嚐喜大不同特色餐廳小廚

Open Now

Now Closed

叫左外賣臘腸排骨飯臘腸半條都唔夠 排骨得三舊 仲要多骨飯無焦香唔似煲仔飯第一次寫食評 梗係唔好食先忍唔住寫啦⋯⋯想去食既要三思雖然話係連煲拎走 但係個煲新到唔似用黎整過煲仔飯 似換殻不可一不可再

呢間店嘅煲仔飯喺北角天后區都算有小名氣，北角都有間店嘅。煲仔飯我就未食過，今日未食午餐就過嚟買一買下午茶先。下午茶時間無乜客，選擇都好多，正常茶餐廳食到嘅呢度都有，佢所有炒粉麵飯都一律$35！❤️ 櫻花蝦炒飯連飲品 $35個飯同食午餐分量一樣，都裝滿哂個飯盒。但餸就唔多😕 蝦得幾粒，櫻花蝦都唔多，個炒飯唔太食到蝦嘅香味，所以keep住食成件事好單調。擺耐咗仲有陣油膉味。好食度：⭐️⭐️ (2/5)餐廳推薦度：⭐️⭐️✨ (2.5/5)今次炒飯有少少失準，可能下次再嚟食真係淨係試佢個煲仔飯算，炒飯我就唔太推介喇。

今年疫情嚴重，同家人商量決定提早在家做冬至。在屋企附近訂咗啲外賣。胡椒豬肚包雞、油泡笋殼魚、冰鎮咕嚕肉、秘制瓦煲雞。先講，豬肚包雞，有啲藥材一齊燉，飲完胃暖暖地，驅寒一流。笋殼魚，食嗰陣仲脆，不過記得要豉油另外分開。咕嚕肉，啲冰分開咗，啲汁酸甜啱啱好，正！隻雞一流，師傅唔知用乜嘢香料，焗到好香，食落極之好味😋不過價錢就⋯⋯，一年一次食豪DD🤣下次再試下煲仔飯，老細話可以原煲外賣，不過係要收按金

今日買咗個外賣生炒糯米飯 糯米飯炒得乾身配料又好均勻 份量仲好足 味道唔錯 唯一就係臘腸少咗啲 個外賣盒細咗啲 令到糯米飯un得好實 有啲唔夠完美！下次再試下其他 夠80個字未！！

冰鎮脆皮咕嚕肉外面脆卜卜入面又熱又juicy仲要外凍內熱酸酸甜甜真係幾多都食得落呀🤤.因為太鍾意所以突登order 大碟嘅🤩你哋見唔見到我超滿足嘅笑容呀??!!.呢度之前告急過如果有經過就幫襯吓等我可以繼續嚟食咕嚕肉💛

很久也沒有接女朋友下班, 在這秋意漸濃的晚上, 簡單的一餐煲仔飯晚餐, 最能填飽我倆的心靈和肚子, 因為時間不早, 想找間方便我們回家的餐廳, 所以選擇了這家在天后, 主打炭燒煲仔飯的嚐喜大不同. 這家和西環的嚐囍是同一個集團嗎? 我也不知道, 但說到這裏的炭燒煲仔飯, 我覺得一般而已. 飯焦成形但飯身過於濕潤, 而且配料如白鱔及排骨, 份量偏少也不夠入味, 整個煲仔飯味道淡然, 唯有透過豉油去提味, 炭烤味也不太香濃, 以八十多元的定價應該有其他更好的選擇. 反而另一道煲仔小菜, 黑椒牛仔骨更合我胃口, 煲仔的熱度, 以及舖面的錫紙, 令黑椒醬的香濃味道更為撲鼻, 牛仔骨肉質和口感還可以, 比起煲仔飯的處理更為簡單, 但更得我心.

今日黎到天后區享負勝名既中菜館：嚐喜大不同，呢度最出名係煲仔飯，主廚當年係由西環坤記過檔而黎，但今日因為要買番屋企食，唯有下次先😂😂頭先講到最出名係煲仔飯，另一樣出名既野就係呢個冰鎮咕嚕肉，呢個係細板，但一d都唔細，咕嚕肉炸到好香脆，冰鎮令佢保持外表既脆，必食之選👍🏻👍🏻👍🏻而另外呢個順德焗魚腸又係另一特色，依加香港地好難食到，呢度魚腸唔會太腥，但又有魚腸既鮮味，高質既魚腸👍🏻👍🏻整體來講好出色👍🏻👍🏻

冰鎮脆皮咕嚕肉 （小） $98雖然整體份量不多，包裹在肉外的粉漿比例較大，但皮脆內軟 而且外面冰凍內部還是暖暖的。 椒鹽鮮魷魚 $80粉漿較肉大，椒鹽味道足夠，不會太鹹，整體十分脆口，惹味。炭燒豬頸肉 $98風味和串燒店吃到的炭燒豬頸肉不同，有香矛味，燒得剛剛好，不會太乾，有驚喜。錦繡海鮮豆腐煲 $75豆腐數量多，海鮮較細小，醬汁味道美味。香酥腐皮墨魚卷 $88墨魚卷炸得剛剛好，十分香脆，肉質彈牙，只是份量較少。窩蛋牛肉飯 $75牛肉佈滿飯面，鼓油味道不會太鹹，有飯焦，既有咬口又甘香。蒜茸炒菜心 $58二人份來說，尚算足夠，有蒜容味，油份不多。 整體來說，份量較少，若多人進食要多點幾款菜式。 如想看更多食評可到以下網址, 歡迎 follow foodie_ghost_x2:
(Instagram) https://www.instagram.com/foodie_ghost_x2/ 作者：(Openrice) 食小鬼

有晚收工同朋友食飯，當時仲未有限聚令，當清風街有一半餐廳唔開晚市嘅淡市底下，呢間都有7成滿，算係幾受食客喜愛其中一位朋友喺附近返工，佢話呢度剁椒煲仔飯好出名，我地叫咗個肉餅嘅食剁椒嘅辣度幾勁，肉餅幾鬆同肉味意外地鮮甜，淋上豉油後成個組合好惹味豉椒炒蜆配香煎米粉好食，唔會蜆還蜆汁還汁，蜆肉都幾漲卜卜同甜但最精彩嘅係個煎米粉💪🏻未食過咁好心機煎嘅米粉，酒樓收同樣或更貴價錢都食唔到咁勁有耐性慢慢煎先做到咁脆而又唔燶，雖然唔平但真係值👏🏻👏🏻👏🏻仲要咗個菜，正常發揮員工們都幾熱情，反應好快，上菜速度都幾好，價錢正常水平，食物唔錯，值得一試👏🏻

店如其名，嚐喜大不同特色小廚，菜式都幾特別嘅港式中菜，北角同天后都各有一間分店，地鐵站都係行幾分鐘就到。近排受好多因素影響，入到鋪都易搵位，坐低落完單之後，好快好快就上到菜。先嚟招牌菜，冰鎮咕嚕肉，佢個盆好似特製咁，咁啲冰溶咗嘅水係唔會浸住啲咕嚕肉，令咕嚕肉變淋，保持外皮嘅脆脆。咬落口，外脆內軟，外冷內熱，好值得一試！呢度嘅煲仔飯係強調用碳火煮嘅，白鱔嘅表面被火輕輕烤過，精華都跌入啲飯裏面，飯焦啱啱好，只能夠話師傅嘅手勢一定有返咁上下嘅經驗。但令我最意外嘅竟然係一支啤酒，一支雪到接近冰嘅啤酒，以前通常只會大排檔先有，配上㷫烚烚嘅煲仔飯，完美。

第二次嚟哩間野食飯，因為知道哩到有好多懷舊小菜，所以今次就帶埋媽咪嚟食🤓餐廳好寬躺，亦都有好多位，之前要訂位先唔駛排隊，但好彩果日唔駛等就直接有位坐🤓坐落都夠舒服，唔駛同人地迫👍🏻🥢馬拉盞啫啫通菜煲 $70通菜煮得夠熟，最怕啲通菜太生會好硬好難咬。菜都好入味，鹹香味十足，肉碎有輕微炸過嘅感覺，送飯一流😋🥢煎鹹鮮黃花魚 $80本身對條魚無咩期望，點知皮脆肉嫩，幾有驚喜！魚皮保持到乾身唔會濕，但亦有鹹味，而肉都好鮮甜👍🏻 🥢白鱔臘腸煲仔飯 $88煲仔飯係即叫即做，等左大概30分鐘左右就有，都算快，啲飯焦唔會太燶，係脆卜卜果種，而臘腸唔會太多肥膏，好食☺️ 白鱔個豉汁好惹味，可惜啲飯淋左啲，如果唔係哩個煲仔飯就無得彈。🥢沙葛家鄉炆草鴨 $148媽咪話出需好少見有哩道菜，所以見到哩到有就即刻叫嚟試下。個汁甜甜地，沙葛配埋個汁就更加甜，鴨肉炆得好腍，但我就麻麻地甜嘅餸。餐廳仲有好多懷舊同特色小菜，好適合帶長輩嚟食🤓應該仲可以嚟多幾次，試勻佢唔同嘅小菜🥰

收到網上號召，支持一下，估唔到野食又ok喎，好適合一大班人聚會，嗌餸食飯～冰鎮咕嚕肉 小份$98第一次試冰鎮咕嚕肉，估唔到又幾特別喎！外皮炸得好脆，放落冰上之後外脆內軟，外冷內熱，好得意喎！咕嚕肉酸酸甜甜，好開胃！白鱔排骨煲仔飯逢食煲仔飯都必點白鱔，呢間不過不失啦！味道唔錯，暖粒粒，不過鱔好似得2舊左右，飯焦唔係好夠焦香… 鹹魚雞粒豆腐煲最鍾意呢個豆腐煲，本身就鍾意食豆腐，仲有粒粒脆身鹹魚！夠鑊氣之餘唔會太咸，送飯一流～

天后區附近美食多不勝數，但價錢都偏貴，今天意外經過見到天后區有間茶餐廳，而且價錢相宜，決定入去試吓！一個午餐只係45 ，仲包埋餐飲今次叫咗蝦醬蒸豬爽肉飯，$45，份量偏多，蝦醬味重，豬爽肉比例好好，唔會太肥，肉好好食。我仲撈飯真係好正，最衰冇得添飯，如果唔係食多幾份都仲得，10分推薦。而環境亦都算闊落乾淨，職員態度都親切有禮💪🏻💪🏻💪🏻如果大家經開天后而想食平d，絕對係一個好選擇❗️❗️❗️❗️❗️❗️

I have to say I rarely intiate any arguments with anyone while dining outside. However, what I had last night was totally beyond my expectation.I arrived at about 710 pm with my friend. Fortunately, we did not have to wait much to get seated so it came as a delight to me. After ordering dishes (crispy squids with pepper, clay pot rice and choi sum) which I believed the waitress heard clearly what I said, it simply took me 10 mins for the squid to be delivered. However, it took us another 30+ min

支持香港人小店！今日星期日這間大排長龍的天后冰室，好多客人排隊等待。環境明亮乾淨，服務員好勤快好有效率，都有禮貌！食物有午餐特價小菜（跟餐）、常餐、鐵板炒麵、芝士撈丁、午餐、多士餐、粉麵餐等，好多款式選擇。 我們點了2個午餐套餐（跟飲品）：剁椒蒸肉餅及蠔仔肉碎泡飯，剁椒好香、肉餅好軟腍又熱辣辣，配上另上的比較硬身的白飯；蠔仔肉碎好咸香、乾淨蠔仔、配上莞茜及香蔥，泡飯連湯濕濕地好味；見其他客人點冰鎮咕嚕肉，又凍又熱又脆卜卜，酸酸甜甜好開胃又惹味，配飯好適合；鐵板牛柳絲炒麵就要等耐少少，香噴噴熱辣辣，配有芽菜及香蔥段，牛柳絲又軟腍，又多汁又大碟，好吸引！更有炭燒煲仔飯及清湯羊腩