南龍粥店 (Moved) New Location

在逛街前友人說很想吃粥我想也不想 馬上說我帶他去吃這家粥店簡直是我的中學回憶每逢生病或是想低消費的話都會來吃粥 因為粥又飽肚又便宜雖然有幾年冇吃過, 但店內幾乎是沒有什麼改變我點了一個及第粥和油炸鬼及第粥食評：我最鐘意食呢度既及第，因為呢度又足料，而且份量又會比起連鎖既早餐店大，一吃第一口，以前既感覺番哂黎，幾粒大肉球，一d配料等等，都係同以前一式一樣既，將油炸鬼點入粥入面，再放入口，油炸鬼半淋半脆既口感真係一流，就算食到成手都油淋淋都係值得既！

自從有一次病左, 覺得食粥舒服啲就改變左我一直對'粥'嘅抗拒感。今日送完家犬入院, 正煩緊食乜早餐嘅時候, 我揀左南龍粥店..全店差不唔多滿坐, 好在我一個人, 容易搵位。一坐低好自然叫左碗 碎牛粥粥底好綿, 而且好甜碎牛份量好足料, 不過精味重左啲而炸米炒仲有少少脆, 可以為碗粥增添口感其實天氣涼左, 除左打邊爐之外都仲有其他低卡路里啲嘅取暖方法, 食碗粥都可以暖一暖個胃

喺旺角想食得簡單d同平d，好似得返d無咁旺嘅街/位置先會搵到，仲要係傳統老店。突然想食碟簡單嘅腸粉,竟然呢條街仲搵到舊粥店。即叫即蒸即卷嘅豬膶腸，$19碟，醬同芝麻等調味任落，好簡單嘅野，已經好滿足。好多舊豬膶，新鮮嘅，腸粉皮薄，即蒸加晒分

路經粥店，見店員在叫賣著新鮮蒸好的巨型裹蒸糉。裹蒸糉之巨，是我前所未見。足足有15cm x 15cm 大的裹蒸糉只售$60，貪小便宜沒多想便買了一隻回家。相隔兩天，取出裹蒸糉，跟家人分享。裹蒸糉太大，足足蒸了45 分鐘才夠熱。打開用荷葉包裹的糉子，看見如糯米雞般啡色的糯米。糯米跟傳統糉子不同，這糉子的糯米與綠豆混合在一起，而非一層糯米，一層綠豆。糯米和綠豆，口感很糊爛，甚至有水稀的感覺。餡料包括有一粒瑤柱、一個咸蛋黃、一片肥豬肉、一片燒肉、一粒冬菇和一粒栗子，每款餡料放在糉子內不同的位置。餡料的味道正常，唯栗子有變壞的味道。糯米跟綠豆的份量太多，調味不夠，淡而無味。餡料又不足以為糯米跟綠豆補給味道。吃了半碗，已經實在吃不下去。

原先約了朋友飯聚，但午飯實在太早食，未到四點已經肚餓，又不想太飽，隨意找間粥店。但凡這類平民店，沒多少裝潢，有幾款食品，望望牆上水牌是一目瞭然。艇仔粥粥底是廣東式，舀幾下覺得幾綿滑，但師傅偏重，魷魚及瘦肉份量足，下點胡椒粉，味道會更佳。炒麵炒得幾乾身，油份亦不多，只是配料太少，芽菜的份量稀少，令口感變差，唯有加點甜醬提味。水準只是一般，大可不必再來。

朋友自遠方來 好想食粥品。一向都喜歡南龍 有人情味 有feel 加上我私心想襯多人 嘗試超級無敵大裹蒸糭。叫了豬膶粥 豬膶好滑 粥底好綿 薑絲蔥絲唔吝嗇。友人好高興。裹蒸糭 真是super大隻 大過塊面 我們四個人 最終都食唔曬 要打包。糯米綠豆份量好平均 糭米綠豆好軟熟 咸蛋好香 五花腩肥膏好鬼滑 入口即溶 五香味入曬落舊肉入面 栗子大大原粒 好甜。非常充料 又抵食。勁讚！

牛仔、菜、下火、艇……耳熟能詳嘅名字，食開海皇海景未必知南龍食左超過廿年，油炸鬼由$4賣到$9，裝修格局依舊黃沙豬膶粥$23，豬膶未至於好滑，但係唔算好老，都爽彈，個粥底可能生滾過，米花碎哂，質感薄左，蔥白爽甜好食咸肉糭$15，未見過咁大舊肥豬肉，係咪比錯肥肉糭？我唔食肥，不過感覺好足料，糭嘅精粹係粒鹹蛋黃，一定要鬆化，同糯米綠豆邊一齊喺口裡面化開，各自各精彩就咁睇呢張相仲以為係心太軟

豆漿淡而有水喉水味肉丸粥，入面啲肉丸又涷又硬炸両皮厚如擦子膠，內裡油炸鬼又涷又淋西米露黎到時, 差啲以為上錯左碗膠水黎職員叫極都唔應，但收錢一叫就識認啲姐妥姐應該誤會左自己係做銀行衛生就更加好到呢，我食食下野，對面客人一走，阿姐姐就勤力到即刻，無錯係即刻攞條未扭乾仲滴緊水既毛巾黎幫我地抺乾淨張枱，張枱即刻好似水塘咁，不得之了，付送埋湖景比我地如果有零分，我想比零分

經常穿梭旺角鬧市之中, 但唔見肚餓都唔覺有呢間舖喎!!老闆娘話已經開咗十年廿載咯!!先講嗰粥, 粥底綿綿, 不過略帶稀身...配料方面, 豬潤軟熟, 食落重有D起沙添, 新鮮就更加不用多說!!但旁邊豆漿, 味道好淡、稀同欠缺豆味!!店內有新舊顧客, 老闆娘又有傾有講, 具人情味!!價錢不單止唔貴, 仲有點偏平喎!!

其實我不時食呢間粥鋪，水準都keep 到。食開皮蛋艇仔粥（餐牌冇嘅，識嗌就有）同炒米。粥都算綿，不過我懷疑落咗唔少豆粉，所以「杰」得怪怪哋。配料足，啖啖都有餸，算係咁。炒米絕對大碟，細食嘅話唔使加，或者淨係食炒米😂米粉夠乾身，不過略嫌冇味，又加好多醬先好食。埋單$29，喺旺角唔算貴掛。

齋腸。。。熱熱的，軟軟滑滑的腸粉一向係我老婆嘅心頭好，每次見到都想食 今日一家三口路過【南龍粥店】，老婆又想食了，因為BB都中意食佢食得慢又坐唔定，我就入去買份外賣吧～買完出黎交俾老婆，放好啲散紙，連個銀包都仲未擺返入袋，就已經聽到老婆嘅投訴聲了 有冇咁差呀 我黎試試。。。哦～明白了，煙煙韌韌粗礦嘅腸粉好有口感，非常真材實料～厚厚的，好濃嘅米香落足本 溫度屬微溫程度，將燙傷喉嚨嘅機會減到最低，非常貼心，俾BB食之前都唔使先吹凍了 淨係見到BB食到開開心心嘅表情都心滿意足啦～ 有啲想入返去擺低tips添 好！可以去評分了 。。。。。。

今日出開旺角兆萬買公仔，去咗後面街睇下食乜好， 前排食得太豐盛，依兩日要比腸胃抖一抖，所以選擇食粥，見依間粥店幾舊式同都幾多人食緊，就直入啦。叉燒腸嘩～好厚粉，食落唔，只是微暖 ，但叉燒都算足料。我嘅淨瘦肉粥 $17～ 粥幾綿，咸瘦肉份量算不少啊！生滾豬潤粥$22 ～ 都幾多豬潤喎 試咗一淡，生滾粥確係好味d ！另外，仲叫咗杯凍豆漿，試咗啖，得甜味無豆味嘅…另外一提，由入店坐底至一路食，見到有些人點了蘿蔔糕，單看已知內裡好足“粉”，唔使試了！

真的真的太耐冇食粥喇！！呢晚突然好想食粥，所以行咗成個旺角搵間抵食架啦，真的唔好以為豬紅普通，係佐敦同尖沙咀食過粥鋪，係唯獨呢間南龍最好食，或者其他粥店都有，但係都冇咁正，都係去南龍好喇。我叫咗個皮蛋豬紅粥，本來只係打算食豬紅粥嘅，但見到有皮蛋喎，正！所以叫咗呢個粥食。粥底其實好棉，好有粥味，而且料多，幼滑好食。朋友叫咗個牛肉粥，聽佢講粥勝在料多，牛肉厚滑冇血水剛剛好，鮮魷唔韌爽。佢對粥要求唔高都話ＯＫ。之後又叫咗两件油炸鬼，我地一致認為勁好食！油條又脆又唔太油又夠韌，包好味，正！總括來講呢.......下次想食粥既話，一定會再黎！！！

臨近端午節各式各樣的粽子傾巢而出大品牌早早推廣 上百元一隻裹蒸粽已屬平常可恨價錢並非與品質成正比 貴價也只是換來粽大而已個人對傳統食物不求創新 只求傳統簡單味道可惜在現世追求基本反而成了奢侈 地道粽子可遇不可求在這新潮購物區 竟能遇上質素不俗的粽子阿姐架開一桌把各路粽子豪邁堆上荷葉香氣四散 已不知多少年沒聞過這香吃粽子、糯米雞沒荷葉香早已成默許這香氣實在讓不想晚上吃太飽的我也不得不買可知這區租金極貴 顯得粽子的價錢實在出奇的便宜除了裹蒸粽 全部一律$14就是那隻大得可碰死人跟屈原做舍友的裹蒸粽也只賣$55咸肉粽$14的份量也沒少給說特別大倒沒有 但就是對得起天地良心的份量折開迫不及待來一口 味太淡拿過匙 把一茶匙的醬油均勻下在面頭整個味道立刻好上來內裡的咸蛋黃應該有一整個 反正就是不會給得很小氣豬肥肉沒有給很多 但是味道還是在的 怕肥的人應該會喜歡綠豆倒是有點少 可是我也沒需求很多 所以感覺還好這個粽子的精髓在於它的糯米 口感非常分明不會軟得在口裡糊掉 一口咬下去感覺到它的粘軟卻又帶嚼頭的乾脆就是想要嘗糯米的軟同時又不需要捨棄狠咬的衝動雖然還不到絕色 但$14的價錢實在是平凡級大神了！

除了尋常的茶餐廳ABC早餐之外，小弟對早晨粥品油器也是情有獨鐘的。故此一知悉沒有試過而又開得早的粥店，都會不辭勞苦的去專程去嚐一下....這粥店雖位處於小弟每次去旺角朝聖時的必經之地，但就偏偏每趟都過其門而不入。直至到了今早緣份忽然來到方才一會，希望不會是太遲了吧....好久沒清一下腸胃，就來碗白粥吃吧。嗒落有米香，綿度也頗足而絕不水汪汪，水準不俗....新鮮熱辣的油條外脆內軟，油溢味全無，而且沒想像中的油淋淋，很有水平....可惜一切好夢卻被一道齋腸粉蒙上污點 ---- 腸粉皮黏筷異常，入口帶點濕漉漉的感覺，米香及滑度自然也是欠奉的....價錢也算公道便宜，只花二十大洋就可埋單走人。此時腦海中忽然浮現出在同區某粥店，一碗有味粥加碟炸両便索價多一倍的恐佈情景，真是令人不堪回首....