嚐喜大不同特色餐廳小廚

Open Now

Now Closed

早兩日同朋友到此餐廳食早餐，點左個沙嗲牛肉麵腸仔煎蛋，娃娃沙嗲牛肉鬼咁咸，腸仔蛋凍冰冰，個麵仲係生骨嘅,杯奶茶👟拾拾。當時真係想換過碗麵，但朋友講咗句算啦最多下次唔嚟。唉...以為有咩大不同，失望😞

今日月月友生曰，甘岩大家住附近，咁佢地建議過來這間，我冇意見，打算試試，茶餐廳格局，咁都有上網睇下有咩好食！首先前菜點左一個糟卤鴨舌，一個炸雞軟骨，咁我覺得個雞軟骨好食d,佢係用粉漿包住一齊炸，口感錯，鴨舌冇咩特別！到主菜，點左：碳燒牛仔骨，哚椒蒸魚云，立味煲仔飯，豉汁蒸蟮，再叫左油浸筍縠，感覺佢哋都有心做，咁既價錢，都交到貨！個侍應同我講，佢哋都有寫菜單，下次人多可以試下！呢餐都滿意，價錢唔貴，三個人六百幾！會再來試，忘了影相！

因為朋友在平日時段試過晚飯小菜好滋味，幾有鑊氣。 於是今個星期六，我哋一齊再試下，可能因為假日全場爆滿，人太多所以小菜略有失色。 我們一行十二人都選擇了好幾個小菜，比較突出就是這裏的煲仔飯，小炒王和時令的淮山雲耳炒木瓜。 這裏的感覺有點像室內的大排檔， 略為逼夾， 不過價錢就平宜，平均每人大概百元左右， 朋友話平日水準味道爭好遠，下次要選擇平日先嚟食過。

好好食！強烈推介炭燒臘味煲仔飯！最衰冇田雞！麻辣魚撲煲！海鮮蛋白！冰鎮咕嚕肉！外脆內嫰！又坐得舒服！員工服務態度又好！好好人！價錢又相宜！一定會再嚟幫襯！！記得提早望吓預訂菜式！

上次去完食私房菜，今日落去再食海鮮，今日師傅幫我安排咗潮式凍蟹，龍蝦，佢較咗兩個汁醬都好惹味，今日同佢地講開，原來佢地有好多特別野食，有個叫桃膠燉雙雪，又有一個新鮮藤椒雞。下次又再試下

之前聽個朋友講呢間野有做私房菜，膽粗粗打電話去問，佢安排咗好多特別野，由其是佢個個頭盤泰式舟山海蜇頭夠惹味，個個甜品好似叫桃膠燉雪花都好食，淨係食佢個個刀功都值回票價，話說佢地班樓面服務都幾好安排得唔錯，有問必答，難得一見

有點兒睇唔過眼,個茶水佬當食客盲㗎! 真心忍唔住要post 出嚟! 大佬呀, 今早走去食個relax 嘅早餐, 平時間中都會幫襯呢間茶仔, 以前覺得地方大食物正常都算合格, 但今早我面向吧枱條茶水佬型到冇朋友, 一路好忙整早餐，一路含住枝煙係咁吸係咁噴煙氣出嚟，omg! 當住咁多食客面前係水吧做場食煙仔show......咁型佬呀! 你食煙仔唔該你mou 低食或去後欄食. 啲煙頭加料落啲早餐ABC ... 唔加錢. 多謝哂! 大家想試下可以試下，講完!

早幾日行完維園，行去天后水星街，見到大不同個招牌，啲朋友講到底有乜大不同，就入去試一試。我地叫左好多野，最令我難忘就係：火焰鹽焗雞、冰鎮咕嚕肉、剁椒肉餅煲仔飯。聽個男侍應講，剁椒自家，少少辣，ok啦。個侍應話個火焰盬焗雞，用新鮮雞即時焗，要20分鐘，再加上冰鎭咕嚕肉，一啖咕嚕肉一啖盬焗雞，一冷一熱，食得好特別！佢哋啲煲仔飯仲用炭燒，有飯焦香味，聞到都想食肉餅唔係太厚，肉汁滲入啲飯𥚃面，加上剁椒，開胃。

成夜晚九點自己一個搵食，都唔知食乜好。結果見到哩間大不同終於唔駛等位。九點都仲賣煲仔飯之前食過北角個間，哩間保持水準。煲仔飯d 飯好有飯香，加咗鼓油焗一焗，煲邊d 飯焦簡直係成個煲仔飯嘅重點，香口夠脆。配埋泡椒滑雞，夠辣又夠咸，送飯一流。其他小菜都好吸引，有d 菜色需一早預定，下次再試。

Just a casual dinner near home when we did not know where to go and did not want to cook. Lol... We were not so hungry, but these two dishes we ordered were quite filling. Steamed Japanese white eel with glutinous rice was okay. I mean it was tasty, but the slices of eel were too thin.Sauteed clams with deep-fried rice noodles on the other hand, was good. Rich in taste, yet not too salty. Clams were fresh and clean. The sauce came along was for dipping the rice noodles. It was so good that we di

平時食開佢哋嘅煲仔飯+冰鎮咕嚕肉，都巳經好好味， 後來聽D職員講， 餐廳新加咗啲私房菜式， 就同屋企人試下， 都好好味，好特別價錢又合理順便講下， 佢哋都幾犀利， 早餐、午市、 下午茶就行冰室， 晚市就造煲仔飯+特色小菜， 難得係樣樣都唔差唔知喺邊度搵啲咁勁嘅人返嚟

Been a chilly few days so decided to visit 嚐喜大不同 for some homey clay pot rice. ☺️ They use traditional coal fire to cook their clay pots which is a nice touch but to be honest I would recommend 金東大 or 坤記 to get your clay pot rice fix!Their 冰鎮咕嚕肉 was nice though - Cold and crunchy on the outside, warm and soft on the inside 🙌🙌

外賣等左四十分鐘原來仲未開始整，仲睇住我坐係度四十幾分鐘完全無理過我 之後絕對唔會再幫襯I am so pissed off原本叫尚喜是吃煲仔飯的一家茶餐廳，現在不只是換了老闆和所有夥計，簡直離噻譜張order紙擺係最中間，完全沒人幫手整，阿姐仲要和其他夥計勁大聲係度吵，開口閉口都係d粗口，當住客人面講非常粗的粗口我簡直o噻嘴我係水星街都係住左三年幾，勸d街坊唔好再幫襯佢。我都係同佢取消張單算數，寧願當浪費左四十分鐘都唔比佢賺我錢。

廚師太忙？定揾左個水吧佬整煲仔飯？啫都唔啫吓，搞到個飯水汪汪？以為我地仲係細蚊仔整爛飯比我地食？定係我真係似食開軟飯？個飯落地，啊姐再三提醒仲扮跌蓋等我地以為個飯好熱？見佢雞手鴨腳我地唯有自己黎。 妖，原來一切都只係個啊姐FF, 完全唔夠熱，基本係連個蓋都唔辣手嘅？好啦，煙都唔煙吓唔緊要，我加左雙腸，點都有啲煙燻味解下癮係咪先？入口，What!? 腥臭就有？完全無焦香味？ 起底有飯蕉，但係我塊面仲濃過佢？想唔想像到爛飯焦左係咩事？well, 你可以試吓濕左嘅威化餅，可能係因為潮濕嘅源故？鱔 , ok ,我係食鱔唔係食鰻魚，我唔會怪佢又瘦韌又乾仲有骨lun..臘潤腸，偏肥，啲香味融入唔到個飯？成件事咪係腸有腸食飯有飯食？ 我修正,係腸有腸食，鱔臭係同個飯融合到太極一樣。Anyway, 總好過食白飯咁dry? 成件事唔係唔好食咁簡單，係難食， 好難食 ...係呢刻我好後悔點解唔搭多個零站去北角揾一粥麵醫肚。係呢個moment 我地唯有叫個白飯頂住檔，點知，以為得啲煲水汪汪？少年我太天真啦！正因為你係少年，你只可以係爛飯，Sor, 係軟飯。 就係咁，2 碗軟飯放係我面前，就算比多一萬光

今日同屋企人來左這間小有名氣的小廚食晚飯，我地叫左一份蒜蓉炒白菜、鹹鮮桂花魚同享負盛名的臘味粒煲仔飯。老闆話之前這個煲仔飯只有4人份量，但宜家就做埋一人份，因為好多食客鐘意。由於煲仔飯係即刻做，老闆堅持要用石油氣將飯煮至收水先放上炭爐上煲，所以要等大約30分鐘。於是我地就食左其他餸先。基本上蒜蓉炒白菜只要夠鑊氣嘅話，就會好好食，宜依度係做到的。比較特別係條鹹鮮，首先好少地方有，我係第一次係出面食飯見到。因為條魚本身係已經咸，所以唔需要落豉油，而亦都吊到魚本身的鮮味，食落比一般蒸魚更鮮甜。最後食煲仔飯時，依度的煲仔飯的確比出面有更多飯焦，如果鐘意食飯焦的話一定要來試試。而白飯明顯受熱均勻，每粒都有炭香。而臘味不論質感還是味道都好，絕對值的再來。