可可店 (聯威新樓)

Open Now

Now Closed

放假食宵夜今晚黎到西環呢間馳名既可可店，凌晨時份都人山人海坐滿人咁制，仲見到好多明星添!呢到既宵夜真係各色各樣都咩都有，粥粉麵飯小食糖水樣樣有！連飲品都咩都齊！今日飽飽地就正係叫左兩個小食「香煎腸粉加雞蛋」$20腸粉有口感又夠哂多醬，加埋辣醬仲好食，整個腸粉香可惹味！「香煎豪仔餅」$34咁大個又足蠔仔既蠔仔餅價錢十分親民，都只係34蚊咋，多餡真係超足料，最出色係個粉夠哂薄，唔會太油，整體一樣都煎得好香口脆邊！即使多人上菜都算快，食物夠熱夠香口，宵夜必黎食！

周末的时候，朋友在附近，我就专门找他去吃这家，然后点了一个炒饭，一个蒸金菇菜鸡肉，然后还有甜品，其实炒菜的味道还是不错的，但是甜品味道略显一般了，点的什么榴莲，竟然是榴莲冰淇淋球，不太好吃，下次试试炸云吞吧

是日約了朋友在西環吃晚飯，因朋友很久沒有在香港生活很多地道美食已經完全忘記了。今次帶朋友來到西環地道美食，我馬上就想到來「可可店」品嚐一下最有名的「煎腸粉加雞蛋」，沒人不知，所以來到可可店必定要點這個小食。煎腸粉加雞蛋，腸粉滑溜，煎得香口，再配加芝麻及花生醬，美味無比，再加上煎雞蛋滑上加滑，口感豐富。至於不能不讚就是他們的乾炒牛河，炒到火喉十足，每條河粉都沾滿醬汁，牛肉有肉味而且還有肉汁，薄薄的一片牛肉，都竟然可keep到肉汁的確難得，很少食店可以做到的，仲吃到濃厚鑊氣感，真係是可給100分，連朋友也大舉拇指說很美味，十分滿意。連香港必飲的凍檸檬茶也不弱，茶味夠濃，檸檬又新鮮，冰量剛好，非常好飲。

跟住HKU 既朋友仔黎到堅尼地城食野 應該唔會有伏既😊可可係其一 重點係開到好夜 夜晚想想食好ddd完全冇問題 呵呵😬初戀奶茶 ☕️真心我諗多左 不似預期所諗 飲落似係忌廉溝奶茶真心咁藥水feel 臨尾仲有d酸椰汁味道 好難受😣炸帶子 雲吞各具特色 帶子冇乜雪味 雲吞食落好鮮好脆重要蝦隻size 還好 冇縮水👍🏻👍🏻燒賣本以為平平無奇 但食落咁香口既原來加左蒜蓉呀 難怪拉 煎腸粉有蛋 已經好香口呀 配上甜醬 麻醬 味道很不錯 而且又夠滑 難怪呢間店咁多人幫襯拉😮😮

凌晨有D想食宵夜，唔使諗就去左附近可可店到食，平時一到夜晚就好多人，好旺場。好多大學生宵夜必選，剛剛好店外有個大空地，可以泊架單車慢慢嘆，所以有時有D單車友都會踩黎搵我食宵夜但今晚落黎，都係想搵D野過下口癮，所以叫左隻油雞脾 加 杯凍奶茶，等餐時間好快就有得食，油雞脾，唔會好細隻👍🏻，肉質剛剛好，飲埋杯凍奶茶，7成飽😝，可以睡眠另外想推薦一個隻，午餐肉炒飯，足料👍🏻，你可以每一啖都食到午餐肉。

話說前幾日諗住係港島食宵夜，零晨十二點幾先食，一search 之下，決定try呢間。呢間開到好夜！開到零晨四點！果日去到，個場都坐滿人，好熱鬧！不過地方好大，吾洗等位👌🏻.好欣賞呢間店有咁多款食物選擇！例如飯類、炒麵類、點心、湯粉麵，小炒同糖水等，包羅萬有！👏🏻好強既班底先做到咁多款食物，仲要咁高質，真係功架十足🤣.芝麻糊 $18超 級 大 碗！同朋友share食都ok！味道濃郁，稠度非常高，黑芝麻控表示大滿足🤤❤️而且仲好抵食！.香煎蘿蔔糕 $16足料！口感好，好好味🤤香煎腸粉 $17見到好多人都叫左，相信係招牌菜之一，佢落左少少蛋漿去煎香，好食！👍🏻上海粗炒 $33好大碟，味道吾錯，吾會好油膩👌🏻油菜 $18.🌟一定會再encore的店子！.

週五有足夠既空餘下可以爬去堅尼地城搵食🥢 係留低過唔少腳毛既可可店，成就一個回憶晚飯🤭其實可可店係西環都搬過好幾次，係小赤柱呢個範圍，附近已經充滿左外國既食肆，何何店同新興都依然屹立西環，為不同世代既港大生同浦友製造共同回憶😎舖頭入面幾張大圓枱，明顯就預咗一大班既大學生黎可以一齊坐🥰 menu 同我個年代比都有改變，除咗黃底老menu外，仲多咗糖水，麵飯，真心有啲似茶記🙄 重點應該放係牆上面既証書，都係港大不同既學會，宿舍，團體既鳴謝証書😮 （諗起早輪有大學生R寵物食物既sponsor😂)其實黎可可店 真係唔駛google都知食乜😜炸豬扒🐷雞翼🐣麵，炸雲吞🦐（又係你呀，雲生？）係膽，另外仲有腸粉蛋（定粉腸蛋🤔）同埋要番傳統甜品紅豆沙腸粉蛋加左花生醬上枱🥰 甜醬係枱面任你加，少少既燶邊加埋淋淋炒蛋一起吃，簡單街頭味令人重返校園📚然後豬扒雞翼麵，其實主角都係炸豬扒啫🙂 鬆化既豬肉帶有少少脂肪邊分佈係炸漿裏頭，親吻落去既軟熟係炸豬扒另一重體驗💋 雞翼就得兩隻（咁確實係一雞兩翼既🐥），炸得還👌，麵嘛，可可店不嬲都係未煮透上枱，少少硬身咁🤭炸雲吞係我無限loop可可既原因✌️ 一碟有起碼7，8隻，

今晚我與她心有靈犀，想食台灣野，到達山市街阿元來了，可惜該店門面關上，原來逢星期一休息！心情立刻跌至一個點！無奈下另找食店，行前幾步，轉個彎，見另一食店 - 可可店。門面有點殘舊，但似實而不華，應可一試！內進，眼見人客疏落，坐下看看餐牌，一般嘅粥、粉、麵、飯都有，款式多多，連特色小食都有供應！我點了欖菜肉鬆炒飯，而她點了餐肉豬扒公仔麵，另點一個潮州家鄉小食煎蠔餅，再加一杯特色飲品花生珍珠奶茶！整體食物都算好味，欖菜肉鬆炒飯飯粒夠乾身，有咬口！豬扒炸粉不厚又炸得香脆，餐肉亦煎得很香！煎蠔餅一般，似一般酒樓嘅薄罉，她食到塊大蠔殼差啲咬崩牙。她是環保L，原本點左花生珍珠奶茶走飲管，點知都黎左杯野插住飲管。都有花生香但有少少苦味，珍珠無甜味有啲失望。整體感覺還可以。

夜晚系宿舍肚有啲餓，走左落去堅尼城，突然醒起食宵夜梗係去可可店，四點先收坐低左，唔知食乜好，嚟到包羅萬有，林林總總，有d想食牛腩粗麵就叫左，諗住加杯港式凍奶茶，凍奶茶來到先發現是台式，覺得勁正牛腩雖然碎，但很入味，湯底味很濃，令粗麵都有湯的味道，粗麵清爽有彈性，賣相雖說一般，但味道超好，廚師水準很高不過湯太濃，渴了會更渴有部機去搖台式飯品台式奶茶滑而奶味重，而且不像外面的台式飲品店死甜，應該糖量不太多

我同 c 同 啲朋友打完波食左少少野, 突然有個朋話想去可可店食多個粥，又有個 friend 話食糖水，而我因為唔太飽想食多少少野。可可店就係一個咁得意嘅地方，佢有粥，又有糖水，有面，有小菜，有小食。平時想約 去食飯又得，食糖水又得，食宵夜又得。今次我叫左個豬手面，個friend 叫左個腸粉煎蛋。個豬手好入味，有好多舊，個面又夠大碗，性價比超高。個面係用生面，雖然唔係超彈牙，但係都好味。個腸粉煎蛋夠特別，用左煎年糕嘅方法去煎腸粉，令腸粉粘左啲蛋，有啲似加多塊脆皮落去咁。

可可店就係西環歷史文物之一，亦係香港大學附屬食堂賣既野係平常舊式香港茶餐廳野，食既係年青人，樣唔年青個心都年青門面裝修都無架喇，白色牆有枱有椅啦，最好既係有大圓枱俾一大班人坐唔好既係超極大油煙味，食咩變咩餐牌茶記野諗到都有，由燒味飯到牛腩河，炒野由乾燒伊麵到蝦仁炒蛋都有，甜品、小食、台式飲品都有死未先黎個勞蘇食推介 —— 薑葱撈麵，無錯無餸既，無錯無蠔油既，但有似魚露既味係中間，加啲有味湯，再加少少豉油無得輸，薑蔥絶對唔會俾少你，啖啖都溝晒依幾樣黎食，非常挾，我試過叫唔太食葱既朋友試食都話好味平民食物中的不平凡食麵檔野，忍唔住都整碟油菜啦，正正常常，足料既再食左個蝦醬豆卜蒸豬爽肉，豬爽肉就即係豬頭肉，比豬頸肉食落更滑更好味，配蝦醬去蒸味道非常好，惹味爆，送飯超正豆卜吸收日月精華，更加凸顯蒸餸個味勞蘇食再要推介食法 —— 加入潮洲辣椒油走油，撈入啲豉油同汁度，正到一個點因爲佢其實係炒左既蒜、香料、辣椒，成個餸即刻香左同風味提升，但唔好加油，會搶晒味，得返辣味以後食蒸餸可以一試其實好多時黎可可店都係食雞脾、糖水、海鮮球、腸粉蛋、蠔餅個啲，不過好多人寫個啲就費事重復啦講起都想食#其實蠔餅同腸

猶記得大學時期沒有多的零用錢可以每天花數百元四處享用佳餚，可可店可以算是大學時期中我的飯堂了。今天放工後便特地回到堅尼地城緬懷一下舊時光當晚總共點了四款食物—咖哩魚蛋：魚蛋彈牙，咖哩汁頗辣的，卻惹味非常平面—其實就是炸腐皮，一般人都會平面立方一併叫（就是炸腐皮及炸海鮮球），但今天不想吃太多煎炸野所以只點其中一樣就好了腸粉蛋—每次到必點，腸粉炒得極香口，配合其軟滑的腸粉口感，黑竹—以一碗糖水作結！黑竹就是芝麻糊配腐竹糖水，對我而言稍為有點過甜

可可店原店位於均益街，由士多做起，漸變成糖水及兼賣小食粉麵飯，其後搬至現址卑路乍街，舖面大了，人流更多，營業至半夜 4 時。今日，我同朋友專登，由九龍區揸車前來，就係想每這裏的煎腸粉加蛋。蛋與腸粉一齊煎，蛋汁包住腸粉表面，令腸粉表面不會煎得過火，腸粉裏頭緊保留嫩滑KE質感，加埋甜醬麻醬，非常好吃!!!!!!

打完波就特別口痕，想坐低食下小食咁。可可店愈做愈大，開得夠夜又有位。 招牌腸粉煎蛋識食一定食大大量既麻醬，加埋芝麻甜豉油，諗起都流哂口水。 炸雞脾又估唔到幾出色，香脆又唔會炸到骨頭炸過龍。肉汁依然有，打完波補充能量必備！ 陳皮紅豆沙以為麻麻地，點知有驚喜。因為佢主打小食同碟頭飯。以我依個紅豆迷，一碗好味既紅豆沙，係好難咖。 可能睇到既人會覺得都係一Ｄ平凡既食物，但係依度對我黎講，係一個平台去記錄我同叮叮去過既、食過既食物。我都希望今次打完波可以開心番，畢竟食左個咁正既宵夜，又一齊DAY OFF！陪伴著你的是我，美食是你的補給。

去到堅尼地城呢個咁有特色嘅地方 選擇咗一間街坊小店嚟幫襯 入到去 發現都幾多選擇 同個friend叫咗兩碟炒飯嚟食 味道都相當唔錯 啲飯粒粒分明 不過其中一碟就有少少燶味 有啲失色 另外兩杯珍珠奶茶 味道都可以 而且價錢非常合理 所以都推薦大家嚟試下