南豐餐廳

Open Now

Now Closed

係呢條邨住左30年，經歷過之前有大家樂、酒樓嘅年代，然後去到得返幾間老人院同埋呢間南豐餐廳，百佳同7仔都差啲頂唔住，全部都係拜領展一手所賜。終於幾年前換左手，商場煥然一新，而呢間南豐餐廳亦依然屹立不倒，之前咩質素唔想多講，淨係記得佢個蛋撻係超級好食，絕對係我食過既三甲之一，其他食物不值一提。聽人講餐廳最近換咗老闆，所以今日特登嚟試吓咩質素。咖喱牛肉飯，牛肉都幾多舊，有兩舊大薯仔，睇得出唔係hea，絕對正常，佢嗰啲咖喱汁係真係汁唔係水，淨係呢樣都打敗左出邊好多所謂嘅茶餐廳。另外再叫咗杯熱鴛鴦，佢杯野係偏向重茶味，但本人比較鍾意奶味多啲。

家庭聚會喜歡在家慢慢享受晚餐，平常在商場兩三間食肆外賣食物，花時間之餘還要預早去落單及等外賣。今次試了「南豐餐廳」的到會有驚喜，落單方便，安排車送到屋企附近，省時而且價錢合理。餐廳包裝整齊衞生，賣相吸引，配菜蔬菜多，味道不太咸及濃味，而且份量十足。兩款沙律調配的沙律醬適中，不多醬，材料新鮮；華都夫沙律的蘋果、西芹、合桃，切得幼細；大蝦凱撒沙律的菜新鮮，大蝦爽口有蝦味，送到來溫度還保持到凍。小食拼盤有豬頸肉、炸春卷、扎肉，豬頸肉肉質爽夠腍，炸春卷仍保持到脆口，扎肉略為乾身。韓式牛小排的配料有洋蔥、菇、蘋果，加了蘋果有特別的效果及味道，牛排有牛味及腍。肥牛烏冬大量蔬菜及肥牛，煙靭的烏冬確實不錯。涼拌杏鮑菇醬油燒南瓜做前菜很讚，輕微辣的鮑菇很惹味。細型糖心蛋做很出色，味道適中之餘蛋size非常好，就算吃了一隻也不太飽。其他沙嗲串燒、大蝦墨西哥卷、叉燒也不錯。甜品有牛乳奶凍及芒果布甸，布甸有額外花奶加配效果更佳。10人餐 華都夫烤雞沙律大蝦凱撒沙律泰式小食拼盤韓式烤牛小排雜錦沙嗲串燒大蝦墨西哥卷煙燻叉燒配糖心蛋日式燒汁肥牛讚岐烏冬芒果布丁［另加］涼拌杏鮑菇伴醬油燒南瓜11.3.6牛乳果凍［8杯

在廿年前，中學生時代經常來此餐廳進食，今日想尋找當年的味道。望見新淨的建築，已找不到從前的感覺，但四周圍環境的薰陶下，我們也樂在其中。我們叫了一些小菜，侍應非常熱情。不足十分鐘內，多次問我們要不要點甚麼吃，非常熱情。最後還推介我們叫一個抵食晚餐，4粒帶子加一個豆腐煲，盛惠158大元。所有食材，一個字—「咸」，配飯食一流。

又貴又難食到不得了，食過一次呢間嘢佢打破咗我從來未食過咁難食嘅一個午飯嘅纪綠🤮， 記得我食咗三分一已經忍唔住成個飯掉咗佢 完全食唔落( 我未試過食一個飯食到咁) , 五十幾蚊一個滑蛋蝦仁飯 成個飯爛pat pat 好似係老人院食稀飯咁， 粥唔似粥飯唔似飯 ,佢哋亦都唔休做因為成條村得佢一間餐廳完全冇競爭幾貴幾求其都冇問題， 啲員工都講到自己 完全唔憂做獨市生意 幾難食都有人幫襯， 以後寧願行返落秦石邨 大家樂麥當勞嗰啲食完飯返返嚟都唔會再食呢間嘢 !!!

自從由大排檔搬入來冬菇亭之後第一次幫襯，環境變得好咗，有冷氣開放，而且衛生情況都有改善，不過就冇咗大排檔嘅風味，感覺似去咗茶餐廳椒鹽豆腐好好食，雖然係好平嘅食材但係整得好食都唔容易，豆腐嘅粉漿好薄，包住嫩滑嘅豆腐，真真正正嘅外脆內軟豉汁蒸倉魚蒸得啱啱好，很滑仲一啲都唔腥，最鍾意用蒸魚豉油配白飯食苦瓜煎蛋亦很出色，火候剛剛好，夠香口之餘仲雞蛋又唔會好老魚香茄子煲好惹味，用來配白飯亦係一絕，食得到鹹魚嘅香味

今晚出街用膳，南豐茶餐廳兩套餐飯。椒鹽豆腐$62，黑醋咕嚕肉$78。椒鹽豆腐~~薄薄的椒鹽脆皮包裹軟滑豆腐，是我沒有把握做得好的小菜，$62應該給別人賺好了！菠蘿/黑醋咕嚕肉~~二選一，我們楝黑醋，味道不錯，不太酸、肉質鬆軟。白飯份量很夠、餐湯~~茶餐廳的餐湯通常予人感覺是味精湯，我很少喝，今晚的西洋菜豬骨湯一看之下，我令眼相看，沒有油脂，綠綠的湯水，試一口；沒有强烈味精口感與勁鹹，挺不錯！吃飽了！侍應奉上免費紫米竽頭糖水，的確為我們帶來一點兒喜悅，紫米竽頭綿綿滑滑，蠻香甜的！

行完沙慈古道沿住引水道行到新田圍村咁就响商場搵嘢食先不過原來呢度只得一間食肆 ~ 就係呢間 <<南豐餐廳小廚>>行到腳攰 又肚餓唔理咁多 衝入去醫肚先*今次我地ORDER左~~白咖喱豬扒飯 $52 跟熱華田濃濃的咖喱味 豬扒好腍好夠味 啱哂唔食得辣既小朋友食*雞扒洋蒽汁意粉 $54 跟凍檸茶 +$2雞扒煎左好香口 脆皮到我連皮都食埋洋蒽汁又夠多 撈埋意粉一齊食好好味*沙爹牛肉拼火腿扒公仔麵 $34 跟凍檸茶 +$2估唔到沙爹牛肉唔係得幾片 牛肉一片片有口感沙爹汁夠濃味 而且食到沙爹有花生粒火腿扒都大塊 仲要有2塊 *怕煙味既你 千萬唔好坐近門口因為時不時都有陣煙味吹入黎 值得一讚 因同行有小朋友職員哥哥好醒目咁拎左已過熱水既碗仔比我地share食 謝謝你 --------------------------食物質素：8/10環境氣氛：7/10回頭指數：8/10-#南豐餐廳小廚 大圍新田圍村熟食亭1-4號亭免收加一

估唔到茶記出品都睇得又食得咸豬手比想像中細隻，即叫即做需時，皮脆肉嫩，有煲過不太咸，老友叫左個雞扒上面竟然放上木魚味道就唔知，睇老友表情應該OK，茶記賣相都不一般都算好味又低食

呢排新田圍有野跟，每星期有1-3次都係食南豐無其他選擇下必食沙爹牛肉有口感、汁夠濃、醃製得不錯+漢寶扒必點，老友每次都係芝華力腸+餃子🥟餃子一睇就知交返來的，這店飲品都不錯

去搵朋友，所以經過屋村就順便係屋邨茶餐廳食下飯，叫左個士多啤梨金沙骨，錫紙包牛柳，本身諗住去茶餐廳食小菜都係求求其其食飽就算，點知一上菜就聞到夠晒鑊氣，熱辣辣夠晒好味，金沙骨啖啖肉，味道一流，同喺其他餐廳食嗰啲典型金沙骨好唔一樣。個錫紙包牛肉好有特色，首先一包錫紙包住再放係個鐵板上面，謝謝揭開包錫紙之後再喺個鐵板上邊點火，第一次見咁有趣既賁擺盤，成杯林寶堅尼咁，正，真係覺得呢一間係非一般嘅屋村茶餐廳

呢間野其實開左好多年，由細食到大，上年新裝修左。款式比正常茶記多，夜晚小菜絕對唔差過專登出去食，朝早有包買，解決左好多生活需要。老實講附近冇咩競爭都keep住比到呢個價錢呢個水準，要比like。平時同屋企人夜晚黎叫小菜食，最like佢個三層豆腐同埋士多啤梨金沙骨，差唔多次次都叫。天氣好坐出面幾舒服，環境算係好好。伙記招呼唔錯，夠空間靜靜地食野或者開枝啤酒吹水都舒服。btw去廁所要行番去邨商場果邊。

自從佢搬咗舖我都冇過嚟試，今日難得過嚟試吓下午茶，叫咗個火腿炒意粉，都係一貫嘅水準，茶餐廳嘅嘢來來去去都係果幾樣㗎啦，所以我冇咩期望亦冇咩失望，之前見好多負評，所以唔係好敢黎試，今日一試，其實都OK喎，有鑊氣，檸茶都有四片檸檬，$38找數，其實真係好抵食，比起附近新翠邨嘅茶餐廳嘅水準高得多。佢仲有得坐出邊露天，香港真係好難搵露天嘅茶餐廳，新田圍邨嘅人數唔係多，得一間茶餐廳獨市生意，水準仍然非常之好，我會盡量多啲嚟幫襯，話晒都食左幾十年早餐A

自從南豐餐廳遷移冬菇亭後，除了鐵板燒退步，對比舊餐廳，款式增多了，今晚又懶煮餸來吃晚飯，穩穩陣陣點咗椒鹽豬扒飯，豬扒味道和肉質都尚可，飯的份量也很多，但不見椒鹽！餐飲加$2要檸蜜，重有老火湯送，但我冇飲到！第一次在南豐餐廳吃滑蛋蝦仁炒河，味道比較清淡都冇問題，蝦仁連埋的蝦背黑腸就唔啱食啦！        今次要了一款新推介咖喱牛腩配法式方包，烘方包很香，方包裏有牛筋和牛腩都夠腍，但方包裏的咖喱醬汁沾方包吃都十分鹹！今餐共$209，人均消費$70。                  

多年前曾在南豐餐廳吃過鐵板燒，仲記得很滿意。今天再臨南豐餐廳，原來已經搬遷到邨內冬菇亭試業，定於9月3日正式開業。仍然很懷念昔日的鐵板燒，今晚再選$78雜扒鐵板燒和$32牛雜麵。雜扒鐵板燒上枱前己經淋上黑椒汁，沒有吱吱喳喳的音律，板燒也只是微暖的，看來板燒只是一隻碟子而已。喜歡雜扒是樣樣都有，中型豬、牛扒各一件，沾上黑椒汁都算美味，兩隻細小雞中翼，瘦身形香腸切得首尾開花，又幾好看喎！雜扒鐵板燒可配白飯或意粉，我們楝白飯，白飯份量不少，還有冬瓜兩件的老火湯，冬瓜就吃埋，老火湯都冇飲啦！因為有餐茶~~熱奶茶！舊店舖沒有賣牛雜麵，現在有牛雜麵就試試，我喜歡的牛肚和牛蒡夠腍和入味，還有再條菜心，都不錯！忘記提侍應免去牛腸和肺，因為我們都不喜歡吃。可惜生麵有些梘水味，就難食咗！

剛剛行完山,嚟咗呢間這是位於新田圍邨的屋村茶餐廳，食咗個下午茶。因為似乎呢度都冇其他選擇，來個快嘅食飽飽就回家. 佢呢間茶餐廳本身係黐住間餅店，呢啲都係傳統款式嘅蛋糕和餅點. 因為本身間餐廳用茶色玻璃做窗，唔係甘睇到裏面,起初唔敢入去,因為見唔到多唔多人食. 但係見間餅店正正常常，都未必會中伏。入到去都見到有唔少人,我諗只有一半坐咗人. 佢開個冷氣都幾大，夏天入去避暑食個下午茶都幾好丫。又有電視睇, 唔想去得遠又想懶洋洋過一個下午,都唔錯丫. 不過小編仍然覺得燈光偏暗，陽光有被茶色玻璃阻隔，氣氛有點深沉。點都好啦，反正我食完下午茶都會返屋企, 所以我都覺得冇咩所謂。呢間餐廳上餐上得好快，落完單兩三分鐘就有嘢飲，個幾字就有嘢食. 呢樣野真係值得一讚。講返個食物先, 今次都係叫咗小編最鍾意食嘅西多士，杯野飲係凍檸茶少甜. 淨係見到一大塊牛油喺個西多士上邊已經好吸引,始終係比較鍾意傳統上碟的方法。見到牛油緩緩地溶化，沿着西多士上的紋理延伸出去，帶來另一種視覺享受. 視覺享受雖然重要，但知道滿足肚子的空洞還是最終的目標，所以再好的戲碼都不重要了.西多士厚度一般，但切開後都見到兩層：中間就有一層