喜盈樓 (Closed)

路過上去一試！下午茶時段價錢平！假日再加3蚊，叫了2個孖寶優惠加埋茶$加一剩惠$77元，去邊度搵呀！稍為好D是燒鴨瀨粉！有鴨味，但燒賣皇4粒就麻麻哋D豬肉好鞋和硬！乾蒸牛肉賣4粒亦差死硬冇牛肉味，醬皇蒸鳯爪就太咸！希望改進吓可再去幫襯！

昨日和我家人一心試下這酒樓，因為好耐冇幫襯過，我家人見到的碗碟都覺得好污穢，所以都洗左2片。本來都冇大問題的，直至叫左個虎皮尖椒，一食落去都覺得不對路，點解的魚肉完全唔實的，很奇怪。之後都覺得算啦一次半次，點知到左近下午5點左右，我媽媽已經肚痾及嘔吐，我都有肚痛。直到今日，我和媽媽今日都仲肚痾及肚痛。真心想講，這間酒樓真係完全唔得。講衛生，連碗碟都那么污穢，真係印像分大減講味道，除左腸粉還算幾好外，其他都只有差評，虎皮尖椒固然係恐佈級別，魚肉那種質感實在太唔正常。好大機會都係這味點心出問題，食材處理完全唔得。講服務，全場得幾個侍應，冇人執枱，連埋單都要自己出去埋。總結：永不錄用，可唔可以快點換間有心做，有質素既餐廳。

我最近第一次嘗試去光顧呢間嘢。我叫點心時，夥記拎咗幾樣我根本冇叫過嘅點心，跟住落單個夥記走來用粗口罵我, 叫我唔好亂劃點心紙，但事實係根本係有其他人後來劃多咗幾樣嘢。 呢間酒樓幫客人入單，應該睇清楚客人叫咗啲乜嘢先好入單。佢不單止冇睇清楚就入單，仲要鬧客人，連個經紀都態度差。第一次嚟呢間原來待客態度咁差嘅酒樓！

男侍應錯落炒粉麵單，倆個人點計都不會叫4個啦，同佢講咗先落一個芙蓉蛋飯，稍後才叫點心，佢無上心，原來單張下排俾人劃咗幾個餸，佢都唔問客？佢啊姐簽番單後，佢仲喃喃話我哋唔睇嘢，過馬路唔睇車㗎？我哋感覺受人欺負囉。男待應仲要我哋先埋單後食嘢，點解佢唔帶結帳單嚟俾客埋？我哋倆評佢完全唔識乜嘢叫服務囉!

通常和靚媽及仔仔去食火煱，三個人位消費，由伍佰元起錶至仟六，七元是少不免的結賬数目，但在8月6号在這間酒楼，食咗餐無論火煱食材，餐前食品，酒水甜品，調味醬料，待應服務，環境衛生，個人覺得有A至A+級評分嘅，任飲，任食火煱晚餐，此店收費不但低簾，而且更無將貨就價的情況出現，各樣食品都新鮮美味，湯底更是益街坊，就算食客選擇鴛鴦湯底，也不會另加費用，飲品亦有多種選擇，除咗礶裝啤酒汽水，健康飲品，更有枝裝大啤供應，是其他任食火煱少有的飲料，當晚我和靚媽固然食得開心，飲得暢快，就連好似小林尊上身的細仔仔，都話抵食到爆。

打邊爐係我屋企人嘅至愛之一。放工之後偷懶唔想煮飯，拉上大隊去喜盈樓食任食火焗（四人同行丶一人免費，全無加一，人均消費$111）絕對物超所值。除咗一般的火鍋材料外， 還有手打的蝦丸丶黑毛豬梅肉丶牛梅肉丶鮮蝦丶脆肉鯇丶白沙蜆丶手打鯪魚肉。 同場亦有好多熟食（包丶點心丶豬紅丶春卷丶咖哩魚蛋、豬腳薑丶鮑汁鳳瓜及涼伴青瓜及雲耳），另有加了陳皮的紅豆沙，使人驚喜萬分。飲品可算多元化，有健康的無糖烏龍茶丶綠茶丶 台灣仙草茶丶各式韓式飲料及一般汽水啤酒。雖然雪糕不算上等貴價款，但杯裝雀巢雪糕味道齊全，滿載兒時回憶。員工和善有禮，環境亦光猛清潔。兩個多小時後一家人食飽飽而歸。這性價比高的任食火煱值得推薦。👍🥘😋

本身與家人想飲海港，但由於太多人，而呢間可以即時入座，便轉檔比次機會佢。兩間茶樓對比，這間實在太冷清，仲有好多張吉枱，一入座都擔心會中伏。幸好，味道無中伏，最喜歡蒜香蝦春卷。食物送到時都熱辣辣。可惜環境衛生不太好，碗筷感覺上較舊有漬。食食下聽到客人尖叫聲，原來是有隻老鼠在他們枱底經過。衛生情況有待改善～不過食物味道是不錯的，只是茶很濃但無咩茶味。叫左8樣野，埋單$211。聽聞夜晚打邊爐好抵，有機會會再嘗試。

價錢吸引，又見食評中相片食物應有盡有，所以一試。6時到達，量體溫後入座。了解一下後，點了鴛鴦鍋，皮蛋芫茜及豆腐清湯。好欣賞店舖提供任選鴛鴦湯底，又唔需要加錢。點菜紙款式唔算多，只係基本嘢。落了單後就出去攞醬料及熟食。出面D熟食唔講得少，可能始終係酒樓，所以牛肉，蒸糕等點心冇難度、但對於我而言確係驚喜。本人encore咗兩次馬拉糕及奶黃包，重有薑汁棗王糕，而出色嘅有春卷，一來剛炸起，脆卜卜，春卷內的蝦又大又爽，冇得彈。至於烚吓烚吓食物中，最出色係菜肉餃，好大粒，好有咬口。大雲吞中的蝦亦好大粒同爽口。蝦類食物認真唔差。食到中途，自助桌又提供燒鴨及雞。甜品有紅豆沙，盒裝豆腐花同雪糕雪條！啱啱食完，又心思思想去！

工作忙左成日，同友人黎打邊邊食餐勁！😚黎到見到幾多人食，都有啲期待！😎友人吾係咩湯底都啱，所以我地叫左最簡單好味嘅皮蛋莞茜湯，清清地又下火👍。講到火鍋料吾算多，坐低有碟蝦送，部分比較精緻嘅料就填紙仔叫，包括牛肉豬肉魚呀手打丸同蜆之類，其他普通料同蔬菜類就出面自助拎，另外仲有啲熟食好似魚蛋同雞腳呀咁，仲有多款罐裝汽水任飲。講真野食吾算好多，但質素估吾到又幾好喎！蝦丸彈牙牛肉夠林又有肉味，蜆又肥又無沙！友人都話可以encore！🤗

這家店新開張兩三個月，在開張初期我們試過去一次飲茶，那個時候菜單上很多菜式都沒有供應。今次再去，好似沒有了這個問題。我們在公眾假期午飯時段去飲茶，優點是不用等位，三個人埋單$200。在屋企樓下，算是方便便宜。蒸的點心普普通通，整體來說大粒飽滿彈牙。值得一提的是這裏有鵪鶉蛋燒賣，算是現在比較少見的傳統點心。菜苗蝦餃有點蒸得太久，皮變得很薄，一夾就散。煎堆仔裏面有流沙奶黃餡，算是有些亮點。忘記拍照的還有金磚豆腐，三十幾蚊大大碟，好抵食。蠟味飯小小的一盅，大小都不是重點，但煮得真的有點hea，可以跳過。整體來說以街坊餐廳標準算是可以，感覺開心過幾十蚊食個碟頭飯。

Casual hotpot dinner. Great variety of food. Hot appetizers, curry fish ball and ice cream are included. Beef and dumplings are fresh and good taste. Good service. Reasonable price.