卓記粥店 (Closed)

坐了大半個小時電車, 山長水遠從灣仔跑到堅尼地城, 就是為了這裡的豬潤粥。一去到, 二話不說, 先來一碗豬潤粥。熱騰騰的送來,有些長寸許的蔥段在粥裡, 比一般的蔥花更香。粥底夠綿夠滑, 主角豬潤滾得剛剛熟, 咬下去很爽口, 有濃濃的豬潤香味, 比什麼什麼黃沙潤更好吃。友人吃的滑牛粥也不錯, 但卻不算特出。除了粥外, 還點了炒麵x2, 炸兩x1 和淨腸粉x1。炒麵比一般粥店的好吃, 夠香口得來又不算油膩, 放少許辣椒醬和著吃更是滋味無窮, 一吃便吃了兩碟。炸兩裡的油炸鬼還是脆的, 皮又夠滑, 不錯。腸粉我放了些甜醬, 但感覺那裡的甜醬味道很怪。之後看到很多人點及第粥, 忍不住又點了一碗, 材料超豐富, 份量比粥更多, 而且都很新鮮, 完全沒有異味, 質素絕不比上環生記的差。環境差是一大問題, 像是在馬路旁的大排檔, 邊吃邊流汗, 而且地方也有點不太「企理」, 但為了吃一碗好粥, 這些問題都變得微不足道了。

假期, 下午先到淺水灣曬曬太陽。總算見過太陽還了心願, 但見太陽寧願躲在雲層後面, 也不肯多露面, 風也著實不小, 不如歸去。忽爾想起如直達游泳池, 該是剛過了清潔休埸時間, 何不......總不能空著肚子游泳吧, 但又不能吃太多......在卓記坐下, 是很老式的粥鋪──即不會預期太乾淨, 裝修也較簡陋的那種風味。點了白粥和炸兩。白粥不夠綿滑, 也沒多少米香, 可是只賣$3, 卻是煮得粒粒米花, 不算稀又不會吃至一半便水汪汪, 已是合格有餘。炸兩($4)是預早做好, 畢竟已是黃昏, 情有可原。油條已是略硬, 但外面的腸粉卻好滑! 再點一碟腸粉($4)試真, 盛著的鋁碟暖暖的, 証明即使腸粉也是預先拉好, 也有一直溫著。仔細看清楚, 腸粉拉得算厚, 但卻還是分分明明, 沒有黏得糊糊的, 吃下去, 當真是滑得要緊, 不加甜辣醬只下醬油, 清淡的口感更佳, 可米香也是不足。買單共$11。時間正好散步到游泳池泡水去也!

今朝同阿Mo去o左卓記食早餐好似以前唔覺八蚊碗皮蛋咸肉粥同豬雜粥叫o左皮蛋咸肉粥, 個味都唔錯仲有今日o的油條好正, 熱嘞嘞

6.30pm 前豬什粥只賣8元..有粉腸..豬肚及豬朒...今天的出品很新鮮...好好味...真的想巳吃多碗..此店十分價廉物???(不)美...所以加了價也不覺...因此相信美食焚化爐綱友以為是原價...其實過年他們會換上紅底價牌..通知客人新價格...新年完了...就回復正價...如今天

難得大年初一去拜年呢度都有開,成日無乜野到肚order左一碗碎牛粥同牛肉腸粉,老實講粥底幾綿同米粒開花,腸粉就一般通病,皮厚唔熱豉油多,難食!食完之後好口乾,唯一值得一讚係大年初一開工,竟然無加價,算忠厚老實,我好欣賞!不過依然好平,年初一都開好難得啦

我識做開的士的朋友，佢冇客就會開去食粥～佢好鐘意食卓記。我自己就間唔中朝早都會去買黎食，但就覺得普普通通啦～不過就真係幾平～P.S:我好唔鐘意卓記既甜醬味，好怪！

1 Jan,2006 星期日和二家姐到這裏食下午茶。因她病了,所以只是簡單食了白粥及腸粉。白粥很綿很熱,不錯。腸粉略淋,不夠熱,而且只有甜醬,沒有麻醬及芝麻伴食,好像不夠完滿。埋單: HK$10, 抵食。

this shop is just long the street...quite hot...i love the plain-tastful-congee and rice- dumpling......the rice-dumpling is very good and fresh....as learnt fromneighbours in sai wan, this shop 'hand' many rice-dumplings to restaurant evry days and that y , u can see their staff making rice-dumpling every day...

我媽媽成日都專登黎呢度買炒麵,因為佢話呢度既炒麵炒得零捨靚,個樣係令面, 而且d蔥好新鮮唔會黃晒...$5有一包, 佢叮叮來回即係值$9...大家可以試下係唔係真係咁正!!

今日放工3點零鐘搭丁丁落黎西環行下,第一站黎到呢間粥店,叫左白粥$3---size大概普通飯碗左右,粥稀到似潮州粥,腸粉$4---用個細銀碗裝住,味道一般!其實志不在食物,只系想黎懷舊一番!

早幾日腸胃有d 唔妥, 去左呢度食夜粥。白粥又覺得寡過頭, 叫左肉片粥同炸兩。(無叫皮蛋肉片粥怕皮蛋難消化, 但自已又為食所以叫埋炸兩)粥底綿, 肉片有奄過幾好味, 滾完粥亦唔韌。炸兩冻 左變淋.....我諗熱食會好好多。不過可以理解....因我食緊"夜粥" (十點幾)。

上星期二，十一點就蛇左落西環搞的務，成個朝早未食早餐，找點東西醫肚先。見這間粥店幾對辦，腸粉即拉，白粥又綿滑，就來幫襯。街坊粥店，地方一般，還有那股濃烈的漂白劑味道，令清潔一欄扣了一分。在習角位，驕陽似火但都不覺太熱。當然怕熱的唔使諗，因為呢度無冷氣，熱到你飛起。不過是日就算著住披，都唔覺好熱。要了白粥炸兩，白粥幾綿，米花煲得全開，加了點鹽，正氣順喉，起碼可以為晚上的麻辣菜打定底，都幾有水準。唯獨是份量不多，三扒兩撥就吃完，拿拿林又叫多碗；炸兩不錯，腸粉即拉，油條又新鮮，那有難吃的道理？白粥3蚊，炸兩6蚊，抵食經濟，有興趣的可以一試。