千色車仔麵

Open Now

Now Closed

今日(11-8-2010 Wed)爸爸返鄉下行,今晚唔返o黎,咁我就自己食o野啦.放o左一路行一路睇有咩o野食,行到o黎見有車仔麵,平時好小食,就食吓啦.入到o黎開頭坐o係第二張枱,但都係熱,行入去坐啦,睇定啲 餸就叫先個粗麵,餸要豬皮,蘿蔔,同蝦條,$20.00.亞姐收o左錢後,蝦條要後補,麵唔太多,但豬皮蘿蔔份量夠,豬皮同粗麵都爽,蘿蔔冇根同甜,之後蝦條o黎到,係一條約三吋長o既蝦膠,外面有層薄腐皮包住,軟硬度適中,由於我發覺叫漏o左牛腩,於是叫亞姐加,亞姐好好人咁幫我加返同畀腩汁,牛腩要$7.00o既,可惜份量唔係咁多.但佢好腍同入味,腩汁好濃好犀利.最後畀$6.00要杯凍豆芽漿添,豆漿夠凍同甜,唔太差.服務:開頭都驚驚地啲亞姐,不過後o黎加牛腩同豆漿佢o地都講聲多謝,都唔太差吖.環境:好細,但好光猛,不過真係要坐入面至夠涼.衛生:食食吓見到隻應該o岩o岩出世o既曱甴o係張枱o度,之後又有隻烏蠅,我諗呢方面要攪攪佢.

車仔麵一向係香港地道文化, 也是老婆其一至愛, 是日中午就同左老婆黎呢度食店子位置很少, 仲有張檯係出面添, 如果三十幾度坐出邊食熱辣辣既車仔麵, 我諗我未食到一半都已經會汗水撈湯水了, 位子少之餘, 買麵更係排在店鋪中心, 所以人多既時候都幾麻煩, 又驚撞到人, 又驚俾人撞, 食食下成碗麵兜頭淋就唔好啦...叫了兩碗油麵, 也各自叫了三款餸, 車仔麵一向有呢個好處, 餸料隨你搭, 搭完又可溝亂食, 二人三餸其實即係變相六餸, 店內其實餸選擇不多, 以下係我地叫左既餸:豬腸偏瘦, 不是大腸最肥的那一部份, 類似滷水豬腸既製法, 沒肥膏也沒怪味, 但還保留豬腸既口感和滷水味, 是最愛既餸之一平時很少會叫魚蛋, 不過呢度既魚蛋係個兜度個樣已經好吸引, 魚蛋有分辣唔辣, 咖哩魚蛋很入味, 可惜也煮得過了火, 魚蛋已經不彈牙, 甚至有點一咬即散既感覺同魚蛋一樣, 豬皮個樣都好吸引, 豬皮好爽, 中間好鬆吸到好多湯, 而且咖哩汁很入味, 比魚蛋出色多了老婆點了至愛的雞翼尖, 呢度既雞翼尖很肥, 隻隻都脹卜卜, 而且滷水汁入味, 夾起一啜肉連, 齊吸入胃, 喜歡吃雞皮的人不要錯過了還有貢丸, 不算

好耐冇食車仔麵, 突然興起想食, 見呢間有位, 又唔駛咁迫, 所以入去食.............叫咗1碗豬紅、豬皮、豬腸粗麵(唔辣)............豬紅冇乜特別, 豬皮都幾爽, 豬腸最正, 又唔嗅, 又冇肥膏, 但d麵實在太少, 食完好似冇食咁, 不過..............由於佢碗麵實在太多油, 所以令你有少少飽的感覺..............下次如果再想食車仔麵都唔會再食呢間, 因為我頂唔順佢d油, 我係食車仔麵, 而唔係食油浸麵呀!!!!

每次去楊屋道街市前都要去食碗車仔麵, 蘿蔔最好食, 又甜又無根, 出面果D成日都有苦味, 豬腸好"林", 好入味, 魷魚個汁都好好味, 出面果D通常只係白灼, 無味. 不過魚皮餃就麻麻地.

以車仔麵來講, 都算貴, 但真係好食WO! 真係唔係另一位朋友講得咁差, 豬腸有咬口, 羅白好鮮甜, 豬紅好入味, 長龍店一定有原因, 香港人識食好野! 不過口味因係因人而異。會再去食,

叫左兩碗面+ 兩杯豆漿 $57 價錢合理如果叫牛腩再叫佢加多D牛腩汁, 個湯底係好好味既, 雖然D牛腩就碎D豬肉丸又大粒, 都好彈牙通菜好新鮮, 超綠色豬紅唔會太"林"豆漿都OK, 唔太甜overall 都OK係D人既服務差D, 好似想諗下食MUD都要快D, 可能係老字號環境OK CLEAN 不過鋪面好細

經過見咁多人幫襯，雖然地方窄咗D，但見佢都光猛企理，諗住衰極有個譜，何況車仔麵都算我哋香港「名物」，一般都好少話好差，但係哩度，見識咩叫做垃圾車仔麵，絕對絕對無下次！叫咗2碗麵，1個係蘿蔔、豬腸、魷魚配米粉，另1個係紅腸、牛丸、豬皮配油麵，再加一杯豆漿，都成$50，車仔麵哩講都算貴，如果好食都無問題，但真係唔得，未食過咁渣嘅車仔麵，相信絕對唔會係個別例子，因為有幾個罪證釘佢牌。豬腸一大朕羶味，覺得佢哋清洗得唔夠；魷魚夠晒色水，但無乜味；紅腸最嚇鬼，D腸肉「腍Pat Pat」、霉霉哋咁款，仲要有D怪味，好可能係平價大陸嘢；牛丸應該最穩陣啦，點知甚重雪味；最慘情係我碗油麵，真係未試過有咁重梘水味，重到係個鼻一哄埋碗麵D梘水味已經湧上哩，食落就咁加唔使講啦！收得咁嘅價錢，仲要份量唔多，又要3餸起，真係把鬼呀！

今日放假,下午去左荃灣行街. 見到有間車仔面, 以為唔會好貴, 就入去試下. 入到去, 係自助形式, 自己去買面, 買完自己搵位, 好彩都只有小貓2 3 隻, 所以話甘快就搵到個位開餐. 點知我旁邊個冷氣機係甘滴水, 有d唔衛生, 都算啦, 都係黍食野, d野ok就冇問題. 我叫左魚皮餃 + 魚蛋 + 魷魚 + 河粉, 份量做下午茶都ok, 但價錢就有d貴, 我再加杯豆漿,都差唔多要30蚊. 本來以為可以食平野,點知就中左招. 碗面d魚蛋好硬, 應該最少放左大半日, 縮晒水, 其餘2個餸都一般, 碗湯好鬼多油.....我都唔明點解.....最攞命係我碗面冇叫過菜,反而送多左條菜虫比我......一定冇下次....又貴又差

食左呢間鋪既車仔麵已有大約十年，今晚收工同老婆忽然興趣走去呢度食麵．老婆叫左油麵，豬腸，蘿蔔，豬紅，魷魚及魚肉．我叫左粗麵，豬腸，牛腩，豬紅及牛丸．我當然所有餸都食晒啦，覺得佢呢度最好味的，依然係豬紅！唔知點解覺得佢呢度既豬紅特別入味，每次黎到都一定會食，正！不過，牛腩既份量真係少得可憐，另外魚肉就真係唔多掂，唉，好實的魚肉，又有D果皮味，我真係唔太接受到，至於其他餸都係一般車仔麵水準，唔太特出之餘又唔差！不過另外有兩樣野要讚下的，一就係我覺得佢既湯底好清甜（雖然都係味精啦！），而另一樣就係，以一間三十幾年的老字號黎講，呢度既環境算是十分乾淨了！

晚上九時,,,公司放食飯唔想食小菜飯類途經兆和街,,,見有車仔麵,,,即閃身入內車仔麵以自助叫送形式營運煮好自己拎埋位食order左牛腩豆卜牛丸米 $)22米粉份量小到得真係兩三啖就食完牛腩呢...收$7夠膽死比得三小件豆卜牛丸普通料不值一提五分鐘食完,,,食完好似無食過野咁,,,呢間野永世bad list

琴晚同o左女友去o左呢間野食麪,我食o左牛丸,魚蛋,魷魚,冬菇麪,我女友就食o左貢丸,山根魷魚麪,食完之後有以下評論:來呢度可以唔洗食丸類o既野,因為一來貴,二來一般,三來係交貨,唔洗佢地整.一定要食佢地o既冬菇同魷魚,因為好入味,睇得出係佢地好有心機煮出來o既,雖然係貴o左d,但車仔麪其實都係食人地o既心機之.魚蛋都唔錯,大家可以試下佢地o既辣魚蛋,都幾辣,又有咬口!其實呢間野都開o左近三十年啦,呢d心機小老店o係全香港愈來愈少啦,如果間野係好o既,我地其實係應該去支持下佢地,唔好比d大連鎖店隴斷曬!

把幾火....食車仔麵都食成40蚊,40蚊去食個扒無咁褸,不過貴唔再講....最緊要係份量超小,,最最最激氣係一見你食完就攞走你個碗,好似叫你快d走咁..真你食到你把幾火.........真係唔會番轉頭再食...咁貴!!!!!!!!!!