唯一麵家

Open Now

Now Closed

我記得之前嚟過都唔係咁鍾意呢個熟悉廣場food court嘅嘢食，一嚟污糟，二來選擇少性價比好低！雖然佢價錢係唔高，但係佢絕對唔係抵食冇嘢想食之下，呢間車仔麵嘅物體話可以菜底，所以就食呢個加豬膶$36 ，但係勁差！豬膶雖然係新鮮豬膶，但係好似途中只係得啲濕濕碎碎八粒左右…然後個湯底勁酸，底下嘅菜底數掃埋埋都係應該得兩條菜心，因為佢將啲菜心剪碎，而且顏色好黃食完之後個胃勁唔舒服…… 唔知係選得滯定係唔乾淨？😭😭寧願唔食嘢。 好像貼錢買難受。

西九龍中心唯一麵家套餐L 牛展上海麵 煎蔥油餅再加一杯豆漿剛煎好的餡餅放在湯嘴 熱辣辣加上辣椒醬最好食豆漿偏甜但唔酸冇苦無豆渣正常發揮牛展份量足 同湯夠味道 亦夠熱上海麵唔會唔熟好生咁基本上沒有可以挑剔之處當然如員工更熱情招呼會更加分味道也未到令我要返食始終週圍選擇太多下次會轉其他食店更好西九龍環境太差尤其那張凳簡直趕行

天氣凍就想食啲熱辣辣既野～今日就決定食呢間係西九龍中心food court既唯一麵家，主打北方麵線同埋餃子、鍋貼等等～我揀左擔擔麵+窩貼+豆漿，都只係$42，非常扺食😂擔擔面既面底係粗面，口感比較淋，我個人就中意硬少少，肉醬都幾惹味，稍嫌湯底唔算好濃～而鍋貼就煎得好香，皮脆，而且饀料都好足，點少少醋同豆瓣醬就更加正～整體呢個價錢黎講，質素都唔錯，覺得佢既煎野應該係比較出食，下次有機會會試佢既葱油餅😎

西九龍中心的食物廣場一向是小店的集中地，食物中西日韓各適其適，應有盡有，實在令人眼花撩亂，行了一圈都不知選什麼。終於選了這間上海小店，見有各種不同款的套餐，既有牛肉麵、擔擔麵、豬扒飯、雞翼飯，又有鍋貼、蔥油餅等，全部三四十元，還包括豆漿😀我選了燻魚麵，有兩塊燻魚，味道不錯夠晒味，但略嫌多骨。上海麵大大碗，我只是吃了一半便飽晒。湯底雪菜味香但不會過鹹，蔥油餅煎得好香而且份量不少。豆漿黃豆味濃，不太甜。以$45這個價錢來說，價性比非常之高現在香港的食物廣場買少見少，有多種選擇而價錢廉宜的更加罕見，下次必定再來試試其他食店的小食

一碗酸辣湯麵加一杯豆漿，需要多少錢？答案是$25 ，這真是一個性價比超高的下午茶餐。這酸辣湯麵份量不小，湯頭味道很濃，適合喜歡重口味的朋友，當中有大量木耳絲、豆腐絲等食材，不過面煮得有點過軟。豆漿可選凍或熱的，我選了凍豆漿，豆漿不太甜，味道也不錯。

昨天跟朋友上西九行街買口罩，行到攰想上去坐下食下野，見朋友講這家好食，朋友點了一碗東坡肉麵跟北京餡餅，我看這不錯，所以我也去看看，見到這北京餡餅好像不貴，13元一塊，所以就點了一塊，然後見天氣冷，要了杯熱豆漿，就6蚊，平價抵食，豆漿新鮮清甜，很好味，北京餡餅即叫即煎，所以要等得耐少少，要等十五至二十分鐘左右，但非常值得，餡裡材料豐富充滿在餅裡，皮薄香脆多汁，跟甜甜的熱豆漿非常之配合，超好吃滿足，下次會再來吃

又係西九龍FOODCOURT既抵食之選。其實咁多間鋪，有時真係選擇困症。不過就係中，日，韓，印，泰，台。講得出既地方食物都可能係宜度搵到。今次泥到宜間最入，角落頭位既中菜。好多唔同既中式野揀，上海粗炒呀，擔擔麵，東坡肉麵，北京餡餅。。。。我就見到北京水餃，同雲吞想食！正當諗唔到食邊樣好既時候，見到水餃雲吞可以雙拼！仲同單叫一樣咁平，都係$25就有6粒即叫即煮，而且得一個姐姐一腳踢，所以都等左10-15分鐘～食了！水餃雲吞都好大粒啊！好多涵又多汁！仲有豆辦醬可以點宜度既水餃同雲吞既分別，我本以為係雲吞有蝦。但原本兩款既涵都無蝦，都係菜肉。分別係在於個皮既厚薄，同埋包法～ＨＨＡＡＨＡ我食完都係揀唔到邊個好味Ｄ嫁，有得一碗食唒２款，下次都梗係會照咁叫。佢個湯落左麻油，所以幾香的～

之前食過荃灣分店，無鍚排骨麵，餡餅，好好食。今次黎到food court，再試下。叫左北京雲吞麵配特沙，熱豆漿($38)。雲吞有3大粒，每粒既餡料包滿肉碎，一咬就有好多汁流出黎。麵質唔會煮得過"林"，而且份量多。唔知係味可以叫淨雲吞?特沙其實即係豆沙鍋餅，一碟有4件，豆沙餡多，啖啖都食到餡料，即使放耐左先食，但外皮都脆脆地。不過，麵同鍋餅交替食，就會feel到碗麵有少少少少鹹。可能其他人覺得唔鹹。整體，雲吞大粒抵食，不過個人都係鍾意去番荃灣個間多d，可能環境感覺上好d。

自此沙田間唯一摺左之後， 試完荃灣同葵芳嗰2間都覺得麻麻地。 今次再試埋西九龍呢間， 估唔到都幾好味雖然餐牌有啲唔同， 但啲套餐好似仲掋食， 我同先生叫左個牛展麵配䓤油餅套餐加東坡肉麵配北京餡餅套餐， 炒埋菜心。套餐跟凍豆漿。啲牛展同東坡肉都好好食， 入味又軟熟，唔會咬唔開。 碟菜心炒得有鑊氣件餡餅同䓤油餅係我至愛餡餅會爆汁架䓤油餅又香又脆 下次想試埋佢個紅豆餅， 唔知有無沙田嗰間嘅水準

比起昨天的寶哥差得多，這個擔擔麵完全沒有火喉，雖然好像等了十分鐘左右，但是湯底也好像只有顏色，沒甚麽煲過似的，只有溫度，沒有火喉。還要是最後再加一層油，旁邊有點肉碎及放鬆，其餘的餡料不多。麵條較為軟林，完全沒有嚼勁，上面只有少許好像有麵豉、花生、肉粒，沒有其他配料了。相較超來，三隻鍋貼的質素不錯，內裏餡料挺多，韭菜還幾香，煎得香而不算太油膩。雖然是煎禍貼，但是也不是非常油膩，這點值得一讚。所謂的名店唯一麵家，在其他分區可能比較好(如荃灣、葵芳)，在西九龍美食廣場的這間，真是比起樓下那一間「劣評甚多的寶哥」還要差。環境當然欠佳，因為這裏只是西九龍廣場的美食廣場，座位都是自己找的，有些更加是傾斜的座椅，坐得一點兒也不舒適。

為食死肥佬來了~Y0, 今日又係西九龍8樓今次見佢間餐廳好有上海風味的感覺,所以試一試依間本身為食及食野好唔健康的小弟一冠作風咁叫左個梅菜扣肉飯等左十分鐘左右就有得食, 價錢為30蚊,仲有杯豆漿送 但係個飯就一般啦 個肉咬落去好"鞋". 啲汁都唔算太入味,有啲感覺係汁同肉唔係一齊煮咁而已肉只有相中見到個幾舊,下面個啲全部都係梅菜, 但係啲梅菜都比較重味左少少雖然我叫左佢多汁, 但係從飯上面的汁我食到好似好稀咁下次再試下佢其他野食先再同大家分享

今日途經西九龍？又好肚餓就上左8樓food court。行左一個圈，搵左間食上海菜既唯一麵家。叫左一個店主推薦既上海粗炒。大慨等左5-6分鐘就有得食。一上台熱辣辣，香氣十足。瘦肉夠入味，但係肉只係得好小，但菜就好爽口，清甜，只係麵味偏咸。總括黎講都唔錯，最緊要係性價比高，價錢平宜。

一聯想到深水埗美食，不外乎蝦子麵、腸粉、豬潤麵等等。 除了街邊的地道餐廳之外，西九龍中心裏面亦隱藏著很多不同美食。位於八樓的food court人流暢旺，尤其中午時間附近學生特別多。逛了一逛最後還是決定食之前在尖沙咀已經試過的唯一麵家。午餐餐牌有好幾款定食可供選擇，多以一碗麵食配自選一款小食及一杯豆漿，不但分量非常充足，而且價錢相宜，一個餐盛惠 $38。北京水餃麵分量非常多但味道普通，水餃餡料味道適中，而且是每天新鮮自家製造的，不錯。原本套餐是配餃子的，但餐廳啊姨非常好人，幫我將餃子換作餡餅！餡餅裏面是韭菜豬肉，味道偏淡而且有點乾身，而且食到後面的麵糰稍微未完全煮熟，勉强算不過不失啦。

上個星期五同同事一齊行佐去西九龍中心食飯因為大家都想食唔同野結果上佐food court個日好想食上海野於是就揀佐食唯一面家叫佐個香炸雞翼飯連豆漿先$29因為想嗜甜所以外加了一個豆沙餅一共都係$39因為係即叫即煮所以好熱好新鮮個雞翼好脆!個豆沙餅好足料一個lunch$40唔晒，食到爆晒實在是開心星期五!!!

當天買左1份正餐之後,想叫多個小食share~買左1份紅豆餅 $6都幾大個,個皮很QQ,我地切開4件黎食~真係幾多豆沙餡,無紅豆粒~很熱騰騰呢~甜度適中~唔會過多油!買完之後,等5min左右就可以取喇!service ok的