協香麵飽西餅

Open Now

Now Closed

去完食四眼仔腸粉又點少得食番個雞脾包阿出面大型連鎖店一個包閒閒地都要成10蚊Le度10蚊有找!!8。5就有仲要成隻雞脾上，唔係出面果d雞塊雞脾預先滷過再用黎整包所以果包好有味道買左記得即食凍左就會乾身d

每逢假日，人人為著雞脾包來潮聖。店店外總是常企滿等雞脾包的人，想買到雞脾包（$8.5)，就一定要守候著出爐，因為每次一出爐，都會被人一次挾幾個，不需幾秒已可被搶空。傳統的麵包店，以傳統的煙韌麵包，包著大大隻調味過的雞下脾，雞脾非常惹味，還有豉油香，識食當然要一出爐即食，所以去到會見面很多人在街企滿食包的人，淨食一個雞脾包已經會飽肚。如果想食，就的不要假日去，有時連附近的街坊想落街買個雞脾飽都會撲空。這個雞脾包已成粉嶺聯和墟名物，亦是手信列之一。

我諗百分之九十九嘅香港人都一定會食過腸仔飽！但唔知有幾多人食過「雞脾飽」呢？你話我孤陋寡聞都好，我都係前幾年搬入粉嶺，先知原來香港地有一種飽叫雞脾飽😂原來，雞肶同麵飽都可以咁夾‼️我去到協香嘅時候，好不幸啱啱賣晒，老闆娘話要等5-10分鐘，好啦！既然嚟到，都要等㗎啦！但我想講，係呢短短10分鐘內，已經有不下5個人入鋪，問有冇雞脾包😂一間係粉嶺嘅小店，竟然有咁多人因為佢個包而突登過嚟，可想而知呢個包真係好受歡迎🍗雖然要等，但都有好處！就係可以食到新鮮出爐嘅雞脾包😎包，從來都係熱辣辣嘅時候最好食！一咬落去，雞脾好嫩滑，一啲都唔乾；麵包唔單止鬆軟，而且因為索晒啲雞油，所以個包仲有一陣雞油香👍🏻難怪佢會成為粉嶺名物！

服務態度非常非常差，出左名就巴巴閉，唔休做咁，我問佢，仲有冇雞腿包，佢叫我等5，6分鐘，那我就企左出門等佢，當我返入去，見佢出左幾隻雞腿包又賣晒，那我問佢有冇留比我，佢話我冇比錢冇留比我，好那我就比了4隻錢，又等，今次企係鋪內等，等左大約5，6分鐘，見出爐，那我就自己去夾，去排隊入袋，佢收我錢，我話頭先咪比左錢囉，妳又話留比我，又冇留，佢話依到冇幫人留包的服務，要自己夾，前前後後都係有佢講冇人講。

終於有機會去試粉嶺十大美食之一既雞腿包，一間唔起眼既麵包舖，爭d行過左龍搵唔到佢。估唔到佢個只係$9既雞腿包真係超好食，雞腿大隻不在話下，雞肉鮮嫩多汁，個包重係熱辣辣同脆口架，好耐冇食過咁好食既包，最衰拎到番屋企凍哂唔好食，如果唔係實買多幾個番屋企😍😍

星期天沒出城，在聯和墟遊走，雖然在家吃了午餐，但總想找點小吃，見腸粉仔人龍好長好長，沒有意慾排隊。想到協香雞腿包，之前食過一次，那次之後我再去了不下十次，每次也是賣光或未到時間出爐，總是失望而回。今天時間是3:20分，終於有得食，已賣了一半，影完相，急急夾起一個包付錢$8.5。雞腿包有熱度，應該出爐不久，雞腿看來飽滿，不會乾，聞到雞肉香味。小朋友好開心，說先吃包，再吃雞腿。小朋友一臉滿足地說$8.5有包，有雞腿，又平又好吃。

返工前買個麵包比我做早餐！一間好傳統嘅麵包店，地方幾大，麵包款式都係正常嘅港式麵包款！夾好交比店員簡單袋入膠袋！因為一次過買好多同事嘅早餐，唔知分別嘅價錢！店員將麵包分開款式分開袋，企理整齊！雞尾包：熱辣辣！麵包鬆軟！烘得亮麗金黃，雞尾甜椰絲香濃足料！甜膩好味！如果多啲芝麻就更好！紅豆菠蘿包：好大個，烘得金黃，菠蘿皮大塊甜脆，麵包鬆軟，紅豆餡好足料，甜膩好味！店員爽快勤快呢間最出名嘅雞髀包都未試，下次再試！

愛周圍遊走的吃貨朋友帶我到粉嶺食好西，同時亦向我推介區內名物小店！舊式麵包店買少見少，取而代之是連鎖麵包店出品貨不對辦空氣感重的麵包！雞脾包其實在九龍區都見過，不過$8.5的價錢實在想不到不買的理由！斑蘭蛋糕色澤像抹茶，而且又是酥皮，值得一試。雞脾包麵包部份做得軟熟，熱烘烘地食味道更佳！雞脾體積像雞槌般，雞皮燒得脆，肉質有點點嚡不過尚算滑溜！斑蘭蛋糕挺飽肚，不過斑蘭味不太濃郁！面層的酥皮亦都偏淋身，整體一般。

諗住去聯和墟買牛丸，不過牛丸一早收鋪，買唔到，不過有另一收獲，就係協香麵包西餅既雞脾包~ 呢度雞脾包深受街坊歡迎，我見到除左我之外都唔少人買架~ 目標雞脾包當然呢度除左雞脾包外仲有其他包點賣，我見到有班蘭蛋糕拿破崙。所以想買個比阿媽試~不過阿媽話一般，唔夠班蘭味，蛋糕都算軟熟，拿破崙外層鬆化唔太甜膩，普通早餐食都ok。重點雞脾包呀~ 聞名不如一食! 雞脾包麵包口感鬆軟，雞脾啖啖肉之餘，充滿滷汁香氣，肉質有彈性，而且食落好juicy，有機會再黎我都會再買黎食。

呢間面包鋪應該都好多人听過都唔多介紹雞脾包 $8.5好多時都介紹佢個雞脾包我就一般 我反而最中意食佢個朱古力流心包不過唔知係咪好耐無食 呢個size $7.5 我覺得有d貴個包好似細左好多 個朱古力餡好似無以前甘多同埋買個陣已經凍左 如果新鮮岀爐食既話流心效果會更強

這間位於粉嶺聯和虛的協香麵包西餅舖，其中的招牌雞脾包今天終於有機會一嘗。雞脾用滷水汁滷過之後再用麵包包著一起焗，所以香味十足令人看見便急不及待一口咬下，麵包都幾鬆軟而且沾上了雞脾汁味道幾香雞肉能夠保留到雞肉的嫩滑而且價錢合理，如果經過都可以一試

聞名不如見面！唔遲唔早，時間岩岩好～ 傳說中既雞腿飽，今日終於可以試到！個包好香，好軟純，隻雞腿就略咸，不過多汁，唔會乾爭爭！好特別！其實好多小舖既品質都有保證！耐看依家啲人，乜都想要特別（可能包括小弟）！有啲野，其實已經好好，何必錦上添花？！衷心希望此類型小舖，可以殺出條血路，唔好再比啲大財團獨罷市場啦🙏🏻

聽我一齊做yoga的同學話哩度d卷蛋好食,佢話日日都買來卷蛋食攪到我都鍾意食埋一份講真,32蚊1個又真係抵食,而且仲係雜果,鮮橙.仲有雞脾包夠脆,蛋tart又好食個姐姐服務好唔得lo,我問下價,想睇下其他麵包先又屈我唔買點知仲要話番我轉頭話我唔岩咁話wo,仲要同我嘈我已經唔再同佢嘈仲要唔同我切卷蛋,我啤住佢佢先肯切一d禮貌都無講真,我唔介意要加$0.5-$1切/俾其他食物攪過的刀同我切looo麵包店,我唔期望有好好服務,先唔好好似個收銀姐姐咁的態度loooo

協香麵包西餅，我係為咗雞腿包而嚟，當日仲要啱啱出爐無耐，買嗰時仍然係暖嘅。以麵包包著雞腿，外表有趣。麵包外皮微脆內鬆軟，雞腿睇落就較為乾身，不過咬開就有少許少許少許肉汁，大小適中，攞上手食都幾方便。都算得上惹味但唔算出眾，就係貪得意，反正又唔洗十蚊一個嘅。

出左咁耐, 今日去開聯和墟終於可以試到極有名氣既協香雞脾包入到鋪頭好明確就去左買個8.5既雞脾包 買完仲熱烘烘的就即刻食...咬落去個下, 先唔好講個味住....   個包散發住香噴噴既牛油+麵包香味再一口咬落去麵包同個雞脾個味好MATCH...原來佢地將隻脾滷了, 入味得黎唔會太咸... 仲好容易咬 (証明一D都唔硬)如再有機會去,, 一定會返桌佢