古早味休閒台灣 (Closed)

出到旺角想食間台灣野，又見好多好評就去咗試下！結果有啲失望，可能嗌到啲伏野古早味滷肉飯（$58）汁偏鹹，啲肉半肥半瘦，撈飯食係幾好食既，但整體都好鹹。唔算話好好好食一定要試😢古早味炒飯（$58）味道都係偏鹹，有啲滷肉炒，冇咩特別，好似普通炒飯咁，不太值得一試。酥炸鹽酥雞（$38）唔太夠味，雞肉唔太軟，整體偏乾同無咩味好失望仙草奶茶 正常啦呢個，冇咩特別，出面手搖飲品鋪應該會超越佢。整體覺得麻麻地，以為會好好食但可能叫錯唔係招牌菜，所以覺得唔算好食。不過環境係舒服既，但上菜等得有啲耐，等咗差唔多15分鐘先上齊。

古早味 - 原住台灣📍.尖沙咀區有好多唔同種類既食店近日E.L就搵到一間以台灣原住民為概念既食店🙆🏻‍♀️成間食店以淺木色作基調而一入門仲有色彩繽紛既壁畫作裝飾都幾有舊台灣既感覺🌈.🐔酥炸鹽酥雞（$38）外皮炸得幾香口 亦唔算厚粉雞粒面灑上少量辣粉 味道都唔錯💁🏻‍♀️.🥬蒜蓉炒油麥菜($58)油麥菜香甜 加上蒜蓉既香味 香甜好味😋.🍱豐收飯($68)一碗飯有齊魚肉菜蛋等等 成八樣配菜😍好適合d咩都想試既朋友腩肉同雞翼醃得入味一個價錢有幾種配菜 抵食👍🏻.🍚滷肉飯($58)飯面既滷肉粒都幾多 肥瘦摻半令到口感比較豐富🥩肉味香濃 滷汁入味 好味🤤.總括黎講 呢間食店總體味道唔錯☺️而且位處尖沙咀區但價錢一啲都唔貴而家晚餐時間主餐牌仲有八折優惠甘抵食真係值得encore 🤞🏻 .人均消費：（折後）$110美味指數：😋😋😋😋😋😋😋（7.5/10）抵食指數：💰💰💰💰💰💰💰💰（8/10）打卡指數：📷📷📷📷📷📷📷（7/10）.店名：古早味原住台灣 (尖沙咀)地址：尖沙咀北京道71-77號誠信大廈2樓.

放假無咩restaurant開，係旺角食lunch又想食平dd，推薦大家去依間「古早味台灣餐廳」😚首先一試佢地既海鮮炒面，有蝦有尤魚，配料十足，亦不太油，想惹味點可以自行加辣椒🌶️醬🥳另外仲食左麻醬撈冷面🍜個人認為好好味呀☺️☺️因為個面煮得夠淋，店內特配既麻醬亦好Match 個冷面，食過返尋味。每款食物加四蚊仲會有台式特飲，好似珍珠奶茶啊，檸檬愛玉啊，都幾具台風！最後我地仲叫左9層蛋餅🥞，都係入口之選，粉唔多但蛋就足料既，所以都幾開胃🥰三個人兩主食兩飲品一配菜，都只係$145！抵呀！

台灣餐廳越開越多，快要到就有一間喺左近的地步。某日小人的獨自午餐又是吃台式牛肉麵是也。店子叫古早味，小人不作他想，很自然地叫一碗古早味牛肉麵。習慣先試湯，一喝之下，是飲得出的牛骨湯，湯底很甜。牛肉帶些筋，腍得來有嚼勁，兼且煮得入味。麵條是類似刀削麵的濶麵條，同樣有嚼勁，跟在台灣吃過的很相似。碗內的菜則太硬，又沒甚麼味，可有可無。反為配上的小菜則更可口，是一些涼菜、菜甫之類，夾著麵一起吃能增加食味，襯托得更佳。這一間的牛肉麵值得一推。

今日公司放早, 所以出左黎做瑜伽, 係做運動前都要食返少少野食既, 黎到呢間台灣小店, 見到佢地有lunch set, 引唔住就入左黎.lunch時間唔算好多人, 不過都坐左6成人客, 好多都係一個個既返工人士, 點左一個個人覺得好抵食既午市套餐, 包一個鹽酥雞扒麵, 小食 +飲品因為本身唔算好肚餓, 而且唔想食得太飽, 已經叫左職員少麵, 不過黎到依然好大份!!!個麵係台灣既刀削麵咁, 黎得幾有咬口, 帶少少彈牙口感, 做得都唔錯~幾好幾好而呢份足足差唔多有10件既正係呢個麵既主菜, 鹽酥雞, 完全冇諗過lunch set既鹽酥雞係會有咁大份!!! 真係好有驚喜, 而且岩岩新鮮出爐熱辣辣, 外層炸得脆脆但雞扒入面都仲有juicy感覺, 認真唔錯! 不過個人覺得鹽酥香味可以再香濃D, 咁就prefect除左岩岩介紹既鹽酥雞扒麵之外, 仲有一個花枝丸小食幾彈牙, 味道唔錯!個人覺得$52真係好抵食! 不過份量對我而言有d多, 3個人share 2份就最好, 而且味道都唔錯, 下次會再黎幫襯

有fd 想食台灣菜，用openrice 一search 先知原來古早味係有甘多分店旺角店要行一層樓梯，梯間都有依d 台灣地道壁畫，營造番台灣地道風手抓餅夠酥脆，好食鹽酥雞塊，香港水準，無台灣當地甘好食白菜仔好好食，當造，連埋個湯清清地油爆雞，夠獲氣，雞唔會蟹，有驚喜鹽酥雞扒面，雞扒比起雞塊份量多好多，亦都比較好食個面d 配料都好食，面似牛肉面個陣，偏粗身椒鹽豆腐好食，熱辣辣上台，咬落去外脆入面滑口到不得了台灣野無理由唔食芋圓，點知成餐最難食就係芋圓，硬身無味。。，炸芋丸～～勁熱辣辣炸起，芋頭味無乜，但入面尚算煙韌～整體感覺都唔錯，而且價錢唔會好貴，份量合適，但台灣味道就真係唔算似，似港式多d

平時行開旺角花園街好少會行入去啲內巷，今日就特登行入去發掘下有咩美食。見到呢間餐廳門口有職員派梗傳單，之後再望望發現裝修都幾有心思，而且餐牌價錢又唔係好貴所以就試下。農家蓋飯 ($68) : 跟餐有三款配菜，有酸蘿蔔、辣菜莆、話梅 ; 辣菜莆都幾辣下建議逐粒食。而且碗飯都有幾多餸，有肉燥、台式腸、滷水蛋、炸雞、生菜、蝦、靖魚，份量相當豐富，味道亦唔錯，另外午市同下午茶都可以用半價叫多款小食同幾款燉湯添。👍🏻

近排四處搵好食嘅台灣甜品，台式剉冰、芋圓、仙草⋯⋯難得呢間餐廳有齊晒，當然要來試試佢。同朋友一共兩人點咗黑糖珍珠刨冰同手工綜合芋圓，一人一份。黑糖珍珠刨冰好足料，台式剉冰嘅冰塊比較大舊，所以食嘅時候都要用牙咬碎先得，唔似綿綿冰/韓式冰咁幼細；黑糖水甜度啱啱好，食完個刨冰好滿足。手工綜合芋圓至於芋圓，就有啲失望，芋圓煮得太硬身，因為係凍食緣故，放喺凍糖水裡面芋圓變得仲硬身，ummmmm冇咗芋圓本身嘅煙韌度t^t 要繼續努力搵好食嘅台灣芋圓。

同同事放工後，好耐都冇食台灣嘢，見到呢間嘢就入去食啦，兩個人呢個又想食，果樣又想食，結果叫咗五樣嘢。呢個麵線就普普通通啦，因為佢啲麵太熟，個味又重咗啲啲。甜不辣同平時食嘅有啲唔同，呢個似魚餅果種，冇咗平時甜不辣嘅咬口感，但個味都還可以。個牛肉麵幾好味，牛肉又好大件，食到好飽。大腸都好味嘅雞排都好味，炸得酥脆，鹽酥嘅香味。

兩個人想食多兩三個餸， 又唔想食餘， 真係好煩惱😖⋯⋯幸好這間可以滿足我地的慾望第一次去， 都未叫野食， 男朋友就話， 可以再黎， 好多野食😅😅。不論服務，食物味道都ok . 推介食物：1. 酥炸鹽酥雞： 咬落去， 保留雞肉汁， 又唔會太鹹， 好食2. 花枝蝦排： 必食， 脆口但唔油膩， 只可惜件數太少（只得4件）3. 紫薯奶霜： 甜品， 紫薯外型整到好雪糕甘， 但紫薯本身唔算好甜， 配上奶薯及少少黑糖。 可改善菜式： 宜蘭蔥饀餅， 蔥唔夠多， 未夠香😅😅

1個人行行下街有d肚餓,望到對面有呢間古早味,而且仲係下午茶時間,一於試下。本身其實真係唔係咁想入去,因為佢位於女人街旁邊既鋪頭,而且坐位係樓上,感覺唔係咁乾凈,但係見到佢有個豬軟骨滷肉飯我又真係好想試,就以就上左去啦。講真我自己覺得門面就唔係好吸引,不過上到樓上畀我嘅感覺都ok,地板係乾凈既,無濕笠笠,而且卡位都整齊企理。叫左個豬軟骨魯肉飯,加$4熱珍珠奶茶少甜,共$52。好快珍珠奶茶就嚟咗,好開心杯奶茶係熱辣辣而唔係暖,好多時叫熱飲都只係暖既溫度,珍珠比較林身,少甜左之後唔算太甜,而且飲到茶味,幾好飲。唯一扣分既係放左一支膠匙羹落去杯熱辣辣既飲品度,我真係擔心會熱溶。好快個飯都到左啦,賣相好靚,完全唔hea,擺盤好過好多台式小店。豬軟骨估唔到好有驚喜,軟骨非常淋好入味,有兩大舊,雖然係下午茶但份量一啲都唔少,滷肉唔算特別好食不過都不錯,而且夠汁撈曬碗飯

到了旺角不知吃甚麼好，看到這間古早味台灣野，便去一嘗。店處二樓，面積大，座位夠，不用等。點了以下這些：豐收飯 - 有齊豬、牛、雞及魚，意味豐收。食物味道方面，點煮都子食的雞翼及台灣腸冇得輸；魚的味道也很好吃；牛有點嚡；豬肉不入味台式什錦炒麵 - 味道清清地，不會鹹，比起豐收飯好食，只是配菜略少宜蘭蔥餡餅 - 四個細細個，內有蔥的香味和一些肉碎，好食珍珠奶茶 - 正常桂圓紅棗 - 滋潤，不會太甜

今日午餐同同事想食台灣菜 經過見到呢間地方很大 環境乾淨 立即選了這一間我選了這個包菜肉燥魚蝦的飯 很豐富 還有配送一條台灣腸😍很適合我這種胃小又咩都想試下的人味道相比其他台灣菜店淡一點 但整體都值得推薦

平日中午諗住搵啲特別既食物見到有間上樓台灣野 友人又喜好台灣野咁就試下裝潢都還好吧 位置頗大 都可以容納很多客人可能剛營業既關係 沒有太多客人 只有2,3枱客左: 珍珠奶茶右: 檸檬薏米水味道不過不失 淡淡的用外賣杯不太環保吧古早味牛肉麵($65)重藥材味既湯底 我想不是太多人會喜愛吧粗身既麵 掛湯度都可以肉質就略嫌硬身左少少 腍啲會好啲農家蓋飯($68)個名好有風味 但系其實只系將炸雞 魚 蛋 菜 蝦 放在一起 就完成了 賣相不太好而旁邊3款配菜就每款定食都有 麵食都有而我遠望就見到3款配菜已經全部分好哂 擺左系度 有客人點就直接拎 賣相都不太好味道麻麻的花枝蝦排(+$19)每款定食都可以半價優惠小食蝦餅就不過不失吧 脆口野不會輸吧------總結 已經無咩客人 上菜時間都很慢服務態度又不太好食物質素又麻麻我諗都系沒有下次吧

諗住試下新野見到間台灣野就諗住試下叫左三樣食物炒三鮮 一般般鹽酥雞 完全無味古早味 無特別一d都唔好味，價錢唔值，可一不可再唔會再黎食！完全失望服務仲要好差伏，全部都係伏