合興

Open Now

Now Closed

雖然餸菜賣相一般，但每款小炒都係非常經濟實惠。見老闆娘同店員都非常友善，同每枱客都有講有笑咁...我估個d絕大部份都係附近住或者係熟客。🔹滷水鵝半隻好入味，不過略嫌隻鵝肉質有d鞋同有幾件斬得比較多碎骨🔸蠔仔粥賣相望落真係唔吸引，但蠔仔份量就好足料，幾乎每一啖都食到有蠔仔，而且配埋冬菜香葱芫茜令到碗粥更加香🤭岩哂我口味🔹沙拉骨每塊炸豬扒每一串都沾滿沙拉醬，炸豬扒腌得幾入味，唔會剩係得沙拉醬味道，而又唔會炸得好乾，非常惹味😋.🔸上湯菜苗.🔹滷水豬紅呢個係老闆娘送的🥰

住係附近多年 都未試過啟業邨嘅大排檔今日心血來潮想食大排擋 就近近地去試下有戶外及室內冷氣位 大熱天時食大排檔 梗係坐入面 姐姐態度親切夜晚9點 坐無虛席 估唔到屋邨大排檔都多人食2個人叫咗三個餸 再配支藍妹 正 咁先係大排檔風味豉汁蒸白鱔尼味餸都係出街食好 蒸嘅時間剛剛好魚嫩滑 送飯一流蒜蓉粉絲蒸蝦可能休魚期未過 蝦偏細 都新鮮 但粉絲略嫌太碎 配上蒜蓉一流 西蘭花炒牛肉牛肉同普遍餐廳一樣 用鬆肉粉醃過再炒 大大塊 份量唔算少 未至於醃得肉過琳 仍有咬口 夠獲氣埋單$46X 個人覺得略貴

三月最後一個星期六晚上，有雨粉。這幾天天氣不太好，閨密來電跟幾位友人在九龍灣吃大排檔，於是就過去湊湊熱鬧。不說不知原來在啟業村還有僅存的大排檔，就在九龍灣運動場對面，甫坐下我們就開始點菜。大排檔都是以小炒為主，先來一份豉椒炒蜆，蜆蠻大只的，不是很多沙子，洗的挺乾淨，不過豉椒味道不太濃。然後是辣子田雞，光看辣椒的份量是很不夠的，田雞也沒有爆的乾身，試一口，果然肉質軟而濕，可以稱為辣炒田雞，沒有一部分符合辣子田雞的要求。再有一道香蒜雞翼，雞翼炸的皮脆內嫩，嫩度可以再加強，味道夠香口，雞翼也很大隻，也挺新鮮的。後面我們加點了炸大腸，我是不吃炸大腸的，試了一口，炸的酥脆，處理大腸方面店家做得不錯，因為沒有大腸的腥臭味，裡面的肥膏也清潔的恰到好處，佐酒不錯。大排檔小炒最重要是香口，爆炒，這家的食物份量足，但是每一道菜都差那麼一點點，中規中矩，沒有讓人回味，如果可以改善的話就很好了。

在這附近工作了一段時間，聽聞大排檔挺有名，趁著星期五晚上就跟同事去試一下。今日天氣涼涼，坐在戶外吃飯十分舒服。一坐下就送來一碗韮菜豬紅，這個超級好吃，每想到這個還是免費的😍我們是打算飲啤酒聊天，所以點的都是配酒吃的。蠔餅裡蠔仔新鮮又大粒，配上魚露，真的很鮮味。避風塘魷魚辣辣的，而且是用新鮮的魷魚製成，讓人一口接一口吃。小炒王是同事指定要，她說只有有鑊氣才炒得好吃👍🏻這個干扁四季豆因為有加欖菜，真的十分滋味😋水煮魚吃起不會太辣，但我是比較會吃辣的。整個份量很多，有魚塊、青瓜及木耳等材料，現在想起來口水都會流出來🤭整體來說，食物質素好，價錢不貴又大份，想吃小菜的話會再來的。

今晚要去九龍灣睇戲，見未夠鐘就搵野食先啦唔想去商場度食，咁黎大排檔睇下有咩食啦！見到出面有位又可以坐係度睇住架車，咁就坐出面啦！今日又唔係咁凍，天氣坐出面都唔會好熱同好凍眼見好多人都食火鍋或羊腩煲，但唔夠時間食，咁就叫小菜啦！叫左個粟米班腩黎送飯啦！又有汁 味道不過不失，如果有d胡椒粉會好d另外仲叫左個燒汁豬頸肉，黎到熱辣辣，味道幾好，送飯都幾啱口味，豬頸肉唔會太淋或太硬，都幾好，又大塊，都無呃錢之後仲叫左個蠔餅，份量都幾多，蠔都唔細粒，好大粒下，味道幾好，送酒一流

聽班朋友講開啓業有間大排檔超抵食無得輸，於是年初四拜完年就同朋友一齊去試下啦！大排檔位於啓業，其實唔係當地居民應該比較少人會去，因為地點有點偏僻，位於彩虹和九龍灣地鐵站中間，不過我反而鍾意試呢d未經人龍洗禮既食肆，水準會比較平均呢間大排擋環境尚可，唔會好似部分大排檔咁地下長期有污水，個晚見到都算乾淨坐都坐得放心d招牌菜味道不錯，菠菜比湯浸住好入味，鹹蛋唔會令到碟菜太鹹，而且有淡淡既皮蛋香香橙骨酸酸甜甜好開胃沙拉骨味道亦唔錯，可惜上左菜好耐都未有白飯，所以個汁有少少「瓊」左令入口時失左少少分另外仲點左四季豆，但味道太鹹，同埋太諗，所以下次會點第二樣試試埋單每人7x,朋友都讚抵食

合興近月推出了「潮式套餐」，價錢198元，包三款菜式：卥水鵝片、煎蠔餅、蒜蓉炒時菜，平均每款菜式66元，價錢公道，二話不說，點選了。先來的是卥水鵝片，賣相一般，唔夠熱，肉比較黏身，肥肉較多，又有碎骨（個人始終比較喜歡鵝片），總體評價一般。煎蠔餅做得不錯，做法較過去幾年有進步，不是「炸」，而是「煎」，香口，蠔仔新鮮程度不過不失，只是略為油膩，評價中上。蒜蓉炒時菜，我選擇了白菜仔，畢竟白菜仔才是蒜蓉的最好朋友，同樣也是略為油膩，但菜不老，爽口。

晚餐点了1……豉召炒蜆2.....薑充雞3.....召鹽鮮魷4……蚝餅食評:1……味道夠，最正係有沙，有咬口！ 2......賣相一流，畺充夠新鮮，雞夠雪藏味夠濃郁 3......喼汁夠多，味濃，鮮魷夠多，如果早幾曰食更加鮮味 4......蚝餅正常，收七拾幾蚊，超底呀大排檔價錢，能有六星级大快樂，大家活質数，非常之感動

路過，剛巧有位，一行七人去試吓。食物：-酸菜花生：餐前小吃，我無食，不知道蒜茸炒豆苗：夠鑊氣，但代價是比較油豉汁炒蜆：有少少辣，但尚可接受，無乜沙鐵板燒汁鱔球：餐牌明明寫明是鱔球，但上枱時卻變成鱔片。細骨仍然於肉內，但不多，可以接受。勁多洋葱墊底，仲要是勁生的洋葱，如果是鐵板上，鐵板的熱力會把洋葱整到較熟，但不知為何無用鐵板上，弄到洋葱勁生，很難食。夠鑊氣，但代價是比較油鐵板芝士豬頸肉：今次上枱時，店員話剛巧換爐頭，未能鐵板上，店員終於自動解釋為何原本是鐵板上的餸變為不是啦。芝士汁勁“漏”,豬頸肉尚算爽口。勁多洋葱墊底，仲要是勁生的洋葱，如果是鐵板上，鐵板的熱力會把洋葱整到較熟，弄到洋葱勁生，很難食麻辣雞軟骨：因為辣，所以我無食煎蠔餅：夠鑊氣，但代價是比較油。蠔味較小，蠔十分細隻沙嗲牛肉粉絲煲：沙嗲味略少，其他無特別椒鹽鮮魷：夠鑊氣，但代價是比較油飲品，叫了以下幾款，大致上正常，無特別。唯一特別是可樂、芬達、忌廉的價錢相等，不知為何可樂的size較大：-3支大藍妹2支可樂1支芬達1支忌廉服務：-勁黑！是日第一次惠顧，但剛巧店舖換爐頭，所以等候食物的時間比較長環境：-普通大排檔

7時許一行四人到啟業大排檔食飯哩間大排檔想黎好耐了. 之前睇過某些訪問節目都有到訪過. 有火鍋有小菜.一坐低就有花生酸菜同豬紅免費送. 豬紅真係好好食, 夠入味, 熱辣辣!叫左4款小菜.芝士鮮魷$80鮮魷好爽口. 一點都唔un, 咬得開的. 芝士好濃. 加埋洋蔥撈飯真係好味! 加埋鐵板效應, 食好耐都仲熱.啫啫雞煲, 一上台好滾, 雞較多碎骨, 所以食左一件就停了. 但另外煲內有豬潤, 仲好大片, 整得好爽!琵琶豆腐, 咬開好香. 入面夠鬆. 酒樓水準, 什至比酒樓仲好煎蠔餅.我地坐o個個位正正可以望住靚姐炸蠔餅. 我地幾個一齊望住佢o個陣佢仲對住我地笑.見佢成鑊油咁炸完即上碟, 冇乜點隔過油, 心諗成個蠔餅底都會淋晒. 但又唔係喎, 雖然哩度都只係用蛋漿麵粉黎整, 但又可以整到好似薯粉咁樣, 鬆起黎又食落唔太油, 底部亦唔會因為油浸而變林.蠔仔都算大隻. 而且成個蠔餅都好大碟, 咁都只係$38, 真係好底食.再加每人一碗飯一支大可樂, 哩餐每人都只係$60, 簡直係成世人最滿足既一餐!!!

3個人夜麻麻唔知食咩好..於是右去左我地經常宵夜既地方合興啦.冬天到喇.係時候整反個羊腩煲..岩岩係旺角波鞋街食左...唉...唔好提喇...呢度呢個...嘩..真係一上台都唔同D呀!熱辣辣大大煲.羊肉夠林夠入味....份量唔少..我地3個人食到停唔到口呀!整反2支大啤..咁就一晚喇.

啟業幾間大排檔我都食過，感覺上差不多，不過合興的環境好些少，可以在樹底下食飯，好過坐係垃圾房隔離。食物水準夠穩定。(除了那一味「南乳炸雞」，硬磞磞，無味道。)有一個良好的感覺，係一坐下，就送一碗豬紅蘿蔔。另外，伙計會主動拿著一大碗熱茶來在你面前清洗杯碗筷，感覺上衛生些。起菜都算快。碟頭分量足夠。大排檔風情，伙計夠親切夠醒目，快手快腳。

同2個FD去吹水,帶左我去呢間野,聽講成日有人係度拍戲喎!一坐低呀姐拎左鹹酸菜花生同一碗豬紅蘿蔔比我地,味道一般啦,咁我地就唔再叫韮菜豬紅喇. 先開支大啤,跟住叫左4碟野!蠔餅打冷必備啦,不過好似燶左少少,同埋我鐘意蛋多反D墨魚豆腐--墨魚太薄同灼得太熟喇.右無咩味,豆腐都無咩鹵水味..好一般椒鹽豬扒--唔夠辣!唔太香脆!腐乳通菜--炒得唔錯,加上通菜呢期當造呀,正!再要4個粥同3枝可樂!埋單203個人覺得黃大仙正德街小巴站個邊好食D喇,仲有5.6張枱係有冷氣,夏天去都唔怕!

一行16人去咗啟業邨大排檔(冬菇亭) 度食晚飯,一坐低已經整咗兩碟鹹酸菜花生同兩碗韮菜豬紅雞腳比我哋,我哋叫咗勁多餸, 有兩個「羊腩煲」、「蒜蓉西蘭花」、「炸蠔餅」、「炸大腸」、「雜炒」、一條煎魚、一條豆豉蒸魚(呢碟懶映相)、「焗芝士魷魚」, 呢個超正! 係鐵板上架! 啲芝士勁香, 熱辣辣, 底度啲洋蔥又爽又入味! 「炸子雞」, 呢個都好好食, 又係熱辣辣架! 啲皮仲唔會好油, 只係食到好脆!另外仲有煲「金菇肥牛」、「鵝腸」同兩煲「粟米魚肚羹」, 個「粟米魚肚羹」都好好味呀!呢幾個都好好食架! 不過就係因為掛住食, 所以冇映相......另外仲有十幾支汽水、兩支喜力, 埋單$1,000 多啲, 即係平均每人$70.5, 食到咁飽, 都算抵食啦! 啲嘢大部份都幾好食, 只係有啲鹹咗少少咁啦!