千色車仔麵

Open Now

Now Closed

呢間嘢喺係荃灣算係好有名嘅車仔麵，1979年開業至今成30幾40年，能夠屹立不倒，唔知係唔係自己鋪 ?今年仲喺米芝蓮小食店榜上有名！其實，喺學生年代落荃灣已經有幫襯，直至出嚟做嘢就少去咗。今晚又返嚟幫襯。湯底好清，加入滷水汁或咖喱汁就會變得好夠味，雖然應該都係味精湯（除非唔係），但調配出嚟嘅味道係會令你好想成碗飲晒佢！佢哋選用嘅麵餅，無論幼麵定粗麵嘅質素都好好，煮出來幼麵夠爽、粗麵夠滑，雖然未知於係全蛋麵，但食落都算有小小蛋香。至於餸方面，選擇唔算太多，而且質素亦唔算突出，個人覺得只有個別嘅餸比較好味，例如：滷水豬腸、炇牛腩、咖喱魚蛋等。而需要彈下嘅係豬紅比較鬆散，豆卜比較鞋口，水魷魚比較實，魚片頭冇彈牙嘅質感。但係，值得一讚嘅係辣椒油，唔算太難但好香口。價錢方面絕對唔平，麵底＄8，每樣餸＄8至＄10不等，但係啲阿姐好手緊，份量唔多，所以叫一碗麵閑閑地四五十蚊，但食完都覺得仲未飽，除非你飲埋成個湯，但之後一定勁口渴囉！總括嚟講，論味道我真係唔覺得可以入到米芝蓮囉。。。但係論集體回憶，的確回味無窮！

第一次黎食 收錯錢另外同佢講 要某一款餸 佢比錯第二款仲指責番 你講野有問題當更正番我要咩餸 仲一句《你而家講野又咁清楚》野食又小 價錢又貴仲要收錯錢態度惡劣點解會係米芝蓮？我好懷疑囉

以前經過很多次都沒有機會試，今次是第一次食千色車仔麵，份量算多，蘿白都至少有5-7塊，叫左3個餸$34-37不等，價錢合理。辣汁味道很好，清湯也算清甜，會再光臨

份量少價錢貴，叫左1個米粉加5個餸埋單$54。份量少到食完好似無食過錦。我估一般男士起碼要$100先叫食得飽。車仔面都可以貴到錦唔怪得晚飯時間得2-3個人食。試過一次永不錄用。

行過千色車仔麵好多次，從未光顧，始終附近多食肆，就算想食車仔麵，亦有其他舖頭可選擇。知道她成為米芝蓮推介小食店，就同飯腳上門試試，點了一碗韭菜魚片頭豬皮米，及一碗魚蛋豬腸魷魚油麵，合共 60 多元，高消費喔。六個餸，最好是豬腸，夠入味，全無肥膏，洗得好乾淨；最難忘是豬皮，切成正方型小方塊狀，非常迷你。麵條及餸的份量都偏少，三扒兩撥幹掉一碗後仍感空虛。食物的味道未覺特別標青，如其湯底般清清淡淡，非常平凡。一邊食，一邊猜度她獲得推介的原因，就是猜不出。

住左荃灣咁耐，都無幫襯過依間車仔麵，見佢剛入選為米芝蓮好好奇..所以同另一半又不防試下囉，講真..口味既野真係好個人 就好似同區另一間..入選既車仔麵反而有食過，係咪真係咁好食?個人就覺得一般，所以唔知入選原因/定義如何界定?食店地方唔大，但都算乾淨，我點個魚肉,豬腸,紅腸配油麵湯底味道夠濃，豬腸滷得好味而且無肥膏好乾淨，紅腸味道就一般，質感有d粉腍，魚肉軟綿綿好味油麵軟滑，加辣汁..辣汁唔算好辣，整體都ok另一半點個豬腸,辣魚蛋,豬紅,雞翅尖,白蘿蔔配米粉滷既食物唔錯，蘿蔔夠腍入味，其他無乜太特別感

見到報紙介紹去食下，不太差，不過唔算十分好味，而且比較貴。30幾蚊3 餸一麵，叫左牛腩，蘿白，冬菇，牛腩只有3小粒，蘿白好甜又諗，冬菇細粒但好滑。總體來說，一般的車仔麵，唔太差但唔係話非吃不可。

車仔麵食得多，呢間聽聞已經經營多年，以為一定有咁上下水準，結果好失望。車仔餸我點咗通菜，蘿蔔，豬紅，雞中翼，加一個米粉。通菜，鹹。豬紅，怪味，鹹。雞中翼，十分鹹。蘿蔔林，比較好食。湯底冇乜味。完全唔值得回頭再食，我覺得咁食好傷腎，鹹到我要一盒檸茶送麵先可以食完。為健康著想，少食!

如今問大家喜歡吃車仔麵或是米線時，相信十居其九都會說是米線，當然還要是麻辣個隻。但，我從頭到尾，都是車仔麵的粉絲。是日又去吃。揀三款餸，豬皮、蘿蔔以及魚皮餃，油麵底。豬皮爽口、吸味，蘿蔔腍身，尚且清甜，魚皮餃亦大致合格。只是個湯底，即使我已不是要重口味的辣，感覺也有點油。來罐可樂，埋單三十六，不便宜。

大前日 (20-7-2014 Sun)晏晝同男友食完Haagen Dazs 雪糕筒後,諗吓幫爸爸加咩餸,由於都係諗唔到,男友話買現成o既餸,吉之島?試過唔係幾得喎.好彩佢都嫌遠唔去.佢醒起車仔麵,於是行o黎買.我o地研究o岩爸爸食o既有豬皮蘿蔔,男友就話要牛腩,但爸爸唔食得,不過男友想食,就由佢發板啦.買到返屋企,到食飯時至打開o黎睇,蘿蔔算大件,撈o黎睇睇,有豬皮,豬紅.豬紅?點解會有豬紅?重有咁多,唔係唔小心跌o左落去喎.男友話佢有叫豬紅=.=”.咁牛腩呢?好少咋喎,得四件重要係唔大件. 開飯喇,食得.蘿蔔冇渣,軟腍又唔唔苦;豬皮冇沙同軟硬適中;牛腩同樣夠腍,味濃.呢三樣全部都入晒濃郁o既腩汁味,正.而豬紅o既口感亦一樣軟硬適中而唔腥,好味.問男友呢個幾錢?佢答$31.00.抵食: 2.8分

一個人趕著去返學，雖然還有十分鐘就要上堂，但要連續無休息上一個半小時的課，一定要在上課前醫飽個肚，要又快又靚一定是吃碗車仔麵。說實話，我真的幾喜歡吃車仔麵，因為可以自己選擇不同的配料，由其是要吃素齋戒的日子就最放便的。這檔千色車仔麵查實我已留意了好幾年，但一直不敢走入去試，因為門口小小，每次經過是夜晚時份又好像沒有太多人幫襯。今天，終於因為趕時間而這店又有許多空位不用等的關係，我終於踏出我的第一步。這店確實真的很小，店內大概只有二十多個座位，還有兩張枱放在店外的。老實說，雖然這店在兆和街街尾基本上不會有太多車會經過，但要我坐在門口食塵，我一定唔肯的。在店外，已可以看到右手面是開放式的廚房，玻璃上有膠板做的餐牌，列明所有麵類及配料類，標價亦很清晰。若仍然沒頭緒選甚麼餸菜好呢？可以透過玻璃窗或走進店內隔著個水吧，看看各款餸菜才選擇。店子是採用自助式點餐方法，排隊在窗外，先選擇麵類，姐姐就會放入鍋中煮，之後就選擇餸菜。 所有的麵食都是整整齊齊的放在不同的膠籃上，客人點選那一款，店員就會即席放入鍋中泡煮。餸菜可以清楚看到，可以看清楚樣子才作選擇。麵和餸菜選好之後，店員會很快手的執好，加上濃湯，

呢間店1972年就存在.中途有沒有易手我不知道.環境:雖則座位只有十個左右.店設計簡單.通道狹窄,但衛生很好,枱,地下相當乾淨..全間舖燈火通明,裝修過.完全不像老店.服務:此店用先付錢方式,買食物才接觸店員,亞姐語氣正常.又不會太差.又不會太親切.大部份人都接受到的.到食物....豆漿:不想飲汽水.轉飲豆漿.怎料零豆味.如果100%是最甜.呢間都有70%.無豆味..太甜的豆漿,當然難飲.3餸米粉:豬腸其實賣相黑色.都應該有調味.無肥膏應該乾淨..但現實上零味道.入口滑滑,猶如吃橡膠,味道恐怖,咖哩魚旦:完全只有咖哩的色無味道.點止無魚味.質感林身.什至只入就散...這麼差的魚旦都是第一次見.豬紅;最正常一環,只是無味和偏硬.湯底當然是味精湯和充滿油,以上種種無樣合格,一定喊臉.無得上訴.

荃灣出差順道午飯, 在銀行附近買車仔麵吧;本打算外帶但神奇地午飯時間仍有空桌,而且還有微微空調,那當然改為堂吃較好。沒有看餸菜價錢只在五花八門的車仔餸中點自己想吃的,看到豬腸是彎彎形狀的又來多一份,結帳盛惠$42! 就是比食套餐飯更昂貴價錢,那也乖乖付款好了!全自助取餐回桌子後,開始好好品嚐這地道車仔麵了。魷魚每件細細的而件數不多,魷魚身及鬚也有一點,以乾魷魚所泡製肉身脆口不硬,但只有濃濃醬油味似的,並不是心目中帶辣香的咖喱魷魚,應該是自己誤會了。不是時令的蘿蔔煮得每件全透明,沒有花心之餘也無渣,微微甜味完全滲進蘿蔔裡,但那應是加了糖的甜,而非來自蘿蔔本身的天然甜。幾顆冬菇其實是小香菇,每隻小菇薄薄的但滑溜,冬菇味不濃郁也沒有豐厚的冬菇扒口感,煮得入味但稍鹹了一點,浸湯一會情況改善了一些。每段彎彎的豬腸跟平時腸衣直直像個圓圈是兩種風味,深色腸衣一點也不韌,滑溜軟淋不怕咬不斷,處理清潔也沒丁點肥膏,被鹵水汁煮得入味,由於處理得清潔沒怪味,所以又欠缺豬腸那陣獨有腸味,不過仍算可口的水準。沒加辣的腩汁湯底相當濃郁,不加辣也夠味,這裡提供的並不是清湯底的車仔麵,對味!幼身米粉份量似乎偏少,食

生根..ok..無乜特別...有3舊..牛腩..合格..似返個樣..好過我樓下直頭唔知係咪食梗牛腩..魚肉..不過不失..油麵緊加唔駛多講,..整體係麵同送都比我樓下/小部份出面既為多..但都相對貴1/2蚊...22$ 3送一麵now..唔會特登去再食..鐵一般既一般...好彩揀岩送..唔係好似再下面所講...揀味又有...雪味..等都有,.

一向喜歡麵多過飯，住左荃灣之後，老公帶過去呢間之後就愛上了。呢度個車仔麵好夠味，能有ｄ人覺得太咸，但我還接受到。而且離屋企最近，所以成日幫襯呢。但呢度ｄ位真係嘛嘛地，排隊係正走廊中心，真係好易撞到，各位要小心啊。是日同老公叫左兩個麵，我辣佢唔辣。牛腩魚餃豬腸魷魚油麵是老公的，佢既牛腩細細粒容易食，但唔算特別入味。魚餃應該係買番黎的，所以唔係新鮮貨，也無乜特色。豬腸好味，呢度細細件豬腸用滷水汁醃過，而且處理過無肥膏，鐘意豬腸又怕肥的人一定要試啊。魷魚爽口，但就唔係咁抵食，價錢最貴之餘更加係件數少，間唔中一次好囉。山根翼尖紅腸油麵是我的，我幾鐘意呢度ｄ辣汁，夠晒辣。山根好味，唔係度度有，其他地方通常係豆卜，我都係喜歡山根多ｄ，吸湯都多ｄ。翼少隻隻都又肥又多皮，處理得又唔錯，起碼未食過有毛丫。紅腸無乜特別，正正常常啦。食過幾次，都係老公揀果幾隻餸好食ｄ呢。