卓記粥店 (Closed)

今日星期日. 早餐緊係唔再食麵包啦.卓記係西環尾比較「就腳」的一間粥麵店.因為好坦白講. 西環尾呢邊真係太少粥麵店喇.買左炒麵＄５同埋炸兩＄５ - 外賣份量比堂食多好多. 麵塞滿哂成個發泡膠盒.如果堂食. 得三小撮. 但炸兩的豉油就唔夠. 所以乾巴巴我淨係食左炒麵. 唔係幾夠味.話明係炒. 咁當然係會油架啦.呢一點係冇得批評既. 不過記得要拎定紙巾抺咀服務 - 有個男人有點惡. 不過每次佢地個崗位唔同. 無得提大家. 價錢 - 都叫抵架喇. 係而家物價通脹都仲係用舊價.環境 - 冇得強求佢乾淨. 不過真係比較污糟

Woke up too late, so our father's day lunch: 食粥碎牛粥: good, 足料碎牛, I like it !皮蛋瘦肉粥: too salty, not my cup of tea糉: superb, better than many famous stores, my family's favourite油炸鬼: I felt it was shorten, initially I thought my hubby had broken it into half as it was shorter than before, may be because nowsday everything is getting more expensive. With the same price, they can only reduce the quantity !

卓記是鄙人讀書年代愛到的食肆之一, 皆因一個字 - 抵! 由於此店對月尾荷包乾硬化有特殊療效, 所以我都不惜冒著食塵之險坐在極之開揚的 gup gup 枱店面來吃。通常都會來一碗皮蛋瘦肉粥, 加碟腸粉或者炸兩, 如果多一兩個人一起來就加多碟炒麵。粥是生滾的, 看著師傅在快手滾粥, 有信心保證。粥底相當綿滑, 米都開了花, 同啲肉一樣咁滑, 味精當然也有一點, 不過預咗的了。炸兩就一時時啦, 視乎油炸鬼時否新鮮 (通常都 OK 的，因為流量大), 腸粉就幾得手, 很軟滑。炒麵非我所好，少吃。招呼是極快手, 由叫嘢，食埋至埋單最快試過不用 10 分鐘！如果不介意環境差少少，絕對是平食一餐抗通脹的好選擇！又，不是食友提起也不知道在街市開了分店，有機會返西環去試下先。

香港仔往西環路段，風景優美，青蔥花樹，配着碧海藍天。下車處正是卓記路旁。店内裝修簡陋，一半為廚房，餘下便是營生地方。炸兩需求甚殷，店方早已弄好若干碟，放於櫃檯待售。油條已涼，僅得邊緣位置還脆；腸粉滑，粉皮拉得略厚，但無損口感，搭着豉油油炸鬼 ，仍然可口。卓記客源，無論堂食外賣，都絡繹不絕。生意好得在鋪後的市政街市，也有‘分店’。跟分店大嬸聊天，原來卓記從大牌檔算起，已經營了四十多年。這些年間，店内食物，仍然堅持自磨自製。而且由於租金關係，位于市政的卓記，部份粥品更較街鋪的便宜數塊錢。聼着大嬸娓娓道來卓記歷史，‘貨真價實 · 童叟無欺’幾個字亦躍現眼前 - 老店能屹立多年，靠的便是如此基本的營商之道。炸兩：4元豆漿：4元

2008-05-11認同樓下那位食家，在這個「乜都加」的時候，這間卓記仍然是賣著 $3 碗白粥、$4 碟炒麵等等食物，確實值得一讚。母親節的這個星期天，最後還是留在家中陪陪母親，跟家人一起抗通脹，吃著外賣回來幾蚊的炸兩和幾蚊的炒麵，已教我們回味無窮了。

估唔到係咩都加價咩都貴既時勢會見到3蚊碗白粥、4蚊碟炒麵炸兩。同朋友仔share炒麵同豬什粥。炒麵凍冰冰，亦無咩味。豬什粥粥底綿，大大碗，料勁多，非常抵食。其實d野食幾多味精，結完帳即刻拎水飲。另外，今次舖頭入面差唔多full，最後坐係行人路，所有都見到我食野，咁都算係一種風味啦。雖然咁既價錢都預左無服務可言，不過叫佢拎個碗都黑口黑面就唔係幾好啦。

26/4/2008 約3:00pm因為share 1個餐唔夠飽,就自己再去食d野由石塘咀行番去西環既卓記叫個炒麵($4)同炸兩($4)炒麵今日麻麻地冇咩味但炸兩今日好好彩剛炸起,仲脆口(幅圖應該係有3條,食左1條先記得影相)呢度街坊生意,唔好預有好既招呼同好好既衛生呀...

4/3/2008 午今日唔係好舒服,所以專誠買粥食(外賣)叫左一碗皮旦碎肉粥($10.5) 自己就要左一碗碎牛粥($7.5)+牛蘇($3) 碎牛粥~碎牛多~花生脆~幾大碗下....好食牛蘇~唔會太甜~香,鬆,脆~有時清清地食下粥都幾好~咁ga價錢有咁ga質素算係咁ga啦~不過呢間環境真係唔係太好~勸大家都係外賣算啦~

好抵!牛肉粥同粽好食,尤其d粽; 但次次d皮蛋瘦肉粥好咸,吃不下. 同埋試過幾次d甜醬變左(尤其夏天),攪到成盒腸粉同炸要丟棄.

12月1日, 天氣少少涼, 去咗附近既卓記食粥. 我諗卓記年紀仲大過我. 位置依然冇變, 由以前既大排擋到而家搬咗入鋪. 想食粥既話, 病既話, 都會黎卓記買.::: 豬紅碎牛肉粥($9) + 炒麵($4) + 炸兩($5) ::: 平時我食開碎牛粥, 2個人既話就會食豬紅碎牛粥, 其實味精落唔少, 不過可能食慣冇乜野. 豬紅碎碎地, 不過好似係真既豬紅先會咁, 好實嗰d係雞紅wor…唔知真唔真. 其他野都好大碟, 又平又多~仲有牛脷酥, 蘿蔔糕, 同糉都好食…其實行過d街市熟食中心都有一間, 雖然呢間逼d又污糟d, 都會揀黎呢到食, 熱鬧d親切d.但每次食完都勁口渴, 因為太多味精……

做完運動,食左一條油炸鬼、米王,再加左碗紅豆沙,好滿足,都只係10蚊!油炸鬼又熱又脆,紅豆沙好好味。

離遠望去舖面一ｄ都唔吸引，不過行埋去就畀ｄ價錢吸引左，見到一大棚人排隊買外賣，唸住不妨一試，食落都算幾OK，下次再去西環都會再幫襯。生滾牛肉粥１５元：牛肉夠嫩滑，粥底夠綿生滾豬潤粥１５元：豬肝切得太薄，咬落有少少韌艇仔粥８元：冇生滾粥咁夠味，不過不失抄麵４元：幾好味，四蚊一碟抄麵你仲想點？咸肉粽９元：唔係太底食，而且ｄ糯米散散地叉燒腸８元：叉燒略嫌唔夠新鮮，腸粉唔夠滑紅豆沙４元：紅豆o岩o岩起沙，甜度適中因為坐係馬路邊，一直有ｄ癈氣味，唔怪得咁多人買外賣，下次都係坐橫街好ｄ。蔥切得太大條，感覺有ｄ西。原本想叫抄米粉，當時夜晚八點度就賣晒，應該幾掂，下次會早ｄ去試下。收錢個亞嬸望一眼，數１２３４，一秒唔洗就計到埋單６３蚊，識速算？一句講晒，好底食！

皮蛋瘦肉粥外賣, 好好味, 粥底已經睇唔到有米豬肉大大塊, 好滑不過唔多鍾意佢有蔥

Pros:- really really really cheap- relatively fresh due to huge turn-around- lightning quick "service"- free telephone service (betcha didn't know)- kind of "unique" if you've never tried the "da pai dong" experience- been around since my mom was a kidCons:- it's dirty so don't look around- seating is uncomfortable (have it to go)- it's not the best tasting (but it's cheap)- beware of the hair on the pork skin in the congee!

食艇仔粥,好抵$10都唔駛...服務ok,環境就舊式d...好多野都好抵食,又有糖水!