名朝特色火鍋 (Closed)

種類多，飲品多，甜品多有心太軟梳乎你，仲有綿花糖機。不過每次黎得好少，又漏單。有d熟食甜品出完就無，要快手呀。個地下超滑，真係要小心，一不留神真係溜冰。有個軟雪糕機但係唔敢試。菜類同粟米及面類就自助型式攞，肉就要落單，肉都算靚。但係就要狂吹單先有。

9:30pm入去坐，好抵啊$118/位+$30升級埋可食刺身，想嘔...一上台三文魚最cheap既野都可以變黑的，食都唔敢食，生蝦刺身系基圍蝦，雪到食果陣仲有冰的，完全無鮮味！叫左個胡椒豬骨湯，諗住叫個唔辣既，點知辣到飛起，要系甘加湯先無事。佢餸同野飲都有好多款，野飲有山水豆漿,山水豆腐花，阿波羅雪糕，但野食多款又點！叫左個鳳城水餃，酸左豆卜又酸左食左即刻吐出黎！肥牛，無咩野，普普通通，無牛味！午餐肉，系最正常，最好食既肉類！韓國公仔面有一包包獨立包裝！請都唔會再去！

呢間任食火鍋又有熟食又有甜品又有刺身，食過兩次都真心覺得好食又扺食，點知隔咗一排無去(我估可能大約三個月啦)，今次食完真係請我都無興趣。其實我光顧果日係星期一，仲係6點幾無乜人，餐廳人數真係一隻手數晒，但都唔明點解會慢成咁。D火鍋料到齊好耐，但個湯底就一直No Show，咁個員工見到都好好咁主動幫手跟進，但最後都要追咗幾次，起碼超過15分鐘先有。(不只我們，就連其他枱都一樣在不停催促)咁都算嘞，諗住食住刺身同熟食先，刺身之前係包埋，依家要另加30蚊，變相加咗價，其實加都唔緊要，但果D刺身同樣催完又催，又係等咗超過20分鐘先肯上枱，其實只係切幾片肉啫，最緊要係個場已經無乜人，小貓3, 4隻之餘亦相信唔係張張枱會加刺身，咁既速度究竟想點！忍不住睇下師傅有幾忙啦，見佢東張西望，摸下東又摸下西，都無打算SERVE咗客先！我仲聽到隔離枱的客人投訴話如果再無野上枱就會Cancel刺身果Part，無理由加咗錢但無野食！可能要投訴先得，之後就見有野食嘞。至於熟食，上兩次的款式多D又好味，炆冬菇超正！真係齋食熟食都飽。可惜今次款式減少之餘，亦只係D豬紅魚旦碗仔翅，完全無興趣，但由於湯底同刺身都No Sh

以呢個特價左既價錢（如要任食刺身船係每位加30蚊），任飲任食2個半鐘黎計，都係唔值呢。星期6晚去食，人多伙計小，叫個湯底都要等成15分鐘先上枱。雖然可以出去拎熟食，但款式不太討好.冷氣唔夠，我同友人邊食邊出汗，彷彿食緊麻辣火鍋咁款。花膠同手打丸類都唔太好食，肥牛一碟得3片，仲要係黎唔足碟數。值得驚喜既係本地手切牛，賣相同味道真係好。值得一提係甜品，真心好食，但我係黎打邊爐多過食甜品。（慶幸甜品好味同任食，但打邊爐黎計真係會失望）

今日去左名朝食晚餐，估吾到依家打邊爐都有埋酒店級甜品，款式又多，岩哂我呢d花心ge人啦！！而且個焦糖燉蛋味道1d都吾馬虎，外脆內軟，食落陣陣蛋香，好正啊！心諗，食甜品都飽lu

忙碌嘅時間已過去，又係俾自己輕鬆下先，三五知己又約埋去打邊爐，我地撰左名朝特色火鍋，佢睇佐敦莊士倫敦廣場６樓，我地入去先知唔一定食火鍋，原來仲有雞煲，我最鐘意，雞煲嘅味道非常濃郁，麻辣适中，适合我，食完雞煲后，可以打邊爐，蔬菜同各種火鍋料，十分新鲜，令我吃完主食後，我仲有—种回味無窮嘅感覺，仲有甜品食，心太软嘅朱古力味好重，梳乎厘嘅甜度岩岩好，，都係女仔最愛的嘢食，还有偶然會見到明星，我食完呢餐我好有满足感嘅一餐，

上個星期六大餐本身揀咗佐敦倫敦廣場嘅大鍋口, 但係因為太多人, 我地又餓到死, 所以迫於無奈之下搵過第二間, 見到六樓叫名朝特色火鍋有得任食, 所以最後就揀咗佢, 睇下佢有幾特色. 放工時間人唔算多, 同之前食嘅大鍋口比差好遠, 仲擔心會唔會唔好食架. 呢度地方乾淨, 坐得算係幾舒服, 初頭因為人較少所以吧檯唔算迫, 但到八點開始多人, 所以出面拎嘢食會有啲混亂, 但都算接受到.一坐低就叫咗椰子雞煲湯, 湯底味道好濃郁, 椰香味適中, 唔會蓋過雞香味, 另外上嘅雞好嫩滑. 火鍋配料好齊全, 手打四寶丸同雞豬肥牛都非常新鮮.出面吧檯係呢度最令我覺得有驚喜嘅地方–呢度竟然可以任拎刺身食! 平時打邊爐嘅地方都有刺身, 但係任拎就比較少見, 而且全部都非常新鮮. 外面甜品櫃款式數量同賣相都可以同出面餅店比, 當然味道同平時食開嘅貴價西餐甜品仲差一段距離, 但好有誠意, 連心太軟都有, 加哂分! 另外仲有棉花糖機, 好好玩, 雪糕方面, 名朝既雪糕係用牛奶公司, 味道方面大家都應該好清楚, 唔駛多介紹. 飲品同平時一樣啤酒汽水係出面任攞. 至於服務方面, 侍應都好好笑容, 好主動幫你手, 同埋做

10日內去左四間火鍋店打邊爐，一定要寫下食評記錄下每家的特色。5點零5分上到來，已經有10幾人等緊，等左大概10分鐘就可以入座，被安排坐係角落窗邊卡位，bb車有位放，bb好合作地係bb車度訓左個半鐘。早段時間人唔多，幸運地仲係頭30位，可以以優惠價$128享用火鍋放題。前身係重慶姑爺時來過，裝修，檯櫈，個煲都應係保留舊有的，點左菜膽豬肺湯底、用雞煲個煲上，兩個人食、感覺個煲太大，好多湯，好耐先滾起。期間拿左點刺身小食，三文魚魚味極淡、甜蝦ok、其他刺身有點乾，師傅頭個半鐘成日唔係檔口，只係攞左兩次刺身。炆冬菇好大隻、雞腳入面有當歸，杞子。炸魷魚鬚冇用燈照住的關係，拿返來即刻食都係凍的、豬軟骨個味唔錯但硬到咬唔開、咖哩魚蛋彈牙、燒賣就好粉。調味，丸，腸，菜，麵、飲品放出面自己拿。手切肥牛厚身好滑，其中一次比錯左豬潤。平時打邊爐牛栢葉食得多，呢度有金錢肚，好快稔。花膠唔似至X咁大件煲極唔稔，亦唔會似樓上兩間咁碎、蜆就非常多沙、好多唔開、蝦新鮮彈牙、紙上寫一份三隻，每次點三份，除左一次真係來九隻，其餘都係來四隻、牛舌個人認為都係比適合燒烤、鮮淮山，其他火鍋店唔覺有，平時自己都係買乾的，因為新

名朝作為一名愛美食神，冬天一到，總會想起熱騰騰的火鍋和香噴噴的雞煲的溫暖滋味。可是，又捨不得屬於夏日的魚生、雪糕和奶凍。如果你與愛美食神一樣花心，名朝能一次過滿足我們許多願望。訂座：衡量一所食肆是否有質素，通過瀏覽他們的網站，傾聽負責訂座安排的職員對待顧客的語氣便略知一二。根據我的經驗，名朝提供的訂座服務，職員語氣態度雖算不上高雅，但反應尚算敏捷。對於餐廳正推廣那些優惠，解答尚算詳實真確，可是欠缺耐性這方面倒是有改善空間的。優惠詳情：香港餐館的優惠如天氣一樣，會隨著時間變化之餘又不似預期，這是常理。因此，建議光顧前致電查詢。以下為我所知道的優惠詳情：1）首三十位進場顧客可享128元/位的優惠。（須加一、星期六日另加10元。）2）每六位，其中一位免費。（須加一）3）生日前後一星期光顧全單八折。（必須帶身分證以便落單前出示，以供核對）4）生日前後一星期光顧送生日蛋糕。（最遲1天前訂桌，4位以上，必須於落單前出示身份證）優惠1、2、3不得同時使用，只能選1。用餐時間2小時。用餐時段及價格如圖。 愛美食神溫馨提示：優惠總在落單前，問清價格至安全。環境氣氛：地方空敞，抽氣設備良好，裝修簡潔時

人多的餐廳有時真的有較佳口碑!這間餐廳人少少總有道理， 雞煲中伏。。。原本是去大鍋口，大鍋口實在太多太多人，晚上11時仍要等10張枱。。。轉戰這間餐廳試下。任食火鍋，見選擇也不少，就去試試。。。最開心的有刺身，三文魚十分肥美，另有魚，甘蝦，希靈魚。另外有熟食提供，如炸魷魚鬚，腸仔，甜品，不過賣相普通。。有牛奶公司雪糕，可樂等任飲。主戰火鍋類，但實在失望。因招牌雞煲雞件炒得太燶，一上枱已是偏燶的，員工再來協助炒開雞件，雞件較鞋偏老，味道有點單薄，欠了雞煲的惹味，加了湯更沖淡了，沒有味道，還帶點燶底的苦。實在需要改善!至於火鍋配料選擇則算不錯。海鮮類有半殼帶子，㠶立貝，蜆，有手打蝦丸，墨魚丸，海蝦，其他平價火鍋的大路貨色。總括而言，平價火鍋，選擇算不錯，希望湯底如果好的話，這間火鍋店也可一試。

早排聽老友話佐敦開咗間新任食火鍋試得過，所以前幾日咪上去試吓！點知上到去人山人海，等咗成粒鐘先至有枱，早知提早打電話訂位啦！終於可以坐低開餐，先叫個麻辣雞煲，干煎嘅又幾香喎，不過本人就覺得唔夠辣，問過伙記原來有分大中小辣的，下次真係要叫大辣試試！朋友去吧頭攞咗好多小食同日式刺身返嚟，基本嘢三文魚、甜蝦、玉子齊全，冬菇雞腳炸尤魚味道不錯，最搞嘢台灣腸，真係未試過喺火鍋店食台灣腸👍，有創意！火鍋料海鮮、肥牛、羊肉、丸、餃、菜基本有齊，質素未算頂級但比起其他放題火鍋算喺有交代！每位佰伍六蚊左右包酒水真係算好㗎啦！不用半粒鐘已經飽至停手，伙記話有甜品要自己去攞，咁咪出去睇睇，估唔到又幾好喎，竟然有心太軟，出面甜品屋買都要$4x蚊啦，呢到竟然有得食，其他甜品就迷你咗小小，但味道不錯，提拉米蘇加軟雪糕也值得一試！佢哋重有棉花糖，但本人就無試，大家可以試吓，應該幾好玩的！總結呢間火鍋店都幾好，真抵食，舊幾水伙記有招呼，老友無介紹錯。不過可能客人太多，洗手間地下比較濕滑，大家要小心，店家也應改善一下！

原本諗住食大鍋口，點知book唔到位，wake in 又要等2個鐘！咪走去第二間食！揀咗間冇乜人，心諗7點都冇full, 好食有限！點知有驚喜哦！味道唔錯，價錢公道。雞煲好味！火鍋跟單足，款多，性價比ok！竟然還有小食、甜品、雪糕，汽水啤酒全包

佐敦平價火鍋，充滿驚喜，推薦比大家！火鍋配料：一般火鍋配料也有，丸類極齊！火鍋湯底：多元化（麻辣雞煲、棷子雞煲、豬骨煲等....）！小食：咖哩魚蛋、台灣腸、冬茹等...甜品：極多款式，充滿驚喜！場內設自助雪糕機場、爆谷機、棉花糖機，另外亦有細杯裝雀巢雪糕任食。飲品：酒精飲品（額外收費）、各類氣水。醬料：鼔油、生蒜、炸蒜、辣淑絲、沙嗲醬額外驚喜：少量日式刺身（三文魚、希靈魚、甜蝦等）。服務：70 / 100P.S.：價錢 HKD $ 135 / 位（已加10%服務費）。不用電話留位，一般Walk-In 都立即有位。火鍋時段為：11:00am - 3:00pm 及 5:00pm - 3:00am（兩小時任食）。

朋友3人到佐敦食飯，見莊士倫敦廣場6樓再開任食雞煲（前身係重慶姑爺雞煲，）決定一試。朋友不太食辣，就點了椰子雞煲，湯底奶白色，有得多椰子，湯味濃郁，雞是另上的，份量很多，頗嫰滑。基本火鍋材料都有齐，共有幾十種選擇，肥牛質素不錯，芝士丸內餡芝士香味濃，更可拉出丝丝芝士，正！但薯粉太軟淋，非我所愛。另有刺身，小食和甜品供應，小食款式不多，刺身冇食，炸物太硬，其他還可以。但甜品卻令人有驚喜，款式很多。有多款涷糕點，焦糖燉蛋，梳乎厘，自助綿花糖機，爆谷機，更特別的是有即製心太軟，朋友食完一個即時再encore ，說是水準之上。整體來說不錯，可以再試。希望小食會有所改善就更好。