呦呦鹿鳴布丁燒

Open Now

Now Closed

椰爺布丁燒 🍮 Earl Grey布丁燒.第二次食呢間布丁燒啦😋上次食熱食既，今次撞唔岩新鮮出爐🔥，但一樣有凍食！試左earl grey布丁燒，首先茶味好香濃😍好似飲緊earl grey咁！布丁質感軟滑似mousse，布丁下層係蛋糕，非常軟綿綿接近入口即溶咁☺️加埋啲焦糖醬，正呀！.另外再試多款椰爺布丁燒，其實似雲呢拿味多d，椰子味🥥就食到較輕微😌但係相對黎講呢款比起earl grey就更食得出個布丁蛋香味。所以總結係各有各風味❣️

布丁燒! 焦糖布丁同輕乳酪蛋糕的結合，兩種不同風味的美食，一次享受!聞說葵廣有布丁燒既手作小店，恰逢經過，專程上黎試下布丁唔會有太多存貨，見小店都係賣得差唔多再整，口味選擇非常多小店旁邊有個超靚既打卡位，係黑板上人手畫得超靚，打卡控一定震踩踩點點左一個伯爵茶口味，堂食的話店員會幫你倒落紙盤，非常貼心❤收銀旁邊都個打卡位，好正😆講返布丁燒，因為自己怕食太甜既野，如果有得揀，都會揀茶類。小店有伯爵茶、焙茶、抹茶、鐵觀音、茉莉花茶，五款茶味都係低糖，好岩我!食落伯爵茶既茶味非常香濃，而且唔太甜，更能感受茶香，最底層仲有薄薄既cheese cake，雖然浸住焦糖，但都唔會太甜，整體口感幼滑，正💕💕可以提早預訂，散水餅真係食得太多西餅蛋糕同曲奇，下次可以食下布丁無咁悶😂

聖誕同愛人去左葵芳行街，行到餓餓地就當然要去葵廣掃街啦。一口氣衝上3樓小食街，食完d大路小食之後，就諗住行下望下仲有咩好野食，然後就被Top世界入面的一隻鹿吸引左我地行過去，原來係一間專賣布丁燒的鋪頭，係葵廣少有的甜品選擇！店鋪名叫「呦呦鹿鳴」，門前的一塊廣告牌上畫了一隻栩栩如生的鹿，適逢聖誕，配上的印有鹿的甜品，感覺好應節。門口的雪櫃放了九款不同口味的布丁燒，每款布丁燒都有一張精緻的手工畫講係咩味，好睇得出老闆的心思。而且每個布丁上都印有一隻靚靚的鹿，係賣相方面絕對係滿分。 不得不提的，仲有店的外牆有幅大油畫，上面畫上了不同口味的布甸，d公仔全部都係老闆娘自家設計，畫功超靚，幫襯完一定要打個卡先得，見到老闆對間小店落足心機呀！ 入返正題，見到咁多款布丁燒全部都心思思想食，最後見18+的Baileys係新出口味就買左黎試下，我就揀左earl grey。初時見佢一個杯裝樣，以為就咁食 ，點知原來係好似傳統焦糖布丁咁 ... 要反轉倒落個碟仔到食，倒出黎就有層焦糖喺面流落去，好正。想食之制，又見到收銀旁邊放左d好得意的馬林糖，馬林糖都係老闆自己親手整架！超有heart！最後忍唔住就揀左聖誕

葵涌廣場一向都夠曬多野食今日行街見到有間布丁燒門面設計得好靚，又有大大塊牆畫之後仲見到餐牌，有多款唔同口味既布丁燒款款都是$38再望望個凍櫃，嘩好多款式，好靚，小鹿圖案又可愛除左凍櫃有好多款式外，仲有式是新鮮出爐，香噴噴望了幾望，終於忍不住下手買了最後跟朋友一人買了一款店員仲好細心地幫我們把布丁倒出，以保布丁燒樣子不會走樣呢個皇牌好好味清新既椰子香味，好香好奶既布丁底部仲係蛋糕底所以一食起來有多重口感先是甜甜焦糖，之後是又香又滑的布丁最後是軟綿綿蛋糕另一款是伯爵茶味茶味相當濃厚鍾意伯爵茶的必要一試滋味又滿足既甜點我都是第一次試，好正

焙茶布丁燒 $38想食好耐既布丁燒，終於係葵廣買左。雖然成日覺得睇落細細舊唔值$38，但原來食落都OK。2個人Share食岩岩好，唔會太膩。雞蛋布丁既蛋香味道好出，焙茶味道就真係好淡。口感好柔滑，加埋黑糖漿好香甜。個芝士蛋糕底浸左焦糖 ，比較濕潤反而芝士蛋糕味道就唔係好出，但配搭都幾好味。 

📸#tagnshare葵涌篇- 《落足心機既小布丁🍮》食個甜品減減壓先! 🏋🏽‍♀️小店喺葵涌廣場既小巷內，依然有好多客人幫襯。店主用心介紹她每日親自製造既布丁燒🍮，每隻味道都想食🥣一層布甸一層芝士蛋糕🧀 配埋個焦糖醬，口感豐富😋 #唔太甜既甜品#店主親自畫既壁畫好靚#感受到店主既用心經營#連紙袋都好鬼靚 - 🙋🏻‍♀️高妹小編- 👇🏻地址👇🏻.呦呦鹿鳴布丁燒 (葵芳)葵芳葵富路7號葵涌廣場3樓TOP世界3069-T5-T6號舖-

周日放假無野做就黎到葵廣掃街喇，梗係去左3樓醫下肚先！ 行過3樓top世界巷仔發現左呢間香噴噴嘅布丁燒，望落好吸引，決定一試。見到餐牌上有多款限定口味，剩係茶類都有4-5款。呢度嘅招牌椰香味原來好出名上過飲食雜誌。但對於茶同酒控嘅我就決定試下限定口味。每個布丁燒售 $38Baileys 布丁燒新鮮熱辣出爐 $38為左迎接聖誕來臨，特意整個鹿仔Christmas 嘅印仔應下節。店家表示熱食就唔會倒轉，就甘一個兜仔食。 打開入面baileys 香氣出晒黎，布丁上面有一層好薄好綿密嘅海綿蛋糕，中間質地好滑好輕，而且底部全是baileys!另一個就選擇凍食。新推出嘅鐵觀音布丁燒望落動L動L甘勁吸引。凍食layer 更為分明，鐵觀音茶香回甘味後勁厲害，唔會太甜，中意飲茶嘅朋友一定會中意。一次過試晒凍食同熱食，完全兩種不同嘅口味！ 我就偏好凍食。如果baileys 係凍食可能更加正！

葵廣有好多小食，呢間係其中一間高質小店，店名好有詩意叫呦呦鹿鳴，意思即係叫大家一齊黎食布丁既意思，店主一手一腳研製口味超有心思。全店好搶眼既一定係個打卡牆，真係超有心思畫得超靚，仲畫埋每隻布丁燒既樣出黎做左介紹，大家買完仲可以拎埋去打卡真係一流。雖然店仔小小，不過都有好悉心既佈置，黎緊聖誕會有小小聖誕樹同好多可愛公仔，連個布廉都係印上左布丁樣，除左平時既幾隻味道之外，周末仲會有特別口味，如果想試下既記得要抽時間黎。每轉都有唔同既布丁燒出爐，今次到左出古力見到一個個熱辣辣咁放係度，印上左聖誕鹿公仔超可愛，其他整起左既就會放入雪櫃度，去到既時候幾隻味都仲有可以慢慢揀。招牌既《椰爺布丁燒》($38)，一倒就係滿滿焦糖，布丁燒面層用上北海道芝士做蛋糕，滑溜之餘芝味濃郁，布丁混入椰青水同椰青肉，聞落已經勁香椰味，食埋更有椰青肉好香，店主仲研發緊可愛蛋白餅仲有得率先試下添。岩岩出爐先有得熱食架，咁岩見到佢出黎就叫個《忘憂唂布丁燒》($38)，食落暖笠笠好warm，朱古力味好香醇唔係死甜果一種，加上聖誕特別版鹿印真係超有心機。店名：呦呦鹿鳴布丁燒地址：葵芳葵富路7號葵涌廣場3樓TOP世界3069-T

葵涌廣場非常繁忙既商場裏面出名非常多食店而每間食店都有佢獨特的特色去吸引人流呦呦鹿鳴布丁燒經過櫃位看見一杯杯布丁燒上面仲印有非常可愛的小鹿圖案外形看似每一杯都是一樣但原來內涵非常不同到底什麼是布丁燒？布丁燒分別有三層頂層係焦糖中間係布丁㡳層係芝士蛋糕首先去到櫃枱前選好喜愛既味道店員就會將布丁燒倒出可選在旁立食或外賣今次我試下招牌推介既椰爺布丁燒椰爺布丁燒係椰青口味布丁用椰青水制成內裏仲可食到椰青果肉布丁整得好滑底層既芝士蛋糕有少少奶香味不知不覺就將整件布丁燒食哂店舖原來仲有change spot 既租借服務日後唔驚出街冇電用la

星期日葵涌廣場人頭湧湧，3樓嘅美食樓層更加唔使講多人到行唔到！聽講最近又新開左一間特別嘅食店，就係呢間位於3樓嘅「呦呦鹿鳴布丁燒」。睇完餐單就決定試吓佢嘅招牌菜，椰爺布丁燒同埋忘憂唂布丁燒椰爺布丁燒原來係椰子味嘅布丁燒，未食已經聞到淡淡嘅椰子香味，食落去仲內有乾坤入邊有一粒粒椰子肉每一啖都食到清香嘅椰子味，布丁口感滑溜，最底嘅蛋糕亦鬆軟，不過如果可以少甜同埋少啲汁會更好呢個同其他味道嘅布丁燒有少少唔同，係熱食嘅！忘憂唂布丁燒以朱古力口味而製成，買嘅時候仲係啱啱新鮮出爐，熱辣辣架唔知係咪係熱食嘅關係，布丁口感比較杰，不過就食到好香濃嘅朱古力味，又唔會太甜，若然用再濃啲嘅朱古力就可以令布丁燒更加香醇，個人認為冬天食呢一款就最啱啦除咗招牌菜之外，仲有週末限定嘅各種茶味布丁燒，而且每款都係少甜，啱哂追求健康嘅您

平日去葵廣搵野食真係眼花撩亂，今日心思思想食甜點所以去左葵廣3樓top世界間自家製布丁燒，睇下佢有咩口味先。其實前前後後都食過三四次，因為有時佢新鮮出爐熱辣辣其實真係食落暖笠笠，不過要小心嘅係因為布丁杯底部係滿滿焦糖，倒落碟嘅時候要小心唔好彈到四圍都係呀。今次買左兩款口味 - 雲呢嗱同回魂味，即係咖啡呀，因為拎走嘅關係所以叫左凍食留待下午茶慢慢嘆。店家好用心用上唔同燙印，之前見過鹿仔印，halloween 印，估唔丁今次係聖誕節印呀！布丁倆都震騰騰，倒出黎都格外小心，一倒落焦糖水就衝出黎，上面布丁下面芝士蛋糕底都淋滿焦糖，真係心心眼呀！凍食都食倒滿滿雲呢嗱同咖啡味，布丁幼滑面芝士蛋糕又係另一個口感，如果係熱食仲可以聞到店家新鮮出爐嘅蛋糕香味。不過新鮮出爐就要碰運氣先食倒喜歡嘅味道喇。

“布丁燒”呢個咁有層次嘅甜品，我已經想食好耐喇！今日就去搵呢間人氣甜品店「呦呦鹿鳴布丁燒」食吓佢有幾好味先，遠遠已經見到呢間以白色簡潔為主裝嘅小店，令人覺得好整潔，再配上精心手繪嘅餐牌、同埋係黑板上面嘅畫，店主一定放咗好多心思落去，以上都咁用心做，佢哋嘅“布丁燒”一定無得輸啦…… 左揀右揀之下就有以下選擇：1.          “焙茶布丁燒”﹝熱食﹞；2.          “鐵觀音布丁燒”﹝凍食﹞；及3.          “回魂布丁燒”﹝凍食﹞。 店主好細心咁教我將“布丁燒”分先後次序食同講凍同熱嘅布丁分別，首先原杯食食熱嘅“培茶布丁燒”👍🏼👍🏼，滑滑嘅質感好似燉蛋，香香嘅焙茶味慢慢咁由奶香布丁滲出，再挖深d將焦糖浸滿芝士蛋糕同布丁上，又有另外一種味道喔！跟住就食凍嘅“鐵觀音布丁燒”👍🏼👍🏼👍🏼，凍嘅要倒出嚟上碟食，用匙放入時覺得凍嘅質感係實小小，但食落依然好滑溜，鐵觀音嘅茶味較焙茶特出，茶香、奶香、蛋香、焦糖香甜一次過放晒入口，好好味呀……. 最後到人氣第一位嘅“回魂布丁燒”⭐️👍🏼👍🏼👍🏼⭐️，一食滿口濃濃咖啡味，再加埋芝士蛋糕同焦糖，真係好食到停唔到口囉，怪不之係人氣榜首第一位

上次經過呦呦鹿鳴呢間舖已經俾佢啲可愛嘅布丁仔吸引住😍 但真係覺得有貴($38/個)所以無食到... 今日趁住葵涌廣場有$5支付寶現金優惠，同埋啱啱新鮮出爐，即刻心動要去試下（其實全部都係藉口，老娘就是要吃掉你🤗）有椰子、咖啡、雲呢拿、焙茶、伯爵茶等等多款口味，我地就揀咗椰子味啦～店員將杯裡面嘅布丁倒落紙碟仔上面，見到個布丁震騰騰嘅樣子已經食指大動🤤 食落好香好滑唔在講，而且真係有椰子肉添，好有椰香味呀！不出一分鐘已經將成個布丁食哂，果然係正！唯一嘅缺點就係份量太少啦，買多個又有啲貴... 如果可以推啲第二個半價之類嘅優惠就好啦☺️

葵廣出名多美食，今次黎試左呢間以布甸聞名既小店～一向不太愛食甜品嘅我，試完呢間鋪既布甸燒後，真係不得不推薦大家來試下！好鐘意店的牆壁畫，好靚好可愛！原來有雜誌採訪過，見到d 相已經流晒口水！即管試下係咪真係咁吸引！布甸燒有三層味道，上層係濃郁既焦糖味，中層係滑溜既布甸，最底層就係香濃細緻既芝士蛋糕，吃起上來很有口感，甜度適中～布甸燒亦有不同口味選擇，包括綠茶味，焙茶味，椰子味等～今次就試吃了呍哩拿味及綠茶味～綠茶味不算濃，但吃落又不會被焦糖及芝士蛋糕的味掩蓋～而呍哩拿味味道濃郁，布甸內仲會見到一粒粒的呍哩拿籽，味道配搭完美～值得一試！除左食布甸之外，店外仲有個好靚既打卡位俾大家同布甸影下相～正丫！😁

一食即刻愛上嘅布丁燒～!葵廣多嘢行，多嘢食我相信就係人都知。但之前係IG見到人post依間布丁燒嗰陣，已經俾佢個賣相深深吸引着，好，今日放工即刻去試吓先！ 鋪頭喺葵廣3樓TOP世界入面, 一轉入去就係，冇出面其他小食檔咁嘈雜，感覺乾淨企理！唔知老闆定老闆娘，美術方面一定好有天份，外面餐牌同黑板都係人手畫上去，仲要畫得勁靚！好有心機！其實呢次都係我第一次食布丁燒，看圖識字，原來布丁燒即係分三層，最高嗰層係焦糖，中間係布丁，最低果層就係我最愛嘅芝士蛋糕！我哋今天點左兩款口味，分別係椰爺布丁燒同抹茶布丁燒。 我地先食椰爺布丁燒，估唔到佢入面竟然加左椰青肉，口感好新鮮，亦好重椰子味，好好食！之後我地食抹茶布丁燒，淡淡嘅抹茶香味混合埋芝士蛋糕簡直一絕，呢個口味亦係咁多款入面最能食到芝士味嘅一款～最後忍唔住，encore 試埋咖啡味，呢個未入口已經聞到好重嘅咖啡香味，食落去好似Tiramisu 嘅特濃版咁，好味道，但同前面2款口味比，我略嫌佢蓋過左芝士蛋糕嘅味道，如果想試哂幾款的話，應該由抹茶味開始食先～估唔到布丁燒可以咁好食，期待佢之後會出更多唔同嘅新口味喇～