吉祥冰室 (Closed)

見到其他評論焗飯賣相唔錯，但去係唔供應，好心餐牌幫埋供應到幾點，一問先知供應到午市2點，冇咩想食所以求其叫個生炒牛肉飯，味道偏咸，鑊氣係夠嘅，大碟份量足這點不錯，奶茶茶味重，都岩我口味，唯一唔鍾意係焗飯只供應到2點又唔係餐牌顯示

前一排經開元朗，發現呢一間餐廳幾特別，所以就決定入去食個晚餐🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣🤣老火例湯好飲超足料同飲得出冇落味精😋😋😋😋😋😋😋😋😋😋😋飲品同樣特別😍😍😍😍😍😍😍蝦醬西蘭花炒鮮魷蝦醬味濃郁，但一啲都唔咸😋😋😋😋😋😋😋炒牛柳粒火喉岩岩好，送飯必食😝😝😝😝😝😝😝😝😝😝

午餐之後其實都幾飽，行到朗屏街市附近想飲杯嘢，記起朋友介紹過呢度嘅紅豆奶茶好飲，就入去試下。下午茶選擇好多，𝑨至𝒁有成26款。我叫左即制飛碟$32 (鹹牛肉/芝士火腿/呑拿魚)微烘唔會太乾，呑拿魚都多餡，一唧會咇出黎。老公食菠蘿包餐$23包熱飲。菠蘿包無乜特別，只係我老公去茶記𝒕𝒆𝒂 𝒕𝒊𝒎𝒆必食🤣紅豆奶茶 (跟餐+$6)紅豆奶茶真係唔錯✨自細就中意飲紅豆冰同奶茶，但我無諗過兩樣嘢都可以溝得埋，而且仲幾好飲🤣 紅豆甜又軟，沉喺杯底，可用匙羹撈出黎食。奶茶茶味好夠，亦無再加太多糖水(因為紅豆都夠甜)，甜度因而好適中。而且紅豆嘅份量都真係幾多，+$6轉飲相當抵！

元朗呢一間冰室，晚市同樣好高質👍dinner time小炒一樣好出色❤今日Friday同friend happy gathering試咗下晚餐小菜menu🥘佢哋嘅雞煲，🔥同埋乾炒牛河，同樣好有鑊氣好好味~雞煲好足料，🐥雞塊食起身醬汁好香，而且雞件都夠滑，撈埋飯一齊食，🍚實在大飽口福。另外嘅乾炒牛河，好有經典茶餐廳feel,🥢牛河嘅牛肉片唔會炒得老，食落去啖啖肉🤤加埋爽滑嘅河粉好好味，味道鹹香。

小時候常常到元朗行街，今日陪家人到元朗行下，見到呢間門面乾淨新裝修嘅茶餐廳人流很旺。 等了5 分鐘位置就有位啦，幾乎座無虛席。兩點好剛剛好有下午茶餐，下午茶選擇很多，有西多士、炸雞髀沙律、各式炒粉麵飯迷你版。我們叫咗一個迷你版乾炒牛河$41 ，卻是大大碟，份量很多，河粉炒得很乾身，不油膩，而且牛肉很大塊，肉質很好，配辣醬， 很美味。柱候蘿蔔牛腩煲$88 ，加白飯$6牛腩入味，牛筋牛腩份量都很多。例湯飲晒一碗，很清甜，沒有味精。另外紅豆冰，阿華田雪山都很驚喜，侍應會放下一包阿華田麥片粉，自行倒在杯裏，很有飽足感，還有脆脆片，口感很好。茶餐廳用的凳子都精心挑選，特別有懷舊味道。

喺朗屏一出地鐵站仲有間幾古色古香嘅餐廳最緊要啲小菜來得好快又即叫即整，感覺都好唔錯。個套餐又平又有嘢飲最緊要係勁多選擇！醬爆茄子斑腩煲個煲一上菜就炸炸聲，熱辣辣，班腩大大舊，唔厚粉，茄子爽口，成個煲的份量多，兩個人叫兩個菜超夠飽。啫啫仿鮑片滑雞滑雞肉質嫩滑，份量多，醬汁香濃，岩哂送飯。鮑片吸晒啲醬汁，味道香濃。感覺係勁多同埋兩個人都覺得好夠。兩個小菜份量多，價錢經濟，性價比高，仲可配白飯及飲品加埋杯奶茶凍華田就正！感覺幾好

今日黎到元朗，同大家一齊食下間懷舊裝修的冰室～店舖以古典的墨綠色為主，餐牌都好多選擇。見價錢合理，今日又有d肚餓，搞到我好多野都想試，所以叫左以下食物頭盤黎個常餐～蔥花咸牛肉炒蛋出前一丁，配個正正白汁火腿磨菇奄列！再黎阿華田雪山之後就食小菜啦！叫左吉祥小炒王再黎既係我最愛食的涼瓜排骨排骨的份量勁多！抵食之後就緊係要食番煲菜啦！啫啫通菜煲又係份量十足！最後個西多士好食到唔記得影相都係大件夾抵食！最後$300幾蚊埋單

第二次嚟食呢間開業冇耐嘅冰室，貪佢光猛新淨得嚟無論門面內櫳裝修定枱枱凳凳都有懷舊feel。轉咗新嘅餐牌，聽店員講講廚師都換咗批，食物質素同味道更好。窩蛋免治牛肉飯$56餐牌推介，首先不得不講嘅係份量真係好多，無論飯定係肉。汁唔會太杰同粘口，甜甜哋好開胃，同雞蛋撈勻白飯一齊食，口感好滑，味道都唔錯。避風塘星洲炒米$58炒得好香口，各種配料亦足料，米粉比較乾身唔會好油膩，味道適中唔重口。精髓係避風塘風味嘅炸蒜蓉，焦香甘口，脆得嚟唔燶，又帶有小小辣味，撈埋米粉一齊食，無論口感味道都得到提昇。

今日去到元朗俊賢坊，見到一間好起眼嘅茶記，餐廳嘅裝修充滿古典味，打卡一流😍今日我哋試咗兩個茶餐：❤️《楊州炒飯》米飯唔太油，顆粒分明，口感鹹鮮、軟硬適度。餐湯有中式南瓜湯，湯水入口鮮甜，好大碗，夠曬滋潤。❤️《生炸雞髀配沙律🥗》雞髀皮炸得非常香脆可口，十分邪惡🤤但配番沙律，感覺即刻健康啲🙂 茶飲配紅豆奶茶，茶香奶滑，紅豆亦唔算太甜，幾好飲！總括而言，抵食，樓面服務態度都幾好，會encore‼️

見到朗屏新開左間冰室諗住去試下啦去到門口，首先有個紮馬尾女仔當啲客透明，見佢門口部冷氣機整緊，入面又冇客，問下佢做唔做堂食，還是淨係做外賣，完全冇反應佢唔理我，當佢聽唔到啦，我就自己坐低埋枱。等左7分鐘都冇人理我果枱。最後同一個女仔終於發現我要點餐就埋黎，我話想要避風塘牛河⋯佢話：「冇喎」之後再叫方魚芥蘭又係一句：「冇喎」個馬尾女仔講嘢冇尾音，完全唔想理我哋最終我哋點咗西蘭花鮮魷 以及 黑椒薯仔牛柳碟西蘭花鮮魷勁難食，啲魷魚完全冇味又難咬過擦子膠，個汁勁稀，份量亦都好少加$5轉餐，收$80非常唔合理係得碗味精湯同埋個白飯係超級大portion之後有個超級短髮staff亦好冇禮貌，佢要攞靠牆個架上面個外賣盒唔係問題，但其實你可以同我講聲，我可以讓開比你慢慢攞。你咁樣騎上我坐緊張凳好唔識尊重人。只要你講聲，我讓開比你，就可以避免身體上的觸碰。總結： 嘢食難食，服務9唔搭8兩個晚餐加埋又未洗$200，但唔會再幫襯

忙了個焦頭爛額，午餐必須好好充電才能繼續努力工作，知道附近開了間裝修別緻的茶餐廳，就去試試，也順道轉換下心情，歇一口氣。點了🐱例湯我很少飲茶餐廳例湯，因為不是太淡，就是味精味。但這碗出乎意料清甜，合掌瓜、蘿蔔、豬骨等很足料。喝不到味精味，而且大大碗。🐱椰香咖喱滑雞飯 $49份量挺大！椰香咖喱很香很滑，不辣，雞挺多，而且肉質算嫩。伴有大量彩椒、洋蔥、薯仔，營養豐富。也很好送飯。🐱芝士焗鮮茄豬扒飯$54酸酸甜甜的蕃茄汁很開胃，蕃茄又多又大，芝士味也挺香，豬扒也很大塊。飯不會因為焗過而變得太硬，很好入口。午餐附熱飲，凍飲加$3，新餐廳就豪氣點試吓特飲!🐱紅豆咖啡 +$7咖啡味挺香滑，冰室咖啡feel配港式紅豆，飲出傳統冰室味。🐱紅豆奶茶 +$7奶和茶比例挺好，配紅豆味道很夾！午餐餐牌星期一至日每日都有啲唔同。下午茶看似也挺多選擇，近近地應該會再幫襯！

沿着屯馬線朗屏站的天橋有個菜市場，本身打算買餸回家煮，見到有吉祥冰室，不如簡簡單單食茶餐廳算。.這間冰室簡單得來帶點特色，以懷舊風作為主題，見到公雞碗、古色古香花座椅、古典綠，10分適合打卡。.而且價錢親民，份量又多，真心抵食過自己煮。.黑椒薯仔牛柳粒 - 炒得很有鑊氣，粒粒牛柳充滿黑椒香。牛肉厚身鮮香，有香濃牛肉味，有咬口；薯仔腍腍地，炒得入味。.川味麻辣雞煲 - 想不到小小的冰室有雞煲食！很香口惹味的川香，麻及辣恰到好處，令人食完一塊又一塊。雞件份量多，一大煲都是肉，啖啖肉又嫩滑，很是滿足。.豆腐龍脷腩煲 - 有雞有牛，當然少不了魚！豆腐質感實在又帶汁醬，一咬有爆汁的口感。豆腐龍脷腩很保暖，食完之後有種窩心的感覺。.每一個小炒送例湯（青紅蘿蔔豬骨湯）及白飯，飲品方面我們選擇了紅豆冰及比較少見的奶茶紅豆。.整體性價比很高，環境特別又坐得舒服，可以當飯堂的！

餐廳供應不同的晚市套餐 每日都有唔同款式 選擇都幾多 主要提供小菜、蒸餸、炒粉麵飯都有 重點價錢唔貴 好少餸菜會過$100 而且款款附送例湯，熱飲及白飯是日例湯青紅蘿蔔 正呀 老火靚湯飲落唔覺有味精小炒王$79 個小炒王同大排檔嘅味道有得揮 炒得好有鑊氣 乾身又香口 食到嘅材料包括：韭菜、蝦乾、草菇、菜脯、腰果、鮮魷蝦乾嘅味道超突出 咸鮮度十足 腰果炸得透心又香脆 鮮魷鮮嫩彈牙 這道小菜超好下飯的避風塘魷魚$88 靈魂在於香噴噴嘅炸蒜 香氣沒法擋 脆卜卜 真係會食唔停口魷魚脆漿夠薄 炸得乾身唔油膩 能夠吃出魷魚嘅鮮甜 質感彈牙 重點係份量都幾多 好似食極都食唔完咁沙律芝麻蝦$78 我好鍾意食呢味 蝦仁用脆漿包住 外層酥脆 內裏蝦仁爽口 形成強烈對比沙律醬初時以為會好「漏」， 點知食落又冇呢個感覺 反而酸酸咪咪幾開胃 沙律醬同炸物真係好夾阿華田雪山$8 幾創新嘅一杯飲品 職員俾咗包粉我自己落 其實就係一啲麥皮類嘅嘢加入阿華田之中 加完之後就好似雪山一樣 紅豆奶茶$5 紅豆煲到好淋好軟熟 大大粒嘅紅豆起曬沙 是我由細到大都喜歡喝的特飲餐廳裝修帶點玩味 帶點復古 有長枱高凳落地大玻璃 亦有坐

今日去了大棠行山，之後搭返K車落返去朗屏，順便提早食晚餐。青紅蘿蔔豬骨湯超多青紅蘿蔔，例湯完全無味精，味道清甜。南乳碎炸雞炸雞炸至金黃香脆，十分乾爽，雞件細細件，正好一口一件，淡淡南乳香，十分惹味，而且不會炸得太乾。脆皮豆腐豆腐份量十足，堆砌成山般高，表面炸漿不算太厚，炸得香脆，豆腐嫩滑。阿華田雪山阿華田不會太甜，不過加了燕麥等粉則比較滯。咸檸梳打第一次見罐裝咸檸梳打，味道不會太甜，咸檸味清新解渴。

肚餓入左呢間新開嘅茶記。炸雞髀沙律，配凍檸茶。雞髀皮脆卜卜，好邪惡，但我鐘意。沙律係典型茶記果種，有青瓜、甘旬、薯仔，雖然可以改配薯條，但怕肥。所以食沙律算啦。D凳好靚，裝潢有點心思。