食越過癮.▫️秘製千味細雜燴 $28啲蘿蔔好軟熟，仲超入味！

狗仔粉是香港街頭小吃，以粘米搓成麵條形狀與狗的尾巴相似（有點像切斷烏龍麵）雖然狗仔粉得到米芝蓮指收錄為推介食品。但在香港一直被認為是一種低下階層的食品，難登大雅之堂。十八座狗仔粉香港人無人不曉，現在大部分還是外來遊客居多。在尖沙咀金馬倫道等人，朋友大塞車要等多半小時，正前方係18座狗仔粉店（地鐵尖沙咀B1 出口， 步行約3分鐘即可到達），順道食一碗狗仔粉，店非常之細一眼望晒，完全沒有裝修比較殘簡陋，當時比較多人，服務員態度有啲惡不准我們逗留太長時間。狗仔粉的特色就是以豬骨湯煲6小時一，材料有蝦米、冬菇和店家自炸豬油渣。麵黏稠濃郁口感較粉一點，充滿著香濃鮮甜味。桌上有二瓶菜脯，分是是原味和辣味，我一向會加辣，今次嘗試食原味，比較鹹了一點點，還是辣好食啲，真的很辣千萬不要加太多呵！

#小秘書 每次路過 #十八座狗仔粉，都有股衝動去試吓係乜東東🤪 不過一來時間唔配合，二來又見地方比較屈質👉🏻👈🏻 所以一直未有機會嘗試👀呢日放咗學，見有啲肚餓，乘機買碗返屋企做 #宵夜😉 不過夜麻麻食咁多嘢都系唔係咁健康，所以裝起大半碗比媽咪同我分享😉 我諗成碗 #九仔粉 最吸引我嘅都係啲 #蝦米粒 同 #辣菜脯，令到啖湯零捨香口😋 不過美中不足嘅係可能時間太耐，搞到碗粉唔凍唔熱，食起嚟就自然冇咁好味囉😌 以呢碗粉嘅配料賣$31似乎貴咗啲，而且鋪面有冇好地方坐... 所以都係試過一次就算lu 😌

因為交通問題冇車搭返工，同老闆講交通問題要遲返工，點知一同佢講就過嚟車我，幾好做菠蘿雞黐車坐，同老闆同車遲到一定唔會畀人鬧，仲可以通風報信比其他同事知道老闆行程，雖然係電單車坐得辛苦，但點都好過喺地鐵站企兩個鐘，未到紅磡隧道有好多改道，等咗個半鐘坐到pat pat痛，老闆決定返轉頭行西隧，到咗金馬倫道見到有狗仔粉食，決定食埋先返公司，我哋每人食咗兩碗火鴨翅，之後我先至發現自己蠢左，有得兩溝點解唔叫兩溝

唔知做乜事要改道，連我架烈火戰車都過唔到，雖然都係坐喺架車，坐左成個半鐘見攰，坐我車尾嗰個人先最慘，冇理由白白無了期喺度等，決定撤退行返轉頭，改行西隧，見到有間十八座狗仔粉喺金馬倫道近厚福街，好耐冇食過，乘客都話想食，就順勢將架車泊入利時後面，原本趕時間先揸車，而家都過晒鐘，可以食埋先至走慢活一下，要叫當然食火鴨翅，食夠兩碗先走，唔夠咪食多碗魚撈翅，個人喜好好杰好杰，超多木耳亮點超辣菜甫同唔辣兩溝

👭十八座狗仔粉 (尖沙咀)👭馳名狗仔粉 $30鍾意食蔥既38當然要叫碗「多蔥」既狗仔粉啦🤣狗仔粉整體分量唔算多，由於麵條係用粘米製成，食落口感似粗身偏軟既烏冬，非常掛湯😬。而且湯底比較濃稠，所以食到最後一條狗仔粉個陣都仲係熱辣辣😍味道方面好濃郁，每一啖都飲到高湯既鹹香味。重點係要加埋秘密武器：「辣菜脯」令一碗普通狗仔粉味道變得更有特色🤩當日38果斷地落左4-5匙辣菜脯，愈食愈過癮🙈推薦度：8.5/10🏠尖沙咀金馬倫道29號地下B舖

服務態度差，說話對答晦氣，選擇食物方面無彈性，叫四寶唔要兩寶都唔可以，我叫外賣，叫佢落少少辣菜脯，阿姐就成匙羹滿晒放落去，仲鬧我唔一次過講晒。未見過成間舖嘅服務員都差劣無比。無嘢食都唔好幫襯呢間。

「十八座狗仔粉」久仰大名，從來無食過狗仔粉，很好奇佢係咩味道，今日終於揭開佢既神秘面紗！點單紙有「多蔥/走蔥」兩個選項，好貼心~馳名狗仔粉 $30食落似港式烏冬既口感，不過佢短身啲，可以用匙勺黎食。菜甫脆脆既口感好正，提起曬成碗狗仔粉既味！食得辣既話記得加埋辣菜甫，味道一流。香辣魚蛋 $12原來係陳皮魚蛋黎，實實既口感同濃烈陳皮味個人不太喜歡，不過蒜味辣椒油好正。魚蓉燒賣 $12燒賣「麵粉」口感太重，同樣都係麻麻地。翅滾火鴨髀 $30燒鴨髀煮過後肉質依然嫩滑，同埋層皮真係好香口，最方便係槌位已經包左張紙，可以成隻髀拎起大啖大啖咬，好爽~

十八座狗仔粉相信唔少香港人都食過，之前係荃灣都食過一次，今日係尖沙咀經過，有少少肚餓，就入左去食。尖沙咀呢間環境比較細，得幾張枱仔，容納20個人左右。可能位於尖沙咀，所以幫襯既遊客比較多。我快快手坐低叫左個招牌狗仔粉，加左辣菜輔，味道都幾惹味。不過抵唔抵食就見仁見智啦，30蚊細細碗，幾啖就搞掂。

落雨天到訪，無位擺遮，問阿姐拎個膠袋，想收起把遮，得到既答覆係：「嘩！你唔好問我攞膠！我要收錢架！」我心諗：唔通夾住把滴水既遮食咩？原來膠袋$1個，但最嬲既係，阿姐俾個最細個只夠裝外賣燒賣既袋我！果下火都黎，平時外賣碗+袋都係收$1，淨膠袋收$1仲要俾個最細，問佢換個大既仲要態度勁惡劣！店內座位極不舒適，亦會隨時因應當時既情況被調位，而我今次食20分鐘嘢，目擊另一食客被調枱三次，調到人地火都黎。講返衛生情況同食物，大家可以參考下相，枱面大部分時間都係唔太乾淨，有漬而且油淋淋。呢間既狗仔粉垃圾到暈，以前有豬油渣，而家豬油渣要加錢，而且D粉既長短度令碗嘢非常難食，再加上佢地俾既果隻又薄又淺又𠝹咀既cheap膠匙，食到非常拿手唔成勢。另外，佢出名既火鴨翅，其實都係非常之極不eater-friendly，D木耳絲鬼咁長，用佢地果隻又薄又淺又𠝹咀既膠匙食，難度係十級。呢間嘢最討厭既地方係，食完一陣離開既時候，會有一陣跟足你一日既油煙味做紀念品。唔知係咪生意麻麻，似乎佢地不停喺大陸宣傳，所以引咗一大班自由行一齊迫，食相差之餘，令人擔心共用果D菜莆既衛生情況。以後都係喺附近再發掘下有冇地道小食既新地

來到的時候看到門口有人在排隊，我只是1個人所以就嘗試問問看有沒有座位，運氣很好，不用等，馬上就可以進去。點了火鴨翅和燒賣。喜歡吃辣的一定要加桌子上的菜脯，有辣有不辣的，我加了辣的在火鴨翅裡，真的很辣，但吃的很過癮，還加了好幾次。另外，火鴨翅很足料，每一口都很滿足。燒賣我覺得也點蒸得太軟。

今日阿女友帶左我黎呢間已經有好幾間分店嘅十八座，女人係難捉摸嘅，果日先講緊一定要去高質嘅壽司店🍣，話果d 「元x」「X両」唔得，今日又可以去食街邊野，真係佢鐘意就得喇。首先我係唔食街邊野，呢度出名嘅狗仔粉都係第一次食，又幾好味喎⋯⋯仲可以加菜普，有辣有唔辣。仲叫左個燒賣同細雜一碗... 由於本人係唔食內臟，所以比唔到評語，但👀見女友成碗食清就知味道應該無問題嘅，唔講唔知，原來已經連續幾年攞左米之蓮🤭