原味館 (Closed)

3月9日，一直咳咳咳～～～本身想同老婆豬再去食布來恩，但後來發生左Ｄ事，位都ＢＯＯＫ埋都去唔成Ｑ＿Ｑ最後見天氣凍凍地，去左荃灣食原味館。呢間店之前老婆豬係ＩＧ見到，想去食好耐ＬＵ～今次終於去荃灣食～我個人就冇乜點去過荃灣，當去到一個陌生既地方就覺得好似去左旅行咁。不過老婆豬就話以前讀書果時就成日黎ＳＨＯＰＰＩＮＧ～搵左陣，終於到左原味館。間店好細間，好唔起眼，要認真搵先搵到。老婆豬揀左個生滾三鮮面，而我就要左個沙茶面。先講老婆豬果個，老婆豬不斷咁讚話好味道好味道～Ｄ蜆好新鮮，而且冇沙，個湯底又勁鮮甜！！後來配埋店內勁辣醬，老婆豬話唔太辣，而且可以完完全全帶出Ｄ蜆既鮮味！！驚為天人＠＿＠＂＂極品中既極品！！而我揀既沙茶面入邊都有好多蜆，同老婆豬果個一樣都係比足料，都抵食。我個面食落有少少辣，我係個唔食得辣既人，都覺得接受到，幾正幾吸引～雖然我唔太識分咩叫新鮮唔新鮮～不過食落幾好味，凍天食落好正好滿足。Ｄ面應該係即食即整，因為見佢都需要少少製作時間。不過間店就太細，唔係太舒服～始終都係小店。食物性價比同服務都唔錯，算係抵食之選。

葵涌廣場食店集於一身，每天人流極多，尤其是週末，所以都不是經常去，今天咁啱要去葵芳個邊，又未食午餐，個肚又打曬鼓咁，行下行下經過阿佳拌麵，反正未試過，就試試肉燥拌麵配沙茶醬，落單後，見師父隨即烹煮面條，之後放進外賣盒子裏，放上魚旦，不過係長方體咁既型狀，再加上肉燥，同蛋一隻，熱呼呼的，回家後，趁仲熱的時候，我就即時開動，有些淹左的酸蘿白，酸甜的味道令人開胃，先講肉燥，味道不過咸，豬肉碎不肥淋淋，沙茶醬味亦是適中的，面條不會過淋，都是有咬口的質感，魚片很軟，似豆付咁，唔錯，至於隻蛋就好驚喜，係溏心，好正！蛋味香濃！份量剛剛好，啱曬不大食的人

以前喺元朗都聽過好多人推介呢間餐廳，但一直都未有機會試到，今日終於喺荃灣試到呢間心機小店。小店座位唔多，眼見室內2枱，室外3枱。無揀到招牌既三鮮麵，叫左個紫菜四寶麵（四寶：福州魚丸，墨魚丸，豬肉丸，豬肉餃）。墨魚丸同豬肉丸都唔錯，大細適中，彈牙，絕對唔似凍肉舖大大粒果d。豬肉餃塊皮好薄，唔怕食皮都食到滯。福州魚丸係爆漿丸，入面個肉餡個人認為油左少少同咸左少少，唔係太岩本人口味。至於個湯方面，未食前好大期望，試左啖真係有點失望，本身諗住會好清，點知唔清同埋感覺無乜特別，或者三鮮麵個湯會好好多。值得一讚佢係用豆苗做配菜。價錢唔算太貴，份量亦非常足夠有凸，小店製作有心機，值得大家試一試。

有天和好友上完運動課，到荃灣士林夜市街吃晚飯，看到這間全店坐滿的「原味館」，便進去試試。*生滾三鮮麵(沙茶湯底) $62我點了每台必點的生滾三鮮麵，因為當天想吃點濃味的，所以就+$3轉沙茶湯底。後來有點後悔，轉了沙茶湯底就吃不到它的「原味」，變了普通吃火鍋的味道。*麵量和湯料是超級多，花蛤、鮮蚵仔、油燜金菇，堆成一座小山丘。*因10月到2月沒有蟶子所以就轉了鮮牛肉，牛肉是半熟的狀態上桌，到吃的時候就熟得剛剛好了。**地道麵線 $56這個地道麵線不是台灣黃黃的那種，這個口味比較清淡，比較像是家常媽媽會煮出來的配搭。湯料又是超多，有吊桶、鮮蚵仔、赤肉、香菇、雞蛋和蒜仔。*我覺得原味館的麵是好吃的，而且真的沒味精，但不特別，覺得自己在家也很容易煮出來的感覺。不過如果你也像我朋友一樣，是完全不會煮東西的，那這裡應該很適合你(笑)。*以下是餐牌：

鄉下仔孖農家妹回老家荃灣探親遊一夜，適逢路過大河道，發現昔日食肆已人面全非，不過桃花依舊，荃灣區大小食店種類繁多、依然百花齊放！秋風凜凜 一碗熱騰騰嘅湯麵絕對能夠一解秋愁惊鴻一瞥！主打原汁原味湯麵嘅原味館霎時映入眼簾！直覺話俾我聽 今晚係佢喇！和店員揮一揮衣袖，佢帶領住我地去左旁邊巷中嘅水濂洞，（裝修和石洞無疑，食好西並唔係食裝修，我明嘅）去片！圖上：廈門沙茶麵🤦🏻‍♀️農家妹（由於有感圖片與實物有些少距離 無謂大特寫）圖下：生滾三鮮麵🤦🏻‍♂️小弟（賣相相對吸晴眼耳鼻舌食慾頓時大増呀！）原圖如下🤦🏻‍♂️A.生滾三鮮麵由於蟶子時令所限 以新鮮牛肉代替，戒了牛肉的農家味只有望門輕嘆首先，令人直上大腦嘅濃郁鮮味來自湯底，尤其蚵仔味道份外突出～真正充滿原始生滾湯嘅味道 正呀！花蛤個子雖嬌小 鮮味卻不失玲瓏 唔錯。鮮牛肉 牛肉味略淡 肉質以本地牛來說屬於合格 都唔差。麵質彈牙滑溜 我鐘意呀！配菜幾絲油燜金菇與豆苗夾著面條與湯汁一齊啪入口品嚐蔬菜嘅爽脆，有畫龍點睛之妙🤦🏻‍♀️C.廈門沙茶麵農家妹叫好 成碗湯都想清埋佢嘩，呢個沙茶湯底都唔講得笑，香味撲鼻，味道濃淡適中，冇其他食店機械式沙茶味，非常自然

很好味，厦門麵食都幾少有。正宗唔正宗我唔去判斷，但我會講："我鐘意，好好味".點左三鮮米粉，同沙茶醬牛麵。3鮮湯非常鮮味，有海鮮的甜美，清甜但又唔會覺得淡。 同米粉絕對係好朋友。 喜歡濃味點的，沙茶醬會非常適合。牛肉麵正，湯底冇得輸。太好食了，唔多講。 重點係其他地方食唔到呢個味。就係環境差d, 地方細，冷氣唔太夠。但味點勝過一切。希望店主揾到好地方搬左就可以改善環境問題了。我個人真心喜歡支持原味唔加味精的店。

真係想試好耐喇～今日終於就岩時間出荃灣試三鮮麵本身冇乜太期待話好多餸，點知有驚喜！我食三鮮麵線， 男友就叫咗三鮮麵，普通麵底似日式拉麵，好食吖湯底鮮甜，花甲新鮮而且都多，蟶子就唔算太新鮮不過都幾大隻喎！蠔仔份量亦都十分多，食到最尾都仲有蠔仔係底講真10分滿分我會比9分！可惜小食冇乜選擇，大食啲既人可能會唔夠飽啊～由於我同男朋友都係吃貨嘅關係，食完先記得自己冇影相只好影底餐牌然後介紹俾其他人，下次要試下沙茶湯底先得

大胃D一直都想食依間既三鮮麵 但又驚多人🤦🏻‍♀ 上次星期日咁岩經過八點 無人等就入左去👏🏻 我地兩個人叫左三鮮麵同廈門沙茶麵！ -三鮮麵 有蠔仔 蟶子 花蛤 配料有油金菇 味道唔錯👍🏻 先飲個湯底 幾鮮甜 再食啖福建麵 麵質唔淋 有少少咬口既 似上海麵但較幼硬身 餸都唔少啊！淨係花蛤都有9隻 雖然係細細隻 但都幾新鮮 可惜係食到1 2隻有dd沙😔 不過個湯底滿意既 我都喝光光的👏🏻 -廈門沙茶麵 有豆卜 花蛤 豬肉 粉腸 豬潤 一上枱見到個湯底就覺得唔對路 無我想像中既顏色 飲落亦比想像中淡左少少 不過餸方面 都無失望既 豬潤同粉腸新鮮 好食 花蛤都有幾隻既 依幾隻好彩無沙👏🏻 .整體黎講 都可以一試既 價錢都對得住 鐘意食辣既人 一定要落佢既辣菜甫 幾好食🤗.原味館 (荃灣)荃灣大河道91-97號天保大廈地下F2號舖

我地好遠嚟食 真係一係天堂一係地獄㗎😆好彩 係天堂美食😇三鮮麵 轉沙茶湯底 好多料呀👍👍👍👍好新鮮 灼得好好 剛熟 恰到好處有D燜過嘅金菇同蘿白絲 配滑滑麵線有聖子 蜆 蠔仔 配沙茶湯一流😋牛三味麵 都係轉型沙茶湯底有牛丸 牛肉 牛肉餅👍👍👍👍👍四寶麵 清湯底也好好吃呀忘記問下D丸係咪自制 我估係😎因爲豬肉餃出面未見過 亮點📣📣📣煎牛肉餅🤤🤤🤤🤤厚厚的牛肉餅 用蒜蓉煎過 有D避風塘feel😆好爽好惹味 好搞笑 有D似牛脷好好吃雖然遠 但我會再去💪🏻

專登由北角入荃灣食嘢， 叫左個牛三味同三鮮麵，兩個都飲晒啲湯，唔係味精， 堅好食！ 牛肉好重牛味，丸同牛肉片都自己整！ 至於三鮮，蟶子，花甲同蚵仔都冇沙又鮮甜！ 好快又要再入去食！

在荃灣已經有好多特色嘢食，今晚就試下福建嘢。一碗三鮮麵賣58元唔包飲品，又咁細碗，真係粉麵店內，算貴價嘢。我自己叫咗個四丸米粉，米粉係碎碎的，見到已經大打折扣。不過個湯底算清甜，同埋個撈金針菇都好味，全店得兩款小食（青菜及撈金針菇），好珍貴的😂😅

係網上見到「原味館」嘅報導，決定前往朝聖今日下午13:30去到可直接入座，門口見到有一排等候安排告示，斷估晚市應該要排隊等位見到餐牌選擇不多，主打6款湯麵，或者自選粉麵。我同朋友當然揀餐廳代表作「三鮮麵」同「牛三味」啦首先，「三鮮麵」餡料有花甲、聖子、蚵仔，份量十足，每款都有起碼5粒所以貝類乾淨無沙、頗有誠意湯底鮮甜，配冬瓜條，更加鮮味「牛三味」有新鮮牛肉、手打牛餅、牛丸，好重牛味肉質新鮮，無雪味::::::: 尾中不足係我地配麵線，但麵質癡埋一餅

昨晚第一次食三鮮麵，真的唔錯，海鮮都好多，麵都唔少，湯低唔淡，啱啱好，在港鐵行過去都係5至7分鐘左右，中午後可能會少D人，我就6點左右去食就要攞籌號，可能我係一個人去食，所以就等得唔耐，都係等左一陣，下次會再試試其他款式麵餐。

十二點十五分去到原味館，店舖外面幾張枱已坐滿人，我地俾帶到隔離店舖，内有七張枱左右。點了三鮮配麵線，牛三味配米粉加檸檬雪碧。三鮮麵線，配料有蟶子花蛤蚵仔同油燜金菇，海鮮食落新鮮無沙，油燜金菇非常入味，麵線偏腍又糊。牛三味米粉，配料有鮮牛肉牛肉餅牛肉丸同酸菜，鮮牛肉嫰滑，牛肉餅質感爽彈，牛肉丸肉味超濃，酸菜惹味，米粉質地柔韌，同牛三味係絕配。略嫌湯底冇豬骨味冇鮮甜味偏淡，唯有放些店舖自製辣菜脯提味。五十八蚊碗價錢偏貴，可一試無妨。

雖然很多人閙爆X假期成日介紹完d景點、餐廳後會搞到好多人，但無可否認亦真係令到更多人認識某些餐廳或地方。 這次來到的《原味館》位於荃灣，基本上我是不會踏足，就係因爲睇到報導介紹的，嗜食海鮮的我又點可以放過。 是日（3/17）慕名而來，真係完全低估了報導的威力。大約8點到達，除了全店滿座之外（唔難，因爲其實大約得12-15個位左右）--〉後來後巷位再加了幾檯。 店外亦圍住很多人等候。 拿到號碼紙大約要等8張檯，以爲吃個麵應該好快，點知都等左一個鐘左右。 9點幾其實已經等到極餓，一場來到梗係啦。 可惜麵綫、米綫、面綫等已經賣哂，只剩米粉，唉雖然無奈但只可接受。 很快就先上一碗。我讓朋友先吃。 點知，等左勁耐（15-20分鐘）第二碗都未出現。忍唔住終於問夥計，好明顯係漏單，大佬，兩個人，點兩碗麵都可以漏一碗。廚房先話無哂蟶子，心諗WTF，廚房提議比牛肉我，sorry我真係一心食海鮮。最後話比多d唔知花蛤定蚵仔我，雖然我望落同朋友個碗無分別。 **呢碗係我個碗無蟶子（有一隻係朋友個碗比我的）好啦，呻一大論。味道點呢？以$58來講，有2-3隻蟶子，幾隻花蛤，幾隻蚵仔的麵係抵ge。海鮮的siz