呦呦鹿鳴布丁燒

Open Now

Now Closed

之前其實已經試過一次新鮮出爐earl grey, 覺得蠻好食又唔會太甜，不過一直懶懶閒無寫食評0.今次黎到試多左兩款，就一次過推薦下口味其實眾多，特別係茶味-鐵觀音抹茶焙茶抹茶，其他有椰青咖啡朱古力等. 劃一價 $38 件.見到牆身有2款好靚盒，原來買夠6件會送今次同fd 試左signature 椰青同後方新鮮出爐焙茶.椰青味真係好香，間或仲夾有椰青碎增加口感. 同埋正如前述，甜度真係剛好. 個人大愛食唔同甜品，但好怕太甜. 味道上呢度布丁剛好，既有椰青香甜度又恰好不膩. 不過前一次都係就咁畢黎食，今次老闆娘幫我倒轉係盤，覺得反而焦糖浸腍下面軟芝士蛋糕，口感上反而不太討好. 個人覺得就咁畢黎食更好另一款焙茶，其實係見到有新鮮出爐先選擇，點知老闆娘直接攞雪櫃存貨😂 蛋糕面上印有店logo +上2019 豬年，幾可愛. 凍食焙茶味都幾香，但個人覺得熱食茶味應該更濃郁不過都無失望，有機會下次想試埋鐵觀音同抹茶. 一邊牆畫都好可愛，影完先發現. 應該係呢度影更靚

葵涌廣場小食多～甜品小食都選擇不少～這間人氣布丁都挺吸引～有賣不同口味的～有新鮮出爐和凍的可供選擇我就選了伯爵茶味的。職員幫我從雪櫃拿出布甸，在碟子上緩緩的倒出布甸，面層濃濃的焦糖流出，伯爵茶味布甸清甜，底層有輕芝士蛋糕底，為布甸添上不同的口感～

久久沒有黎葵芳行街了, 係呢度最近都開左不少小店, 而且食評都係大讚! 本身黎之前已經搵左有幾間都想試, 但最後有2間好似都已經轉左第2間舖頭喇!其中呢間布丁燒都有book mark到, 今日難得黎到當然要試下佢喇!!之前都有睇過店子有好多味道, 咁多款入面點左2個同男朋友一齊share男朋友食既係原味, 原味用上係新鮮呍呢拿籽做成, 所以呍呢拿味都幾香芝士蛋糕同布丁味層次都幾分明布丁口感一如以往既布丁一樣但就格外多左一份呍呢拿香氣同芝士蛋糕一齊食變得多左一層口感 回魂布丁燒 一問先知原來係咖啡味見到呢款口味竟然係No.1? 真係要試一試之前一路都好怕咖啡味會好濃好重反倒食落唔會覺得over左而係恰到好處咖啡味唔會喧賓奪主下層係芝士蛋糕, 因為吸收左布丁既焦糖令芝士蛋糕帶點濕潤度布丁燒整體唔會好甜, 所以真係會令人食上癮!!呢度既布丁燒真係名不虛傳, 我地仲一致覺得咖啡味比原味更勝一籌! 本身想再試多一個, 不過因為要再食其他野食只好收手喇><唯有下次再試其他口味la

呢個命名係希望將美味既布丁燒分享比大家😄呢度係由一對情侶一同營運，老闆娘主要負責甜品製作，而老闆則負責銷售、管理😉門外仲有老闆娘親自設計既手繪打卡牆，超美的😗----------椰爺布丁燒 $38呢個係用左椰青水整，有清甜既椰青味同有咬口既椰青肉粒😃椰青同甜品好夾，中和左甜味，完全冇膩既感覺😍布丁好滑，蛋糕好軟綿綿，又有淡淡既芝士香味😋芝士蛋糕比起元朗果間厚，焦糖液份量相對偏少，布丁燒倒模之後焦糖液浸唔過芝士蛋糕既一半，不過有個好處係芝士味會突出啲😀

難得志趣相投，放假相約好友去葵涌廣場行街，通常會就由1樓慢慢行上去，行到3樓見到有間食布丁既鋪頭仔，門口企滿哂人，鋪面全係小鹿為主題既佈置，包括埋布丁面都印有小鹿標示。有幾隻布丁味，我買左招牌耶爺布丁燒🌟HOT，熱既可以賭 .....出黎食，好似圖一樣頂係焦糖、中間係布丁、底係印有鹿仔既芝士蛋糕，食到香滑耶青味+芝士，比一般布丁好味。而朋友簡左18禁-Baileys🌟COLD🙊😂，酒味可以再濃少少會好味d，食完無暈無醉可以行到條直線呀！

自從葵廣變左掃街勝地之後都好耐無去過, 今日放假就同呀媽行下街, 順便食野!呢間布丁燒都HIT左好一陣子, 今日去到終於食到!口味實在太多選擇, 除左木板上面既味道, 當日好似仲有其他口味, 好似係鐵觀音/培茶等等, 不過呀媽唔鐘意食茶味既野, 所以就叫左招牌椰爺味同雲呢拿味!2個個樣好相似, 不過睇真D雲呢拿味係有一粒粒雲呢拿籽, 食落好香滑, 布丁加埋芝士蛋糕真係好好食, 口感變得豐富左! 椰爺味仲有驚喜, 因為椰子味好香, 而且有粒粒椰肉, 更加有口感, 而且椰子味仲帶有清新感覺,推介!

間中又想來葵廣行個圈，今日試左幾間之前一路想試嘅食店，除左手卷、冷麵，就來左位於3樓TOP世界角落位嘅呦呦鹿鳴布丁燒，一直都見過唔少人介紹，好有興趣。中午時間來到，隔離左右D鋪頭都未開。布丁燒鋪位都幾大，側邊有幅好大嘅插畫，原來係店主自己親手畫，又幾得意，善用空間之餘，又變埋鋪頭特色，可以打下卡。畫中簡單介紹左佢地嘅布丁燒口味，畫得幾靚除左即食布丁燒，佢地都有做D百日宴、散水餅ar、宴會等大量預訂，我已經心思思想訂！鋪頭都掛左好多插畫，寫左佢地嘅限定口味、推薦口味。布丁燒嘅口味非常多，呢個係佢地嘅特色，幾有新意，唔係淨係得朱古力、原味、抹茶呢D比較常見嘅。仲製作左好多例如椰子、咖啡、豆腐、百利酒，最特別係茶味布丁燒：鐵觀音、焙茶伯爵茶同茉莉花，款款都好想試。點左兩款試下，包括招牌嘅椰爺布丁燒同焙茶布丁燒，店員會幫我地調番轉個布丁，如果想影相可以同佢講聲。因為布丁燒上燒左個2019字眼嘅logo架，都好靚椰爺布丁燒真係幾特別，有好重椰子味，好fresh！最正係食到有椰絲，好有新鮮感面頭加左焦糖，但唔會好甜，布丁動L動L，好滑，最底係芝士蛋糕，三層好夾。另外焙茶果款都好特別架，茶濃突出，香

葵廣一向多好野食，但最衰成日都咁多人，所以通常都‘了’去三樓入面既小巷～～貪無咁多人知行到一半就俾凍櫃裡面齊齊整整既布丁燒吸引住，一片金黃好治癒剩係揀食咩味都有排揀，好多選擇，每一隻都好特別好吸引最後終於揀左招牌既椰爺同焙茶老闆娘會即刻喺雪櫃拎出黎倒模奉上，見住佢動L動L咁即時食指大動招牌既椰爺係原味裡面混入真椰肉，表面既焦糖布丁好嫩，香口甘甜，甜度岩岩好裡面既椰肉同底下軟熟既軟芝士蛋糕增加左口感，唔會成舊布丁好膩咁。好茶既我極推薦焙茶！！茶味濃郁，入口伴隨烘焙既香氣，比起椰爺多左份微甘，唔好太甜/中意飲茶既一定要試見評論好多人推薦忘憂谷，可惜我去到既時候已經沽清，新一輪未出，下次再黎一定要試下！

近排為新居揾飾物所以周圍行有小舖的商場，葵涌廣場係宜家香港少有吾係比大品牌壟斷，仲有特式小品買的商場，而佢仲有另一特式係好多"街頭"小食店，口痕想食咩都有得食。今日行過見有布丁燒， 見個招牌名"呦呦"幾得意， 又見咁多人排隊，就去試下。見有抹茶口味， 作為抹茶控的我當然要試下啦， 好彩仲要淨番一件， 遲啲都冇😅抹茶味出奇地重(my favourite)，吾會死甜，中間食落好似有摸絲同蛋糕兩重口感，好特別。另外試左原味，雲呢拿味好香，口感好滑溜又吾會好甜，作為飯後甜品一流臨走見佢有出爐熱食既朱古力味，下次一定要試下

放工和老弟回到葵芳，見回家晚飯前還有點時間，所以逛了一圈，在呦呦鹿鳴吃了一個布甸才回去。其實早已經知道這裏開了一段時間，但每次經過都沒有試，今天終於找到機會。布丁味道選擇也不小少，我選了椰爺布丁燒，老弟就選了會回魂布丁燒。椰爺顧名思義就是椰子味，食落口有陣椰香，較輕身。回魂就是㗎啡味，好濃郁。布丁質感好滑又香，很好食！小小的布丁印上小鹿圖案，再入啲之前，店員還特意讓我們先影相，很細心。店的周圍又畫上壁畫，配合店面！雖然只係小店，但出品的確令人驚喜。來葵廣掃街，不可以錯過它！

朋友仔住葵芳，約佢行新都會，葵涌廣場最方便，2個商場由細行到大，又多野買又平，最啱假期去Shopping.葵涌廣場3樓外圍，出名多小食，近年擴充至商場入面，有好多新小食店，我地見到有間靚靚牆畫布丁燒，布丁有很多特別味道選擇。🥰招牌是＜椰爺布丁＞及人氣No. 1＜回魂布丁＞由於我們一個是抹茶控，一個是酒鬼，所以就叫了各自的心頭好，＜抹茶布丁＞及＜Bailey布丁＞。＜抹茶布丁＞似乎都不輸給人氣及招牌2款布丁，很多人都買這款。抹茶香濃帶甘，配糖漿很好吃，蛋糕底較多，但我們很喜歡，不會太膩。🤩另一款是＜Bailey 布丁＞又香又滑，有少許Bailey味不過份，布丁比較多，有點吃燉蛋的感覺。🤩剛剛看見每天新鮮出爐的，香噴噴。😋吃一個其實也挺飽肚，這個足料的布丁，大家不妨當一個下午茶去吃吧。😍

在等待交收的時候，我和姨姨趁著空檔去葵涌廣場覓食，我們一直都想去吃呦呦鹿鳴布丁燒的布丁燒，只不過每次吃完鹹食已飽足，今次我們先吃小小的布丁燒，再嚐鹹的小食。呦呦鹿鳴布丁燒頗多口味，我最想試是椰爺布丁燒，其他地方都沒有椰青口味的布丁燒供應，但它太好賣，一早已售罄，唯有轉吃另一喜歡口味鐵觀音布丁燒，至於姨姨則吃抹茶布丁燒。抹茶布丁燒讓姨姨非常驚艷，亮晶晶的焦糖誘人極致，吸引她的目光，想馬上一親抹茶布丁燒的芳澤。抹茶布丁燒那滑溜的布丁質感十分討喜，抹茶芳香，底部的輕芝士蛋糕濃而不膩，滋味滿滿。鐵觀音布丁燒使我超級心動，傾流而下的焦糖美不勝收，鐵觀音布丁燒清甜迷人，茶味醇厚，尾韻微微回甘，是茶迷喜愛的茶風味，一口便能滿足我對鐵觀音布丁燒的嚮往。

今日放工同同事經過葵涌廣場，唔太肚餓，但係又想食啲甜品，不知不覺上到3樓，見到一間外邊擺滿自己畫嘅鹿圖案嘅poster，本來係藝術工作者嘅我都覺得非常特別連餐牌同介紹，都係人手寫上去，感覺非常有誠意佢既燒布丁有多款口味，仲有我最鍾意嘅鐵觀音，我哋一行四人真係忍唔住每人點左一個我呢個低糖鐵觀音燒布丁相貌平平無奇，但食真啲，就會食到陣陣嘅鐵觀音茶香同事就點左一個Baileys，寫到明係18+，真係好搞笑，味道都唔錯，可以更重味點另外同事都點左一個焙茶同埋咖啡口味，倒左出嚟個樣差唔多，同事話焙茶香得來又帶點甜，而家咖啡真係非常適合鍾意飲咖啡嘅朋友啦香港依家真係好難得有呢啲咁有誠意嘅餐廳，我覺得香港人應該多啲支持香港自家製嘅文化

「呦𠯻鹿鳴布丁燒」剛開業的時候，同事購買了一個帶回公司和筆者分享。那次是筆者初次認識和品嚐布丁燒，那股香氣令人非常深刻。今天終於有機會親身到達現場購買。店舖旁的一幅壁畫簡直令筆者嘆為觀止。店主更透露是其親手設計繪畫，能夠廚藝畫藝兼備，筆者深表佩服。店內常設的布丁燒口味有5款：椰青、咖啡、抹茶、雲呢拿和巧克力。而正值星期五的今天還有週末推薦的限定口味。同行友人率先點了店舖招牌作的椰爺布丁燒，故名思義就是椰青味。布丁燒這項甜品源自日本，其實就是在原有的焦糖布丁上加上一層乳酪芝士蛋糕，最後用燒熱了的模具在蛋糕上烙印。布丁燒質感有如豆腐般嫩滑，有入口即溶的感覺。布丁層的焦糖味非常香濃，甜而不膩。蛋糕非常軟鬆，帶有陣陣芝士香。一羹下去，既有布丁的細滑又有蛋糕的軟綿，2者結合得天衣無縫。咀嚼時分別有焦糖甜味和芝士咸味。然而，布丁燒到喉嚨間後又開始散發出椰香，味道層次竟能如此豐富。點餐時，店主表示有時間可以等待即將新鮮熱辣的布丁燒，看看熱食和凍食的分別。於是筆者和友人等待布丁燒出爐後再點一個咖啡味的布丁燒。回魂布丁燒更是店內人氣第一的產品。這時可以看到蛋糕面上的烙具圖案是店名的小鹿。熱食的布丁燒果然

期待已久既布丁燒，今日終於試到啦🥳前面已有幾個人排緊隊，但店員手腳快，5分鐘到已經為我地送上布丁🍮一共有幾款不同味道，咁一場黎到當然要試返啲特別啲既口味啦！我地就選擇左椰爺布丁燒(椰青口味)，以及伯爵茶口味。朱古力同埋咖啡味都幾吸引，下次有機會會試埋佢！另外都想讚一讚呢間小店嘅環境，非常夢幻。後面仲有個打卡牆，有唔少人喺嗰度打卡影相。兩款口味個賣相同顏色差唔多。椰爺口味比較甜，應該有一層薄薄既焦糖，口感較滑而且冰涼。而伯爵茶布丁燒則伯爵茶味重。上層布丁，下層有芝士蛋糕，一個布丁燒，兩款口感。