古早味休閒台灣 (Closed)

在路口等朋友時，看到二樓有間台灣菜，看看菜牌，一想到牛肉麵，就好想食。時間早，不用等位，都係食飯先再去行街。台灣牛肉麵，麵質好好，粗條煙韌又彈牙。湯底有陣陣微約的藥材味，是台灣牛肉麵獨有的味道，我次次都會飲晒碗湯。其實每間味道都不一樣，這間湯底除了小小藥材味，還有牛肉的味道。五味雞，原來是點五種不同味道的醬料。將白切雞點五種醬汁之後，味道好特別，有麻辣味，酸味，辣味，介辣味和鹹味，蒜味⋯一次有咁多種道，又幾好味。三款台式滷水拼盤，揀了豬耳豬肚雞翼。豬耳爽口，豬肚雞翼都好入味。

來到旺角食台灣野，鋪頭有啲難揾，上到去店員好有禮貌咁招呼我哋坐低。古早味牛肉麵（$65） -跟餐小食有三款，中華沙律好味。刀削麵彈牙有咬口，好多牛肉，每一塊牛肉又厚又大件，全部都好有咬口。而且面嘅份量非常之多。個面仲有蘿蔔同埋菜。加$4有一杯珍珠奶茶。 珍珠好煙銀，奶茶甜度岩岩好。酥炸雞扒面（$60） -有5-6塊酥炸雞扒，雞扒好脆而且唔會乾，炸到岩岩好，肉質鮮嫩，配上彈牙的台灣面，好味。花枝蝦餅跟餐半價換取（$19）-花枝蝦排又脆又大塊。其實小食仲有好多選擇，有雞軟骨手抓餅等。餐廳性價比好高，大約$60幾蚊就有個主食飲品，十分化算。

與朋友在旺角逛街，經過看到古早味，想起之前曾於尖沙咀光顧，坐得舒適價錢又合理，於是便決定今晚晚餐在這𥚃解決。原來每間分店的名字都有一點不同，旺角這間是古早味休閒台灣，環境寬闊，座位寬敞。朋友點了古早味牛肉麵，香氣飄溢，麵條是比較粗的，有點像刀削麵，牛肉味香亦軟腍。新竹炒米粉，份量多，炒得夠乾身！新品雞絲拉皮，雞絲頗多，配上醬汁，絕配！九層塔手抓餅，在台灣都經常吃的手抓餅，九層塔夠香，手抓餅外層少少脆，𥚃面鬆脆，大愛！我點了洋甘菊花茶，一直有小火暖著，而且可以加水，暖暖的喝下去很舒適。

旺角雖然好熱鬧，但都係屬於一個美食沙漠，好多嘢食但係唔知食咩好。見到有人派傳單話樓上古早味有位，望吓餐牌好似都唔錯，於是就中咗呢個伏喇。-想特別講一講店員嘅服務態度，十問九唔應，見到我舉手都扮睇唔到繼續做其他嘢，叫佢加少少水加到食完都未加到，有冇搞錯‼️‼️餐牌正正常常，設計得都幾得意，咁就比佢呃左！黑糖珍珠奶茶記得好似唔使加錢飲，整體都OK嘅，但一定一定唔會係嗰啲XX堂嘅質素。🍱嘉義雞絲便當（$58）真係好難食！雞絲係白烚嘅，完全無味！仲好「鞋」！前菜下面又有啲唔知咩水，成件事好唔衛生咁！鹽酥雞唉！食粉多過食雞！好失望！-呢間完全中伏啊！本身weekend心情大好都嬲住走！一定唔會有下次‼️‼️‼️😡

今晚行行下旺角見到古早味個招牌，睇完個菜單覺得岩食就入咗去坐由於得我同朋友兩個人，所以淨喺嗌咗三樣嘢食，分別喺櫻花蝦荷葉飯、四季豆同炒三鮮荷葉飯無咩味道同特色，兩個女仔好難食得哂；四季豆炒得好香，送飯最惹味；炒三鮮酸酸甜甜，好開胃，味道較為清新價錢唔算平，但食到好飽，下次有機會想試埋飲品同甜品

收工經過女人街食個晚飯，見裝修好得意，牆上好多壁畫，就入去試一試。 晚飯時間人多，等咗15分鐘先有位。 環境一般，非卡位既枱與枱之間好貼。麻辣拼盤小食有（豬耳，雞腎，豬肚）分量都比得算多， 豬耳口感爽脆，有陣八角香味，雞腎略嫌唔夠爽，豬肚好香鹵水味。宜蘭蔥餡餅，餡料都幾多，入口有肉汁流出，但略嫌油膩，肉味唔夠濃郁。酥雞扒湯麵，鹽酥雞炸得好酥脆，入面雞肉嫩滑，湯底太清唔夠味，有改善空間，麵條欠彈性。 整體而言， 以咁嘅價錢，不過不失， 可以試試。

去完台灣旅行仲好回味，返到香港都想食台灣嘢 行過旺角見到賣牛肉麵，口水已流咁上去試下佢嘅下午茶餐～叫左個黑糖珍珠奶茶同埋普通奶茶黑糖個賣相幾好 但飲落完全唔夠黑糖味 珍珠又唔係咁煙韌好失望個奶茶就好淡，加上冰塊就淡上加淡叫左古早味牛三寶麵 （牛鍵、牛筋、金錢肚） $48個碗係好細既，每樣餸都係得一舊，連麵都只係得幾條，女仔食都唔多夠飽，莫講話男仔。下午茶呢個錢我都明唔要求得咁多，份量少唔再講，不過食落去都一點台灣風味都無，個湯底似係加味精，認真無下次

突然很想吃滷肉飯，經過女人街又下雨，見到有間古早味台灣料理，一於試一試。餐廳位於閣樓，樓下的侍應很好，已經預備好膠袋給我放好濕了的雨傘。一路上樓上，旁邊的壁畫亦很吸睛，餐廳環境寬敞舒適，很適合女孩子傾心事聚一聚。首先一定有滷肉飯，滷肉飯十足料，有肉粒，味道不會太咸，剛剛好，推介。再加一些小食，鹽酥豆腐，蚵仔酥。鹽酥豆腐，吃之前一定非常小心，因為裏面真好熱好熱，會燙囗，外脆內軟，豆腐非常滑，有豆味。至於蚵仔酥真是無選錯，平時食蚵仔煎，總覺得膩，因為有薯粉跟蛋，但蚵仔酥就不一樣，一粒粒加炸醬炸，外面鬆脆，裏面就有柯仔的料爆發出，加上胡椒粉，好惹味。竟然還有燉湯，叫了一碗鴨湯補補身先，不油膩，清甜。仲有肧芽奶綠，$22這間有很多不同選擇，還有火鍋，小菜等，可以再試

Yesterday,I, and my friend had dinner at this restaurant and it is really good.I love their sevice and dishes and i recommend the food below

係旺角街頭行 突然好想食台灣野 係先達就望到對面個招牌 就決定行過去黑糖珍珠奶茶 相對黑糖比較少d 珍珠都唔係用黑糖煮過 不過價錢對比專門店就抵好多！炸得好酥脆鹽酥雞，入面雞肉都好夠嫩滑，都可以一試！最期待就係滷肉飯！滷肉份量絕對唔會吝嗇，食完個飯仲有剩滷肉最重要係肉🤣咸肥得宜，好好食，醬汁都唔錯！出面好多偏咸，但呢到真係會有古早味~~娃娃菜 我自己就好鐘意食因爲係最索味既菜，配埋滷肉不過個乾蝦就勸大家唔好食啦好麻辣！本身以為係酸酸辣辣汁，因為我本人唔食得太辣😣 不過食完一舊，又覺得好過癮，不知不覺就 一邊飲水一邊食🤣🤣🤣食到最後 其實唔係幾食得落個糯米飯，不過好彩個盤係淺口既，份量唔算多。食第一啖既時候其實覺得無乜味，但唔想浪費食物就繼續食。之後食就開始覺得有咸香味，應該就係d櫻花蝦帶出黎既。呢間都算係我心目中幾好食既一家台灣菜，尤其個滷肉飯好深刻！埋單3百幾🤣

平常都沒有太多時間吃一頓豐富的午餐，但聽朋友介紹這間古早味的牛肉麵百吃不厭，我便叫他帶我來試試。先來說說他的飲料，我點了少甜少冰的胚芽奶茶，真的甜度適中，而且胚芽分量多，感覺很健康。牛肉麵的牛肉煮得很軟很入味，實在叫我無法挑剔！另外值得一讚的是他配有冷配菜，酸酸甜甜很開胃

又到聚舊的日子，一直未能約成的飯局，今晚終於成事了👏👏 跟朋友來旺角的古早味台灣吃晚飯。之前和大少巳來過吃，感覺也不錯，加上地點也很就腳，鄰近港鐵站，位置很方便。🥣藥燉烏骨雞烏雞有健脾益氣作用，自己在家不會燉湯，和朋友各自點了一人一壼，嗅到有一陣藥材的味道，配合了烏雞、紅棗、花旗参等，味道甘甜🤠✨宜蘭葱餡餅記得在宜蘭吃過葱餡餅，一試便愛上😍 特意點了這款試試，這款餡餅內滿滿的香葱鎖住肉汁，鮮美可口，甚是美味👍🍜古早味牛肉麵湯底適中，不會偏濃或太淡，牛肉有少許靱，要花點時間咀嚼，麵條帶闊身，口感不俗。🥢台式滷水拼盤分別有滷蛋、大腸及雞翼，滷味十足，每款也很入味😋🍯這兒還有很多小吃和甜品也想試，但今晚的肚皮大呼暫停，盼望不久將來跟朋友再來吧!

這是第二次光顧。第一次是自己一個來吃午餐，當時感覺這家還可以。兩次也沒有很多人，完全感覺不到其他評語的人氣。這天和朋友我這裏吃遲來的午餐（下午茶）我們叫了牛肉湯麵，$48，包一份前菜和飲品。前菜包括中華沙律、「炸物」及青瓜。我一把那不知名炸物放入口立刻拿出來...那種冷冰冰的口感，好像告訴我是隔夜放了一晚。我看一看其他兩種，沒有再吃，因為我怕會也了放很久。只好改吃主菜......牛肉麵的牛肉不太柴...可惜我吃起來湯好像不一點點酸味明明上一次的鹽酥雞是剛炸好，感覺不錯，怎麼這次突然變成這樣。我朋友一邊吃一邊暗暗埋怨這一刻，這店已經不在我的搵食名單中了！

一間位於女人間嘅台灣菜見到咁多好評以為實無衰所以今日星期五收工之後就揀咗呢間我哋大約6:30入座之後一路都有好多人嚟甚至出現等位嘅情況不過並唔係想像中咁好食海鮮粉絲煲價錢大約70至$80左右因為趕住去睇戲所以冇影低個餐牌不過入面真係冇乜料到蝦同埋魷魚🦑份量好少你以為粉絲會多啲咩？其實入面有好多都係重同埋洋蔥蒜頭而且整體來講都好油三杯魷魚🦑我想講味道同頭先個海鮮粉絲煲一模一樣唔講仲以為呢一疊只係少咗粉絲嘅海鮮粉絲煲而且份量同樣地少炸柯仔成碟加埋可能得10粒而且個炸粉分分鐘大過粒柯仔台灣牛肉麵所謂嘅牛肉只不過係牛展而且得3塊個面底食落去個感覺唔彈牙好似未煮熟嘅一樣埋單成三舊幾水真係覺得好唔抵所以我奉勸大家呢一間台灣菜可以一次都唔使試

來到旺角lunch , 找一間好坐一點的你間古早味可以轉上樓上坐地方都算好闊落， 上到去見到餐牌都好多選擇我就叫咗個五味雞 同埋廈炒米粉首先講呢個五味雞， 雞肉非常之嫩滑而且雞皮非常之薄， 仲要係雞髀肉啖啖肉五味雞係因為有五種調味的醬料， 我最鍾意就係 沙薑 醬， 配上薑絲非常醒胃。隨 便當中有紫菜豆腐湯， 完全冇味精。 飲落非常之 順口。炒米粉即叫即炒， 冇落味精。 很多配料之後就叫咗杯芝士奶蓋烏龍茶， 芝士奶蓋厚厚的。 烏龍茶美的和諧8