千色車仔麵

Open Now

Now Closed

我一入到去，就同呀姐講要2碗車仔麵外賣。我完全唔知情况下，有個呀姐煮完碗油麵後，另外一個呀姐就問我要乜餸。我當場呆咗，就同呀姐講，我冇叫話食油麵喎。呀姐一輪嘴就話我，你話要車仔麵呀嘛，唔係咩。我果刻對眼真係反到上後腦。果下真係想發火。但我忍住道氣，我話我要幼麵。跟住2個呀姐就係咁不停咁問我2碗麵食乜食乜，果陣時都冇客，我唔知佢哋係度咁趕做乜，好似要鬥快咁。我唔係第一次食車仔麵，人哋啲鋪一向都會先問客人食乜麵先煮麵，我唔知個呀姐係咪新請返黎嘅，仲搏我嘴。我真係火滾到我呢！下次食返榮X算。

車仔麵，我由細細個讀小學開始就食，皆因最愛食粉麵嘅我，每朝早餐都係車仔麵！喺我行路返學嗰條路喥，有個叔叔推住車仔賣車仔麵，所有每朝返學前我實會嚉碗豬紅+油麵，因為我細個時食嘢好慢，媽咪怕我會遲到，所有佢教咗我一個獨特嘅食法，就係篤爛d豬紅，因豬紅原粒食中間係會好熱，仲要碗麵走埋湯，咁就可以食快d啦！（不過好多人覺得我好古怪，大大下已經冇用呢個食法lu~）講返呢間千色車仔麵先，完全唔明點解會係米芝蓮囉！味道好一般，Size又細碗，價錢仲要好貴添！真係試一次就夠啦！

今晚想簡簡單單吃一餐便選了這間米之蓮車仔麵，說到米之蓮很多人也有期望吧！所以本人也帶着期望的點了一碗豬紅魷魚通菜河粉！豬紅的確是很入味，魷魚也不錯，只是通菜似乎放得比較久所以不太新鮮，湯底也沒有什麼驚喜只是普通的一碗車仔麵吧！也可能是本人期望太高😀最高五⭐️豬紅⭐️⭐️⭐️⭐️魷魚⭐️⭐️⭐️⭐️通菜⭐️⭐️湯底⭐️⭐️⭐️店內有各式醤料

見到佢呢間車仔麵，寫住米之蓮！真係會情不自禁想行入去試吓！入到去有好多位坐唔需要排隊，平時就食開文記，食完呢間之後就覺得同文記真係有得揮！首先會叫咗自己想食嘅面同埋送，一定要加辣醬！我仲叫咗杯豆漿，雞翼，豬腸同埋魚蛋！佢個面正常，但係佢個湯好好味，佢個辣好出色！估唔到一間咁小型嘅車仔麵鋪頭，位置唔出眾，唔係大街大巷，我諗唔係專登行去千色店其中一個門口出，都唔會知道呢度有間米之蓮千色車仔麵咁好食！我哋兩個人食咗七80蚊左右！真係值得一試

.📍千色車仔麵由細食到大既車仔麵🤤米芝連架！不過真係愈黎愈貴愈黎愈唔抵食了，又小左好多，男仔有機會食唔飽添啊！🐷個日11點幾先去，見好耐冇食過佢又未閂就買番屋企食啦—————————————————————❣️4餸外賣車仔麵（$53）🐷嗌左油麵+生菜、豬皮、魷魚、雞翼尖基本上魷魚、雞翼尖真係必食✅雞翼尖夠淋超入味，又唔會話得死咸，唔似出面有啲好難咬咁。魷魚又係超夠味，又爽口唔會話咬橡筋咁難咬，仲切到細細粒，啲汁唔會彈到周圍都係—————————————————————不專業評分👅好味指數:4/5💰性價比:3/5👍🏻推薦:4/5—————————————————————🏡地址:千色車仔麵 (荃灣)荃灣兆和街49號地下—————————————————————#chuchu食在荃灣#chuchu食港式#chuchu食車仔麵#香港美食 #hkfood #852food #相機食先 #香港好去處 #hkfoodie #hkblogger #hkfoodinstagram #週末好去處 #食好西 #美食推薦 #好食 #tasty #飲品 #follow #like #like4like

琴日第一次去食，味道幾好，個湯夠濃，但價錢貴同份量小，我叫油麵（幾彈牙同入味），豬腸（夠曬腍），豬紅（正正常常既豬紅），雞翼尖（煮得太耐有啲爛），不過整體黎講都ok既，如果佢份量再多小小，食完走果時先知原來佢係米芝蓮。

見佢話係咩米芝連，咪入去試下蘿蔔:冇渣豬腸:正常豬紅:未夠入味牛丸:夠多汁雞翼:煮得過老通菜:正常價錢唔係話抵食，以正常車仔面泥講，呢間貴左啲味道又唔係話真係好好食我地呢啲凡人係唔理解米芝連口味嘅🤷🏻‍♀️

是晚筆者又黎呢間出名的車仔麵店到食。真係出名係有原因，呢度一碗麵由頭到尾都做得好出色。先講餸，筆者食過好多次，試過唔同餸。基本魷魚係必選，因為呢度嘅魷魚煮得夠入味，唔會好似其他地方咁，內裏係水味啖味。而且佢剪到細細粒，一口進食，方便大眾，特別係女士。而其他餸都做得非常出色，你地鍾意食咩就個人口味啦。總之每個餸都會比出面其他鋪頭嘅餸預期好。而重點嘅湯底，湯底濃郁，又不油庫膩。令人想成碗飲哂，亦增添左麵嘅味道。成碗麵唯一缺點就係份量不太夠，想再食多d，如果唔係唔夠飽。如果你係車仔麵愛好者，真係唔好錯過。用餐日期:17/1/2019是餐費用:$40味道:9/10環境:7.5/10性價比:7.5/10

作為本土地道草根食物之一，車仔麵絕對比雲吞麵有更高的品嘗價值，亦是食客個性品味展現的機會。車仔麵的每款配菜，雖然擺放在同一個廚房，但卻被形形色色不同的醬汁醃料包圍著，像是一班各有不同性格的人士。跟人力資源分配一樣，挑選車仔麵配菜、麵底及醬汁，有著大學問。試想想，點了牛腩已經有腩汁，如再要求加咖哩汁，是否有如將兩個性強烈的人放在一起，充滿違和感？有看過我對車仔麵之家的評語，就會知道個人對配菜上的汁是有份執著的，沒有了醬汁，配菜有如一個毫無性格的人，淡而無味！這裡的魷魚便是好例子，魷魚上的醬汁，上碟時已被湯汁完全沖走，根本不是點餐時在廚房看到的模樣，教人失望。雖然車仔麵店較少提供鳳爪，但今次看到每隻都有腳趾的，看著也倒胃。至於其他配料，牛腩入味，雖然屬小小方形份量偏少，但易咬又脂肪少；蘿蔔清甜；魷魚及栢葉雖然無味，但質感爽口；油麵不過不失；湯底熱度足，唯仍屬略鹹。飲品方面，凍豆漿豆味不濃，略甜，亦屬普通出品。總括來說，整體質素平均，但不會有眼前一亮的感覺，或許這才是貼近車仔麵草根一面的完美呈現，是獲評為米芝連的原因吧。

家住荃灣，但一直未有試過食呢間車仔麵，近期從媒体了解到連續3年入到米芝蓮，就和夫人抽空試一試其虛實。點知一試便知道賴野中伏，非常後悔試之前没先看食評才試，得出結論同其它巴打一樣，味道係唔錯既，但稱不上出色既程度，問題係佢收燒鵝既貴價錢，庶渣既味道。份量極少到好似冇食過野，連我夫人都覺得對女士來講都太少，一定唔會再幫襯。終於明白點解身為米芝蓮但從來未見人龍，試完之後終於知道原因。（同埋好想知米芝蓮係唔係未試過其它嗱咋面）

舖面不起眼，外觀亦簡陋，座位不太舒適，尚算乾淨。叫了魚蛋，滷水大腸，牛肚車仔麪，湯底唔錯，魚蛋爽而彈牙，滷水大腸唔鹹但頗入味，牛肚腍滑，麪質軟硬適中，配以美味辣椒醬，錦上添花，頗為出色的車仔麪。

想吃甚麼就點甚麼，車仔麵就是一個這麼的心態。現在車仔麵真的買少見少。之前看到千色車仔麵，已經覺得很有趣很想來找一天去試一下。今天終於有時間了趕及它10時關門前光顧。店面很光猛，座位不多但很整潔。好像以前的車仔麵店一樣餐牌都貼在牆壁上，甚有懷舊的味道。思量一番後，我點了一碗牛腩牛柏葉豬皮米粉。看到他的菜分類十分清晰又整潔，點的時候也不會覺得他像一般的車仔麵店那麼骯髒。製作完之後就付款。回位後，我忍不住就立即開動了。牛腩豬皮入味牛柏葉一般，他的湯底也不錯，但原來最好是吃的是辣椒油呢！另外點了一份油菜加牛腩汁。油菜新鮮爽脆，加上濃郁的腩汁真是一大享受。下次也要來千色車仔麵店吃宵夜呢。

呢間位於荃灣千色店旁的千色車仔麵店, 我好細個已經開始食, 我估呢間店鋪最少開左廿年, 我記得初初食時十零廿蚊已經食到飽飽的, 佢哋啲車仔餸做得唔錯, 後來越食越貴, 加埋個肥車呔推介, 更貴, 近來已經好少嚟食, 今晚朋友話想食車仔麵便帶他來吃。小店基本冇裝修可言, 呢度唔係食裝修, 食物好味最緊要。油麵加七餸（$76）一碗車仔麵賣76蚊, 配七個餸你可以話平, 亦都可以話貴, 不同配料價錢不同, 由$8-11不等, 以前啲餸份量大大的, 叫兩個餸加一個麵已經非常飽, 而家份量细好多, 七個餸加一個麵睇落都唔係好大碗, 樣樣得幾粒。我最鍾意食佢哋嘅滷水雞翼尖及滷水大腸, 雞翼尖滷得好入味好腍, 又香又滑, 骨都腍埋, 百食不厭, 滷水大腸更加美味, 大腸肥膏少, 但滷得夠時間, 既入味又香滑, 一啲都唔油膩, 好正, 其他配料都唔錯, 好味得嚟唔會死鹹, 係老派人用時間去浸淫食物, 而不是用味增加豉油那種濃味出品, 食完都唔會太口乾的。

睇雜誌見到原來依間車仔麵拎左米芝連推薦，of course 要去try try 喇大熱天時，好彩小店有大冷氣，不會熱死人，店內係自助形式，自己想食咩麵，話俾姐姐聽，再點要咩料同辣5辣佢個價錢不貴，今次我地分別叫左牛腩，羅白，雞翼河，同埋牛柏葉，豬紅，魚肉，豆腐幼麵腩汁，無咩味，辣汁辣死人，不吃辣的人不要玩命丫，蘿蔔蚊到好林，牛腩都係淋到溶咁，不過除咗依兩樣野之外，雞翼好平平，5入味，雞翼體積算大，不過肉質不滑另外嗰碗，牛柏葉係爽既，不過無味，豆腐都係無味，魚蛋同豬紅好普通，只可以話所有嘢係中上感覺，米芝連既意思係？？？不過小店來講，佢賣得唔算貴，齋食牛腩蘿蔔嘅話佢係出色嘅

第一次路過見到2016-2018米芝連推介小食⋯⋯諗住去試下叫左豬紅 蘿白 雞翼 米線友人個碗叫左牛腩 豬腸 魚蛋 豬紅 河粉太餓既關係 無影到相 兩碗野加兩杯野飲已經成舊水⋯⋯真係百物騰貴豬紅夠入味 蘿白切得太碎 好少量豬腸好肥 好似洗唔乾淨咁雞翼入味 ok湯底好咸 佢個辣好似辣椒醬個種 得個辣字河粉好碎 而且份量唔多夠飽老老實實 我個人認為唔會係米芝連雖然個個都話外國人口味唔同 但身為香港人既我 只係覺得好一般深水埗個間 同金鐘個間車仔麵就稱得上米芝連咁既價錢 咁既質素 只會試一次！